អាណិកជនវៀតណាមនៅ កម្ពុជា និង អាល្លឺម៉ង់ ដឹងគុណបណ្តាយុទ្ធជនពលី

ពិធីបួងសួងសុំសេចក្តីសុខ រំលឹកគុណបណ្តាយុទ្ធជនពលី នៅវត្ត Pho Da ក្នុងរាជធានី Berlin សាធារណរដ្ឋសហព័ន្ធអាល្លឺម៉ង់។

នាថ្ងៃទី ២៦ ខែកក្កដា អគ្គកុងស៊ុលវៀតណាម ប្រចាំនៅខេត្តបាត់ដំបន់ បានរៀបចំពិធីអុជធូប ថ្វាយផ្កា នៅវិហារ និងទីកន្លែងរក្សាទុកអដ្ឋិធាតុយុទ្ធជនពលី នៃកងទ័ពស្ម័គ្រចិត្តវៀតណាម, វិមានមិត្តភាព វៀតណាម - កម្ពុជា នៅក្នុងខេត្តបាត់ដំបន់។

តាមព័ត៌មានពី អគ្គកុងស៊ុលវៀតណាម ប្រចាំនៅខេត្តបាត់ដំបន់ នៅឯបណ្តាទីតាំងរំលឹកគុណ បណ្តាប្រតិភូបានថ្វាយផ្កា អុជធូប និងស្ងៀមស្ងាត់មួយនាទី ដើម្បីរំលឹកដល់បណ្តាកូនចៅវៀតណាម ដែលបានពលីជីវិតដើម្បីឯករាជ្យ ភាពមានសេរីភាពនៃមាតុភូមិ និងបំពេញកាតព្វកិច្ចអន្តរជាតិនៅ កម្ពុជា។

ថ្លែងនៅក្នុងពិធី អគ្គកុងស៊ុលវៀតណាម ប្រចាំនៅខេត្តបាត់ដំបន់ លោក Tran Tuan Anh បានសម្តែងនូវការដឹងគុណចំពោះបណ្តាយុទ្ធជនពលី ព្រមទាំងកត់សម្គាល់បណ្តាកងកម្លាំងដែលកំពុងបំពេញភារកិច្ចស្វែងរក ប្រមូលផ្តុំអដ្ឋិធាតុយុទ្ធជនពលី។ លោកបានសង្កត់ធ្ងន់ថា នេះគឺជាដំណើរកម្សាន្ត ប្រកបដោយមនុស្សធម៌ ចេញពីការទទួលខុសត្រូវ និងមនោសញ្ចេតនា សំដៅនាំយកបណ្តាយុទ្ធជនពលីត្រឡប់មកកាន់ស្រុកកំណើត និងគ្រួសារវិញក្នុងពេលឆាប់ៗ។

អគ្គកុងស៊ុលបានស្នើឱ្យសហគមន៍ជនជាតិវៀតណាម និងបណ្តាសហគ្រាសវៀតណាមនៅខេត្តបាត់ដំបន់ បន្តសាមគ្គីភាព រក្សាអត្តសញ្ញាណជាតិ រួមចំណែកយ៉ាងសកម្មដល់សង្គមអាជ្ញាធរក្នុងស្រុក និងពង្រីកតួនាទីជាស្ពានចងមិត្តភាព រវាងប្រជាជននៃប្រទេសទាំងពីរ វៀតណាម - កម្ពុជា។

នាថ្ងៃដដែល នៅវត្ត Pho Da ក្នុងរាជធានី Berlin សម្ព័ន្ធសមាគមនារីវៀតណាម នៅសាធារណរដ្ឋសហព័ន្ធអាល្លឺម៉ង់ បានសម្របសម្រួលជាមួយវត្តអារាម រៀបចំមហាពិធីបួងសួងសុំសេចក្តីសុខ រំលឹកគុណបណ្តាយុទ្ធជនពលី និងកម្មវិធីដឹងគុណញាតិសន្តានយុទ្ធជនពលី ដែលកំពុងរស់នៅ អាល្លឺម៉ង់។

