រណសិរ្សមាតុភូមិវៀតណាម បំពេញបន្ថែមកម្មវិធីសកម្មភាពថ្មី ស្តីពីវិទ្យាសាស្ត្របច្ចេកវិទ្យា និងការបំប្លែងឌីជីថល

រណសិរ្សមាតុភូមិវៀតណាម បំពេញបន្ថែមកម្មវិធីសកម្មភាពថ្មី ស្តីពីវិទ្យាសាស្ត្របច្ចេកវិទ្យា និងការបំប្លែងឌីជីថល

យោងតាមព័ត៌មានពីរណសិរ្សមាតុភូមិវៀតណាម បន្ថែមលើការបន្តបន្តវេន និងលើកកម្ពស់កម្មវិធីសកម្មភាពចំនួន ៦ នៃអាណត្តិ ២០២៤ - ២០២៩ រណសិរ្សមាតុភូមិវៀតណាមបានបំពេញបន្ថែមកម្មវិធីថ្មី ដើម្បីអនុវត្តតាមតម្រូវការជំរុញការអភិវឌ្ឍវិទ្យាសាស្ត្របច្ចេកវិទ្យា និងការបំប្លែងឌីជីថល តាមសេចក្តីសម្រេចលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយ ស្តីពីការបង្កើតរបត់អភិវឌ្ឍន៍វិទ្យាសាស្ត្រ បច្ចេកវិទ្យា ការច្នៃប្រឌិតថ្មី និងការបំប្លែងឌីជីថលជាតិ; ឆ្លើយតបទៅនឹងតម្រូវការផ្លាស់ប្តូរថ្មីនូវខ្លឹមសារ និងរបៀបរបបសកម្មភាពរបស់រណសិរ្សមាតុភូមិវៀតណាមក្នុងដំណាក់កាលថ្មី។

យោងតាមនោះ កម្មវិធីសកម្មភាពទាំង ៧ របស់រណសិរ្សមាតុភូមិវៀតណាម អាណត្តិ ២០២៦-២០៣១ រួមមាន៖

កម្មវិធីទី ១៖ ជំរុញការងារឃោសនា អប់រំ ចលនា និងប្រមូលផ្តុំស្រទាប់ប្រជាជនគ្រប់ជាន់ថ្នាក់ បង្កើនការឯកភាពគ្នាក្នុងសង្គម និងលើកកម្ពស់កម្លាំងនៃប្លុកមហាសាមគ្គីជាតិទាំងមូល។

កម្មវិធីទី ២៖ តំណាង និងការពារសិទ្ធិ ក៏ដូចជាផលប្រយោជន៍ស្របច្បាប់ និងត្រឹមត្រូវរបស់ប្រជាជន; លើកកម្ពស់គុណភាព និងប្រសិទ្ធភាពនៃកិច្ចការត្រួតពិនិត្យ និងផ្តល់មតិយោបល់ឆ្លុះបញ្ចាំងសង្គម អនុវត្តប្រជាធិបតេយ្យ និងចូលរួមយ៉ាងសកម្មក្នុងការកសាងបក្ស រដ្ឋ និងប្រព័ន្ធនយោបាយ។

កម្មវិធីទី ៣៖ លើកទឹកចិត្តស្រទាប់ប្រជាជនឱ្យប្រឡងប្រណាំងក្នុងការសិក្សា ធ្វើពលកម្ម និងច្នៃប្រឌិត ចូលរួមអភិវឌ្ឍន៍សេដ្ឋកិច្ច-សង្គម រក្សា និងលើកកម្ពស់ប្រពៃណីវប្បធម៌ជាតិ ថែទាំជីវភាពរស់នៅរបស់ប្រជាជន រួមចំណែកក្នុងការកសាង និងការពារមាតុភូមិ។

កម្មវិធីទី ៤៖ ចូលរួមអភិវឌ្ឍន៍វិទ្យាសាស្ត្របច្ចេកវិទ្យា ការច្នៃប្រឌិតថ្មី និងការកសាងសង្គមឌីជីថល; ជំរុញការបំប្លែងឌីជីថលក្នុងប្រព័ន្ធរណសិរ្សមាតុភូមិវៀតណាម។

កម្មវិធីទី ៥៖ លើកកម្ពស់តួនាទីម្ចាស់ការ និងស្មារតីស្វ័យគ្រប់គ្រងរបស់ប្រជាជន កសាងតំបន់លំនៅឋានសាមគ្គីភាព សុវត្ថិភាព ធូរធារ និងមានសុភមង្គល។

កម្មវិធីទី ៦៖ អនុវត្តឱ្យមានប្រសិទ្ធភាពនូវសកម្មភាពកិច្ចការបរទេសប្រជាជន និងសហប្រតិបត្តិការអន្តរជាតិ។

កម្មវិធីទី ៧៖ ផ្លាស់ប្តូរថ្មីនូវខ្លឹមសារ និងរបៀបរបបសកម្មភាព; បង្កើនភាពសុក្រឹត និងប្រតិបត្តិការក្បាលម៉ាស៊ីនជំនាញឱ្យមានភាពបង្រួម មានប្រសិទ្ធភាព និងស័ក្តិសិទ្ធិ; លើកកម្ពស់សមត្ថភាពជួរកម្មាភិបាលឱ្យឆ្លើយតបបានតាមតម្រូវការនៃភារកិច្ច។

មុននោះ យោងតាមរបាយការណ៍របស់រណសិរ្សមាតុភូមិវៀតណាម ក្នុងដំណាក់កាល ២០២៤-២០២៦ រណសិរ្សមាតុភូមិវៀតណាមបានបន្តលើកកម្ពស់តួនាទីជាស្នូលនយោបាយក្នុងការរឹតបន្តឹង និងពង្រីកកម្លាំងមហាសាមគ្គីជាតិទាំងមូល; អះអាងនូវតួនាទី និងការទទួលខុសត្រូវចំពោះបក្ស រដ្ឋ និងប្រជាជន។

សកម្មភាពរបស់គណៈកម្មាធិការរណសិរ្សមាតុភូមិវៀតណាម និងបណ្តាអង្គការសមាជិកគ្រប់លំដាប់ថ្នាក់ កាន់តែមានភាពបុរេសកម្ម បត់បែន ច្នៃប្រឌិត និងផ្សារភ្ជាប់យ៉ាងជ្រាលជ្រៅជាមួយជីវភាពរស់នៅរបស់ប្រជាជន ដោយតែងតែប្រកាន់ខ្ជាប់នូវការដឹកនាំរបស់បក្ស គោលនយោបាយ និងច្បាប់របស់រដ្ឋ ដែលស្តែងចេញយ៉ាងច្បាស់នូវបាវចនាសកម្មភាព "នៅកៀកប្រជាជន យល់ពីប្រជាជន គោរពប្រជាជន និងដើម្បីប្រជាជន"។

រណសិរ្សមាតុភូមិវៀតណាមបានបុរេសកម្មផ្លាស់ប្តូរថ្មីនូវការគិត និងរបៀបរបបសកម្មភាព ដោយបង្វែរទិសដៅយ៉ាងខ្លាំងទៅរកការចលនាសង្គម; ពីការឃោសនាអប់រំ ទៅជាការរួមដំណើរ ការបង្កើតថ្មី និងការផ្សព្វផ្សាយ; ក្តាប់ជាប់ទាន់ពេលវេលា និងឆ្លុះបញ្ចាំងនូវរាល់សេចក្តីប្រាថ្នាដ៏ត្រឹមត្រូវរបស់ប្រជាជន បង្កើតការឯកភាពគ្នាក្នុងសង្គម និងរឹតបន្តឹងចំណងទាក់ទងឈាមជ័ររវាងបក្ស រដ្ឋ ជាមួយប្រជាជន។ រណសិរ្សក៏បានបុរេសកម្មចូលរួម និងរួមចំណែកប្រកបដោយប្រសិទ្ធភាពក្នុងការធ្វើឱ្យមានលក្ខណៈជាក់ស្តែង និងរៀបចំអនុវត្តបណ្តាគោលការណ៍ធំៗរបស់បក្ស ស្តីពីការកសាង និងកែទម្រង់បក្ស និងប្រព័ន្ធនយោបាយ; ចូលរួមយ៉ាងសកម្មក្នុងការបង្កើនភាពសុក្រឹតនៃស្ថាប័ន អនុវត្តឱ្យបានល្អនូវមុខងារតំណាង និងការពារសិទ្ធិ ក៏ដូចជាផលប្រយោជន៍ស្របច្បាប់ និងត្រឹមត្រូវរបស់ប្រជាជន; ជាស្ពានចម្លងដ៏សំខាន់ក្នុងការបញ្ជូន និងឆ្លុះបញ្ចាំងនូវឆន្ទៈរបស់ស្រទាប់ប្រជាជនគ្រប់ជាន់ថ្នាក់ ជូនចំពោះបក្ស និងរដ្ឋ។

ការងារឃោសនាផ្សព្វផ្សាយបណ្តាគោលការណ៍ និងគោលនយោបាយរបស់បក្ស និងរដ្ឋ ព្រមទាំងកម្មវិធីសកម្មភាពរបស់រណសិរ្សមាតុភូមិវៀតណាម ត្រូវបានដាក់ឱ្យអនុវត្តទាន់ពេលវេលា ជាមួយរូបភាពសម្បូរបែប និងចម្រុះ។ ការងារត្រួតពិនិត្យ និងផ្តល់មតិយោបល់ឆ្លុះបញ្ចាំងសង្គម មានជំហានរីកចម្រើនថ្មីអំពីគុណភាព រួមចំណែកបង្កើនភាពសុក្រឹតនៃយន្តការ គោលនយោបាយ និងច្បាប់ លើកកម្ពស់ស័ក្តិសិទ្ធិ និងប្រសិទ្ធភាពនៃការគ្រប់គ្រងរដ្ឋ ក៏ដូចជាសមត្ថភាពដឹកនាំរបស់បក្ស។ រណសិរ្សមាតុភូមិវៀតណាមបានរួមចំណែកយ៉ាងសកម្មក្នុងការចូលរួមកែសម្រួលរដ្ឋធម្មនុញ្ញ និងប្រព័ន្ធច្បាប់ ជាពិសេសគឺបណ្តាឯកសារច្បាប់បម្រើឱ្យដំណើរការរៀបចំក្បាលម៉ាស៊ីនក្នុងប្រព័ន្ធនយោបាយ។

បណ្តាចលនាប្រឡងប្រណាំងស្នេហាជាតិ និងចលនាធំៗ ត្រូវបានដាក់ឱ្យអនុវត្តកាន់តែជាក់ស្តែង ច្នៃប្រឌិត និងស៊ីជម្រៅ ដោយទទួលបានការគាំទ្រយ៉ាងទូលំទូលាយពីសំណាក់ប្រជាជន; ក្នុងនោះលេចធ្លោបំផុតគឺការចូលរួមក្នុងចលនា "រួមដៃគ្នាដោះស្រាយផ្ទះបណ្តោះអាសន្ន និងផ្ទះទ្រុឌទ្រោមនៅទូទាំងប្រទេសក្នុងឆ្នាំ ២០២៥" ការចលនាជួយឧបត្ថម្ភបងប្អូនរួមជាតិដែលរងការខូចខាតដោយគ្រោះធម្មជាតិ ព្យុះ និងទឹកជំនន់ សកម្មភាពថែទាំសុខុមាលភាពសង្គម ជួយដល់អ្នកក្រីក្រ និងអ្នកងាយរងគ្រោះ ដែលស្តែងចេញយ៉ាងរស់រវើកនូវប្រពៃណីមនុស្សធម៌ និងសេចក្តីអាណិតអាសូរ "មិនទុកឱ្យនរណាម្នាក់ត្រូវបានបោះបង់ចោលនៅពីក្រោយឡើយ"។

យោងតាមរណសិរ្សមាតុភូមិវៀតណាម ប្រព័ន្ធរណសិរ្ស និងបណ្តាអង្គការសមាជិក ក៏បានបង្ហាញភាពម៉ឺងម៉ាត់ និងបត់បែនក្នុងការធ្វើសេនាធិការដាក់ឱ្យអនុវត្ត និងរៀបចំការរៀបចំក្បាលម៉ាស៊ីនរណសិរ្សមាតុភូមិ និងបណ្តាអង្គការនយោបាយ-សង្គម ព្រមទាំងបណ្តាសមាគមមហាជនដែលបក្ស និងរដ្ឋប្រគល់ភារកិច្ចឱ្យ ធានាបានតាមវឌ្ឍនភាព និងគុណភាពតាមតម្រូវការ។ ការងារផ្លាស់ប្តូរថ្មីនូវខ្លឹមសារ និងរបៀបរបបសកម្មភាពត្រូវបានអនុវត្តយ៉ាងស៊ីសង្វាក់គ្នា បត់បែន និងសមស្របទៅនឹងតម្រូវការ និងភារកិច្ចថ្មី។ ការរៀបចំ និងក្បាលម៉ាស៊ីនរបស់រណសិរ្សមាតុភូមិវៀតណាមគ្រប់លំដាប់ថ្នាក់ ត្រូវបានពង្រឹងជាជំហានៗក្នុងទិសដៅពង្រីកសមាភាពគណៈកម្មាធិការរណសិរ្ស; បង្រួមក្បាលម៉ាស៊ីនជំនាញឱ្យមានភាពសកម្ម និងប្រសិទ្ធភាព; យកចិត្តទុកដាក់ជំរុញការបំប្លែងឌីជីថល និងការធ្វើទំនើបកម្មគ្រប់គ្រងប្រព័ន្ធ បង្កើតបានជាគ្រឹះដ៏រឹងមាំសម្រាប់ការសម្របខ្លួន និងសមាហរណកម្មយ៉ាងជ្រាលជ្រៅក្នុងដំណាក់កាលថ្មី។

សកម្មភាពកិច្ចការបរទេសប្រជាជនកាន់តែត្រូវបានពង្រីកទាំងក្នុងក្របខ័ណ្ឌទ្វេភាគី និងពហុភាគី បង្កើនឋានៈ និងកេរ្តិ៍ឈ្មោះរបស់វៀតណាមលើឆាកអន្តរជាតិ រឹតបន្តឹងប្លុកមហាសាមគ្គីជាតិទាំងមូល ផ្សារភ្ជាប់ជាមួយនឹងសាមគ្គីភាពអន្តរជាតិ៕

ទីក្រុងហាណូយ បែងចែកខ្សែផ្លូវចរាចរណ៍ ដើម្បីបម្រើមហាសន្និបាតតំណាងទូទាំងប្រទេសលើកទី XI នៃរណសិរ្សមាតុភូមិវៀតណាម យុគសម័យ - នាថ្ងៃទី ០៩ ខែឧសភា ស្នងការដ្ឋាននគរបាលក្រុងហាណូយ បានប្រកាសពីផែនការបែងចែកខ្សែផ្លូវ និងរៀបចំចរាចរណ៍ ដើម្បីបម្រើមហាសន្និបាតតំណាងទូទាំងប្រទេសលើកទី XI នៃរណសិរ្សមាតុភូមិវៀតណាម ដែលនឹងប្រព្រឹត្តទៅចាប់ពីថ្ងៃទី ១១ ដល់ថ្ងៃទី ១៣ ខែឧសភា នៅមជ្ឈមណ្ឌលសន្និបាតជាតិ។

តំណាងដែលមានវ័យចាស់ជាងគេ និងវ័យក្មេងជាងគេ ផ្ញើនូវក្តីសង្ឃឹមចំពោះមហាសន្និបាតរណសិរ្សមាតុភូមិវៀតណាម យុគសម័យ - មហាសន្និបាតតំណាងទូទាំងប្រទេសនៃរណសិរ្សមាតុភូមិវៀតណាម (MTTQ) លើកទី XI អាណត្តិ ២០២៦-២០៣១ នឹងប្រព្រឹត្តទៅចាប់ពីថ្ងៃទី ១១ ដល់ថ្ងៃទី ១៣ ខែឧសភា នៅទីក្រុងហាណូយ ដោយមានការអញ្ជើញចូលរួមពីតំណាងជាង ១.៣០០ រូប។ ក្នុងចំណោមនោះ លោកឧត្តមសេនីយ៍ត្រី Vo So វ័យ ៩៧ ឆ្នាំ និងកញ្ញា ...

ឌឹកអាញ់

thoidai.com.vn