ផ្សព្វផ្សាយចម្រៀងប្រជាប្រិយ Quan Ho Bac Ninh នៅប្រទេសអាល្លឺម៉ង់

ការសម្តែងក្នុងកម្មវិធីសិល្បៈ "វប្បធម៌វៀតណាម - ភាពសម្បូរបែបនៃបេតិកភណ្ឌ Kinh Bac" ដោយរោងមហោស្រពចម្រៀងប្រជាប្រិយ Quan Ho Bac Ninh នៅទីក្រុង Berlin។

កម្មវិធីនេះមានគោលបំណងផ្សព្វផ្សាយ និងលើកស្ទួយសិល្បៈចម្រៀងប្រជាប្រិយ Quan Ho Bac Ninh ដែលជាបេតិកភណ្ឌវប្បធម៌អរូបីនៃមនុស្សជាតិ ដែលត្រូវបានអង្គការ UNESCO ទទួលស្គាល់តាំងពីឆ្នាំ ២០០៩ ទៅកាន់មិត្តភក្តិអន្តរជាតិ។

ក្នុងឱកាសថ្លែងសុន្ទរកថាបើកកម្មវិធី ឯកឧត្តម Trinh Huu Hung ប្រធានមន្ទីរវប្បធម៌ កីឡា និងទេសចរណ៍ខេត្ត Bac Ninh បានសង្កត់ធ្ងន់ថា ខេត្ត Bac Ninh ឬ Kinh Bac គឺជាទឹកដីនៃអ្នកមានទេពកោសល្យ ជាស្រុកកំណើតនៃរាជវង្ស Ly ដែលរក្សាទុកនូវរតនសម្បត្តិ វត្ថុបុរាណ និងសម្បត្តិវប្បធម៌ជាច្រើននៅក្នុងតំបន់។ ជាពិសេស គឺបេតិកភណ្ឌវប្បធម៌អរូបីនៃចម្រៀងប្រជាប្រិយ Quan Ho Bac Ninh។ បន្ទាប់ពីរយៈពេលជាង ១៥ ឆ្នាំនៃការអនុវត្តការប្តេជ្ញាចិត្តជាមួយអង្គការ UNESCO ខេត្ត Bac Ninh បានដាក់ចេញនូវគោលនយោបាយ និងយុទ្ធសាស្ត្រជាច្រើនដើម្បីអភិរក្ស និងលើកតម្កើងតម្លៃបេតិកភណ្ឌវប្បធម៌អរូបីនៃមនុស្សជាតិនេះ។ ជាក់ស្តែង គឺការបង្កើតរោងមហោស្រពចម្រៀងប្រជាប្រិយ Quan Ho Bac Ninh តាមទិសដៅវិជ្ជាជីវៈ និងការវិនិយោគសាងសង់ហេដ្ឋារចនាសម្ព័ន្ធល្ខោនប្រកបដោយវិជ្ជាជីវៈ និងទំនើប។

ចាប់តាំងពីឆ្នាំ ២០០៩ មក ទន្ទឹមនឹងការស្តារឡើងវិញនូវកន្លែងសំដែងនៃភូមិ Quan Ho ដើម ការអភិវឌ្ឍភូមិ Quan Ho និងការបង្កើតក្លឹប Quan Ho ជាច្រើន ខេត្ត Bac Ninh បានចេញផ្សាយនូវយន្តការ និងគោលនយោបាយអនុគ្រោះជាច្រើនសម្រាប់ភូមិ Quan Ho ដើម ភូមិ Quan Ho អនុវត្ត ក្លឹបចម្រៀងប្រជាប្រិយ Quan Ho ព្រមទាំngសិល្បករ និងអ្នកសិល្បៈ Quan Ho នៃខេត្ត Bac Ninh។

ឯកឧត្តម Duong Xuan Vien ប្រធានសមាគមជនជាតិ Bac Ninh នៅសហព័ន្ធសាធារណរដ្ឋអាល្លឺម៉ង់ បានសម្តែងនូវអារម្មណ៍រំភើបរបស់ខ្លួននៅពេលបានស្តាប់បទចម្រៀងប្រជាប្រិយនៃស្រុកកំណើត ដែលបានហ៊ុំព័ទ្ធលោកតាំងពីកំណើត និងធំឡើង។

ផ្សព្វផ្សាយចម្រៀងប្រជាប្រិយ Quan Ho Bac Ninh នៅអាល្លឺម៉ង់

នៅក្នុងកម្មវិធីសិល្បៈនៅទីក្រុង Berlin ឯកឧត្តម Trinh Huu Hung បានប្រគល់ប័ណ្ណសរសើរពីមន្ទីរវប្បធម៌ កីឡា និងទេសចរណ៍ខេត្ត Bac Ninh ជូនដល់ក្លឹប Quan Ho Kinh Bac ដែលស្ថិតនៅក្រោមសមាគមជនជាតិ Bac Ninh នៅសហព័ន្ធសាធារណរដ្ឋអាល្លឺម៉ង់ និងសមាជិកបីរូបនៃសមាគមនេះ ចំពោះស្នាដៃជាច្រើនក្នុងការថែរក្សា ផ្សព្វផ្សាយ និងលើកតម្កើងតម្លៃនៃចម្រៀងប្រជាប្រិយ Quan Ho Bac Ninh។