អញ្ជើញចូលរួមកម្មវិធីមាន អគ្គរាជទូតវៀតណាម ប្រចាំនៅ អាល្លឺម៉ង់ លោក Nguyen Dac Thanh និងលោកជំទាវ; ទីប្រឹក្សាអគ្គរាជទូត លោក Dang Hoang Linh; ព្រះតេជព្រះគុណព្រះសង្ឃគ្រប់ព្រះអង្គ; តំណាងបណ្តាសមាគម សហគ្រាស ព្រមទាំងអាណិកជន និងពុទ្ធសាសនិកជនយ៉ាងច្រើនកុះករ មកពីតំបន់ជាច្រើននៃ អាល្លឺម៉ង់។

តាមទីភ្នាក់ងារសារព័ត៌មានវៀតណាម កម្មវិធីបានចាប់ផ្តើមដោយពិធីគោរពទង់ជាតិ និងស្ងៀមស្ងាត់មួយនាទី ដើម្បីរំលឹកដល់ ប្រធាន Ho Chi Minh, បណ្តាយុទ្ធជនពលី ដែលបានពលីជីវិតដើម្បីឯករាជ្យ ភាពមានសេរីភាព និងការបង្រួបបង្រួមប្រទេសជាតិ។

ប្រធានសម្ព័ន្ធសមាគមនារីវៀតណាម នៅ អាល្លឺម៉ង់ លោកស្រី Trinh Thi Mui បានឱ្យដឹងថា ទោះបីជារស់នៅឆ្ងាយពីស្រុកកំណើតក៏ដោយ សហគមន៍ជនជាតិវៀតណាមនៅ អាល្លឺម៉ង់ តែងតែថែរក្សាប្រពៃណី «ផឹកទឹកនឹកដល់ប្រភព», «សងគុណដឹងគុណ»។ បណ្តាសកម្មភាពដឹងគុណ បានរួមចំណែកភ្ជាប់ទំនាក់ទំនងសហគមន៍ ពូនជ្រំសេចក្តីស្នេហាស្រុកកំណើត និងអប់រំព្រឹត្តិការណ៍ប្រពៃណីសម្រាប់ជំនាន់វ័យក្មេង។

អគ្គរាជទូត Nguyen Dac Thanh បានវាយតម្លៃថា កម្មវិធីនេះគឺជាសកម្មភាពប្រាកដនិយម សំដៅដឹងគុណបណ្តាយុទ្ធជនពិការ យុទ្ធជនជំងឺ ញាតិសន្តានយុទ្ធជនពលី និងអ្នកមានគុណបំណាច់ចំពោះបដិវត្តន៍។ តាមលោកអគ្គរាជទូត គ្រួសារជនជាតិវៀតណាមជាច្រើននៅ អាល្លឺម៉ង់ នៅតែរក្សាទុកបណ្តារឿងរ៉ាវ ការចងចាំ និងវត្ថុអនុស្សាវរីយ៍ អំពីការលះបង់របស់ជំនាន់មុនៗ តាមរយៈនោះផ្ទេរបន្តជូនកូនចៅនូវមោទនភាព និងការទទួលខុសត្រូវចំពោះស្រុកកំណើត។

នៅក្នុងបរិយាកាសដ៏ស្ងប់ស្ងាត់ និងស្កឹមស្កៃ ព្រះតេជព្រះគុណព្រះសង្ឃគ្រប់ព្រះអង្គ បានប្រារព្ធពិធីបួងសួងសុំសេចក្តីសុខ តាមក្បួនខ្នាតព្រះពុទ្ធសាសនា។ បណ្តាប្រតិភូ និងពុទ្ធសាសនិកជន បានរួមគ្នារំលឹកដល់បណ្តាអ្នកដែលបានពលីជីវិត ដើម្បីឯករាជ្យ ភាពមានសេរីភាពនៃប្រជាជាតិ បួងសួងសុំឱ្យប្រទេសជាតិមានសន្តិភាព និងសហគមន៍ជនជាតិវៀតណាមនៅបរទេស តែងតែសាមគ្គីភាព បែរមុខទៅរកស្រុកកំណើត។

គណៈកម្មការរៀបចំ ក៏បានចំណាយពេល ដើម្បីឱ្យញាតិសន្តានយុទ្ធជនពលី ចែករំលែកបណ្តារឿងរ៉ាវអំពីសាច់ញាតិ ការចងចាំសង្គ្រាម និងដំណើរពុះពារការបាត់បង់; ព្រមទាំងប្រគល់និមិត្តសញ្ញាដឹងគុណ ជូនចំពោះបណ្តាគ្រួសារយុទ្ធជនពលី ដែលកំពុងរស់នៅ អាល្លឺម៉ង់។

