កងទ័ពជើងទឹកវៀតណាម កម្ពុជា ពិនិត្យបទពិសោធន៍ការល្បាតនៅតំបន់ទឹកប្រវត្តិសាស្ត្រ

លោកឧត្តមនាវីត្រី Mai Dang Danh និងលោកឧត្តមនាវី ម៉ី ឌីណា ធ្វើជាសហប្រធានសន្និសីទ។រូបភាព៖ Van Dinh

លោកឧត្តមនាវីត្រី Mai Dang Danh អនុបញ្ជាការ និងនាយសេនាធិការនៃបញ្ជាការដ្ឋានតំបន់ទី៥ នៃកងទ័ពជើងទឹក និងឧត្តមនាវីទោ ម៉ី ឌីណា មេបញ្ជាការ​មូលដ្ឋានសមុទ្ររាម បានធ្វើជាសហប្រធានសន្និសីទ។

អ្នកចូលរួមក្នុងសន្និសីទនេះរួមមាន ឯកឧត្តម Lai Xuan Chien អគ្គកុងស៊ុលវៀតណាមប្រចាំទីក្រុងព្រះសីហនុ លោកវរសេនីយ៍ឯក Tran Tuan Phong អនុប្រធាននាយកដ្ឋានអនុព័ន្ធយោធាវៀតណាមប្រចាំកម្ពុជា លោកវរសេនីយ៍ឯក Luong Quoc Anh អនុបញ្ជាការនៃបញ្ជាការដ្ឋានតំបន់ទី៥ នៃកងទ័ពជើងទឹក លោកវរសេនីយ៍ឯក Phan Duy Cuong អនុបញ្ជាការនៃបញ្ជាការដ្ឋានតំបន់ទី៤ នៃកងនគរបាលសមុទ្រវៀតណាម លោកនាវីឯក ជុំ សុផល ប្រធាននាយកដ្ឋានប្រតិបត្តិការនៃកងទ័ពជើងទឹកព្រះបរមនាថកម្ពុជា លោកនាវីឯក គង់ សាម៉ាត អនុបញ្ជាការនៃបញ្ជាការដ្ឋានការពារកោះ និងឆ្នេរសមុទ្រកម្ពុជាព្រមទាំងតំណាងមួយចំនួននៃស្ថាប័ន និងអង្គភាពពាក់ព័ន្ធនៃប្រទេសទាំងពីរ។

ទិដ្ឋភាពនៃសន្និសីទ។រូបភាព៖ Van Dinh

នៅក្នុងសន្និសីទ ភាគីទាំងពីរបានវាយតម្លៃថា៖ ការល្បាតរួមលើកទី៧៧ និង៧៨ ដែលបានរៀបចំនៅខែធ្នូ ឆ្នាំ២០២៤ និងខែមីនា ឆ្នាំ២០២៥ នៅតំបន់ទឹកប្រវត្តិសាស្ត្រវៀតណាម-កម្ពុជា កងទ័ពជើងទឹកនៃប្រទេសទាំងពីរបានសហការអនុវត្តប្រកបដោយប្រសិទ្ធភាពនូវខ្លឹមសារសំខាន់ៗ រួមមាន៖ ការហ្វឹកហាត់សញ្ញាដៃ ពន្លឺចង្កៀង និងសញ្ញាសំឡេងតាមច្បាប់សញ្ញាអន្តរជាតិ។ ការហ្វឹកហាត់ចលនាក្នុងទម្រង់ជួរនាវា ការហាត់សមសម្រាប់ការស្វែងរក និងជួយសង្គ្រោះ និងការប្រើប្រាស់ក្រមប្រតិបត្តិសម្រាប់ការជួបគ្នាដោយឥតបានគ្រោងទុកនៅលើសមុទ្ររបស់កងទ័ពជើងទឹកបណ្តាប្រទេសភាគខាងលិចប៉ាស៊ីហ្វិក (CUES)។

លោកឧត្តមនាវីត្រី Mai Dang Danh និងលោកឧត្តមនាវី ម៉ី ឌីណា ប្រគល់ឯកសារកត់ត្រាការសម្របសម្រួលការងារសម្រាប់ពេលខាងមុខ។រូបភាព៖ Van Dinh

លោកឧត្តមនាវីត្រី Mai Dang Danh ប្រគល់បដាជានិមិត្តរូបនៃការផ្តល់សម្ភារៈវេជ្ជសាស្ត្រ និងឱសថយោធាជូនមន្ទីរពេទ្យមិត្តភាពវៀតណាម-កម្ពុជា។រូបភាព៖ Van Dinh

ក្នុងដំណើរការល្បាត នាវាកងទ័ពជើងទឹកនៃប្រទេសទាំងពីរបានរក្សាទំនាក់ទំនងព័ត៌មានយ៉ាងជិតស្និទ្ធជាមួយការិយាល័យប្រចាំការល្បាតរួមនៃភាគីនីមួយៗ បង្កើនការផ្លាស់ប្តូរព័ត៌មានជាប្រចាំអំពីស្ថានភាពតំបន់សមុទ្រ និងបញ្ហាពាក់ព័ន្ធ រៀបចំការសង្កេត និងត្រួតពិនិត្យយ៉ាងម៉ត់ចត់លើនាវា និងសកម្មភាពនានានៅក្នុងតំបន់ទឹកប្រវត្តិសាស្ត្រ ដោយធានាឱ្យអនុវត្តត្រឹមត្រូវតាមយន្តការ បទបញ្ជា និងច្បាប់។ តាមរយៈនេះ បានរួមចំណែកក្នុងការថែរក្សាសន្តិសុខ និងសណ្តាប់ធ្នាប់ បង្កើតលក្ខខណ្ឌអំណោយផលសម្រាប់អ្នកនេសាទនៃប្រទេសទាំងពីរក្នុងការធ្វើដំណើរ និងនេសាទស្របតាមទំនៀមទម្លាប់ប្រពៃណីដ៏យូរលង់។

នៅពេលខាងមុខ ភាគីទាំងពីរបានឯកភាពបន្តអនុវត្តយ៉ាងម៉ឺងម៉ាត់នូវកិច្ចព្រមព្រៀងស្តីពីតំបន់ទឹកប្រវត្តិសាស្ត្រ និងបទបញ្ជាសម្រាប់ការសម្របសម្រួលការល្បាតរួម។ ជំរុញការផ្សព្វផ្សាយ និងលើកទឹកចិត្តអ្នកនេសាទនៃប្រទេសទាំងពីរឱ្យគោរពច្បាប់ និងបទប្បញ្ញត្តិស្តីពីការនេសាទឱ្យបានល្អ។ សហការយ៉ាងសកម្មជាមួយកងកម្លាំងមានសមត្ថកិច្ចនៃភាគីទាំងពីរ ដើម្បីទប់ស្កាត់ និងប្រយុទ្ធប្រឆាំងនឹងអំពើភេរវកម្មឆ្លងដែន ការជួញដូរខុសច្បាប់ ការដឹកជញ្ជូនទំនិញ អាវុធ សម្ភារៈផ្ទុះ គ្រឿងញៀន ការជួញដូរមនុស្ស ការគេចពន្ធ និងការចេញចូលប្រទេសខុសច្បាប់។

បណ្តាប្រតិភូចូលរួមសន្និសីទថតរូបអនុស្សាវរីយ៍។រូបភាព៖ Van Dinh

ភាគីទាំងពីរបានឯកភាពបន្តរក្សាប្រសិទ្ធភាពនៃបណ្តាញទំនាក់ទំនងព័ត៌មាន ជាពិសេសខ្សែទូរស័ព្ទក្តៅ ដើម្បីសម្របសម្រួលការដោះស្រាយបញ្ហានានានៅលើសមុទ្រប្រកបដោយភាពទាន់ពេលវេលា សុខដុមនីយកម្ម និងគាប់ចិត្ត ស្របតាមស្មារតីនៃកិច្ចសហប្រតិបត្តិការ ការគោរពឯករាជ្យ អធិបតេយ្យភាព បូរណភាពទឹកដី និងច្បាប់អន្តរជាតិ។ តាមរយៈនេះ រួមចំណែករក្សាបរិស្ថានសន្តិភាព និងស្ថិរភាព ព្រមទាំងពង្រឹងទំនាក់ទំនងសាមគ្គីភាព មិត្តភាព ការយល់ដឹង និងការជឿទុកចិត្តគ្នាទៅវិញទៅមករវាងកងទ័ពជើងទឹកនៃប្រទេសទាំងពីរ។

