វៀតណាមពង្រីកតួនាទីជាស្ពានចម្លងជំរុញកិច្ចសហប្រតិបត្តិការអាស៊ាន - រុស្ស៊ី ចំពោះមុខបណ្តាប្រឈមសកល

នៅក្នុងការឆ្លើយសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាម នៅទីក្រុងម៉ូស្គូ កាលពីថ្ងៃទី ១៥ ខែមិថុនា បណ្ឌិតវិទ្យាសាស្ត្រនយោបាយ Valeria Vershinina អនុប្រធានមជ្ឈមណ្ឌលអាស៊ាន នៃវិទ្យាស្ថានទំនាក់ទំនងអន្តរជាតិម៉ូស្គូ (MGIMO) ចំណុះក្រសួងការបរទេសរុស្ស៊ី បានអះអាងថារុស្ស៊ីវាយតម្លៃខ្ពស់ចំពោះតួនាទីជា «ស្ពានចម្លង» ប្រពៃណីរបស់វៀតណាមនៅអាស៊ីអាគ្នេយ៍ ក៏ដូចជារាល់ការរួមចំណែកយ៉ាងសកម្មរបស់វៀតណាមក្នុងការជំរុញកិច្ចសហប្រតិបត្តិការរវាងរុស្ស៊ី និងអាស៊ាន។

បណ្ឌិតវិទ្យាសាស្ត្រនយោបាយ Valeria Vershinina អនុប្រធានមជ្ឈមណ្ឌលអាស៊ាន នៃវិទ្យាស្ថានទំនាក់ទំនងអន្តរជាតិម៉ូស្គូ (MGIMO) ចំណុះក្រសួងការបរទេសរុស្ស៊ី។

បើតាមអ្នកជំនាញរុស្ស៊ី Valeria Vershinina ទីក្រុងម៉ូស្គូ និងទីក្រុងហាណូយ មានទស្សនៈប្រហាក់ប្រហែលគ្នាជាច្រើនអំពីការការពារតួនាទីមជ្ឈភាពរបស់អាស៊ាននៅក្នុងរចនាសម្ព័ន្ធសន្តិសុខតំបន់ សំដៅឈានទៅរកការកសាងបរិយាកាសមួយប្រកបដោយសន្តិភាព ស្ថិរភាព និងការអភិវឌ្ឍប្រកបដោយចីរភាពនៅអាស៊ី-ប៉ាស៊ីហ្វិក។ រុស្ស៊ីក៏ប្តេជ្ញាចិត្តបន្តគាំទ្របណ្តាគំនិតផ្តួចផ្តើមមានលក្ខណៈស្ថាបនារបស់វៀតណាម សំដៅបង្កើនសាមគ្គីភាពផ្ទៃក្នុងប្លុកអាស៊ាន និងលើកកម្ពស់សមត្ថភាពឆ្លើយតបចំពោះមុខបណ្តាបំរែបំរួលភូមិសាស្ត្រនយោបាយនាពេលបច្ចុប្បន្ន។ ភស្តុតាងយ៉ាងច្បាស់លាស់សម្រាប់លក្ខណៈយកចិត្តទុកដាក់នេះ គឺសារអបអរសាទររបស់រដ្ឋមន្ត្រីការបរទេសរុស្ស៊ី លោក Sergei Lavrov ដែលបានផ្ញើជូនវេទិកាអនាគតអាស៊ានលើកទី ៣ ដែលប្រព្រឹត្តទៅនៅទីក្រុងហាណូយ ដោយអះអាងថានេះជាយន្តការពហុភាគីមួយមានកេរ្តិ៍ឈ្មោះឈ្មោះល្បី និងឆ្លើយតបបាននូវបណ្តាតម្រូវការដើម្បីឱ្យភាគីនានារួមគ្នាផ្លាស់ប្តូរមតិ និងដាក់ចេញនូវបណ្តាការវាយតម្លៃស៊ីជម្រៅលើកម្រងបញ្ហាគន្លឹះៗអំពីការអភិវឌ្ឍតំបន់។

វាយតម្លៃអំពីទស្សនវិស័យនៃទំនាក់ទំនងអាស៊ាន - រុស្ស៊ី អគ្គលេខាធិការអាស៊ាន លោក Kao Kim Hourn បានចែករំលែកជាមួយកាសែតអេឡិចត្រូនិចរដ្ឋាភិបាល អំពីតួនាទីរបស់វៀតណាមនៅក្នុងទំនាក់ទំនងអាស៊ាន - រុស្ស៊ី ក៏ដូចជាទស្សនវិស័យនៃកិច្ចសហប្រតិបត្តិការរវាងភាគីទាំងពីរនៅក្នុងដំណាក់កាលខាងមុខ នៅមុនឱកាសសន្និសីទកំពូលរំលឹកខួបលើកទី ៣៥ នៃទំនាក់ទំនងអាស៊ាន - រុស្ស៊ី ដែលប្រព្រឹត្តទៅចាប់ពីថ្ងៃទី ១៧-១៨ ខែមិថុនា ឆ្នាំ ២០២៦ នៅទីក្រុង Kazan សហព័ន្ធរុស្ស៊ី។

បើតាមអគ្គលេខាធិការអាស៊ាន ក្នុងនាមជាប្រទេសសម្របសម្រួលទំនាក់ទំនងសន្ទនាអាស៊ាន - រុស្ស៊ី អាណត្តិ ២០២៧-២០៣០ វៀតណាមមានឋានៈអំណោយផលដើម្បីជំរុញការដាក់ពង្រាយអនុវត្តបណ្តាលទ្ធផលសម្រេចបាននៅឯសន្និសីទកំពូលអាស៊ាន - រុស្ស៊ី។

នៅក្នុងបរិបទដែលពិភពលោកកំពុងប្រឈមមុខនឹងបំរែបំរួល និងការបែកបាក់ជាច្រើន វត្តមានរបស់វៀតណាមនៅឯសន្និសីទក៏បានបង្ហាញពីការប្តេជ្ញាចិត្តរបស់អាស៊ានចំពោះកិច្ចសន្ទនាមានលក្ខណៈស្ថាបនា និងបរិយាបន្នជាមួយបណ្តាដៃគូទាំងអស់ តាមរយៈនោះរួមចំណែកពង្រឹងសន្តិភាព ស្ថិរភាព និងសមត្ថភាពធន់នឹងសេដ្ឋកិច្ចនៃតំបន់ ទន្ទឹមនឹងនោះជំរុញបណ្តាគោលដៅរួមរបស់សហគមន៍អាស៊ាន។

អគ្គលេខាធិការអាស៊ានបានសង្កត់ធ្ងន់ថា ការបង្កើនទំនាក់ទំនងដៃគូនៅក្នុងផ្ទៃក្នុងអាស៊ាន ក៏ដូចជារវាងអាស៊ានជាមួយបណ្តាដៃគូខាងក្រៅ គឺជាអាទិភាពស្នូលមួយក្នុងអាណត្តិរបស់លោក សំដៅឆ្ពោះទៅរកគោលដៅចំនួនប្រាំមួយ - «6P» រួមមាន៖ សន្តិភាព (Peace) វិបុលភាព (Prosperity) ភពផែនដី (Planet) មនុស្សជាតិ (People) ទំនាក់ទំនងដៃគូ (Partnerships) និងសក្តានុពល (Potentials)។

លោក Kao Kim Hourn បានវាយតម្លៃថា វៀតណាមតែងតែដើរតួនាទីយ៉ាងសំខាន់ មានលក្ខណៈស្ថាបនា និងជាស្ពានចម្លងនៅក្នុងទំនាក់ទំនងអាស៊ាន - រុស្ស៊ី។

ទំនាក់ទំនងទ្វេភាគីដ៏យូរអង្វែង និងពហុបែប រវាងវៀតណាម និងរុស្ស៊ី បានបង្កើតជាគ្រឹះស្ថានដ៏រឹងមាំ ដែលរួមចំណែកពង្រឹងទំនាក់ទំនងដៃគូយុទ្ធសាស្ត្រអាស៊ាន - រុស្ស៊ី៕

ស្ថានទូតវៀតណាមប្រចាំនៅអេស្ប៉ាញ រុស្ស៊ី បារាំងនិងហ្វាំងឡង់បានត្រៀមគាំពារប្រជាពលរដ្ឋចំពោះមុខការរីករាលដាលនៃជម្ងឺ Covid-19 យុគសម័យ - ក្នុងបរិបទនៃការផ្ទុះឡើងនូវជំងឺកូវីដ១៩ដ៏ស្មុគស្មាញនោះ ស្ថានទូតវៀតណាមប្រចាំនៅអេស្ប៉ាញ បារាំង រុស្ស៊ី និងហ្វាំងឡង់បានបង្កើតនូវទម្រង់នៃការជូនដំណឹងនិងផ្សព្វផ្សាយជាប្រចាំដល់សហគមន៍បងប្អូនប្រជាពលរដ្ឋវៀតណាមដែលកំពុងរស់នៅ ធ្វើការនិងសិក្សានៅប្រទេសម្ចាស់ផ្ទះអំពីគោលនយោបាយរបស់រដ្ឋាភិបាលវៀតណាម ព្រមទាំងតាមដានតាមសេចក្តីណែនាំរបស់ស្ថានទូតនិងប្រទេសម្ចាស់ផ្ទះនិងលើកទឹកចិត្តប្រជាពលរដ្ឋឱ្យគោរពតាមការណែនាំរបស់រដ្ឋាភិបាលម្ចាស់ផ្ទះផងដែរ ។

រុស្ស៊ី និងតួកគីព្រមព្រៀងគ្នាលើបទឈប់បាញ់នៅក្នុងតំបន់អ៊ីដលីបរបស់ប្រទេសស៊ីរី ថ្ងៃទី០៦ ខែមីនា ឆ្នាំ២០២០ -- កាលពីថ្ងៃព្រហស្បតិ៍ ប្រទេសរុស្ស៊ី និងប្រទេសតួកគីបានព្រមព្រៀងគ្នា ស្តីពីបទឈប់បាញ់គ្នានៅ​ក្នុងតំបន់ដែលមានការកើនឡើងនៅក្នុងខេត្តអ៊ីដលីបភាគពាយព្យប្រទេសស៊ីរី បន្ទាប់ពីកិច្ចពិភាក្សារវាងប្រធានាធិបតីរុស្ស៊ី លោក វ៉្លាឌីមៀរ ពូទីន និងសមភាគីតួកគី គឺលោក Recep Tayyip Erdogan ដែលមាន រយៈពេលប្រហែល ៦ ម៉ោង។

ឌឹកអាញ់

thoidai.com.vn