ក្រុមអ្នកជំនាញឯករាជ្យ UN អំពាវនាវឲ្យបណ្តាប្រទេស និងបណ្តាញសង្គមនានា ទប់ស្កាត់ការប្រើភាសារើសអើង និងអុជអាលនាំឲ្យស្អប់ខ្ពើមគ្នា

10:39 2019/09/25

ក្រុមអ្នកជំនាញឯករាជ្យអង្គការសហប្រជាជាតិ (UN) ចំនួន៣០នាក់ បានចេញផ្សាយលិខិត ចំហរួមគ្នាមួយ ដោយអំពាវនាវឱ្យប្រទេសនៅលើសកលលោក និងក្រុមហ៊ុនបណ្ដាញទំនាក់ទំនងសង្គម ទាំងអស់ចាត់វិធានការសកម្មភាពទប់ស្កាត់ការរើសអើងពូជសាសន៍ ឬភាសារើសអើងទាំងឡាយ។ នេះបើ តាមការចេញផ្សាយដោយទីភ្នាក់ងារព័ត៌មានចិនស៊ីនហួរ នៅថ្ងៃអង្គារ ទី២៤ ខែកញ្ញា ឆ្នាំ២០១៩។

ក្រុមអ្នកជំនាញឯករាជ្យ UN អំពាវនាវឲ្យបណ្តាប្រទេស និងបណ្តាញសង្គមនានា ទប់ស្កាត់ការប្រើភាសារើសអើង និងអុជអាលនាំឲ្យស្អប់ខ្ពើមគ្នា
ក្រុមអ្នកជំនាញឯករាជ្យ UN អំពាវនាវឲ្យបណ្តាប្រទេស និងបណ្តាញសង្គមនានា ទប់ស្កាត់ការប្រើភាសារើសអើង និងអុជអាលនាំឲ្យស្អប់ខ្ពើមគ្នា។

ក្រុមជំនាញ UN ក៏បានឱ្យដឹងដែរថា ពួកគេទទួលបានរបាយការណ៍ជាច្រើន ពាក់ព័ន្ធនឹងការកើនឡើងនៃការរើសអើងពូជសាសន៍ ឬភាសារើសអើង ការញុះញង់ អំពើហិង្សា និងភាសាបង្កជម្លោះ ហើយដែលនេះគឺជាពេលដែលយើងទាំងអស់គ្នាត្រូវចូលរួមទប់ស្កាត់។ ការប្រើប្រាស់ភាសាទាំងនេះត្រូវបានគេមើលឃើញថា បានកើតមានឡើងកាន់តែច្រើន នៅតាមបណ្តាញសង្គមធំៗរបស់ពិភពលោកដូចជា Facebook, Twitter និង YouTube ជាដើម ដែលសុទ្ធសឹងតែជាវេទិកាអាចឲ្យមានការបញ្ចេញមតិដោយសេរី និងជាលក្ខណៈកំបាំងមុខក៏មាន។

គួរបញ្ជាក់ថា បើតាមក្រុមអ្នកជំនាញ UN ការចាត់ទុក ឬការពិពណ៌នាលើមនុស្សមួយក្រុម ឬជាតិសាសន៍មួយជាក្រុមបង្កគ្រោះថ្នាក់ គឺជារឿងមួយដែលអាចនឹងបង្កឱ្យសោកនាដកម្មកើនឡើង រីឯក្រុមហ៊ុនបណ្ដាញទំនាក់ទំនងសង្គមនានា គួរតែធានាឱ្យបានច្បាស់លាស់ថា ខ្លួននឹងមិនអនុញ្ញាតឱ្យមានការប្រើប្រាស់ភាសា ឬសកម្មភាពរើសអើងពូជសាសន៍ ព្រមទាំងការអុជអាល ឬញុះញង់បង្កអំពើហិង្សា កើតឡើងលើបណ្ដាញទំនាក់ទំនងសង្គមរបស់ខ្លួនជាដាច់ខាត៕

 

(ប្រភពព័ត៌មាន: freshnews)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll