ណែមចៀនបួស Thap Thuyen - ភោជនីយដ្ឋាន Lang Ta នៅទីក្រុងហាណូយ

12:45 2021/01/22

យុគសម័យ - «សារដែលយើងចង់ផ្ញើទៅអតិថិជនទាំងអស់គឺការពិសារម្ហូបបួសដើម្បីផ្លាស់ប្តូរពិភពលោកទាក់ទងនឹងទស្សនៈមនុស្សសីលធម៌របស់យើង ហើយមនុស្សគ្រប់ៗ គ្នានឹងឃើញបញ្ហាក្នុងជិវិតតាមលក្ខណៈទន់ភ្លន់និងប្រកបដោយសុជីវធម៌ផងដែរ ។ "

ណែមចៀនបួស Thap Thuyen - ភោជនីយដ្ឋាន Lang Ta នៅទីក្រុងហាណូយ
ណែមចៀនបួស Thap Thuyen - ភោជនីយដ្ឋាន Lang Ta នៅទីក្រុងហាណូយ

ភោជនីយដ្ឋានម្ហូបបួស Lang Ta មានអាស័យដ្ឋាននៅផ្ទះលេខ ១១៧ វិថី Hang Bac ទីក្រុងហាណូយ បានប្រសូត្រឡើង ដោយនាំយកតាមនូវបេសកកម្មបង្ហាញពីតម្លៃនៃម្ហូបបួសដល់អ្នកទទួលទាន ។

ការពិសារម្ហូបបួសគឺជាទំនៀមទំលាប់ខាងជំនឿ វប្បធម៌ប្រពៃណីជាយូរមកហើយរបស់បណ្តាប្រទេសអាស៊ីបូព៌ា ក្នុងនោះមានប្រទេសវៀតណាមផងដែរ។ សព្វថ្ងៃនេះ ការពិសារម្ហូបបួសកំពុងក្លាយជានិន្នាការថ្មីសម្រាប់មនុស្សជាច្រើនដែលជាវិធីសាស្ត្រថែរក្សាសុខភាពនិងធ្វើឲ្យព្រលឹងជ្រះថ្លា។

មកដល់ភោជនីយដ្ឋានអាហារបួស Lang Ta អតិថិជនអាចទទួលទានអាហារបួសដោយមានការជ្រើសរើសកៅអីអង្គុយតាមចំណង់ចំណូលចិត្ត និងតាមតម្រូវការរបស់ខ្លួន។ ទន្ទឹមនឹងនោះដែរ ភាពស្និទ្ធស្នាលរួសរាយរាក់ទាក់របស់បុគ្គលិកនៃភោជនីយដ្ឋានអាហារបួសនេះ ក៏ទាក់ទាញចិត្តអតិថិជនដែរ។

ណែមចៀនបួស Thap Thuyen - ភោជនីយដ្ឋាន Lang Ta នៅទីក្រុងហាណូយ

មានទីតាំងស្ថិតនៅលើវិថី Hang Bac ដែលមានភាពអ៊ូអរនិងមនុស្សច្រើនកុះករ ភោជនីយដ្ឋានម្ហូបបួស  Lang Ta មានភាពស្រស់បំព្រងនិងកក់ក្ដៅដែលត្រូវបានគេប្រដូចជាកន្លែងស្ងប់ស្ងាត់មួយនៅក្នុងការរស់នៅដ៏មមាញឹកនិងអ៊ូអរនៃទីក្រុង។ អតិថិជននៅតែមក     ពិសារម្ហូបបួសទៅភោជនីយដ្ឋាននេះយ៉ាងច្រើនកុះករដោយមិនគិតពីថ្ងៃពេញបូណ៌មី ឬខែទី ១ តាមច័ន្ទគតិនោះទេ។

មុខម្ហូបបួសនៅក្នុងភោជនីយដ្ឋានត្រូវបានរៀបចំនិងចម្អិនដ៏ប្លែកៗ ច្រើនសម្បូរបែប និងសុវត្ថិភាព។ វត្ថុធាតុដើមនៃគ្រឿងផ្សំទាំងអស់ដែលត្រូវបានប្រើសម្រាប់កែច្នៃម្ហូបបួសគឺមកពីរុក្ខជាតិ ដូចជាបន្លែនិងតៅហ៊ូជាដើម ... ទាំងនេះពិតជា    ស្រស់ៗ និងត្រូវបានជ្រើសរើសយ៉ាងហ្មត់ចត់។ លោកស្រី Nguyen Hien - ម្ចាស់ភោជនីយដ្ឋានបានចែករំលែកថា៖

