ឯកអគ្គរដ្ឋទូតរុស្ស៊ី៖ រចនាសម្ព័ន្ធតំបន់ដែលយកអាស៊ានជាមជ្ឈមណ្ឌលជួយរក្សាតុល្យភាពផលប្រយោជន៍ បង្កើតការសន្ទនា និងជំរុញសន្តិភាព

សូមលោកឯកអគ្គរដ្ឋទូតវាយតម្លៃអំពីសារៈសំខាន់នៃកិច្ចប្រជុំកំពូលអាស៊ាន-រុស្ស៊ីនាពេលនេះ ក្នុងឱកាសរំលឹកខួបអនុស្សាវរីយ៍លើកទី ៣៥ នៃទំនាក់ទំនងដៃគូសន្ទនា?

នាពេលបច្ចុប្បន្ន តំបន់អាស៊ី-ប៉ាស៊ីហ្វិកកំពុងឆ្លងកាត់ដំណាក់កាលអភិវឌ្ឍន៍ដ៏ស្មុគស្មាញ ប៉ុន្តែមានអត្ថន័យក្នុងលក្ខណៈសម្រេចចំពោះអនាគត។ នេះគឺជាទីកន្លែងប្រមូលផ្តុំនូវបណ្តាមជ្ឈមណ្ឌលកំណើនសេដ្ឋកិច្ចប្រកបដោយសក្តានុពលបំផុតរបស់ពិភពលោក ព្រមទាំងជាទីកន្លែងរូបរាងឡើងនូវបណ្តាខ្សែច្រវាក់ផលិតកម្ម បច្ចេកវិទ្យានិងឡូជីស្ទីកដ៏មានសារៈសំខាន់។ ក្រៅពីនេះ យើងក៏បានឃើញនូវសម្ពាធកាន់តែខ្លាំងឡើងពីខាងក្រៅចំពោះរចនាសម្ព័ន្ធតំបន់ដែលបានរូបរាងឡើង។

កិច្ចប្រជុំកំពូលរំលឹកខួបលើកទី ៣៥ នៃទំនាក់ទំនងអាស៊ាន-រុស្ស៊ី បានប្រព្រឹត្តទៅនៅទីក្រុង Kazan ប្រទេសរុស្ស៊ី នាថ្ងៃទី ១៨ ខែមិថុនា។

ក្នុងបរិបទនោះ បណ្តារបៀបចូលទៅជិតដោយឯករាជ្យ មានការទទួលខុសត្រូវនិងមានតុល្យភាព ដោយផ្អែកលើគោលការណ៍គោរពអធិបតេយ្យភាព មិនជ្រៀតជ្រែកចូលកិច្ចការផ្ទៃក្នុង ភាពស្មើគ្នាព្រមទាំងគិតគូរដល់ផលប្រយោជន៍ស្របច្បាប់របស់ភាគីទាំងអស់ដែលចូលរួមក្នុងដំណើរការតំបន់ គឺកាន់តែមានតម្លៃពិសេសខ្លាំងណាស់។ នេះក៏ជាបណ្តាគោលការណ៍ដែលមានភាពជិតស្និទ្ធជាមួយទាំងរុស្ស៊ីនិងអាស៊ាន។

ក្នុងក្របខ័ណ្ឌនៃជំនួបរវាងបណ្តាថ្នាក់ដឹកនាំអាស៊ាននិងរុស្ស៊ីនៅទីក្រុង Kazan ភាគីទាំងពីរនឹងធ្វើការដោះដូរយោបល់គ្នាយ៉ាងស៊ីជម្រៅនិងទូលំទូលាយអំពីបណ្តាបញ្ហាប្រឈមដ៏បន្ទាន់បំផុតនៅក្នុងកម្មវិធីរបៀបវារៈអន្តរជាតិនិងតំបន់ បណ្តាវិធានការធ្វើឱ្យស៊ីជម្រៅបន្ថែមទៀតនូវកិច្ចសហប្រតិបត្តិការជាក់ស្តែង ព្រមទាំងកំណត់បណ្តាជំហានដើរក្នុងគោលបំណងជំរុញទំនាក់ទំនងរុស្ស៊ី-អាស៊ាននាពេលអនាគត។