លើសពីនេះ គណៈប្រតិភូខេត្ត Bac Ninh ក៏បានឧបត្ថម្ភឈុតសម្លៀកបំពាក់ប្រពៃណីវៀតណាមចំនួន ១០ ឈុត ជូនដល់ក្លឹប Quan Ho Kinh Bac ដោយសង្ឃឹមថា ក្លឹបនេះនឹងបន្តអភិវឌ្ឍសកម្មភាព ដើម្បីរួមចំណែកផ្សព្វផ្សាយ និងលើកស្ទួយសិល្បៈចម្រៀងប្រជាប្រិយ Quan Ho នៅប្រទេសអាល្លឺម៉ង់។

ការសម្តែងនៅសហព័ន្ធសាធារណរដ្ឋអាល្លឺម៉ង់ ដោយរោងមហោស្រពចម្រៀងប្រជាប្រិយ Quan Ho Bac Ninh បានប្រព្រឹត្តទៅបន្ទាប់ពីស៊េរីនៃព្រឹត្តិការណ៍វប្បធម៌ពិសេសរបស់ខេត្ត Bac Ninh នៅប្រទេសបារាំង នាល្ងាចថ្ងៃទី ៧ ខែមេសា ដែលមានគោលបំណងផ្សព្វផ្សាយចម្រៀងប្រជាប្រិយ Quan Ho Bac Ninh និងសម្រស់ដ៏សាមញ្ញ និងឆ្ងាញ់នៃគំនូរប្រជាប្រិយ Dong Ho។ កម្មវិធីនេះបានទាក់ទាញគណៈប្រតិភូជិត ១៥០ នាក់ ដែលរួមមានឯកអគ្គរាជទូត ប្រធានគណៈប្រតិភូប្រទេសនានាប្រចាំអង្គការ UNESCO ថ្នាក់ដឹកនាំស្ថាប័ន និងអង្គការនានារបស់ប្រទេសបារាំង ស្ថានបេសកកម្មការទូត អង្គការអន្តរជាតិនៅទីក្រុងប៉ារីស ព្រមទាំងសមាគមជនជាតិវៀតណាម-បារាំង៕

កងរាជអាវុធហត្ថខេត្តស្វាយរៀងជូនពរឆ្នាំថ្មីដល់អតីតថ្នាក់ដឹកនាំក្រសួងនគរបាល និងថ្នាក់ដឹកនាំខេត្ត Tay Ninh និងបញ្ជាការដ្ឋានកងទ័ពការពារព្រំដែនខេត្ត Tay Nin ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម នាព្រឹកថ្ងៃទី៧ ខែមករា ឆ្នាំ២០២៣ នៅច្រកទ្វារអន្តរជាតិម៉ុកបៃ (ខេត្ដ Tay Ninh) គណៈប្រតិភូកងរាជអាវុធហត្ថខេត្តស្វាយរៀង និងប៉ុស្ដិ៍នគរបាលច្រកទ្វារអន្តរជាតិបាវិតដឹកនាំដោយលោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានអញ្ជើញទៅសួរសុខទុក្ខ និងជូនពរឆ្នាំថ្មីប្រពៃណីជាតិវៀតណាមជូនចំពោះអតីតថ្នាក់ដឹកនាំក្រសួងនគរបាល ថ្នាក់ដឹកនាំខេត្ត Tay Ninh និងកម្មាភិបាលនិងយុទ្ធជននៃបញ្ជាការដ្ឋានកងទ័ពការពារព្រំដែនខេត្ត Tay Ninh ។

ពិធីប្រគល់រូបសំណាក លោកប្រធាន Ho Chi Minh និងវត្ថុដាក់តាំង ជូនដល់កេរ្តិ៍ដំណែលប្រវត្តិសាស្ត្រលោកប្រធាន Ho Chi Minh នៅទីក្រុង Kunming នៃប្រទេសចិន យុគសម័យ - នាពេលថ្មីៗ នេះ នៅទីក្រុង Kunming ខេត្ត Yunnan (ភាគនិរតីនៃប្រទេសចិន) អគ្គកុងស៊ុលវៀតណាមប្រចាំនៅទីក្រុង Kunming លោក Nguyen Trung Hieu តំណាងអគ្គកុងស៊ុល វៀតណាមប្រចាំនៅទីក្រុង Kunming និងសមាគមជនវៀតណាមនៅខេត្ត Yunnan បានប្រគល់​​រូបសំណាកលោកប្រធាន Ho Chi Minh និងវត្ថុដាក់តាំងចំនួន ...

ឌឹកអាញ់

thoidai.com.vn