ណែមចៀនបួស Thap Thuyen - ភោជនីយដ្ឋាន Lang Ta នៅទីក្រុងហាណូយ

“អាហារបួសគឺសាមញ្ញណាស់ ហើយមានភាពស្និតស្នាលសម្រាប់ភ្ញៀវទៀតផង។ ហេតុដូច្នេះយើងខ្ញុំតែងតែចម្អិននិងតុបតែងម្ហូបពីវត្ថុធាតុដើមស្រស់ៗផង  ដែរ។ បន្លែនិងផ្លែឈើមានលក្ខណៈជិតស្និទ្ធនឹងធម្មជាតិ។ ម្ហូបរបស់ភោជនីយដ្ឋានទាំងអស់ដែលមានមុខម្ហូបរាប់សិប ក៏មាន ៩០% ជាម្ហូបដែលធ្វើដោយភោជនីយដ្ឋានផ្ទាល់ខ្លួនតែម្តង»។

មុខម្ហូបដែលចាត់ទុកជា «ម៉ាក់យីហោ» របស់ភោជនីយដ្ឋានរួមមានណែមចៀនតាមបែបប្រពៃណី ណែម  Thap Thuyen ញាំសាឡាត់ផ្លែឈើ និងណែមមូល។ គ្រាន់តែក្រឡេកមើលត្រួសៗមុខម្ហូបទាំងនេះហើយក៏បញ្ជាក់ថាមេចុងភៅឧស្សាហ៍ព្យាយាមយ៉ាងល្អិតល្អន់និងម៉ត់ចត់ប៉ុណ្ណា។ លោកស្រី Nguyen Hien បានបន្ថែមទៀតថា ដើម្បីធ្វើឱ្យម្ហូបបួសឆ្ងាញ់ៗ និងធ្វើឲ្យភ្ញៀវពេញចិត្ត មេចុងភៅត្រូវតែរក្សាចិត្តឱ្យស្ងប់។

ណែមចៀនបួស Thap Thuyen - ភោជនីយដ្ឋាន Lang Ta នៅទីក្រុងហាណូយ

«សារដែលយើងចង់ផ្ញើទៅអតិថិជនទាំងអស់គឺការពិសារម្ហូបបួសដើម្បីផ្លាស់ប្តូរពិភពលោកទាក់ទងនឹងទស្សនៈមនុស្សសីលធម៌របស់យើង ហើយមនុស្សគ្រប់ៗ គ្នានឹងឃើញបញ្ហាក្នុងជិវិតតាមលក្ខណៈទន់ភ្លន់និងប្រកបដោយសុជីវធម៌ផងដែរ ។ "

ពិតណាស់ថា ការទទួលទានម្ហូបបួសនីមួយៗដែលមានរសជាតិសាមញ្ញនិងឈ្ងុយឆ្ងាញ់ រួមជាមួយផឹកទឹកផ្លែឈើមួយកែវ ឬទឹកតែត្រាំជាមួយផ្កានឹងជួយឱ្យអតិថិជនមានអារម្មណ៍ដ៏ល្អឥតខ្ចោះ។ ប្រសិនបើអ្នកចង់ទទួលបានបទពិសោធន៍នៅនឹងកន្លែងដែលមានម្ហូបបួសប្លែកៗនិងកក់ក្តៅនៅចំកណ្តាលទីក្រុងហាណូយសូមអញ្ជើញមកដល់ភោជនីយដ្ឋានម្ហូបបួស Lang Ta ហើយនេះក៏ជាកន្លែងដែលអ្នកទទួលទាំងនៅជិតឬឆ្ងាយ ពុំគួរខកខានបានទេ៕

(ប្រែសម្រួលដោយ ហេង វុធ្ធី)
(ប្រភពព័ត៌មាន: vov5)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll