ជំរុញល្បឿននៃការបំពេញបង្គ្រប់ឃ្លាំងទិន្នន័យដីធ្លីប្រើប្រាស់រួមគ្នាមុនថ្ងៃទី ១៥ ខែសីហា

ទីក្រុង Ha Noi តម្រូវឱ្យបញ្ចប់បណ្តាម៉ាយស្តូននៃការធ្វើឱ្យស្អាតទិន្នន័យនិងការវាស់វែងតាមផែនការនៅក្នុងខែកក្កដានិងខែសីហា។

នាថ្ងៃទី ០៨ ខែកក្កដា អនុប្រធានគណៈកម្មាធិការប្រជាជនទីក្រុង Ha Noi លោក Bui Duy Cuong បានដឹកនាំកិច្ចប្រជុំប្រគល់ភារកិច្ចតាមប្រព័ន្ធអ៊ីនធឺណិតអំពីវឌ្ឍនភាពនៃការកសាងមូលដ្ឋានទិន្នន័យដីធ្លីនៅលើភូមិសាស្ត្រទីក្រុង ក្នុងបរិបទដែលទីក្រុង Ha Noi កំពុងបង្កើនល្បឿននៃដំណើរការធ្វើឌីជីថលភាវូបនីយកម្មសំណុំឯកសារសុរិយោដី ការធ្វើស្តង់ដារភាវូបនីយកម្មទិន្នន័យ និងការកសាងប្រព័ន្ធគ្រប់គ្រងដីធ្លីប្រកបដោយសមកាលកម្ម។

ជំរុញល្បឿននៃការបំពេញបង្គ្រប់ទិន្នន័យដីធ្លី

នៅក្នុងកិច្ចប្រជុំ តំណាងមន្ទីរកសិកម្មនិងបរិស្ថានបានឱ្យដឹងថាគិតត្រឹមថ្ងៃទី ០៧ ខែកក្កដា ទីក្រុងធ្វើឱ្យស្អាតទិន្នន័យបានចំនួន ៨៦៣.៣៨៣ ក្បាលដី កើនឡើង ៧៣.៥៩១ ក្បាលដីបើប្រៀបធៀបទៅនឹងពេលវេលាថ្ងៃទី ២៤ ខែមិថុនា។

ក្នុងចំណោមចំនួនសរុបជិត ៤,០១ លានក្បាលដីនៅលើភូមិសាស្ត្រទីក្រុង Ha Noi មានប្រហែល ២,១៤ លានក្បាលដីគឺមានទិន្នន័យហើយប៉ុន្តែចាំបាច់ត្រូវបន្តធ្វើឱ្យកាន់តែសម្បូរបែបនិងធ្វើឱ្យស្អាតទិន្នន័យសំដៅធានានូវភាពពេញលេញ ភាពត្រឹមត្រូវ និងភាពឯកភាពគ្នា បរិមាណការងារនេះត្រូវបានតម្រូវឱ្យបញ្ចប់មុនថ្ងៃទី ៣០ ខែកក្កដា។

ចំពោះចំនួនប្រហែល ១,២ លានក្បាលដីដែលនៅសេសសល់ ក្នុងនោះមានជិត ៩៥០.០០០ ក្បាលដីមិនទាន់បានវាស់វែងនិងប្រហែល ២៥០.០០០ ក្បាលដីគឺបានវាស់វែងហើយប៉ុន្តែចាំបាច់ត្រូវធ្វើការកែសម្រួលនិងបំពេញបន្ថែម បណ្តាអង្គភាពពាក់ព័ន្ធត្រូវបានប្រគល់ភារកិច្ចឱ្យបញ្ចប់មុនថ្ងៃទី ៣០ ខែសីហា ដើម្បីឈានទៅបំពេញបង្គ្រប់មូលដ្ឋានទិន្នន័យដីធ្លីជាជំហានៗនៅលើវិសាលភាពទូទាំងទីក្រុង។

ដំណើរការអនុវត្តបង្ហាញឱ្យឃើញថាមានមូលដ្ឋានជាច្រើនសម្រេចបានលទ្ធផលវិជ្ជមានក្នុងការងារធ្វើឱ្យស្អាតទិន្នន័យដីធ្លី ជាគំរូដូចជាបណ្តាសង្កាត់ Hai Ba Trung សង្កាត់ Yen So សង្កាត់ Nghia Do សង្កាត់ Cau Giay និងសង្កាត់ Phuong Liet ផ្ទុយទៅវិញ ឃុំមួយចំនួននៅតែជួបប្រទះការលំបាកដោយសារផ្ទៃដីកសិកម្មមានទំហំធំ ទីកន្លែងជាច្រើនបានធ្វើការប្រមូលផ្តុំដីធ្លីនិងដោះដូរក្បាលដី ការកំណត់ទីតាំងក្បាលដី ព័ត៌មានម្ចាស់អ្នកប្រើប្រាស់ ព្រមទាំងការផ្ទៀងផ្ទាត់សំណុំឯកសារសុរិយោដីគឺនៅតែចំណាយពេលវេលាច្រើន។

ទន្ទឹមនឹងការធ្វើស្តង់ដារភាវូបនីយកម្មទិន្នន័យដីធ្លី មន្ទីរកសិកម្មនិងបរិស្ថានបានសហការជាមួយនគរបាលទីក្រុង Ha Noi អនុវត្តការធ្វើឱ្យស្អាតទិន្នន័យប្រជាជនចំនួន ៥ វគ្គ គិតមកទល់ពេលនេះ មានក្បាលដីនិងបន្ទប់ខុនដូ ចំនួន ២.១១២.៤៦៤ ត្រូវបានធ្វើការផ្ទៀងផ្ទាត់និងកំណត់អត្តសញ្ញាណម្ចាស់អ្នកប្រើប្រាស់ ព្រមទាំងធ្វើសមកាលកម្មជាមួយមូលដ្ឋានទិន្នន័យជាតិអំពីប្រជាជន។

ការតភ្ជាប់ទិន្នន័យរវាងប្រព័ន្ធទាំងពីរត្រូវបានវាយតម្លៃថាជាគ្រឹះស្ថានដ៏សំខាន់ដើម្បីកសាងមូលដ្ឋានទិន្នន័យដីធ្លីប្រកបដោយភាពឯកភាពគ្នា កាត់បន្ថយការខុសឆ្គងព័ត៌មាន បម្រើដល់ការដោះស្រាយនីតិវិធីរដ្ឋបាលប្រកបដោយប្រសិទ្ធភាព ព្រមទាំងបង្កលក្ខណៈងាយស្រួលដល់ដំណើរការផ្លាស់ប្តូរឌីជីថលនៅក្នុងវិស័យដីធ្លី។

បំពេញបង្គ្រប់ហេដ្ឋារចនាសម្ព័ន្ធនិងធ្វើបច្ចុប្បន្នភាពជាប្រចាំ

ថ្លែងមតិសន្និដ្ឋានកិច្ចប្រជុំ អនុប្រធានគណៈកម្មាធិការប្រជាជនទីក្រុង Ha Noi លោក Bui Duy Cuong បានតម្រូវឱ្យគ្រប់ថ្នាក់និងគ្រប់វិស័យកំណត់ថាការកសាងមូលដ្ឋានទិន្នន័យដីធ្លីគឺជាភារកិច្ចគន្លឹះមួយក្នុងចំណោមភារកិច្ចគន្លឹះទាំងឡាយនៅក្នុងដំណាក់កាលបច្ចុប្បន្ន លេខាបក្សនិងប្រធានគណៈកម្មាធិការប្រជាជនបណ្តាឃុំសង្កាត់ត្រូវតែដឹកនាំនិងចង្អុលបង្ហាញដោយផ្ទាល់ ព្រមទាំងត្រួតពិនិត្យវឌ្ឍនភាពជាប្រចាំ ដើម្បីដោះស្រាយការលំបាកឱ្យបានទាន់ពេលវេលា និងធានាបង្ហើយរាល់គោលដៅតាមផែនការ។

