អ៊ីតាលី និងជប៉ុន បង្កើនទំនាក់ទំនងដៃគូយុទ្ធសាស្ត្រ

នាយករដ្ឋមន្ត្រីអ៊ីតាលី លោកស្រី Giorgia Meloni ថ្លែងមតិនៅក្នុងសន្និសីទសារព័ត៌មានមួយនៅទីក្រុងរ៉ូម។

បើតាមអ្នកយកព័ត៌មាននៃទីភ្នាក់ងារសារព័ត៌មានវៀតណាម នៅទីក្រុងរ៉ូម នាយករដ្ឋមន្ត្រីជប៉ុនបានធ្វើដំណើរមកដល់ប្រទេសអ៊ីតាលី ក្នុងដំណើរការត្រៀមលក្ខណៈចូលរួមសន្និសីទកំពូលនៃក្រុមប្រទេសមានសេដ្ឋកិច្ចឧស្សាហកម្មលូតលាស់ទាំង ៧ (G7) នៅប្រទេសបារាំង។ ជំនួបនេះបានប្រព្រឹត្តទៅនៅក្នុងបរិបទដែលប្រទេសអ៊ីតាលី និងជប៉ុន កំពុងបង្កើនការសម្របសម្រួល សំដៅឆ្លើយតបចំពោះមុខបណ្តាប្រឈមសន្តិសុខ និងសេដ្ឋកិច្ចសកល។

នៅក្នុងការពិភាក្សា ភាគីទាំងពីរបានប្តេជ្ញាចិត្តបន្តជំរុញកិច្ចសហប្រតិបត្តិការការពារជាតិ វិសេសគឺតាមរយៈកម្មវិធីអភិវឌ្ឍន៍យន្តហោះចម្បាំងជំនាន់ថ្មី GCAP ដែលអ៊ីតាលី និងជប៉ុន កំពុងដាក់ពង្រាយអនុវត្តរួមគ្នាជាមួយចក្រភពអង់គ្លេស។ គម្រោងនេះត្រូវបានចាត់ទុកជាសសរស្ដម្ភមួយនៅក្នុងយុទ្ធសាស្ត្របង្កើនសមត្ថភាពការពារជាតិ និងពង្រីកកិច្ចសហប្រតិបត្តិការសន្តិសុខរវាងបណ្តាដៃគូដែលមានផលប្រយោជន៍រួមគ្នានៅអឺរ៉ុប និងតំបន់ឥណ្ឌូ-ប៉ាស៊ីហ្វិក។

ភាគីទាំងពីរក៏បានឯកភាពគ្នាពង្រីកកិច្ចសហប្រតិបត្តិការនៅក្នុងបណ្តាវិស័យសន្តិសុខសេដ្ឋកិច្ច សន្តិសុខថាមពល និងដែនសមុទ្រ បច្ចេកវិទ្យាជាន់ខ្ពស់ និងលំហអាកាស។ ក្នុងនោះ អ៊ីតាលី និងជប៉ុន នឹងជំរុញកិច្ចសន្ទនាអន្តររដ្ឋាភិបាលអំពីលំហអាកាស បង្កើនការតភ្ជាប់រវាងបណ្តាទីភ្នាក់ងារលំហអាកាស និងបណ្តាសហគ្រាសសម្ព័ន្ធឧស្សាហកម្មបច្ចេកវិទ្យាជាន់ខ្ពស់នៃប្រទេសទាំងពីរ។

បច្ចុប្បន្ននេះ ជប៉ុនជាដៃគូពាណិជ្ជកម្មធំជាងគេទីបីរបស់អ៊ីតាលីនៅអាស៊ី។ ក្នុងឆ្នាំ ២០២៥ ទំហំពាណិជ្ជកម្មទ្វេភាគីសម្រេចបាន ១២,៣ ប៊ីលីយូនអឺរ៉ូ ដែលសមមូលនឹង ១៤,២ ប៊ីលីយូនដុល្លារអាមេរិក; ក្នុងនោះ អ៊ីតាលីកត់ត្រានូវកម្រិតអតិរេកពាណិជ្ជកម្មចំនួន ៤,៤ ប៊ីលីយូនអឺរ៉ូ។

ឆ្ពោះទៅកាន់បណ្តាសន្និសីទកំពូល G7 និង G20 នាពេលខាងមុខ ថ្នាក់ដឹកនាំអ៊ីតាលី និងជប៉ុន បានបញ្ជាក់ជាថ្មីនូវការប្តេជ្ញាចិត្តសម្របសម្រួលគ្នា សំដៅកាត់បន្ថយគ្រោះថ្នាក់នៃការរំខានដល់ខ្សែច្រវាក់ផ្គត់ផ្គង់វត្ថុធាតុដើមដើមយុទ្ធសាស្ត្រ ទន្ទឹមនឹងនោះ គាំទ្រដល់បណ្តាការខិតខំប្រឹងប្រែងជំរុញសន្តិភាព និងស្ថិរភាពនៅអ៊ុយក្រែន ក៏ដូចជាមជ្ឈិមបូព៌ាផងដែរ៕

ពង្រឹងទំនាក់ទំនងរវាងប្រជាជននៃប្រទេសទាំងពីរវៀតណាម និងជប៉ុន យុគសម័យ - ក្នុងក្របខ័ណ្ឌនៃដំណើរទស្សនកិច្ចការងារនៅប្រទេសជប៉ុន អនុរដ្ឋមន្ត្រីក្រសួងការបរទេស Le Thi Thu Hang មានសកម្មភាពជាច្រើន។

ភាពស្រដៀងគ្នានៃវប្បធម៌ និងទំនាក់ទំនងប្រវត្តិសាស្ត្រ គឺជាកាវធម្មជាតិដែលចងភ្ជាប់ប្រជាជនវៀតណាម និងជប៉ុន យុគសម័យ - ឧបនាយករដ្ឋមន្ត្រី Tran Luu Quang សង្ឃឹមថា កម្មវិធីឯកអគ្គរដ្ឋទូតយុវជននឹងអភិវឌ្ឍបន្ថែមទៀត ដើម្បីឲ្យនិស្សិតកាន់តែច្រើនឡើងមានឱកាសទៅទស្សនា និងសិក្សានៅវៀតណាម និងជប៉ុន។

ឌឹកអាញ់

thoidai.com.vn