វៀតណាម - ម៉ាឡេស៊ី៖ កិច្ចសហប្រតិបត្តិការសារគមនាគមន៍ជលសារជាអាទិភាពយុទ្ធសាស្ត្រមួយ

ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ Phan Van Giang និងរដ្ឋមន្ត្រីក្រសួងការពារជាតិម៉ាឡេស៊ី លោក Dato’ Seri Mohamed Khaled Bin Nordin បានធ្វើកិច្ចសន្ទនា។

ធ្វើការដោះដូរជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមនៅ Kuala Lumpur នាថ្ងៃទី ០៦ ខែសីហា អ្នកវិភាគកិច្ចការបរទេស និងសន្តិសុខ Collins Chong Yew Keat នៃសាកលវិទ្យាល័យ Malaya បានវាយតម្លៃថា ដំណើរទស្សនកិច្ចបានបង្កើតឡើងនូវរបៀបវារៈយុទ្ធសាស្ត្រ ពង្រីកវិសាលភាពកិច្ចសហប្រតិបត្តិការ និងពង្រឹងកិច្ចខិតខំប្រឹងប្រែងឆ្ពោះទៅកាន់ទំនាក់ទំនងដៃគូការពារជាតិប្រកបដោយលក្ខណៈអនុវត្តជាក់ស្តែងជាង។

តាមអ្នកជំនាញ Collins Chong Yew Keat លទ្ធផលសំខាន់មួយក្នុងចំណោមលទ្ធផលសំខាន់ៗនៃដំណើរទស្សនកិច្ច គឺការគាំទ្រនយោបាយថ្នាក់ខ្ពស់ចំពោះកិច្ចសហប្រតិបត្តិការការពារជាតិនៃប្រទេសទាំងពីរ។ នាយករដ្ឋមន្ត្រីរដ្ឋាភិបាល Le Minh Hung បានស្វាគមន៍វៀតណាម និង ម៉ាឡេស៊ីបង្កើនកិច្ចសហប្រតិបត្តិការការពារជាតិ ដោយដាក់វិស័យនេះនៅក្នុងក្របខ័ណ្ឌអភិវឌ្ឍន៍រយៈពេលវែងនៃទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ។

តាមរយៈជំនួបសម្តែងការគួរសមរបស់នាយករដ្ឋមន្ត្រីវៀតណាម ចំពោះរដ្ឋមន្ត្រីក្រសួងការពារជាតិម៉ាឡេស៊ី រដ្ឋាភិបាលទាំងពីរបានបញ្ជូនសញ្ញាបង្ហាញឱ្យឃើញថា ទំនាក់ទំនងការពារជាតិផ្សារភ្ជាប់ជាមួយទិដ្ឋភាពជារួមនៃទំនាក់ទំនងនយោបាយ សេដ្ឋកិច្ច បច្ចេកវិទ្យា និងការទូតរវាងប្រទេសទាំងពីរ។ នេះជាលក្ខខណ្ឌប្រកបដោយភាពងាយស្រួល ដើម្បីឱ្យភាគីទាំងពីរផ្លាស់ប្តូរចាប់ពីការដោះដូរ ការពិភាក្សា ទៅជាការលាតត្រដាងអនុវត្តបណ្តាកម្មវិធីកិច្ចសហប្រតិបត្តិការការពារជាតិ។

ភាគីទាំងពីរ៏បានបញ្ជាក់ឡើងវិញនូវអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការការពារជាតិនាឆ្នាំ ២០២៣ និងកម្មវិធីសកម្មភាពអនុវត្តទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ ថាជាបណ្តាទិសដៅសំខាន់សម្រាប់កិច្ចសហប្រតិបត្តិការនាពេលខាងមុខ។ បណ្តាខ្លឹមសារត្រូវបានកសាងនៅលើគ្រឹះស្ថានកិច្ចសហប្រតិបត្តិការដែលមានស្រាប់ ដូចជាការដោះដូរប្រតិភូ យន្តការពិគ្រោះយោបល់ ការអប់រំយោធា ឧស្សាហកម្មការពារជាតិ ក៏ដូចជាការសម្របសម្រួលនៅអាស៊ាន និងបណ្តាវេទិកាពហុភាគី។

តាមអ្នកជំនាញ Collins Chong Yew Keat កិច្ចសហប្រតិបត្តិការសារគមនាគមន៍ជលសារបានលេចធ្លោឡើងជាអាទិភាពយុទ្ធសាស្ត្រច្បាស់លាស់មួយ។ ភាគីទាំងពីរគាំទ្រការរក្សាការពិគ្រោះយោបល់ជាប្រចាំ បង្កើនការអន្តរកម្មរវាងបណ្តាស្ថាប័នអនុវត្តច្បាប់សារគមនាគមន៍ជលសារ ជួយឧបត្ថម្ភអ្នកនេសាទជួបគ្រោះមហន្តរាយ និងគ្រប់គ្រងសន្តិវិធីនូវបណ្តាវិវាទសារគមនាគមន៍ជលសារ ស្របតាមច្បាប់អន្តរជាតិ។

វៀតណាម និង ម៉ាឡេស៊ីក្នុងពេលជាមួយគ្នានេះបានបញ្ជាក់ឡើងវិញនូវសារៈសំខាន់នៃអនុសញ្ញាសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ការអនុវត្តយ៉ាងពេញលេញនូវសេចក្តីថ្លែងការណ៍ស្តីពីការប្រតិបត្តិរបស់បណ្តាភាគីនៅសមុទ្រខាងកើត (DOC) និងការឆាប់បញ្ចប់ប្រកបដោយប្រសិទ្ធភាព និងជាក់ស្តែងនូវក្រមប្រតិបត្តិនៅសមុទ្រខាងកើត (COC)។

ការអប់រំ និងការបណ្តុះបណ្តាលក៏ជាខ្លឹមសារកិច្ចសហប្រតិបត្តិការមួយដែលត្រូវបានយកចិត្តទុកដាក់ផងដែរ។ បណ្តាកម្មវិធីទ្វេភាសា ការផ្លាស់ប្តូរសាស្ត្រាចារ្យ បណ្តាវគ្គសិក្សាសម្រាប់នាយទាហាន និងការផ្លាស់ប្តូររវាងបណ្តាវិទ្យាស្ថានយោធា ត្រូវបានវាយតម្លៃថាជាបណ្តាគំនិតផ្តួចផ្តើមដែលអាចអនុវត្តបានអំពីចំណាយ និងមានសក្តានុពលនាំមកនូវប្រសិទ្ធភាពខ្ពស់។

តាមអ្នកជំនាញនៃសាកលវិទ្យាល័យ ម៉ាឡេស៊ីក្នុងរយៈពេលវែង បណ្តាកម្មវិធីទាំងនេះអាចរួមចំណែកបង្កើតបានជាបណ្តាញនាយទាហានដែលមានទុនពាក្យពេចន៍ជំនាញរួមគ្នា មានការយល់ដឹងអំពីវប្បធម៌ស្ថាប័ននៃគ្នាទៅវិញទៅមក និងមានសមត្ថភាពប្រាស្រ័យទាក់ទងដោយផ្ទាល់នៅក្នុងបណ្តាស្ថានការណ៍បន្ទាន់ ឬសកម្មភាពពហុជាតិ។