ថ្នាក់ដឹកនាំទីក្រុងបានប្រគល់ភារកិច្ចឱ្យមន្ទីរកសិកម្មនិងបរិស្ថានបន្តអនុវត្តទន្ទឹមគ្នានូវបណ្តាភារកិច្ចវាស់វែង ការបង្កើតផែនទីសុរិយោដី ការប្រកាសចុះឈ្មោះ និងការកសាងមូលដ្ឋានទិន្នន័យដីធ្លី សំដៅបង្រួញពេលវេលាអនុវត្ត ចំពោះបណ្តាតំបន់ដែលនៅសេសសល់បរិមាណការងារវាស់វែងដ៏ធំធេង ជាពិសេសគឺបណ្តាតំបន់ដែលបានអនុវត្តការប្រមូលផ្តុំដីធ្លីនិងដោះដូរក្បាលដី មន្ទីរត្រូវប្រញាប់ប្រញាល់បំពេញបង្គ្រប់នីតិវិធីជ្រើសរើសអង្គភាពប្រឹក្សាយោបល់ដើម្បីចាត់តាំងការវាស់គូរ ជៀសវាងការជះឥទ្ធិពលដល់វឌ្ឍនភាពរួមរបស់ទូទាំងទីក្រុង។

ទន្ទឹមនឹងនោះ ទីក្រុងបានឯកភាពលើគោលការណ៍ផ្តល់អាទិភាពក្នុងការបែងចែកប្រភពធនធានសម្រាប់ការងារកសាងមូលដ្ឋានទិន្នន័យដីធ្លី មន្ទីរកសិកម្មនិងបរិស្ថានត្រូវបានប្រគល់ភារកិច្ចឱ្យសហការជាមួយមន្ទីរហិរញ្ញវត្ថុដើម្បីបូកសរុបតម្រូវការ និងធ្វើជាសេនាធិការលើផែនការជម្រើសបែងចែកថវិកាឱ្យបានត្រឹមត្រូវតាមកំណត់ច្បាប់ ដើម្បីធានាឱ្យដំណើរការអនុវត្តត្រូវបានធ្វើឡើងជាបន្តបន្ទាប់។

ភារកិច្ចគន្លឹះមួយក្នុងចំណោមភារកិច្ចគន្លឹះទាំងឡាយដែលទីក្រុងបានដាក់ចេញគឺការបំពេញបង្គ្រប់ឃ្លាំងទិន្នន័យប្រើប្រាស់រួមគ្នាមុនថ្ងៃទី ១៥ ខែសីហា យោងតាមការចង្អុលបង្ហាញរបស់គណៈកម្មាធិការប្រជាជនទីក្រុង Ha Noi មន្ទីរវិទ្យាសាស្ត្រនិងបច្ចេកវិទ្យាមានការទទួលខុសត្រូវក្នុងការកសាងនិងបំពេញបង្គ្រប់ហេដ្ឋារចនាសម្ព័ន្ធរក្សាទុក ការទទួលនិងការចែករំលែកមូលដ្ឋានទិន្នន័យដីធ្លីរវាងបណ្តាមន្ទីរ វិស័យ និងអាជ្ញាធរមូលដ្ឋាន បង្កើតជាគ្រឹះស្ថានសម្រាប់ការទាញយកផលទិន្នន័យប្រមូលផ្តុំ និងកាត់បន្ថយស្ថានភាពបែកខ្ញែកព័ត៌មានរវាងបណ្តាស្ថាប័ន។

ថ្នាក់ដឹកនាំទីក្រុងក៏បានតម្រូវឱ្យមូលដ្ឋានទិន្នន័យដីធ្លីត្រូវតែធ្វើបច្ចុប្បន្នភាពជាប្រចាំភ្លាមៗនៅក្នុងដំណើរការដោះស្រាយនីតិវិធីរដ្ឋបាល ធានាឆ្លុះបញ្ចាំងបានពេញលេញនិងទាន់ពេលវេលានូវរាល់ការប្រែប្រួលអំពីដីធ្លី ជៀសវាងស្ថានភាពទិន្នន័យយឺតយ៉ាវក្នុងការធ្វើបច្ចុប្បន្នភាពឬលែងសមស្របនឹងជាក់ស្តែង។

