ជំរុញការផ្សព្វផ្សាយកសិផល និងចំណីអាហារប៉ូឡូញនៅទីផ្សារវៀតណាម

ជំរុញការផ្សព្វផ្សាយកសិផល និងចំណីអាហារប៉ូឡូញនៅទីផ្សារវៀតណាម។

កម្មវិធីនេះត្រូវបានរៀបចំឡើងដោយ ស្ថានទូតប៉ូឡូញប្រចាំនៅវៀតណាម មជ្ឈមណ្ឌលជម្រុញនៃបន្ទប់ពាណិជ្ជកម្មប៉ូឡូញ និងសមាគមសហគ្រាសប៉ូឡូញ។

“Taste Europe - ស្វែងយល់រសជាតិនៃអឺរ៉ុប!” គឺជាយុទ្ធនាការផ្សព្វផ្សាយបណ្តាផលិតផលកសិកម្ម និងចំណីអាហារដែលត្រូវបានជ្រើសរើស មានប្រភពដើមមកពីសហភាពអឺរ៉ុប (EU) នៅក្នុងនោះមានសាច់គោ សាច់ជ្រូកស្រស់ ក្លាសេត្រជាក់ និងក្លាសេរឹង; ផ្លែប៉ោមស្រស់ ទឹកផ្លែប៉ោម ផ្លែប៉ោមសម្ងួត...

នៅវៀតណាម បណ្តាសកម្មភាពនៃយុទ្ធនាការតម្រង់ទិសទៅកាន់អ្នកប្រើប្រាស់ អ្នកជំនាញវិស័យឧស្សាហកម្មចំណីអាហារ អ្នកនាំចូល អ្នកចែកចាយ តំណាងលក់រាយ និងវិស័យ HoReCa រួមមានសណ្ឋាគារ ភោជនីយដ្ឋាន និងហាងកាហ្វេ។

តាមលោកស្រី Bozena Wroblewska ប្រធានមជ្ឈមណ្ឌលជម្រុញនៃបន្ទប់ពាណិជ្ជកម្មប៉ូឡូញ យុទ្ធនាការណែនាំអំពីនីតិវិធីផលិតកម្ម កែច្នៃ ត្រួតពិនិត្យ និងចែកចាយចំណីអាហារអឺរ៉ុបនៅក្នុងនោះសង្កត់ធ្ងន់លើបណ្តាកត្តាសុវត្ថិភាពចំណីអាហារ គុណភាពផលិតផល សមត្ថភាពស្វែងរកប្រភពដើម និងភាពតម្លាភាពនៅក្នុងខ្សែសង្វាក់ផ្គត់ផ្គង់ទាំងមូល។

យុទ្ធនាការក៏ណែនាំផងដែរអំពីរបៀបប្រើប្រាស់បណ្តាផលិតផលនៅក្នុងវិស័យលក់រាយ សេវាកម្មហូបចុក និងការកែច្នៃម្ហូបអាហារប្រចាំថ្ងៃ រួមទាំងមុខម្ហូបទាំងឡាយដែលត្រូវបានកែសម្រួលឱ្យសមស្របនឹងឱជារស និងប្រពៃណីម្ហូបអាហាររបស់អ្នកប្រើប្រាស់វៀតណាម។

លោកស្រី Bozena Wroblewska បានឱ្យដឹងថា គោលដៅសំខាន់មួយទៀតគឺជំរុញការសន្ទនា និងកិច្ចសហប្រតិបត្តិការរវាងតំណាងវិស័យកសិផល - ចំណីអាហារអឺរ៉ុប ជាមួយសហគមន៍សហគ្រាស និងអង្គការនានានៅក្នុងវិស័យចំណីអាហារវៀតណាម។ តាមរយៈនោះ ភាគីទាំងឡាយមានឱកាសដោះដូរអំពីតម្រូវការទីផ្សារ ប្រព័ន្ធចែកចាយ ការអភិវឌ្ឍផលិតផល និងឱកាសកិច្ចសហប្រតិបត្តិការពាណិជ្ជកម្ម។