នៅក្នុងសន្និសីទ តាមការអនុញ្ញាតរបស់បញ្ជាការដ្ឋានកងទ័ពជើងទឹកប្រជាជនវៀតណាម លោកឧត្តមនាវីត្រី Mai Dang Danh បានប្រគល់ជូនសម្ភារៈវេជ្ជសាស្ត្រ និងឱសថយោធាជាអំណោយដល់មន្ទីរពេទ្យមិត្តភាពវៀតណាម-កម្ពុជា។

គណៈប្រតិភូនៃបញ្ជាការដ្ឋានតំបន់ទី៥ នៃកងទ័ពជើងទឹកអញ្ជើញថ្វាយធូបនៅវិមានមិត្តភាពវៀតណាម-កម្ពុជា។រូបភាព៖ Van Dinh

ក្នុងក្របខ័ណ្ឌកម្មវិធីការងារ គណៈប្រតិភូនៃបញ្ជាការដ្ឋានតំបន់ទី៥ នៃកងទ័ពជើងទឹកបានអញ្ជើញទៅថ្វាយធូបនៅវិមានមិត្តភាពវៀតណាម-កម្ពុជា ដើម្បីបង្ហាញការដឹងគុណ និងរំលឹកដល់ប្រជាជនប្រទេសកម្ពុជា និងយុទ្ធជនស្ម័គ្រចិត្តវៀតណាមដែលបានពលីជីវិតក្នុងការតស៊ូទម្លាក់របបប៉ុល ពត ជួយប្រជាជនកម្ពុជាឱ្យរួចផុតពីមហន្តរាយនៃការប្រល័យពូជសាសន៍។

ក្នុងឱកាសនេះ គណៈប្រតិភូក៏បានអញ្ជើញទៅទស្សនកិច្ច និងសម្តែងការគួរសមជាមួយអគ្គកុងស៊ុលវៀតណាមប្រចាំខេត្តព្រះសីហនុ៕

កងទ័ពជើងទឹកវៀតណាម និងកម្ពុជារៀបចំការល្បាតរួមលើកទី៧៧ នាព្រឹកថ្ងៃទី ២១ ខែធ្នូ នាវាលេខ ២៦៣ កងពលតូចលេខ ១៧៥ បញ្ជាការដ្ឋានតំបន់ ៥ នៃកងទ័ពជើងទឹកប្រជាជនវៀតណាម បានចូលចត់នៅកំពង់ផែតំបន់ ៥ (ខេត្ដ Kien Giang) បញ្ចប់ការល្បាតរួមលើកទី ៧៧ ជាមួយនាវាលេខ ១១៤៣ នៃមូលដ្ឋានសមុទ្ររាម កងយោធពលខេមរភូមិន្ទ។

កងទ័ពជើងទឹកវៀតណាម ពិនិត្យជំងឺ ចែកថ្នាំពេទ្យដោយឥតគិតថ្លៃ និងជូនអំណោយដល់គ្រួសារទទួលរបបពីរដ្ឋ នាព្រឹកថ្ងៃទី ២០ ខែកក្កដា នៅទីក្រុង Hai Phong កងពលតូចលេខ១៣១ កងទ័ពជើងទឹក សហការជាមួយបណ្ឌិតសភាពេទ្យយោធានៃកងទ័ពជើងទឹក គណៈកម្មាធិការបក្ស និងអាជ្ញាធរឃុំ An Hong មជ្ឈមណ្ឌលវេជ្ជសាស្ត្រស្រុក An Duong ទីក្រុង Hai Phong បានរៀបចំកម្មវិធីពិនិត្យជំងឺ ចែកថ្នាំពេទ្យដោយឥតគិតថ្លៃ និងជូនអំណោយដល់គ្រួសារទទួលរបបពីរដ្ឋ និងអ្នកមានគុណបំណាច់ចំពោះបដិវត្តន៍នៅមូលដ្ឋាន។

វិច្ឆិកា