ទន្ទឹមនឹងនោះ បណ្តាអង្គភាពពាក់ព័ន្ធបន្តសហការធ្វើស្តង់ដារភាវូបនីយកម្មនិងផ្ទៀងផ្ទាត់ទិន្នន័យជាមួយមូលដ្ឋានទិន្នន័យជាតិអំពីប្រជាជន ធានាទិន្នន័យតាមគោលការណ៍ "ត្រឹមត្រូវ ពេញលេញ ស្អាត និងរស់រវើក" ព្រមទាំងបង្កើនការធានាសុវត្ថិភាព សន្តិសុខព័ត៌មាន និងគ្រប់គ្រងយ៉ាងតឹងរ៉ឹងនូវការទាញយកផលនិងការប្រើប្រាស់ទិន្នន័យ។

គណៈកម្មាធិការប្រជាជនទីក្រុង Ha Noi តម្រូវឱ្យបណ្តាមន្ទីរ វិស័យ និងមូលដ្ឋានបន្តពង្រីកស្មារតីនៃយុទ្ធនាការខ្ពស់បំផុតក្នុងការអនុវត្តកសាងមូលដ្ឋានទិន្នន័យដីធ្លី ធ្វើការត្រួតពិនិត្យវឌ្ឍនភាពជាប្រចាំ ម្ចាស់ការដោះស្រាយរាល់ការលំបាកនិងបញ្ហាចោទឡើងនៅក្នុងដំណើរការអនុវត្ត ឆ្ពោះទៅរកគោលដៅកសាងប្រព័ន្ធទិន្នន័យដីធ្លីប្រកបដោយសមកាលកម្ម ត្រឹមត្រូវ និងទំនើប បម្រើដល់ការងារគ្រប់គ្រងរដ្ឋ ការកែទម្រង់នីតិវិធីរដ្ឋបាល និងជម្រុញការផ្លាស់ប្តូរឌីជីថលនៅលើភូមិសាស្ត្ររាជធានីប្រកបដោយប្រសិទ្ធភាព៕

កងទ័ពជើងទឹកប្រជាជនវៀតណាមជំនះពុះពារលើរាល់ការលំបាក ការពារ​អធិបតេយ្យភាពកោះសមុទ្រនៃមាតុភូមិ ថ្ងៃទី ៥ ខែសីហា គឺជាគម្រប់ខួប ៥៧ ឆ្នាំ នៃទិវាកងទ័ពជើងទឹកប្រជាជនវៀតណាមបានវាយឈ្មះយុទ្ធជ័យដើមដំបូង (៥ សីហា ឆ្នាំ ១៩៦៤ - ៥ ខែសីហា ឆ្នាំ ២០២១) ។

សម្តេចនាយករដ្ឋមន្រ្តី ហ៊ុន សែន ប្រកាសថា សម្តេច នឹងនាំចៅៗដែលមានអាយុលើសពី១២ ឡើង ទៅចាក់វ៉ាក់សាំងបង្ការជំងឺកូវីដ-១៩ នៅថ្ងៃទី១ ខែសីហា ឆ្នាំ២០២១ សម្តេចនាយករដ្ឋមន្រ្តី ហ៊ុន សែន ប្រកាសថា សម្តេច នឹងនាំចៅៗដែលមានអាយុលើសពី១២ ឡើង ទៅចាក់វ៉ាក់សាំងបង្ការជំងឺកូវីដ-១៩ នៅថ្ងៃទី១ ខែសីហា ឆ្នាំ២០២១។ ការប្រកាសរបស់សម្តេច ធ្វើឡើងក្នុងឱកាសដែលសម្តេច ទៅទទួលវ៉ាក់សាំងបង្ការជំងឺកូវីដ-១៩ ប្រភេទអាស្រ្តស៊ីណេកា ដែលជាជំនួយរបស់រដ្ឋាភិបាលជប៉ុន នៅព្រលានយន្តហោះភ្នំពេញ នាយប់ថ្ងៃទី២៣ ខែកក្កដា ឆ្នាំ២០២១។

ឌឹកអាញ់

thoidai.com.vn