លោក Henryk Smolarz អគ្គនាយកមជ្ឈមណ្ឌលគាំទ្រកសិកម្មជាតិនៃប៉ូឡូញ បានឱ្យដឹងថា មជ្ឈមណ្ឌលផ្សព្វផ្សាយកសិផល និងចំណីអាហារប៉ូឡូញនៅបរទេសតាមរយៈបណ្តាសពិព័រណ៍ ពិព័រណ៍ពាណិជ្ជកម្ម ព្រមទាំងរៀបចំបណ្តាប្រតិភូសហគ្រាសមកកាន់បណ្តាប្រទេស សំដៅស្វែងរកឱកាសនាំចេញ និងរុករកទីផ្សារដែលមានសក្តានុពល។

តាមលោក ប៉ូឡូញ គឺជាប្រទេសផលិតចំណីអាហារឈានមុខគេនៅអឺរ៉ុប និងពិភពលោក។ មជ្ឈមណ្ឌលប្រាថ្នាចង់ណែនាំរសជាតិ និងគុណភាពនៃបណ្តាផលិតផលទាំងនេះមកកាន់ទីផ្សារវៀតណាម ព្រមទាំងសក្ដិសមត្រៀមខ្លួនជាស្រេចជួយឧបត្ថម្ភសហគមន៍សហគ្រាសនៃប្រទេសទាំងពីរភ្ជាប់ទំនាក់ទំនងពាណិជ្ជកម្ម និងជំរុញកិច្ចសហប្រតិបត្តិការពាណិជ្ជកម្ម។

ឯកអគ្គរដ្ឋទូតនៃសាធារណរដ្ឋប៉ូឡូញប្រចាំនៅវៀតណាម លោកស្រី Joanna Skoczek បានវាយតម្លៃថាវត្តមានរបស់សហគ្រាសប៉ូឡូញនៅវៀតណាម មិនត្រឹមតែសំដៅផ្សព្វផ្សាយផលិតផលប៉ុណ្ណោះទេ ប៉ុន្តែថែមទាំងដើម្បីអង្កេតស្រាវជ្រាវទីផ្សារ និងពង្រីកកិច្ចសហប្រតិបត្តិការពាណិជ្ជកម្ម។ប្រការនេះក៏បង្ហាញឱ្យឃើញថា បណ្តាអ្នកផលិតប៉ូឡូញ យកចិត្តទុកដាក់លើសក្តានុពលនាំចេញផលិតផលមកកាន់វៀតណាម។

នាពេលបច្ចុប្បន្ន អាស៊ីអាគ្នេយ៍ត្រូវបានវាយតម្លៃថាជាទីផ្សារសំខាន់របស់ប៉ូឡូញ នៅក្នុងនោះ វៀតណាម គឺជាគោលដៅលេចធ្លោ ជាមួយនឹងបណ្តាផលិតផលចម្រុះរបស់ ប៉ូឡូញ បានវត្តមាននៅលើទីផ្សាររួចជាស្រេច។បណ្តាសហគ្រាសប៉ូឡូញ បន្តខិតខំប្រឹងប្រែងនាំយកផលិតផលបន្ថែមទៀតមកកាន់អ្នកប្រើប្រាស់វៀតណាម។ ទំនាក់ទំនងកិច្ចសហប្រតិបត្តិការពាណិជ្ជកម្ម និងការវិនិយោគ រវាងសហគមន៍សហគ្រាសនៃប្រទេសទាំងពីរ ក៏ត្រូវបានភ្ជាប់ទំនាក់ទំនងយ៉ាងប្រកបដោយចីរភាព ដោយបង្កើតបានជាគ្រឹះស្ថានអភិវឌ្ឍន៍នាពេលខាងមុខ។

វត្តមានជាបន្តបន្ទាប់នៃបណ្តាប្រតិភូសហគ្រាសប៉ូឡូញក្នុងរយៈពេលច្រើនឆ្នាំនៅ ពិព័រណ៍អន្តរជាតិ Vietfood & Beverage - ProPack Vietnam បង្ហាញឱ្យឃើញពីការយកចិត្តទុកដាក់កាន់តែធំឡើងនៃសហគ្រាសអឺរ៉ុប ចំពោះទីផ្សារវៀតណាម ព្រមទាំងបញ្ជាក់ពីតួនាទីនៃពិព័រណ៍នៅក្នុងការភ្ជាប់ទំនាក់ទំនងជម្រុញពាណិជ្ជកម្ម រវាងសហគ្រាសនៃប្រទេសទាំងពីរ។

