វៀតណាមជំរុញសមភាពយេនឌ័រនៅក្នុងវិស័យច្បាប់អន្តរជាតិនៅអង្គការសហប្រជាជាតិ

ឯកអគ្គរដ្ឋទូត Do Hung Viet (នៅកណ្តាល) ប្រធានស្ថានបេសកកម្មអចិន្ត្រៃយ៍វៀតណាមប្រចាំអង្គការសហប្រជាជាតិ។

កិច្ចពិភាក្សាតុមូលនេះត្រូវបានរៀបចំឡើងដោយមានការសម្របសម្រួល និងការរួមគ្នាធានាឧបត្ថម្ភពីស្ថានបេសកកម្មនៃប្រាំមួយប្រទេសរួមមាន បែលហ្ស៊ិក កូឡុំប៊ី កាណាដា ប៉រទុយហ្គាល់ ម៉ិកស៊ិក និងអេស្ប៉ាញ ព្រមទាំងក្រុមការងារស្តីពីសមភាពយេនឌ័រនៅតុលាការយុត្តិធម៌អន្តរជាតិ និងផ្នែករងសហរដ្ឋអាមេរិក នៃសមាគមច្បាប់អន្តរជាតិ (ABILA)។

ថ្លែងមតិបើកអង្គពិភាក្សា ឯកអគ្គរដ្ឋទូត Do Hung Viet ប្រធានស្ថានបេសកកម្មអចិន្ត្រៃយ៍វៀតណាមប្រចាំអង្គការសហប្រជាជាតិ បានសង្កត់ធ្ងន់ថា ច្បាប់អន្តរជាតិដើរតួនាទីជាគ្រឹះស្ថានក្នុងការរក្សាសន្តិភាព សន្តិសុខអន្តរជាតិ ជំរុញការអភិវឌ្ឍប្រកបដោយចីរភាព ការពារសិទ្ធិមនុស្ស ការគ្រប់គ្រងសមុទ្រនិងមហាសមុទ្រ ក៏ដូចជាពង្រឹងនីតិរដ្ឋនៅក្នុងទំនាក់ទំនងអន្តរជាតិ។

បើតាមឯកអគ្គរដ្ឋទូត Do Hung Viet ការចូលរួមពេញលេញ ប្រកបដោយសមភាព និងបរិយាបន្នជារបស់ស្ត្រីនៅក្នុងបណ្តាដំណើរការច្បាប់អន្តរជាតិ មិនត្រឹមតែជាតម្រូវការអំពីភាពយុត្តិធម៌ប៉ុណ្ណោះទេ ប៉ុន្តែថែមទាំងរួមចំណែកលើកកម្ពស់លក្ខណៈតំណាង លក្ខណៈស្របច្បាប់ និងប្រសិទ្ធភាពសកម្មភាពរបស់បណ្តាស្ថាប័ន យន្តការច្បាប់អន្តរជាតិទៀតផង។ ទោះបីជាមានបណ្តាជំហានផ្លាស់ប្តូរវិជ្ជមានក្នុងរយៈពេលកន្លងមកក៏ដោយ អត្រាស្ត្រីចូលរួមក្នុងបណ្តាស្ថាប័នច្បាប់អន្តរជាតិ ដូចជាតុលាការយុត្តិធម៌អន្តរជាតិ តុលាការអន្តរជាតិស្តីពីច្បាប់សមុទ្រ ឬគណៈកម្មាធិការច្បាប់អន្តរជាតិនៃអង្គការសហប្រជាជាតិ នៅតែស្ថិតក្នុងកម្រិតតិចតួចនៅឡើយ។

តំណាងវៀតណាមបានអំពាវនាវដល់សហគមន៍អន្តរជាតិបន្តជម្រុញកិច្ចសន្ទនា លើកកម្ពស់ការយល់ដឹង និងដាក់ពង្រាយអនុវត្តបណ្តាវិធានការជាក់ស្តែងចាប់តាំងពីថ្នាក់ជាតិ រហូតដល់បណ្តាវេទិកាពហុភាគី សំដៅបង្កើតលក្ខខណ្ឌដើម្បីឱ្យស្ត្រីពង្រីកបាននូវសមត្ថភាព រួមចំណែកប្រកបដោយខ្លឹមសារពិតប្រាកដ និងកាន់កាប់តំណែងដឹកនាំកាន់តែច្រើនឡើងនៅក្នុងវិស័យច្បាប់អន្តរជាតិ។

ថ្លែងមតិដឹកនាំនៅឯកិច្ចពិភាក្សាតុមូល លោក Steven Hill អនុប្រធានការិយាល័យច្បាប់នៃអង្គការសហប្រជាជាតិ បានអះអាងថា ការបង្កើនការចូលរួម និងលក្ខណៈតំណាងជារបស់ស្ត្រីនៅក្នុងគ្រប់ដំណើរការ និងស្ថាប័ននៃអង្គការសហប្រជាជាតិ គឺជាអាទិភាពកំពូលមួយក្នុងចំណោមអាទិភាពកំពូលៗរបស់អគ្គលេខាធិការអង្គការសហប្រជាជាតិ។ គោលដៅនេះត្រូវបានបញ្ចូលទៅក្នុងបណ្តាយន្តការដំណើរការ ការជ្រើសរើស និងការគ្រប់គ្រងរបស់អង្គការ។

លោក Steven Hill បានវាយតម្លៃខ្ពស់ចំពោះរាល់ការរួមចំណែកកាន់តែលេចធ្លោឡើងជារបស់ជួរអ្នកច្បាប់ស្រី អ្នកជំនាញច្បាប់ និងអ្នកការទូតនៅក្នុងបណ្តាស្ថាប័ន និងដំណើរការច្បាប់នៃអង្គការសហប្រជាជាតិ។ ទន្ទឹមនឹងនោះ លោកបានផ្តល់អនុសាសន៍ដល់បណ្តាប្រទេសឱ្យបន្តធានាសមតុល្យយេនឌ័រនៅក្នុងការងារតែងតាំង ជ្រើសរើស និងបោះឆ្នោតបុគ្គលិក ក៏ដូចជាបង្កើនការវិនិយោគសម្រាប់ជំនាន់វ័យក្មេង សំដៅបង្កើតគ្រឹះស្ថានសម្រាប់ការចូលរួមជាម្ចាស់ការជារបស់ស្ត្រីនៅក្នុងបណ្តាដំណើរការពហុភាគីនាពេលអនាគត។

នៅឯកិច្ចពិភាក្សាតុមូល បណ្តាវាគ្មិន និងតំណាងបានផ្លាស់ប្តូរមតិគ្នាយ៉ាងស៊ីជម្រៅអំពីបណ្តារបាំងដែលនៅសេសសល់ចំពោះការចូលរួមប្រកបដោយសមភាពជារបស់ស្ត្រីនៅក្នុងបណ្តាយន្តការច្បាប់អន្តរជាតិ វិសេសគឺនៅតាមដំណាក់កាលតែងតាំង ចលនា និងបោះឆ្នោតចូលក្នុងបណ្តាស្ថាប័នច្បាប់អន្តរជាតិ។ មតិជាច្រើនយល់ឃើញថា ត្រូវតែមានការសម្របសម្រួលប្រកបដោយសមកាលកម្មរវាងបណ្តាប្រទេស និងអង្គការអន្តរជាតិ សំដៅពង្រីកឱកាសទទួលបាន បង្កើនបណ្តាញគាំទ្រ ជំរុញលក្ខណៈតម្លាភាពនៅក្នុងបណ្តាដំណើរការជ្រើសរើស ទន្ទឹមនឹងនោះកសាងបរិយាកាសធ្វើការគ្រប់ជ្រុងជ្រោយ និងមានភាពជិតស្និទ្ធជាងមុនចំពោះស្ត្រីនៅក្នុងវិស័យច្បាប់អន្តរជាតិ។

ប្រព្រឹត្តទៅនៅក្នុងបរិយាកាសបើកចំហ និងមានលក្ខណៈស្ថាបនា កិច្ចពិភាក្សាតុមូលបានបង្កើតជាវេទិកាមួយដើម្បីឱ្យបណ្តាអ្នកជំនាញ អ្នកប្រកាសវិទ្យា និងអ្នកអនុវត្តជាក់ស្តែងចែករំលែកបទពិសោធន៍ បង្កើនការតភ្ជាប់ និងជំរុញបណ្តាការប្តេជ្ញាចិត្តធ្វើសកម្មភាព សំដៅធានាឱ្យស្ត្រីមានសំឡេង និងឱកាសប្រកបដោយសមភាពជាងមុននៅក្នុងដំណើរការកកើត អភិវឌ្ឍន៍ និងអនុវត្តច្បាប់អន្តរជាតិ។

ការធ្វើជាប្រធានរៀបចំប្រព្រឹត្តទៅនៃព្រឹត្តិការណ៍នេះ បន្តអះអាងពីការប្តេជ្ញាចិត្តប្រកបដោយសច្ចភាពនិងស្របគ្នារបស់វៀតណាម នៅក្នុងការជំរុញសមភាពយេនឌ័រ លើកកម្ពស់តួនាទីរបស់ស្ត្រីនៅក្នុងឆាកជីវិតអន្តរជាតិ ទន្ទឹមនឹងនោះរួមចំណែកយ៉ាងសកម្មទៅក្នុងការព្យាយាមពង្រឹងពហុភាគីនិយម នីតិរដ្ឋ និងច្បាប់អន្តរជាតិ៕

សាររបស់ប្រធានរដ្ឋ ក្នុងឱកាសដែលវៀតណាមធ្វើជាម្ចាស់ផ្ទះនៃពិធីចុះហត្ថលេខាលើអនុសញ្ញាអង្គការសហប្រជាជាតិប្រឆាំងនឹងឧក្រិដ្ឋកម្មតាមអ៊ីនធឺណិត យុគសម័យ - ទីភ្នាក់ងារសារព័ត៌មានវៀតណាមសូមណែនាំអត្ថបទពេញលេញនៃសាររបស់លោកប្រធានរដ្ឋ Luong Cuong ក្នុងឱកាសដែលវៀតណាមធ្វើជាម្ចាស់ផ្ទះនៃពិធីចុះហត្ថលេខាលើអនុសញ្ញាអង្គការសហប្រជាជាតិប្រឆាំងនឹងឧក្រិដ្ឋកម្មតាមអ៊ីនធឺណិតនៅទីក្រុងហាណូយ។

វៀតណាម​ប្រកាស​ពិធី​ចុះហត្ថលេខា​លើ​អនុសញ្ញា​ប្រឆាំង​ឧក្រិដ្ឋកម្ម​តាម​អ៊ីនធឺណិត​នៅ​អាហ្វ្រិក យុគសម័យ - នៅក្នុងសិក្ខាសាលា “ផ្លូវទៅកាន់ទីក្រុងហាណូយ៖ ពិធីបើកការចុះហត្ថលេខាលើអនុសញ្ញាអង្គការសហប្រជាជាតិប្រឆាំងនឹងឧក្រិដ្ឋកម្មតាមអ៊ីនធឺណិត” ដែលបានប្រារព្ធឡើងនៅទីក្រុងអាឌីសអាបាបា (ប្រទេសអេត្យូពី) ប្រទេសវៀតណាមបានប្រកាសជាផ្លូវការនូវពិធីបើកការចុះហត្ថលេខាលើអនុសញ្ញាអង្គការសហប្រជាជាតិប្រឆាំងនឹងឧក្រិដ្ឋកម្មតាមអ៊ីនធឺណិត ដែលគ្រោងនឹងប្រារព្ធឡើងនៅទីក្រុងហាណូយក្នុងខែតុលា ឆ្នាំ២០២៥។

ឌឹកអាញ់

thoidai.com.vn