មុននោះ នាថ្ងៃទី ២១ ខែកក្កដា សមាគមអតីតយុទ្ធជនវៀតណាម នៅ Berlin - Brandenburg បានសម្របសម្រួលជាមួយ អគ្គរាជទូតដ្ឋានវៀតណាម ប្រចាំនៅ អាល្លឺម៉ង់ អញ្ជើញទៅសួរសុខទុក្ខគ្រួសារញាតិសន្តានយុទ្ធជនពលីចំនួនបីគ្រួសារ នៅ Berlin។

នៅគ្រួសារលោកស្រី Dinh Thi Ngoc Thanh កូនស្រីយុទ្ធជនពលី Dinh Van Lac គណៈប្រតិភូបានស្តាប់រឿងរ៉ាវអំពីលោកគ្រូពេទ្យយោធា ដែលបំពេញការងារនៅមន្ទីរពេទ្យ ១០៨ បានពលីជីវិតនាឆ្នាំ ១៩៦៧ ដោយសារជំងឺគ្រុនចាញ់កាចសាហាវ ក្នុងពេលដែលឱសថនៅសមរភូមិ ត្រូវបានផ្តល់អាទិភាពទុកសម្រាប់ព្យាបាលសង្គ្រោះយុទ្ធជនពិការ។

គណៈប្រតិភូក៏បានទៅសួរសុខទុក្ខគ្រួសារលោកស្រី Tran Thi Yen កូនស្រីយុទ្ធជនពលី Tran Quang Tien និងលោកស្រី Luc Thi Ha កូនស្រីយុទ្ធជនពលី Luc Van Thung។ ទោះបីជាសង្គ្រាមបានបញ្ចប់ជាងកន្លះសតវត្សរ៍ហើយក៏ដោយ ប៉ុន្តែអដ្ឋិធាតុរបស់ឪពុកលោកស្រីទាំងពីរ នៅតែមិនទាន់ត្រូវបានស្វែងរកឃើញនៅឡើយ។

នៅឯគ្រួសារនីមួយៗ តំណាងអគ្គរាជទូតដ្ឋាន និងសមាគមអតីតយុទ្ធជនវៀតណាម នៅ Berlin - Brandenburg បានសួរសុខទុក្ខ ប្រគល់ផ្កា កាដូដឹងគុណ ដោយសម្តែងនូវការចែករំលែក ចំពោះការលះបង់ និងការបាត់បង់ ដែលញាតិសន្តានយុទ្ធជនពលីបានឆ្លងកាត់៕

បង្កើតវេទិការសម្រាប់អាណិកជនវៀតណាមស្នើផែនការអភិវឌ្ឍន៍បៃតង និងនិរន្តរភាព យុគសម័យ - ចាប់ពីថ្ងៃទី ២១ ដល់ថ្ងៃទី ២៤ ខែសីហា ឆ្នាំ ២០២៤ សន្និសីទប្រជាជនវៀតណាមនៅបរទេសនៅ​ជុំវិញ​ពិភពលោកលើកទី ៤ របស់វៀតណាមនៅក្រៅប្រទេស និងវេទិកាអ្នកប្រាជ្ញ និងអ្នកជំនាញវៀតណាមនៅក្រៅប្រទេសឆ្នាំ ២០២៤ នឹងប្រព្រឹត្តទៅនៅទីក្រុង Ha Noi។

កុមារនៃអាណិកជនវៀតណាមនៅកូរ៉េមានបទពិសោធន៍ធ្វើមួករាងសាជីរបស់វៀតណាម យុគសម័យ - នៅថ្ងៃទី ៥ ខែសីហា ក្រុមកុមារ និងគ្រូបង្រៀនអាណិកជនវៀតណាមនៅប្រទេសកូរ៉េដែលមកទស្សនាប្រទេសវៀតណាមក្នុងឆ្នាំ ២០២៤ មានដំណើរកម្សាន្ត និងបទពិសោធន៍ដ៏គួរឱ្យចងចាំជុំវិញទីក្រុងហាណូយ។

សុវណ្ណ