តំបន់ ៤ នៃកងទ័ពជើងទឹក បានសម្ពោធនិងប្រគល់ផ្ទះចំនួន ៤ ខ្នងជូនបណ្តាគ្រួសារគោលនយោបាយ

អនុវត្តទិសដៅគាំទ្រការលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោមសម្រាប់បណ្តាមុខសញ្ញាគោលនយោបាយនៅលើភូមិសាស្ត្រខេត្ត Khanh Hoa ចាប់ពីថ្ងៃទី ២៥ ខែឧសភា កម្មាភិបាលនិងយុទ្ធជននៃតំបន់ ៤ កងទ័ពជើងទឹក បានអនុវត្តការចុះអង្កេតនិងដំណើរការសាងសង់ផ្ទះថ្មីចំនួន ៤ ខ្នងនៅឃុំ Bac Ai និងឃុំ Bac Ai Tay។

បណ្តាតំណាងកាត់ខ្សែបូសម្ពោធនិងប្រគល់ផ្ទះជូនគ្រួសារគោលនយោបាយ។

ក្នុងនោះ ផ្ទះចំនួន ៣ ខ្នងត្រូវបានសាងសង់ឡើងនៅឃុំ Bac Ai និងផ្ទះចំនួន ១ ខ្នងនៅឃុំ Bac Ai Tay ក្នុងដំណើរការអនុវត្ត បញ្ជាការដ្ឋានតំបន់ ៤ នៃកងទ័ពជើងទឹក បានណែនាំកងពលតូចលេខ ៩៥៧ កងពលតូចលេខ ១០១ មជ្ឈមណ្ឌលធានាបច្ចេកទេសលេខ ៧១៩ និងមជ្ឈមណ្ឌលហ្វឹកហ្វឺន សហការជាមួយមូលដ្ឋានកៀរគរកម្លាំងកម្មាភិបាលនិងយុទ្ធជនរាប់រយលើកនាក់ រួមទាំងមធ្យោបាយគ្រប់ប្រភេទជាងដប់គ្រឿងចូលរួមការសាងសង់ ក្រោយរយៈពេលជិត ១ ខែនៃការអនុវត្ត ជាមួយថ្ងៃការងារពលកម្មជិត ១០០០ ថ្ងៃ បណ្តាខ្នងផ្ទះត្រូវបានបញ្ចប់មុនកាលកំណត់ ធានាបាននូវគុណភាពនិងសុវត្ថិភាពដាច់ខាត។

បណ្តាខ្នងផ្ទះថ្មីដ៏សមរម្យនិងរឹងមាំត្រូវបានប្រគល់និងដាក់ឱ្យប្រើប្រាស់ទាន់ពេលវេលា ដើម្បីឆ្លើយតបទៅនឹងតម្រូវការរស់នៅជាសារវន្ត ជួយឱ្យបណ្តាគ្រួសារមានកន្លែងស្នាក់នៅប្រកបដោយស្ថិរភាពនិងកក់ក្តៅចិត្តក្នុងការធ្វើពលកម្មផលិតកម្ម នេះជាសកម្មភាពមានអត្ថន័យនយោបាយនិងសង្គមយ៉ាងជ្រាលជ្រៅ ស្តែងចេញនូវសីលធម៌ "ផឹកទឹកនឹកដល់ប្រភព" ស្មារតីទទួលខុសត្រូវនិងការដឹងគុណរបស់កម្មាភិបាលនិងយុទ្ធជននៃតំបន់ ៤ កងទ័ពជើងទឹក ចំពោះបណ្តាគ្រួសារអ្នកមានគុណូបការៈចំពោះបដិវត្តន៍។

បញ្ជាការដ្ឋានតំបន់ ៤ នៃកងទ័ពជើងទឹក ប្រគល់ជូនទូរទស្សន៍និងកាដូជូនគ្រួសារដែលបានទទួលប្រគល់ផ្ទះ។

ថ្លែងមតិនៅក្នុងពិធីនេះ វរសេនីយ៍ឯក Bui Van Ben ប្រធានផ្នែកនយោបាយនៃតំបន់ ៤ កងទ័ពជើងទឹក បានសង្កត់ធ្ងន់ថា ជាមួយបាវចនា "នៅពេលប្រជាជនត្រូវការ នៅពេលប្រជាជនមានការលំបាក គឺមានកងទ័ពជើងទឹក" កម្មាភិបាលនិងយុទ្ធជននៃតំបន់ ៤ តែងតែចាត់ទុកការជួយឧបត្ថម្ភប្រជាជនគឺជា "បទបញ្ជាចេញពីបេះដូង" និងជាការទទួលខុសត្រូវរបស់យុទ្ធជនក្នុងសម័យសន្តិភាព បណ្តាខ្នងផ្ទះដែលបានប្រគល់ជូននាថ្ងៃនេះ គឺជាភស្តុតាងដ៏រស់រវើកសម្រាប់ទំនាក់ទំនងសាមគ្គីភាពរវាងកងទ័ពនិងប្រជាជនដូចត្រីនិងទឹក រួមចំណែកធ្វើឱ្យកាន់តែស្រស់បំព្រងថែមទៀតនូវរូបភាពដ៏ឧត្តុង្គឧត្តមរបស់ "កងទ័ពលោកពូ Cu Ho - យុទ្ធជនកងទ័ពជើងទឹក"។

ប្រធានផ្នែកនយោបាយតំបន់ ៤ បានថ្លែងអំណរគុណចំពោះគណៈកម្មាធិការបក្ស អាជ្ញាធរនិងប្រជាជនមូលដ្ឋានដែលបានសហការយ៉ាងជិតស្និទ្ធ បង្កលក្ខណៈងាយស្រួលដើម្បីឱ្យសំណង់ត្រូវបានបញ្ចប់ទៅតាមផែនការដែលបានគ្រោងទុក ទន្ទឹមនឹងនោះ មានបំណងចង់ឱ្យបណ្តាគ្រួសារថែរក្សានិងប្រើប្រាស់ផ្ទះថ្មីឱ្យមានប្រសិទ្ធភាព ខិតខំឈានឡើងធ្វើឱ្យជីវភាពរស់នៅមានស្ថិរភាពនិងអភិវឌ្ឍសេដ្ឋកិច្ច។

តំណាងបណ្តាគ្រួសារដែលបានទទួលផ្ទះបានសម្តែងនូវក្តីរំភើបចិត្តយ៉ាងខ្លាំង ដោយបានផ្ញើពាក្យថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់និងការជួយឧបត្ថម្ភទាន់ពេលវេលារបស់បញ្ជាការដ្ឋានតំបន់ ៤ នៃកងទ័ពជើងទឹក រួមជាមួយអាជ្ញាធរមូលដ្ឋាន បណ្តាខ្នងផ្ទះថ្មីនេះគឺជាប្រភពលើកទឹកចិត្តនិងជាការជំរុញទឹកចិត្តដ៏ធំធេង ជួយឱ្យបណ្តាគ្រួសារមានកម្លាំងចលករបន្ថែមទៀតដើម្បីឈានឡើងក្នុងជីវភាពរស់នៅ។

ក្នុងឱកាសនេះ បញ្ជាការដ្ឋានតំបន់ ៤ នៃកងទ័ពជើងទឹក បានប្រគល់ជូនគ្រួសារនីមួយៗនូវទូរទស្សន៍ចំនួន ១ គ្រឿង សហភាពយុវជន និង សមាគមនារី នៃបន្ទប់ភស្តុភារ - បច្ចេកទេសតំបន់ រួមទាំងបន្ទប់សេនាធិការតំបន់ បានប្រគល់ជូនបណ្តាគ្រួសារនូវសម្ភារប្រើប្រាស់ក្នុងជីវភាពរស់នៅនិងគ្រឿងឧបភោគបរិភោគជាច្រើន ជាមួយតម្លៃទឹកប្រាក់សរុប ១៩ លានដុង ក្រៅពីនេះ បណ្តាស្ថាប័ននិងអង្គភាពក៏បានប្រគល់កាដូដោយឡែកជូនគ្រួសារនីមួយៗផងដែរ៕

នាវា SAR ២៧៤ នៃមជ្ឈមណ្ឌលសហការស្វែងរក និង​ជួយ​សង្គ្​រោះនៅសមុទ្រវៀតណាមជួយសង្គ្រោះអ្នកនេសាទដែលជួបគ្រោះថ្នាក់នៅសមុទ្រ នាព្រឹកថ្ងៃទី ២៤ ខែកុម្ភៈ នាវា SAR ២៧៤ នៃមជ្ឈមណ្ឌលសហការស្វែងរក និង​ជួយ​សង្គ្​រោះនៅសមុទ្រវៀតណាមបានដឹកអ្នកនេសាទ Le Ngoc Khon ទៅកាន់ដីគោកដោយសុវត្ថិភាព ហើយបានបញ្ជូនទៅកាន់មន្ទីរពេទ្យ Da Nang ដើម្បីព្យាបាលបន្ត។

សង្ឃឹមថាគណៈកម្មការអឺរ៉ុបនឹងដកកាតលឿងសម្រាប់គ្រឿងសមុទ្រវៀតណាម នាពេលឆាប់ៗនេះ ចាប់តាំងពីគណៈកម្មការអឺរ៉ុប (EC) បានដាក់កាតលឿងចំពោះគ្រឿងសមុទ្រកាលពីថ្ងៃទី២៣ ខែតុលា ឆ្នាំ២០១៧ ប្រព័ន្ធនយោបាយទាំងមូលរបស់វៀតណាម បានអនុវត្តយ៉ាងខ្លាំងក្លាដាច់ណាត់នូវវិធានការជាច្រើនដើម្បីទប់ស្កាត់ និងចាត់តាំងយ៉ាងតឹងរ៉ឹងចំពោះការនេសាទសមុទ្រខុសច្បាប់ មិនបានរាយការណ៍ និងមិនតាមបទកំណត់ (ហៅកាត់ថា IUU)។ ការខិតខំប្រឹងប្រែង និងការប្តេជ្ញាចិត្តរបស់វៀតណាម បាននាំមកនូវលទ្ធផលវិជ្ជមានយ៉ាងខ្លាំងដែលត្រូវបានទទួលស្គាល់ដោយក្រុមអធិការកិច្ច EC ក្នុងការត្រួតពិនិត្យពីមុន។ បច្ចុប្បន្ន ក្រុមអធិការកិច្ច EC មានវត្តមាននៅវៀតណាម ដើម្បីវាយតម្លៃលទ្ធផលអនុវត្តអនុសាសន៍របស់ EC ស្តីពី IUU។

ឌឹកអាញ់

thoidai.com.vn