លទ្ធផលនៃបណ្តាការពិភាក្សាត្រូវបានរំពឹងទុកថានឹងបង្ហាញនៅក្នុងបណ្តុំឯកសារមួយចំនួន ដែលកត់ត្រានូវបណ្តាអាទិភាពរួមនិងកំណត់ទិសដៅអភិវឌ្ឍន៍បន្ទាប់ទៀតនៃដៃគូយុទ្ធសាស្ត្រអាស៊ាន-រុស្ស៊ី។

នៅមុនឈានចូលដល់កិច្ចប្រជុំកំពូល នាថ្ងៃទី ១៧ ខែមិថុនា បានប្រព្រឹត្តទៅនូវវេទិកាសហគ្រាសរុស្ស៊ី-អាស៊ាន ជាមួយការចូលរួមរបស់បណ្តាអ្នកជំនួញឈានមុខគេរបស់រុស្ស៊ីនិងបណ្តាប្រទេសអាស៊ីអាគ្នេយ៍។ គោលដៅនៃវេទិកាគឺដើម្បីជំរុញកំណើនពាណិជ្ជកម្មនិងការវិនិយោគរបស់ភាគីទាំងសងខាង ដាក់ឱ្យដំណើរការបណ្តាគម្រោងសហប្រតិបត្តិការដែលមានផលប្រយោជន៍ទៅវិញទៅមក ក្នុងនោះមានបណ្តាគំនិតផ្តួចផ្តើមសម្រាប់យុវជន។

យើងខ្ញុំចាត់ទុកបណ្តាសកម្មភាពនាពេលខាងមុខ មិនត្រឹមតែជាឱកាសបូកសរុបផ្លូវដើរដែលបានឆ្លងកាត់នោះទេ ប៉ុន្តែថែមទាំងជាបង្គោលចរដ៏មានសារៈសំខាន់ដើម្បីកំណត់បណ្តាទិសដៅសហប្រតិបត្តិការក្នុងបណ្តាឆ្នាំជាច្រើនខាងមុខទៀត។ យើងខ្ញុំរំពឹងទុកថាកិច្ចប្រជុំកំពូលរំលឹកខួបនេះនឹងបញ្ជាក់ពីការប្តេជ្ញាចិត្តរបស់រុស្ស៊ីនិងអាស៊ានចំពោះម៉ូដែលសហប្រតិបត្តិការបើកចំហនិងបរិយាបន្ន ព្រមទាំងបង្កើតកម្លាំងរុញច្រានបន្ថែមសម្រាប់កិច្ចសហប្រតិបត្តិការជាក់ស្តែងនៅក្នុងបណ្តាវិស័យដ៏មានសារៈសំខាន់ដូចជាថាមពល ការបំប្លែងខ្លួនជាឌីជីថល សន្តិសុខព័ត៌មាន ពាណិជ្ជកម្ម ការផ្សារភ្ជាប់ទំនាក់ទំនងដឹកជញ្ជូន ការអប់រំនិងការដោះដូរមនុស្សធម៌។

ខ្ញុំជឿជាក់ថាការចូលរួមរបស់គណៈប្រតិភូជាន់ខ្ពស់វៀតណាមដឹកនាំដោយនាយករដ្ឋមន្ត្រី លោក Le Minh Hung នឹងរួមចំណែកចូលក្នុងជោគជ័យនៃកិច្ចប្រជុំកំពូល ព្រមទាំងបង្កើនបណ្តាទំនាក់ទំនងផ្សារភ្ជាប់ដ៏សម្បូរបែបរវាងរុស្ស៊ីនិងអាស៊ាន។

តើលោកឯកអគ្គរដ្ឋទូតវាយតម្លៃយ៉ាងណាចំពោះឋានៈនិងតួនាទីរបស់អាស៊ាននៅក្នុងតំបន់ ជាពិសេសក្នុងការបង្កើតបរិយាកាសសម្រាប់ការសន្ទនានិងការជំរុញសន្តិភាព?