ឆ្នាំនេះគឺជាឆ្នាំទី ៥ ជាប់ៗគ្នាដែលយុទ្ធនាការ “Taste Europe - ស្វែងយល់រសជាតិនៃអឺរ៉ុប!” ជ្រើសរើសយកពិព័រណ៍ធ្វើជាគោលដៅផ្សព្វផ្សាយម៉ាកសញ្ញា និងភ្ជាប់ទំនាក់ទំនងពាណិជ្ជកម្មនៅវៀតណាម។ បណ្តាផលិតផលដែលត្រូវបានណែនាំរួមមាន សាច់ជ្រូក សាច់គោ និងផលិតផលកែច្នៃចេញពីសាច់ទាំងពីរប្រភេទនេះ រួមជាមួយផ្លែប៉ោម និងបណ្តាផលិតផលកែច្នៃចេញពីផ្លែប៉ោម។

អំពីភាគីវៀតណាមលោកស្រី Bui Thi Ninh អនុប្រធានសាខាសហព័ន្ធពាណិជ្ជកម្ម និងឧស្សាហកម្មវៀតណាមប្រចាំនៅ TP Ho Chi Minh (VCCI-HCM) បានឱ្យដឹងថា ឆ្នាំ ២០២៦ កត់សម្គាល់ខួបលើកទី ៧៦ នៃទំនាក់ទំនងការទូត វៀតណាម - ប៉ូឡូញ។ កិច្ចព្រមព្រៀងពាណិជ្ជកម្មសេរី វៀតណាម - EU (EVFTA) បន្តបង្កើតក្របខ័ណ្ឌប្រកបដោយភាពងាយស្រួលសម្រាប់សហគ្រាស។ ខឿនសេដ្ឋកិច្ចទាំងពីរមានលក្ខណៈបំពេញបន្ថែមឱ្យគ្នាយ៉ាងខ្ពស់ នៅពេលដែលប៉ូឡូញ គឺជាមជ្ឈមណ្ឌលផលិតកម្ម និងកែច្នៃចំណីអាហារឈានមុខគេនៅអឺរ៉ុបខណៈពេលដែលវៀតណាម គឺជាទីផ្សារប្រើប្រាស់យ៉ាងសកម្ម និងជាទ្វារចូលមកកាន់តំបន់ អាស៊ាន។ VCCI-HCM ប្តេជ្ញាចិត្តបន្តធ្វើជាស្ពានចងស្ពានអមដំណើរជាមួយសហគ្រាសវៀតណាម - ប៉ូឡូញ នៅក្នុងការជម្រុញពាណិជ្ជកម្ម ការវិនិយោគ និងការទាញយកប្រយោជន៍យ៉ាងមានប្រសិទ្ធភាពនូវបណ្តាឱកាសចេញពី EVFTA៕

លោក Pham Minh Chinh នាយករដ្ឋមន្ត្រីវៀតណាម៖ ប៉ូឡូញបង្កើតលក្ខខណ្ឌអំណោយផលសម្រាប់ផលិតផលកសិកម្ម រុក្ខាប្រមាញ់ និងនេសាទរបស់វៀតណាម នារសៀលថ្ងៃទី១៦ មីនា លោក Pham Minh Chinh នាយករដ្ឋមន្ត្រីវៀត​ណាម បានទទួលជួបលោក Zbigniew Rau រដ្ឋមន្ត្រីការបរទេសប៉ូឡូញ ក្នុងឱកាសដែលលោកមកបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី ១៦ ដល់ថ្ងៃទី ១៧ មីនា។

ជំរុំរដូវក្តៅ “សប្បាយជាមួយភាសាវៀតណាម” ឆ្នាំ ២០២៣ នៅប្រទេសប៉ូឡូញ យុគសម័យ - សាលាភាសាវៀតណាម Lac Long Quan ទើបតែបានប្រកាសកម្មវិធីជំរុំរដូវក្តៅ “សប្បាយជាមួយភាសាវៀតណាម” លើកទី ៩ ក្នុងឆ្នាំ ២០២៣។

ឌឹកអាញ់

thoidai.com.vn