វៀតណាម - កម្ពុជា បន្តសម្របសម្រួលរុករក និងប្រមូលផ្តុំអដ្ឋិធាតុយុទ្ធជនពលី

អគ្គកុងស៊ុលវៀតណាមប្រចាំនៅខេត្តព្រះសីហនុ (កម្ពុជា) ចូលរួមអបអរសាទរខួបលើកទី ៧៣ នៃទិវាបង្កើតកងយោធពលខេមរភូមិន្ទ

អគ្គកុងស៊ុល លោក Nguyen Trung Hieu បានអញ្ជើញចូលជួបសម្តែងការគួរសម និងជូនពរជាបន្តបន្ទាប់ចំពោះលោក ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ និងលោក ណុប សំអុល មេបញ្ជាការតំបន់ប្រតិបត្តិការសឹករងខេត្តព្រះសីហនុ និងតំបន់និរតីនៃប្រទេសកម្ពុជា។

នៅក្នុងជំនួបនានា លោកអគ្គកុងស៊ុលបានផ្ញើសារលិខិតអបអរសាទរជូនចំពោះកងកម្លាំងប្រដាប់អាវុធកម្ពុជា ក្នុងឱកាសរំលឹកខួបលើកទី ៧៣ នៃទិវាបង្កើតកងយោធពលខេមរភូមិន្ទ ព្រមទាំងបានសម្តែងនូវបំណងប្រាថ្នាចង់ឱ្យកងកម្លាំងទាំងឡាយបន្តរីកចម្រើន និងសម្រេចបានសមិទ្ធផលជាច្រើនទៀតនាពេលខាងមុខ។

ដោយសង្កត់ធ្ងន់ថា ទំនាក់ទំនងអ្នកជិតខាងល្អ និងមិត្តភាពរវាង វៀតណាម និង កម្ពុជា ត្រូវបានពូនជ្រំឡើងពីការលះបង់របស់កងទ័ពស្ម័គ្រចិត្តវៀតណាម និងកងកម្លាំងប្រដាប់អាវុធកម្ពុជា លោកអគ្គកុងស៊ុល Nguyen Trung Hieu បានឱ្យដឹងថា បច្ចុប្បន្ននៅតែមានកងទ័ពស្ម័គ្រចិត្តវៀតណាមជាច្រើនរូបដែលបានពលីជីវិតនៅកម្ពុជា មិនទាន់ត្រូវបានរកឃើញ ប្រមូលផ្តុំ និងធ្វើមាតុភូមិនិវត្តន៍នៅឡើយ។

ក្នុងឱកាសនេះ លោកអគ្គកុងស៊ុលបានថ្លែងអំណរគុណយ៉ាងជ្រាលជ្រៅចំពោះការសម្របសម្រួល និងការគាំទ្ររបស់កងកម្លាំងប្រដាប់អាវុធនៃបណ្តាខេត្តភាគនិរតីកម្ពុជា ក្នុងការងាររុករក និងប្រមូលផ្តុំអដ្ឋិធាតុយុទ្ធជនពលីវៀតណាមនាពេលកន្លងមក។

ខាងភាគីកម្ពុជា មេបញ្ជាការកងកម្លាំងប្រដាប់អាវុធខេត្តព្រះសីហនុ បានសម្តែងការស្វាគមន៍ចំពោះលោក Nguyen Trung Hieu ដែលបានមកទទួលភារកិច្ចជាអគ្គកុងស៊ុលវៀតណាមប្រចាំនៅខេត្តព្រះសីហនុ និងតំបន់និរតីនៃប្រទេសកម្ពុជា។ បណ្តាមេបញ្ជាការបានសម្តែងនូវការដឹងគុណចំពោះការជួយឧបត្ថម្ភរបស់ប្រទេសវៀតណាម និងកងទ័ពស្ម័គ្រចិត្តវៀតណាម ក្នុងការតស៊ូវាយផ្តួលរំលំរបបខ្មែរក្រហម រហូតឈានដល់ជ័យជម្នះថ្ងៃទី ៧ ខែមករា ឆ្នាំ ១៩៧៩។

ភាគីទាំងពីរក៏បានផ្លាស់ប្តូរយោបល់អំពីការបន្តពង្រឹងទំនាក់ទំនងសាមគ្គីភាព មិត្តភាព និងការបង្កើនការសម្របសម្រួលរវាងស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ ជាមួយកងកម្លាំងប្រដាប់អាវុធកម្ពុជានៅលើភូមិសាស្ត្រ។

វិស័យកិច្ចសហប្រតិបត្តិការដែលត្រូវបានលើកឡើងរួមមាន ការធានាសន្តិសុខ ការងារកុងស៊ុល ការការពារពលរដ្ឋវៀតណាម និងការសម្របសម្រួលរុករក ព្រមទាំងប្រមូលផ្តុំអដ្ឋិធាតុយុទ្ធជនពលីវៀតណាមនាពេលខាងមុខ៕

ទីក្រុង Hue ជំរុញកិច្ចសហប្រតិបត្តិការវប្បធម៌ ទេសចរណ៍ជាមួយកម្ពុជា យុគសម័យ - កាលពីថ្ងៃទី ២៨ ខែតុលា នៅក្នុងជំនួបធ្វើការជាមួយគណៈប្រតិភូថ្នាក់ដឹកនាំវ័យក្មេងនៃគណបក្សប្រជាជនកម្ពុជា ថ្នាក់ដឹកនាំទីក្រុង Hue បានសម្តែងនូវបំណងពង្រឹងការតភ្ជាប់ជាមួយបណ្តាមូលដ្ឋានកម្ពុជា ជំរុញកិច្ចសហប្រតិបត្តិការក្នុងវិស័យវប្បធម៌ ទេសចរណ៍ អប់រំ ការបណ្តុះបណ្តាលធនធានមនុស្ស និងការផ្លាស់ប្តូរប្រជាជននិងប្រជាជន។

គយវៀតណាម - កម្ពុជា ជំរុញការសម្របសម្រួលប្រឆាំងការរត់ពន្ធ បង្កលក្ខណៈងាយស្រួលដល់ពាណិជ្ជកម្ម យុគសម័យ - នៅក្នុងសន្និសីទអគ្គនាយកគយវៀតណាម - កម្ពុជា ដែលបានប្រព្រឹត្តទៅចាប់ពីថ្ងៃទី ២៧ ដល់ថ្ងៃទី ២៩ ខែតុលា ឆ្នាំ ២០២៦ នៅ Phnom Penh កម្ពុជា ភាគីទាំងពីរបានឯកភាពលើផែនការសហប្រតិបត្តិការដំណាក់កាល ២០២៧ - ២០២៨ ដោយផ្តោតលើការពង្រឹងការផ្លាស់ប្តូរព័ត៌មាន ការគ្រប់គ្រងហានិភ័យ ការបង្ការ និងទប់ស្កាត់ការរត់ពន្ធ ព្រមទាំងបង្កលក្ខណៈងាយស្រួលដល់សកម្មភាពពាណិជ្ជកម្មឆ្លងកាត់ព្រំដែន។

សុវណ្ណា