ការស្នើស្ដង់ដារកម្ម ដំណើរការពិគ្រោះពិភាក្សារបស់រណសិរ្សមាតុភូមិវៀតណាមក្នុងអាណត្តិថ្មី

ការស្នើស្ដង់ដារកម្ម ដំណើរការពិគ្រោះពិភាក្សា

បើតាមព័ត៌មានពីរណសិរ្សមាតុភូមិវៀតណាម នៅក្នុងរបាយការណ៍នាឯសន្និសីទ លោក Pham Hong Thanh ប្រធានការិយាល័យប្រមូលផ្តុំ - លេខាធិការ នៃខុទ្ទកាល័យស្ថាប័នគណៈកម្មាធិការមជ្ឈិមរណសិរ្សមាតុភូមិវៀតណាម និងជាប្រធានគម្រោងស្រាវជ្រាវ បានឱ្យដឹងថា ការធ្វើជាប្រធានពិគ្រោះពិភាក្សាគឺជាមុខងារលក្ខណៈពិសេសដាច់ដោយឡែករបស់រណសិរ្សមាតុភូមិវៀតណាម ដែលបង្ហាញផ្ទាល់ពីឋានៈ និងតួនាទីស្នូលខាងនយោបាយរបស់រណសិរ្សនៅក្នុងប្រព័ន្ធនយោបាយ។ សកម្មភាពនេះមិនមែនត្រឹមតែជាដំណើរការសម្របសម្រួលធម្មតានោះឡើយ ប៉ុន្តែថែមទាំងរួមចំណែកសម្របសម្រួលផលប្រយោជន៍ ប្រមូលផ្តុំបញ្ញាស្មារតី បង្កើតភាពឯកភាពគ្នាអំពីឆន្ទៈនិងសកម្មភាពនៅក្នុងដុំកំភួនមហាសាមគ្គីភាពទូទាំងប្រជាជាតិទាំងមូល។

សន្និសីទវាយតម្លៃនិងទទួលយកគម្រោងស្រាវជ្រាវវិទ្យាសាស្ត្រថ្នាក់ក្រសួងស្តីពី «ការលើកកម្ពស់តួនាទីរបស់គណៈកម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់ ក្នុងការធ្វើជាប្រធានពិគ្រោះពិភាក្សាដើម្បីអនុវត្តកម្មវិធីសកម្មភាពរបស់រណសិរ្សមាតុភូមិវៀតណាម»។

គម្រោងស្រាវជ្រាវនេះបានឈានចូលទៅជិត និងធ្វើឱ្យច្បាស់លាស់ប្រកបដោយលក្ខណៈប្រព័ន្ធ និងគ្រប់ជ្រុងជ្រោយនូវមូលដ្ឋានទ្រឹស្តី និងជាក់ស្តែងស្តីពីតួនាទីរបស់គណៈកម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់ ក្នុងការធ្វើជាប្រធានពិគ្រោះពិភាក្សាដើម្បីអនុវត្តកម្មវិធីសកម្មភាពរបស់រណសិរ្ស។ ផ្អែកលើមូលដ្ឋាននោះ ក្រុមស្រាវជ្រាវបានវាយតម្លៃពីស្ថានភាពជាក់ស្តែង កំណត់បណ្តាបញ្ហាដែលត្រូវបានដាក់ចេញនៅក្នុងបរិបទថ្មី និងស្នើឡើងនូវបណ្តាដំណោះស្រាយសមកាលកម្ម ព្រមទាំងអាចយកទៅអនុវត្តបាន សំដៅលើកកម្ពស់ ផ្លាស់ប្តូរថ្មី និងបំពេញបង្គ្រប់តួនាទីធ្វើជាប្រធានពិគ្រោះពិភាក្សារបស់រណសិរ្ស។