នៅក្នុងវិស័យឧស្សាហកម្មការពារជាតិ វៀតណាមបានអញ្ជើញថ្នាក់ដឹកនាំការពារជាតិ តំណាងកងកម្លាំងប្រដាប់អាវុធ និងបណ្តាសហគ្រាសម៉ាឡេស៊ី ចូលរួមពិព័រណ៍ការពារជាតិអន្តរជាតិវៀតណាម (VNDefenceExpo) លើកទី ៣។ តាមអ្នកជំនាញ Collins Chong Yew Keat ពិព័រណ៍ VNDefenceExpo 2026 អាចបង្កើតគ្រឹះស្ថានដើម្បីកំណត់បណ្តាគម្រោង និងដៃគូដែលមានសក្តានុពល។ ទោះជាយ៉ាងណាក៏ដោយ ដើម្បីឈានទៅកាន់បណ្តាកិច្ចសន្យាទិញដូរ ការផ្ទេរប្រគល់បច្ចេកវិទ្យា ឬការផលិតរួមគ្នា នឹងត្រូវការពង្រីកបន្ថែមនូវបណ្តាជំហានលាតត្រដាងអនុវត្តជាក់ស្តែងជាច្រើនទៀត។

វាយតម្លៃជាទូទៅអំពីដំណើរទស្សនកិច្ច អ្នកជំនាញ Collins Chong Yew Keat ចាត់ទុកថា សកម្មភាពនេះបានផ្សារភ្ជាប់ទំនុកចិត្តនយោបាយ ផលប្រយោជន៍សារគមនាគមន៍ជលសារ និងបណ្តាគោលដៅនៃអាស៊ានជុំវិញកម្មវិធីកិច្ចសហប្រតិបត្តិការប្រកបដោយលក្ខណៈអនុវត្តជាក់ស្តែងជាង។

ចំពោះម៉ាឡេស៊ីដំណើរទស្សនកិច្ចបានរួមចំណែកជួយឧបត្ថម្ភសមត្ថភាពស្តារឡើងវិញនូវសារគមនាគមន៍ជលសារ ការធ្វើឱ្យចម្រុះកម្មការពារជាតិ និងជំរុញសន្តិសុខតំបន់ដោយមានអាស៊ានដើរតួនាទីជាមជ្ឈមណ្ឌល។ ចំពោះវៀតណាម ដំណើរទស្សនកិច្ចបានពង្រីកឱកាសកសាងសមត្ថភាព អភិវឌ្ឍបណ្តាយន្តការគ្រប់គ្រងហានិភ័យសារគមនាគមន៍ជលសារ និងធ្វើឱ្យចម្រុះបណ្តាញដៃគូការពារជាតិដែលអាចទុកចិត្តបាន៕

នាវាកងទ័ពជើងទឹកម៉ាឡេស៊ីអញ្ជើញ​មកបំពេញទស្សនកិច្ចនៅអង្គភាពទ័ពជើងទឹកវៀតណាម នាព្រឹកថ្ងៃទី ២៤ ខែកញ្ញា នាវាហ្វឹកហាត់មួយក្រុម រួមមាននាវា KD Teguh Samudera និងនាវា KD Gempita នៃកងទ័ពជើងទឹកម៉ាឡេស៊ី បានមកដល់កំពង់ផែអន្តរជាតិ Cam Ranh ដោយចាប់ផ្តើមបំពេញទស្សនកិច្ចនៅអង្គភាពទ័ពជើងទឹកវៀតណាមមួយចំនួនក្នុងខេត្ដ Khanh Hoa។

ការពារសិទ្ធិ និងផលប្រយោជន៍ស្របច្បាប់របស់ស្ត្រី និងកុមារវៀតណាមនៅប្រទេសម៉ាឡេស៊ី យុគសម័យ - នាថ្ងៃទី ២០ ខែតុលា សមាគមមិត្តភាពម៉ាឡេស៊ី-វៀតណាម បានសម្របសម្រួលជាមួយស្ថានទូតវៀតណាមប្រចាំនៅម៉ាឡេស៊ី ដើម្បីអបអរសាទរខួបលើកទី ១០ នៃការបង្កើតសមាគមនារីវៀតណាម និងខួបលើកទី ៨ នៃការបង្កើតក្លឹបភាសាវៀតណាមនៅម៉ាឡេស៊ី។

សុវណ្ណ

thoidai.com.vn