រុស្ស៊ីគឺជាដៃគូយូរអង្វែងនិងគួរឱ្យទុកចិត្តបំផុតរបស់បណ្តាប្រទេសអាស៊ីអាគ្នេយ៍។ ចំណុចនោះបានបង្កើតជាគ្រឹះស្ថានសម្រាប់ការសន្ទនានៅលើមូលដ្ឋានគោរពគ្នាទៅវិញទៅមក ភាពជឿជាក់និងកិច្ចសហប្រតិបត្តិការជាក់ស្តែង។

លោក Gennady Stepanovich Bezdetko ឯកអគ្គរដ្ឋទូតរុស្ស៊ីប្រចាំនៅវៀតណាម។

រុស្ស៊ីតែងតែមានភាពស្របគ្នាក្នុងការគាំទ្រតួនាទីមជ្ឈមណ្ឌលរបស់អាស៊ាននៅក្នុងបណ្តាបញ្ហាតំបន់។ រចនាសម្ព័ន្ធតំបន់ដែលយកអាស៊ានជាមជ្ឈមណ្ឌលគឺអនុញ្ញាតឱ្យរក្សាតុល្យភាពផលប្រយោជន៍ ចៀសវាងការប្រឈមមុខដាក់គ្នា និងកសាងការសន្ទនានៅលើមូលដ្ឋានគោរពភាគីទាំងអស់ដែលចូលរួម។

យើងខ្ញុំយកចិត្តទុកដាក់ជាពិសេសចំពោះកិច្ចសហប្រតិបត្តិការជាមួយអាស៊ាននៅក្នុងវិស័យនយោបាយ-សន្តិសុខ ដោយផ្តោតលើការកសាងប្រព័ន្ធទំនាក់ទំនងអន្តរជាតិប្រកបដោយភាពស្មើគ្នា មានតុល្យភាពនិងមានតម្លាភាពនៅតំបន់អាស៊ី-ប៉ាស៊ីហ្វិក។ ក្នុងឆ្នាំ ២០០៤ រុស្ស៊ីបានចូលរួមសន្ធិសញ្ញាមិត្តភាពនិងកិច្ចសហប្រតិបត្តិការនៅអាស៊ីអាគ្នេយ៍ (TAC) ដែលជាឯកសារគ្រឹះស្ថានមួយក្នុងចំណោមឯកសារគ្រឹះស្ថានទាំងឡាយរបស់អាស៊ាន។

ភាគីទាំងពីរកំពុងដាក់ឱ្យដំណើរការកិច្ចសហប្រតិបត្តិការមានលក្ខណៈប្រព័ន្ធនៅក្នុងបណ្តាវិស័យដូចជាពាណិជ្ជកម្មនិងការវិនិយោគ ថាមពល កសិកម្ម ការអប់រំ វិទ្យាសាស្ត្រ-បច្ចេកវិទ្យា ការបំប្លែងខ្លួនជាឌីជីថលនិងទេសចរណ៍។ ក្នុងឆ្នាំ ២០២១ រុស្ស៊ីនិងអាស៊ានបានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការក្នុងវិស័យបង្ការនិងដោះស្រាយផលវិបាកនៃបណ្តាស្ថានភាពអាសន្ន។ ឆ្នាំ ២០២២ ត្រូវបានប្រកាសថាជាឆ្នាំសហប្រតិបត្តិការវិទ្យាសាស្ត្រ-បច្ចេកវិទ្យារុស្ស៊ី-អាស៊ាន។ ក្នុងខែមករា ឆ្នាំ ២០២៤ រុស្ស៊ីត្រូវបានប្រគល់ឋានៈជាដៃគូឌីជីថលរបស់អាស៊ាន។ បណ្តាគម្រោងសហប្រតិបត្តិការរួមគ្នាក៏កំពុងត្រូវបានដាក់ឱ្យដំណើរការតាមរយៈមូលនិធិហិរញ្ញវត្ថុដៃគូសន្ទនារុស្ស៊ី-អាស៊ានផងដែរ។