ខាងផ្នែកទ្រឹស្តី គម្រោងស្រាវជ្រាវបានរួមចំណែកធ្វើឱ្យច្បាស់លាស់នូវនិយមន័យ លក្ខណៈពិសេស គោលការណ៍ ខ្លឹមសារ និងបណ្តាលក្ខខណ្ឌធានាសម្រាប់សកម្មភាពធ្វើជាប្រធានពិគ្រោះពិភាក្សា; ទន្ទឹមនឹងនោះ ក៏បានកំណត់ថា កម្មវិធីសកម្មភាពគឺជាយន្តការសម្របសម្រួលសម្ព័ន្ធភាពនយោបាយ - សង្គម និងជាមូលដ្ឋាននយោបាយនៃសកម្មភាពពិគ្រោះពិភាក្សានៅក្នុងប្រព័ន្ធរណសិរ្សផងដែរ។

បើតាមក្រុមស្រាវជ្រាវ ក្នុងរយៈពេលកន្លងមក សកម្មភាពធ្វើជាប្រធានពិគ្រោះពិភាក្សារបស់រណសិរ្សមាតុភូមិវៀតណាម មានបណ្តាជំហានផ្លាស់ប្តូរវិជ្ជមានជាច្រើន។ ដំណើរការពិគ្រោះពិភាក្សាត្រូវបានស្ដង់ដារកម្ម ជាបណ្តើរៗ; ខ្លឹមសារនៃកម្មវិធីសកម្មភាពកាន់តែផ្សារភ្ជាប់ជាមួយនឹងភារកិច្ចនយោបាយ និងតម្រូវការជាក់ស្តែង; យន្តការសម្របសម្រួលរវាងរណសិរ្សជាមួយបណ្តាអង្គការជាសមាជិកត្រូវបានយកចិត្តទុកដាក់; សកម្មភាពសន្ទនា ត្រួតពិនិត្យ និងផ្តល់មតិត្រឡប់សង្គម បានរួមចំណែកបង្កើតភាពឯកភាពគ្នា និងឆ្លុះបញ្ចាំងពីមតិយោបល់របស់ប្រជាជន។

ទោះជាយ៉ាងណាក៏ដោយ គម្រោងស្រាវជ្រាវក៏បានចង្អុលបង្ហាញនូវបណ្តាភាពកម្រិតកំណត់អំពីស្ថាប័ន វិធីសាស្ត្ររៀបចំ លក្ខណៈខ្លឹមសារពិតប្រាកដ យន្តការតាមដានក្រោយការពិគ្រោះពិភាក្សា លក្ខវិនិច្ឆ័យវាយតម្លៃ សមត្ថភាពកម្មាភិបាល និងប្រភពធនធានធានា។

លោក Pham Hong Thanh ប្រធានការិយាល័យប្រមូលផ្តុំ - លេខាធិការ នៃខុទ្ទកាល័យស្ថាប័នគណៈកម្មាធិការមជ្ឈិមរណសិរ្សមាតុភូមិវៀតណាម ជាប្រធានគម្រោងស្រាវជ្រាវ ថ្លែងមតិ។

ផ្អែកលើមូលដ្ឋាននោះ ក្រុមស្រាវជ្រាវបានស្នើឡើងនូវក្រុមដំណោះស្រាយចំនួន ៧ សំដៅលើកកម្ពស់ប្រសិទ្ធភាពនៃការធ្វើជាប្រធានពិគ្រោះពិភាក្សានៅក្នុងដំណាក់កាល ២០២៦-២០៣១។ ក្នុងនោះ ដំណោះស្រាយគ្រឹះស្ថានគឺការបំពេញបង្គ្រប់ស្ថាប័ន និងយន្តការសម្របសម្រួល សំដៅធានាមូលដ្ឋានគតិយុត្តពេញលេញ ឯកភាពគ្នា និងអាចយកទៅអនុវត្តបានសម្រាប់សកម្មភាពធ្វើជាប្រធានពិគ្រោះពិភាក្សា; ទន្ទឹមនឹងនោះ ស្ដង់ដារកម្ម ដំណើរការពិគ្រោះពិភាក្សាតាមបីដំណាក់កាល រួមមាន ការត្រៀមលក្ខណៈ ការរៀបចំ និងការតាមដានការអនុវត្ត។

ជម្រុញការផ្លាស់ប្តូរឌីជីថល ពង្រីកការពិគ្រោះយោបល់សង្គម

ចំណុចមួយក្នុងចំណោមចំណុចគួរឱ្យកត់សម្គាល់នៃគម្រោងស្រាវជ្រាវ គឺការស្នើផ្លាស់ប្តូរថ្មីវិធីសាស្ត្ររៀបចំការពិគ្រោះពិភាក្សាតាមទិសដៅប្រជាធិបតេយ្យ វិជ្ជាជីវៈ ទំនើប និងផ្អែកលើភស្តុតាង។

តាមនោះ ត្រូវតែពង្រីកបណ្តាទម្រង់នៃការពិគ្រោះយោបល់មុនពេលពិគ្រោះពិភាក្សា ដូចជា កិច្ចពិភាក្សាតុមូលតាមប្រធានបទ សិក្ខាសាលាអ្នកជំនាញ ការអង្កេតសង្គមវិទ្យា ការប្រមូលមតិយោបល់តាមប្រព័ន្ធអនឡាញ កិច្ចសន្ទនាជាមួយបណ្តាក្រុមដែលរងការជះឥទ្ធិពល ការពិគ្រោះយោបល់សហគមន៍ និងការបូកសរុបមតិយោបល់ពីមូលដ្ឋាន។ ក្រោយពេលពិគ្រោះពិភាក្សា រាល់សេចក្តីសន្និដ្ឋានត្រូវតែធ្វើឱ្យជាក់ស្តែងទៅជាផែនការសកម្មភាព ដោយមានកម្មវត្ថុទទួលខុសត្រូវ កម្មវត្ថុសម្របសម្រួល កាលកំណត់អនុវត្ត សូចនាករលទ្ធផល និងយន្តការរាយការណ៍ច្បាស់លាស់។

លោកស្រី Ha Thi Nga សមាជិកគណៈកម្មាធិការមជ្ឈិមបក្ស អនុប្រធាន និងជាអគ្គលេខាធិការនៃគណៈកម្មាធិការមជ្ឈិមរណសិរ្សមាតុភូមិវៀតណាម ថ្លែងមតិនៅក្នុងសន្និសីទ។

ក្រុមស្រាវជ្រាវបានស្នើលើកកម្ពស់គុណភាព និងសមត្ថភាពរបស់ជួរកម្មាភិបាល; ជម្រុញការផ្លាស់ប្តូរឌីជីថល និងការគ្រប់គ្រងទិន្នន័យពិគ្រោះពិភាក្សា; បង្កើនការត្រួតពិនិត្យ តាមដាន និងវាយតម្លៃ; ទន្ទឹមនឹងនោះ ធានាបណ្តាលក្ខខណ្ឌអនុវត្ត ដូចជា កញ្ចប់ថវិកា ហេដ្ឋារចនាសម្ព័ន្ធសម្ភារៈ ហេដ្ឋារចនាសម្ព័ន្ធបច្ចេកវិទ្យា ខឿនប្រព័ន្ធទិន្នន័យ ឯកសារជំនាញ និងយន្តការសម្របសម្រួលតភ្ជាប់អន្តរស្ថាប័ន។

នៅឯសន្និសីទ បណ្តាអ្នកជំនាញ និងអ្នកវិទ្យាសាស្ត្របានពិភាក្សា និងចូលរួមមតិយោបល់ចំពោះខ្លឹមសារនៃគម្រោងស្រាវជ្រាវ។ តំណាងភាគច្រើនបានវាយតម្លៃថា គម្រោងស្រាវជ្រាវបានបំពេញរួចរាល់នូវគោលដៅ និងភារកិច្ចស្រាវជ្រាវដែលបានដាក់ចេញ ព្រមទាំងផ្តល់នូវមូលដ្ឋានវិទ្យាសាស្ត្រ និងសំអាងហេតុជាក់ស្តែងសម្រាប់ការបន្តផ្លាស់ប្តូរថ្មី និងបំពេញបង្គ្រប់យន្តការធ្វើជាប្រធានពិគ្រោះពិភាក្សារបស់គណៈកម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់ក្នុងការអនុវត្តកម្មវិធីសកម្មភាព។

