ជនជាតិឆែកដំបូងគេដែលមានដើមកំណើតវៀតណាម ទទួលបានកិត្តនាមដ៏ខ្ពង់ខ្ពស់របស់សាធារណរដ្ឋឆែក

សាធារណរដ្ឋឆេកចង់លើកកម្ពស់សហប្រតិបត្តិការពាណិជ្ជកម្មគ្រប់ជ្រុងជ្រោយជាមួយវៀតណាម

នាយករដ្ឋមន្ត្រីវៀតណាមលោក Nguyen Xuan Phuc សាទរសាធារណរដ្ឋឆេកដែលបានផ្តល់ទិដ្ឋាការពលករឡើងវិញសម្រាប់ប្រជាពលរដ្ឋវៀតណាម

លោក Trinh Tan (ឆ្វេង) ប្រគល់ម៉ាស់ ដើម្បីគាំទ្រការប្រយុទ្ធប្រឆាំងនឹងជំងឺកូវីដ-១៩ នៅទីក្រុង Ostrava។ (រូបថត៖ VNA)

ថ្ងៃទី ៧ ខែមីនា (ម៉ោងក្នុងតំបន់) នៅវិមានប្រធានាធិបតីនៃសាធារណរដ្ឋឆែកនៅទីក្រុង Praha ក្នុងឱកាសអបអរសាទរខួបកំណើតគម្រប់ ១៧២ ឆ្នាំរបស់លោកប្រធានាធិបតី​ដំបូងរបស់ប្រទេសឆេកូស្លូវ៉ាគី (បច្ចុប្បន្នជាសាធារណៈរដ្ឋឆេក) Tomáš Garrigue Masaryk រដ្ឋឆេកបានរៀបចំពិធីលើកតំកើងថ្នាក់រដ្ឋសម្រាប់ពលរដ្ឋឆេកជាង ៦០ នាក់ ដែលបានចូលរួមចំណែកដ៏សំខាន់សម្រាប់ប្រទេសឆែក ក្នុងដំណាក់កាល ២០២០ -២០២១។

នេះជាព្រឹត្តិការណ៍មួយដ៏មានសារសំខាន់ពិសេស ដែលបង្ហាញពីការទទួលស្គាល់របស់រដ្ឋចំពោះប្រជាពលរដ្ឋដែលបានរួមចំណែកយ៉ាងសំខាន់ដល់ប្រទេសក្នុងវិស័យផ្សេងៗ។ ក្នុង​នោះ​មាន​ជនជាតិ​ឆែកដែលមាន​ដើម​កំណើត​វៀតណាម ក្នុង​នោះវិស្វករ Trinh Tan ដែល​ទទួល​គ្រឿង​ឥស្សរិយយសម្រាប់​បុព្វហេតុ​​បម្រើ​ប្រទេស។

លោក Trinh Tan មានស្រុកកំណើតនៅស្រុក Quynh Phu ខេត្ត Thai Binh បានបញ្ចប់ការសិក្សាជាវិស្វករនៅសាកលវិទ្យាល័យរ៉ែនិងបច្ចេកវិទ្យា Ostrava ហើយបច្ចុប្បន្នលោកជាប្រធានសមាគមវៀតណាមខាងជើង Morava និង Ostrava ហើយក៏ជាសមាជិកនៃក្រុមប្រឹក្សាជនជាតិភាគតិចនៃតំបន់ Morava ខាងជើង និងទីក្រុង Ostrava ។

យោងតាមសេចក្តីប្រកាសរបស់រដ្ឋឆែក វិស្វករ Trinh Tan បានគេទទួលស្គាល់ចំពោះការរួមចំណែកយ៉ាងសកម្មរបស់គាត់ក្នុងការពង្រឹងទំនាក់ទំនងរវាងប្រជាជននៃប្រទេសទាំងពីរ ឆែក-វៀតណាម នៅខេត្ត Morava ខាងជើង ក៏ដូចជាទំនាក់ទំនងរវាងប្រទេសទាំងពីរ សាធារណរដ្ឋឆែកនិងវៀតណាម៕

ឌីណា

ទីភ្នាក់ងារសារព័ត៌មានវៀតណាម