ក្នុងពេញមួយរយៈកាល ៣៥ ឆ្នាំកន្លងមកនេះ ទំនាក់ទំនងរុស្ស៊ី-អាស៊ានបានឆ្លងកាត់ដំណាក់កាលរូបរាងឡើងនិងកំពុងអភិវឌ្ឍន៍យ៉ាងរស់រវើកនៅលើមូលដ្ឋានមានផលប្រយោជន៍ទៅវិញទៅមក។ ភាគីទាំងពីរឈានចូលក្នុងឱកាសរំលឹកខួបអនុស្សាវរីយ៍នេះជាមួយគ្រឹះស្ថានដ៏រឹងមាំដែលរួមមានបណ្តាកិច្ចព្រមព្រៀងនយោបាយដ៏មានសារៈសំខាន់ បណ្តាយន្តការសហប្រតិបត្តិការប្រកបដោយស្ថិរភាពនិងគម្រោងអនុវត្តជាក់ស្តែងជាច្រើននៅក្នុងបណ្តាវិស័យសន្តិសុខ សេដ្ឋកិច្ច ថាមពល វិទ្យាសាស្ត្រ ការអប់រំ វប្បធម៌និងការដោះដូរមនុស្សធម៌។

យើងខ្ញុំយកចិត្តទុកដាក់ជាពិសេសចំពោះផែនការសកម្មភាពគ្រប់ជ្រុងជ្រោយរុស្ស៊ី-អាស៊ានដំណាក់កាល ២០២៦-២០៣០។ ឯកសារនេះផ្តោតលើបណ្តាបច្ចេកវិទ្យាច្នៃប្រឌិតបង្កើតថ្មី បច្ចេកវិទ្យាឌីជីថល បច្ចេកវិទ្យាបៃតង កិច្ចសហប្រតិបត្តិការមនុស្សធម៌និងការបើកទូលាយកិច្ចសហប្រតិបត្តិការជាក់ស្តែង។ នេះមិនត្រឹមតែជាការប្រមូលផ្តុំនៃបណ្តាគម្រោងជាក់លាក់ប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីភាពស្រដៀងគ្នានិងភាពជិតស្និទ្ធនៅក្នុងរបៀបចូលទៅជិតរបស់រុស្ស៊ីនិងអាស៊ានចំពោះបញ្ហាដ៏មានសារៈសំខាន់ជាច្រើននៅក្នុងកម្មវិធីរបៀបវារៈអន្តរជាតិនិងតំបន់នាពេលបច្ចុប្បន្ន។

នាយករដ្ឋមន្ត្រី លោក Le Minh Hung បានអញ្ជើញទៅដល់ទីក្រុង Kazan ដោយចាប់ផ្តើមដំណើរការបំពេញការងារនៅសហព័ន្ធរុស្ស៊ី។

វៀតណាមគឺជាសមាជិកដ៏សកម្មនិងម្ចាស់ការមួយរបស់អាស៊ាន ព្រមទាំងជាដៃគូយុទ្ធសាស្ត្រគ្រប់ជ្រុងជ្រោយរបស់រុស្ស៊ី។ តើលោកឯកអគ្គរដ្ឋទូតមានការវាយតម្លៃយ៉ាងណាអំពីតួនាទីជាស្ពានចម្លងរបស់វៀតណាមនៅក្នុងកិច្ចសហប្រតិបត្តិការអាស៊ាន-រុស្ស៊ី?

យើងខ្ញុំវាយតម្លៃខ្ពស់ចំពោះតួនាទីរបស់វៀតណាមក្នុងការជំរុញការសន្ទនានិងកិច្ចសហប្រតិបត្តិការអនុវត្តជាក់ស្តែងរវាងរុស្ស៊ីនិងអាស៊ាន។ ចំពោះយើងខ្ញុំ ជំនឿចិត្តលើរឿងនេះគឺមានលក្ខណៈធម្មជាតិទាំងស្រុង ព្រោះវៀតណាមគឺជាដៃគូគន្លឹះមួយក្នុងចំណោមដៃគូគន្លឹះទាំងឡាយរបស់រុស្ស៊ីនៅអាស៊ីអាគ្នេយ៍ ទំនាក់ទំនងរុស្ស៊ី-វៀតណាមត្រូវបានកសាងនៅលើគ្រឹះស្ថានដ៏រឹងមាំនៃចំណងមិត្តភាពប្រពៃណី ភាពជឿជាក់លើគ្នាទៅវិញទៅមកនិងទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ។

វៀតណាមបានបញ្ជាក់ខ្លួនជាសមាជិកដែលមានការទទួលខុសត្រូវនិងមានកេរ្តិ៍ឈ្មោះល្បីល្បាញនៅក្នុងបណ្តាដំណើរការអន្តរជាតិ តែងតែមានភាពស្របគ្នាក្នុងការគាំទ្រការពង្រឹងតួនាទីមជ្ឈមណ្ឌលរបស់អាស៊ាន ការអភិវឌ្ឍរចនាសម្ព័ន្ធតំបន់ប្រកបដោយបរិយាបន្ន គោរពច្បាប់អន្តរជាតិ រក្សាសន្តិភាព ស្ថិរភាពនិងកិច្ចសហប្រតិបត្តិការ។ បណ្តារបៀបចូលទៅជិតទាំងនេះគឺមានភាពស្រដៀងគ្នាក្នុងទិដ្ឋភាពជាច្រើនជាមួយនឹងចក្ខុវិស័យរបស់រុស្ស៊ី។

យើងខ្ញុំវាយតម្លៃខ្ពស់ចំពោះការដែលមិត្តវៀតណាមមិនត្រឹមតែគាំទ្របណ្តាគំនិតផ្តួចផ្តើមរបស់រុស្ស៊ីក្នុងក្របខ័ណ្ឌអាស៊ាននោះទេ ប៉ុន្តែថែមទាំងបានរួមចំណែកយ៉ាងសកម្មក្នុងការធ្វើឱ្យបណ្តាគំនិតផ្តួចផ្តើមនោះក្លាយជាការពិតនៅលើការអនុវត្តជាក់ស្តែង។ ចំណុចនេះត្រូវបានបង្ហាញនៅក្នុងបណ្តាវិស័យដូចជាការសន្ទនានយោបាយ កិច្ចសហប្រតិបត្តិការសន្តិសុខ ការឆ្លើយតបនឹងបណ្តាការប្រឈមឆ្លងដែន ការអភិវឌ្ឍទំនាក់ទំនងពាណិជ្ជកម្ម-សេដ្ឋកិច្ច ថាមពល វិទ្យាសាស្ត្រ ការអប់រំ វប្បធម៌ ការទូតប្រជាជននិងវិស័យជាច្រើនផ្សេងទៀត។

វៀតណាមដើរតួនាទីយ៉ាងសំខាន់ក្នុងការអភិវឌ្ឍទំនាក់ទំនងរុស្ស៊ី-អាស៊ានក្នុងនាមជាប្រទេសដែលមានកេរ្តិ៍ឈ្មោះល្បីល្បាញខ្ពស់នៅក្នុងតំបន់ មានបទពិសោធន៍ដ៏ក្រាស់ក្រែលក្នុងកិច្ចសហប្រតិបត្តិការជាមួយរុស្ស៊ីនិងមានការយកចិត្តទុកដាក់លើការរក្សារចនាសម្ព័ន្ធសហប្រតិបត្តិការបើកចំហ បរិយាបន្ននិងប្រកបដោយនិរន្តរភាព។

ខ្ញុំជឿជាក់ថាការចូលរួមរបស់គណៈប្រតិភូជាន់ខ្ពស់វៀតណាមនៅក្នុងបណ្តាសកម្មភាពរំលឹកខួបអនុស្សាវរីយ៍រុស្ស៊ី-អាស៊ាន នឹងរួមចំណែកចូលក្នុងជោគជ័យនៃព្រឹត្តិការណ៍ ជំរុញកម្មវិធីរបៀបវារៈវិជ្ជមាននិងបង្កើនទំនាក់ទំនងដៃគូយុទ្ធសាស្ត្ររវាងរុស្ស៊ីនិងអាស៊ានជារួម។

តើលោកឯកអគ្គរដ្ឋទូតវាយតម្លៃយ៉ាងណាចំពោះសក្តានុពលកិច្ចសហប្រតិបត្តិការអាស៊ាន-រុស្ស៊ីនៅក្នុងដំណាក់កាលអភិវឌ្ឍន៍ថ្មី?

បន្ទាប់ពីបង្គោលចរ ៣៥ ឆ្នាំ ភារកិច្ចដែលដាក់ចេញចំពោះរុស្ស៊ីនិងអាស៊ាន មិនត្រឹមតែជាការរក្សាកម្លាំងរុញច្រានអភិវឌ្ឍន៍ដែលសម្រេចបាននោះទេ ប៉ុន្តែថែមទាំងនាំទំនាក់ទំនងដៃគូយុទ្ធសាស្ត្រឈានឡើងដល់កម្ពស់ថ្មីមួយទៀត។

ទិសដៅគន្លឹះនៅក្នុងដំណាក់កាលបន្ទាប់ទៀតគឺការដាក់ឱ្យដំណើរការផែនការសកម្មភាពគ្រប់ជ្រុងជ្រោយរុស្ស៊ី-អាស៊ានដំណាក់កាល ២០២៦–២០៣០។ ឯកសារនេះផ្តោតលើការជំរុញកិច្ចសហប្រតិបត្តិការនៅក្នុងបណ្តាវិស័យបច្ចេកវិទ្យាច្នៃប្រឌិតបង្កើតថ្មី បច្ចេកវិទ្យាឌីជីថល បច្ចេកវិទ្យាបៃតងនិងការដោះដូរមនុស្សធម៌។ នេះគឺជាបណ្តាវិស័យដែលចាំបាច់ជាពិសេសនៅក្នុងបរិបទបរិស្ថានភូមិសាស្ត្រនយោបាយនិងភូមិសាស្ត្រសេដ្ឋកិច្ចពិភពលោកកំពុងមានការប្រែប្រួលយ៉ាងខ្លាំងក្លា។

អាទិភាពឈានមុខគេមួយក្នុងចំណោមអាទិភាពឈានមុខគេទាំងឡាយនៅតែជាវិស័យថាមពល។ តំបន់អាស៊ីអាគ្នេយ៍មានតម្រូវការធំធេងចំពោះសមត្ថភាពនិងបទពិសោធន៍របស់រុស្ស៊ីនៅក្នុងបណ្តាវិស័យឧស្សាហកម្មប្រេងកាត វារីអគ្គិសនី ថាមពលអាតូមិកនិងថាមពលកកើតឡើងវិញ។ យើងខ្ញុំមើលឃើញនូវសក្តានុពលកិច្ចសហប្រតិបត្តិការគួរឱ្យកត់សម្គាល់ជាមួយបណ្តាប្រទេសអាស៊ានក្នុងការអភិវឌ្ឍថាមពលអាតូមិកសម្រាប់គោលបំណងសន្តិភាព ការធ្វើទំនើបកម្មហេដ្ឋារចនាសម្ព័ន្ធថាមពល ការបណ្តុះបណ្តាលប្រភពធនធានមនុស្សនិងការអនុវត្តបណ្តាដំណោះស្រាយបច្ចេកវិទ្យាជឿនលឿន។

កម្មវិធីរបៀបវារៈឌីជីថលក៏មានអត្ថន័យសំខាន់ពិសេសផងដែរ។ ខ្លឹមសារកិច្ចសហប្រតិបត្តិការរួមមានបច្ចេកវិទ្យាព័ត៌មាននិងទូរគមនាគមន៍ ការបំប្លែងខ្លួនជាឌីជីថល សន្តិសុខព័ត៌មាន ការបណ្តុះបណ្តាលអ្នកជំនាញនិងការដោះដូរបទពិសោធន៍។ ក្នុងបរិបទដែលសេដ្ឋកិច្ចឌីជីថលអភិវឌ្ឍន៍យ៉ាងរហ័សនោះ វិស័យទាំងនេះមិនត្រឹមតែមានលក្ខណៈសក្តានុពលប៉ុណ្ណោះទេ ប៉ុន្តែបានក្លាយជាតម្រូវការយុទ្ធសាស្ត្ររួចទៅហើយ។

កិច្ចសហប្រតិបត្តិការពាណិជ្ជកម្ម-សេដ្ឋកិច្ចក៏ជាទិសដៅអាទិភាពដ៏មានសារៈសំខាន់មួយដែរ។ ទោះបីជាត្រូវប្រឈមមុខនឹងសម្ពាធពីខាងក្រៅនិងភាពមិនប្រាកដប្រជានៃសេដ្ឋកិច្ចពិភពលោកក៏ដោយ ក៏រុស្ស៊ីនិងអាស៊ាននៅតែរក្សាការយកចិត្តទុកដាក់ចំពោះការបើកទូលាយនិងការធ្វើឱ្យមានភាពសម្បូរបែបនៃទំនាក់ទំនងពាណិជ្ជកម្ម។ យើងខ្ញុំយល់ឃើញថាការបង្កើនការផ្សារភ្ជាប់ទំនាក់ទំនងរវាងសហគមន៍ក្រុមហ៊ុន ការបើកទូលាយការទូទាត់ប្រាក់ជារូបិយប័ណ្ណជាតិ ការធ្វើឱ្យស៊ីជម្រៅបន្ថែមទៀតនូវកិច្ចសហប្រតិបត្តិការរវាងអាស៊ាននិងសហភាពសេដ្ឋកិច្ចអាស៊ី-អឺរ៉ុប ក៏ដូចជាការជំរុញការផ្សារភ្ជាប់ទំនាក់ទំនងរវាងបណ្តាដំណើរការសមាហរណកម្មក្នុងក្របខ័ណ្ឌទំនាក់ទំនងដៃគូមហាអាស៊ី-អឺរ៉ុប គឺជាបណ្តាទិសដៅដើរដ៏មានសក្តានុពលខ្លាំងណាស់។

ការផ្សារភ្ជាប់ទំនាក់ទំនងដឹកជញ្ជូននិងឡូជីស្ទីកក៏មានសក្តានុពលធំធេងដែរ។ រុស្ស៊ីចាត់ទុកការទាក់ទាញបណ្តាប្រទេសអាស៊ានឱ្យចូលរួមក្នុងការដឹកជញ្ជូនឆ្លងកាត់ខ្សែផ្លូវសមុទ្រខាងជើងគឺជាទិសដៅសហប្រតិបត្តិការមួយប្រកបដោយសក្តានុពល។ ខ្សែផ្លូវដឹកជញ្ជូននេះកំពុងត្រូវបានអភិវឌ្ឍន៍យ៉ាងខ្លាំងក្លានិងមានប្រៀបខ្លាំងគួរឱ្យកត់សម្គាល់ជាច្រើន ក្នុងនោះមានកត្តាសុវត្ថិភាព ព្រមទាំងបើកចេញនូវបណ្តាឱកាសថ្មីៗដើម្បីជំរុញពាណិជ្ជកម្មរវាងអឺរ៉ុបនិងអាស៊ី។

ចុងក្រោយ បង្អស់គឺមិនអាចមិនសង្កត់ធ្ងន់លើសារៈសំខាន់ពិសេសនៃកិច្ចសហប្រតិបត្តិការមនុស្សធម៌នោះឡើយ។ ការអប់រំ វិទ្យាសាស្ត្រ វប្បធម៌ ទេសចរណ៍ ការដោះដូរយុវជន ការសន្ទនារវាងបណ្តាអ្នកជំនាញនិងមជ្ឈដ្ឋានអ្នកសិក្សាស្រាវជ្រាវ វិស័យទាំងអស់នេះបង្កើតឡើងនូវគ្រឹះស្ថានយូរអង្វែងដើម្បីពង្រឹងភាពជឿជាក់លើគ្នាទៅវិញទៅមក។ ប្រសិនបើខ្វះកត្តានោះទេ ទម្រង់នៃកិច្ចសហប្រតិបត្តិការអន្តររដ្ឋណាមួយក៏មិនអាចអភិវឌ្ឍន៍បានក្នុងលក្ខណៈគ្រប់ជ្រុងជ្រោយនោះដែរ។

ខ្ញុំជឿជាក់ថាមួយទសវត្សរ៍ខាងមុខអាចនឹងក្លាយជាដំណាក់កាលផ្លាស់ប្តូរថ្មីអំពីគុណភាពនៅក្នុងទំនាក់ទំនងរុស្ស៊ី-អាស៊ាន។ យើងមានពេញលេញនូវលក្ខខណ្ឌដើម្បីនាំទំនាក់ទំនងដៃគូនេះឱ្យក្លាយទៅជាជាក់ស្តែងជាងមុន មាននិរន្តរភាពជាងមុននិងតម្រង់ទិសដៅកាន់តែច្រើនឆ្ពោះទៅរកបណ្តាតម្រូវការជាក់ស្តែងរបស់បណ្តាប្រទេសនិងប្រជាពលរដ្ឋនៃភាគីទាំងសងខាង។ ចំណុចនោះគឺស្របគ្នានឹងផលប្រយោជន៍របស់រុស្ស៊ី បណ្តាប្រទេសអាស៊ាន ក៏ដូចជាតំបន់ទាំងមូលផងដែរ។

សូមថ្លែងអំណរគុណយ៉ាងជ្រាលជ្រៅចំពោះលោកឯកអគ្គរដ្ឋទូត!

ឯកអគ្គរដ្ឋទូតរុស្ស៊ីសាទរចំពោះដំណើរទស្សនកិច្ចនៅកំពង់ផែជាព្រឹត្តិការណ៍សំខាន់មួយក្នុងខួបលើកទី ៧០ នៃចំណងមិត្តភាពជាមួយកម្ពុជា លោក Anatoly Borovik ឯកអគ្គរដ្ឋទូតរុស្ស៊ីប្រចាំកម្ពុជា បានលើកឡើងអំពីដំណើរទស្សនកិច្ចនៅកំពង់ផែរបស់នាវាកងទ័ពចម្បាំងរុស្ស៊ីថាជាពេលវេលាដ៏សំខាន់មួយនៅក្នុងទំនាក់ទំនងទ្វេភាគី ដោយគូសបញ្ជាក់ពីកិច្ចខិតខំប្រឹងប្រែងដើម្បីពង្រឹងកិច្ចសហប្រតិបត្តិការការពារជាតិ និងអបអរសាទរខួបលើកទី ៧០ នៃចំណងមិត្តភាពរវាងប្រទេសទាំងពីរ។

ប្រធានាធិបតីសហព័ន្ធរុស្ស៊ី លោក វ្ល៉ាឌីមៀរ ពូទីន អញ្ជើញជួបសន្ទនាតាមទូរស័ព្ទជាមួយអគ្គលេខាបក្ស លោកតូ ឡឹម អបអរសាទរភាពជោគជ័យនៃនៃមហាសន្និបាតលើកទី ១៤ របស់បក្ នាយប់ទី ២៤ ខែមករា ប្រធានាធិបតីសហព័ន្ធរុស្ស៊ី លោក វ្ល៉ាឌីមៀរ ពូទីន បានអញ្ជើញជួបសន្ទនាតាមទូរស័ព្ទជាមួយអគ្គលេខាបក្ស លោក តូ ឡឹម ដើម្បីអបអរសាទរ ចំពោះភាពជោគជ័យនៃមហា សន្និបាតលើកទី១៤ របស់បក្សកុម្មុយនិស្ត វៀតណាម។

ឌឹកអាញ់