លទ្ធផលស្រាវជ្រាវត្រូវបានវាយតម្លៃថា អាចយកទៅប្រើប្រាស់ធ្វើជាឯកសារយោង បម្រើឱ្យការងារដឹកនាំ ណែនាំ បណ្តុះបណ្តាល បំប៉នសមត្ថភាពកម្មាភិបាល កសាងកម្មវិធីសកម្មភាព ក៏ដូចជាការបូកសរុបបណ្តោះអាសន្ន និងការបូកសរុបជាក់ស្តែងអំពីការងារពិគ្រោះពិភាក្សារបស់ប្រព័ន្ធរណសិរ្ស នៅក្នុងអាណត្តិ ២០២៦-២០៣១ និងបណ្តាឆ្នាំបន្តបន្ទាប់ទៀត។

ថ្លែងមតិនៅក្នុងសន្និសីទ អនុប្រធាន និងជាអគ្គលេខាធិការនៃគណៈកម្មាធិការមជ្ឈិមរណសិរ្សមាតុភូមិវៀតណាម លោកស្រី Ha Thi Nga បានឱ្យដឹងថា នៅក្នុងបរិបទដែលបណ្តាអង្គការនយោបាយ - សង្គម និងបណ្តាសមាគមមហាជនដែលត្រូវបានបក្ស និងរដ្ឋប្រគល់ភារកិច្ច បានស្ថិតនៅក្រោមចំណុះរណសិរ្សមាតុភូមិវៀតណាមដោយផ្ទាល់ តួនាទីពិគ្រោះពិភាក្សារបស់រណសិរ្ស ចាំបាច់ត្រូវតែបានអះអាង និងលើកកម្ពស់យ៉ាងខ្លាំងក្លា និងមានលក្ខណៈខ្លឹមសារពិតប្រាកដជាងពេលណាៗទាំងអស់៕

រណសិរ្សមាតុភូមិវៀតណាម បំពេញបន្ថែមកម្មវិធីសកម្មភាពថ្មី ស្តីពីវិទ្យាសាស្ត្របច្ចេកវិទ្យា និងការបំប្លែងឌីជីថល យុគសម័យ - កម្មវិធីសកម្មភាពរបស់រណសិរ្សមាតុភូមិវៀតណាម អាណត្តិ ២០២៦ - ២០៣១ រួមមានកម្មវិធីចំនួន ៧ ក្នុងនោះមានការបំពេញបន្ថែមនូវកម្មវិធីថ្មី ស្តីពីការចូលរួមអភិវឌ្ឍន៍វិទ្យាសាស្ត្របច្ចេកវិទ្យា ការច្នៃប្រឌិតថ្មី និងការកសាងសង្គមឌីជីថល; ជំរុញការបំប្លែងឌីជីថលក្នុងប្រព័ន្ធរណសិរ្ស ដើម្បីឆ្លើយតបទៅនឹងតម្រូវការអភិវឌ្ឍន៍ក្នុងដំណាក់កាលថ្មី។

ទីក្រុងហាណូយ បែងចែកខ្សែផ្លូវចរាចរណ៍ ដើម្បីបម្រើមហាសន្និបាតតំណាងទូទាំងប្រទេសលើកទី XI នៃរណសិរ្សមាតុភូមិវៀតណាម យុគសម័យ - នាថ្ងៃទី ០៩ ខែឧសភា ស្នងការដ្ឋាននគរបាលក្រុងហាណូយ បានប្រកាសពីផែនការបែងចែកខ្សែផ្លូវ និងរៀបចំចរាចរណ៍ ដើម្បីបម្រើមហាសន្និបាតតំណាងទូទាំងប្រទេសលើកទី XI នៃរណសិរ្សមាតុភូមិវៀតណាម ដែលនឹងប្រព្រឹត្តទៅចាប់ពីថ្ងៃទី ១១ ដល់ថ្ងៃទី ១៣ ខែឧសភា នៅមជ្ឈមណ្ឌលសន្និបាតជាតិ។

ឌឹកអាញ់

thoidai.com.vn