ពង្រីកតួនាទីរបស់ទស្សនាវដ្តី ប្រព័ន្ធផ្សព្វផ្សាយ និងការបោះពុម្ពផ្សាយ នៅក្នុងយុគសម័យអភិវឌ្ឍន៍ថ្មី

សិក្ខាសាលាវិទ្យាសាស្ត្រ «ពង្រីកតួនាទីរបស់ទស្សនាវដ្តី ប្រព័ន្ធផ្សព្វផ្សាយ និងការបោះពុម្ពផ្សាយ នៅក្នុងយុគសម័យអភិវឌ្ឍន៍ថ្មី»។

ថ្លែងមតិនៅក្នុងសិក្ខាសាលា សាស្ត្រាចារ្យ បណ្ឌិត Le Van Loi ប្រធានវិទ្យាស្ថានបណ្ឌិត្យសភាវិទ្យាសាស្ត្រសង្គមវៀតណាម បានសង្កត់ធ្ងន់ថា កាលពី ១០១ ឆ្នាំមុន នាថ្ងៃទី ២១ ខែមិថុនា ឆ្នាំ ១៩២៥ ថ្នាក់ដឹកនាំ Nguyen Ai Quoc បានបង្កើតកាសែត Thanh Nien ដោយដាក់គ្រឹះស្ថានសម្រាប់ការចាប់បដិសន្ធិ និងការអភិវឌ្ឍនៃសារព័ត៌មានបដិវត្តន៍វៀតណាម។

ឆ្លងកាត់រយៈពេលជាងមួយសតវត្សរ៍ សារព័ត៌មានបដិវត្តន៍វៀតណាមតែងតែរួមដំណើរជាមួយប្រជាជាតិ មកក្លាយជាកម្លាំងស្រួចស្រាវនៅលើសមរភូមិមុខមនោគមវិជ្ជា និងវប្បធម៌; ជាស្ពានតភ្ជាប់រវាងបក្ស រដ្ឋ ជាមួយប្រជាជន; ជាវេទិកាដ៏គួរឱ្យទុកចិត្តរបស់ប្រជាជន និងជាឧបករណ៍ដ៏សំខាន់នៅក្នុងការការពារគ្រឹះស្ថានមនោគមវិជ្ជារបស់បក្ស ការពារផលប្រយោជន៍ជាតិ និងប្រជាជាតិ។

នៅក្នុងបណ្តាដំណាក់កាលប្រវត្តិសាស្ត្រ សារព័ត៌មានបដិវត្តន៍បានរួមចំណែកលើកទឹកចិត្តស្មារតីស្នេហាជាតិ ឆន្ទៈតស៊ូដណ្តើមឯករាជ្យ និងឯកភាពប្រទេសជាតិ។ នៅក្នុងសម័យកាលផ្លាស់ប្តូរថ្មី សារព័ត៌មានបន្តពង្រីកតួនាទីផ្សព្វផ្សាយគោលការណ៍របស់បក្ស គោលនយោបាយ ច្បាប់របស់រដ្ឋ; ឆ្លុះបញ្ចាំងពីជីវភាពរស់នៅក្នុងសង្គម ស្វែងរកឃើញបណ្តាកត្តាថ្មីៗ និងតស៊ូបង្ការ ទប់ស្កាត់ភាពអវិជ្ជមាន អំពើពុករលួយ និងការខ្ជះខ្ជាយ។

ចំពោះវិទ្យាស្ថានបណ្ឌិត្យសភាវិទ្យាសាស្ត្រសង្គមវៀតណាម ប្រព័ន្ធទស្សនាវដ្តីវិទ្យាសាស្ត្រ សកម្មភាពប្រព័ន្ធផ្សព្វផ្សាយ និងការបោះពុម្ពផ្សាយ មិនត្រឹមតែជាមធ្យោបាយផ្សព្វផ្សាយចំណេះដឹងប៉ុណ្ណោះទេ ប៉ុន្តែថែមទាំងជាផ្នែកមួយដ៏សំខាន់នៅក្នុងការអនុវត្តមុខងារស្រាវជ្រាវ ប្រឹក្សាយោបល់គោលនយោបាយ និងផ្សព្វផ្សាយតម្លៃវិទ្យាសាស្ត្រសង្គម និងមនុស្សសាស្ត្រផងដែរ។

បើតាមសាស្ត្រាចារ្យ បណ្ឌិត Le Van Loi បណ្តាទស្សនាវដ្តីវិទ្យាសាស្ត្រ គឺពិតជា «បេះដូងសិក្សាធិការ» នៃវិទ្យាស្ថានបណ្ឌិត្យសភា ដែលជាទីកន្លែងបណ្តាស្នាដៃស្រាវជ្រាវត្រូវបានត្រួតពិនិត្យផ្ទៀងផ្ទាត់ឆ្លងកាត់ការវាយតម្លៃរិះគន់វិទ្យាសាស្ត្រ បណ្តាលំអាងហេតុត្រូវបានបំពេញបន្ថែមឱ្យបានគ្រប់ជ្រុងជ្រោយ ដើម្បីបម្រើឱ្យការរៀបចំផែនការគោលនយោបាយ និងនាំយកចំណេះដឹងបណ្ឌិត្យសភាឱ្យខិតជិតទៅរកជីវភាពរស់នៅជាងមុន។

របាយការណ៍នៅក្នុងសិក្ខាសាលា សាស្ត្រាចារ្យរង បណ្ឌិត Dinh Quang Thanh នាយកផ្ទះបោះពុម្ពផ្សាយ និងទស្សនាវដ្តីវិទ្យាសាស្ត្រសង្គម បានឱ្យដឹងថា នាពេលកន្លងទៅ ប្រព័ន្ធទស្សនាវដ្តីនៃវិទ្យាស្ថានបណ្ឌិត្យសភាមានបណ្តាជំហានផ្លាស់ប្តូរជាវិជ្ជមានជាច្រើន ដោយផ្លាស់ប្តូរជាជំហានៗពីផ្នត់គំនិតប្រកាសផ្សាយសាមញ្ញ ទៅជាការគ្រប់គ្រងវិទ្យាសាស្ត្រ យកចិត្តទុកដាក់លើការលើកកម្ពស់គុណភាពសិក្សាធិការ បែបបទភាវូបនីយកម្មដំណើរការកែសម្រួលពាក្យពេចន៍ ការវាយតម្លៃរិះគន់ និងធានាភាពស្មោះត្រង់បរិសុទ្ធវិទ្យាសាស្ត្រ។

នាពេលបច្ចុប្បន្ន វិទ្យាស្ថានបណ្ឌិត្យសភាមានទស្សនាវដ្តីវិទ្យាសាស្ត្រចំនួន ២២ ក្នុងនោះរួមមាន ទស្សនាវដ្តីវិទ្យាសាស្ត្រសង្គមវៀតណាម និងទស្សនាវដ្តីជំនាញចំនួន ២១។ បណ្តាទស្សនាវដ្តីរក្សាបានសកម្មភាពត្រូវតាមគោលបំណង និងគោលដៅ លើកកម្ពស់គុណភាពអត្ថបទ បង្កើនការវាយតម្លៃរិះគន់វិទ្យាសាស្ត្រ បើកទូលាយបណ្តាញសហការី និងឈានចូលជាជំហានៗទៅរកបណ្តាស្តង់ដារបោះពុម្ពផ្សាយទំនើប។

ចំណុចលេចធ្លោមួយនៅក្នុងដំណាក់កាល ២០២៥-២០២៦ គឺដំណើរការបរិវត្តកម្មឌីជីថលនៅក្នុងសកម្មភាពទស្សនាវដ្តី។ អង្គភាពជាច្រើនបានកសាងគេហទំព័រ ដោយឡែក ដាក់ពង្រាយការផ្តល់សន្ទស្សន៍ DOI ឌីជីថលភាវូបនីយកម្មដំណើរការទទួលយក ការវាយតម្លៃរិះគន់ ការកែសម្រួលពាក្យពេចន៍ និងការបោះពុម្ពផ្សាយតាមប្រព័ន្ធអ៊ីនធឺណិត រួមចំណែកលើកកម្ពស់លក្ខណៈវិជ្ជាជីវៈ និងភាពតម្លាភាពនៅក្នុងការគ្រប់គ្រង។

ទន្ទឹមនឹងនោះ ការងារប្រព័ន្ធផ្សព្វផ្សាយវិទ្យាសាស្ត្រមានការផ្លាស់ប្តូរថ្មីជាច្រើន។ បណ្តាអង្គភាពបានម្ចាស់ការទាញយកផលប្រយោជន៍ពីខឿនរាយឌីជីថល និងបណ្តាញសង្គម ដើម្បីណែនាំពីលទ្ធផលស្រាវជ្រាវ តាមរយៈទម្រង់ជាច្រើនដូចជា អត្ថបទព័ត៌មាន infographic វីដេអូខ្លី កិច្ចសន្ទនាតាមប្រព័ន្ធអ៊ីនធឺណិត និងការណែនាំពីស្នាដៃវិទ្យាសាស្ត្រ។

នៅក្នុងវិស័យបោះពុម្ពផ្សាយ ផ្ទះបោះពុម្ពផ្សាយ និងបណ្តាអង្គភាពពាក់ព័ន្ធបានបោះពុម្ពផ្សាយនូវស្នាដៃជាច្រើនដែលមានតម្លៃទ្រឹស្តី និងជាក់ស្តែង។ ចាប់ពីឆ្នាំ ២០២៥ រហូតដល់ថ្ងៃទី ១៥ ខែមិថុនា ឆ្នាំ ២០២៦ ផ្ទះបោះពុម្ពផ្សាយបានចុះហត្ថលេខាលើសេចក្តីសម្រេចចិត្តបោះពុម្ពផ្សាយក្បាលសៀវភៅជាង ៣៨០ ចំណងជើង ដើម្បីបម្រើឱ្យការស្រាវជ្រាវ ការបណ្តុះបណ្តាល ការប្រឹក្សាយោបល់គោលនយោបាយ និងការផ្សព្វផ្សាយចំណេះដឹងវិទ្យាសាស្ត្រសង្គម និងមនុស្សសាស្ត្រ។

ទោះជាយ៉ាងណាក៏ដោយ សកម្មភាពទស្សនាវដ្តី ប្រព័ន្ធផ្សព្វផ្សាយ និងការបោះពុម្ពផ្សាយនៅតែមានការកម្រិតមួយចំនួន ដូចជាកម្រិតនៃបរិវត្តកម្មឌីជីថលរវាងបណ្តាអង្គភាពនៅមិនទាន់មានភាពស្មើគ្នានៅឡើយ; ចំនួនទស្សនាវដ្តីដែលមានកំណែជាភាសាអង់គ្លេសនៅមានកម្រិត; មិនទាន់មានទស្សនាវដ្តីណាមួយចំណុះវិទ្យាស្ថានបណ្ឌិត្យសភាបានចូលរួមនៅក្នុងបណ្តាមូលដ្ឋានទិន្នន័យអន្តរជាតិមានកេរ្តិ៍ឈ្មោះដូចជា Scopus និង Web of Science នៅឡើយទេ; ការកសាងមូលដ្ឋានទិន្នន័យសម្រាប់ប្រើប្រាស់រួមគ្នានៅមានភាពយឺតយ៉ាវ។

នាពេលខាងមុខ វិទ្យាស្ថានបណ្ឌិត្យសភាបានកំណត់ថានឹងបន្តធ្វើទំនើបកម្មប្រព័ន្ធបោះពុម្ពផ្សាយ និងប្រព័ន្ធផ្សព្វផ្សាយទាំងស្រុងនៅលើខឿនរាយឌីជីថល; កសាងហេដ្ឋារចនាសម្ព័ន្ធទិន្នន័យសម្រាប់ប្រើប្រាស់រួមគ្នា; បែបបទភាវូបនីយកម្មដំណើរការកែសម្រួលពាក្យពេចន៍ និងការវាយតម្លៃរិះគន់តាមស្តង់ដារអន្តរជាតិ; បណ្តុះបណ្តាលជួរកម្មភិបាលដែលមានសមត្ថភាពបច្ចេកវិទ្យា និងបំណិនឌីជីថល; អភិវឌ្ឍប្រព័ន្ធផ្សព្វផ្សាយពហុខឿនរាយ ដើម្បីនាំយកចំណេះដឹងវិទ្យាសាស្ត្រសង្គមឱ្យខិតជិតទៅរកសង្គមជាងមុន។

នៅក្នុងឱកាសនេះដែរ វិទ្យាស្ថានបណ្ឌិត្យសភាវិទ្យាសាស្ត្រសង្គមវៀតណាម បានរៀបចំពិធីប្រគល់រង្វាន់នៃការប្រកួត «តភ្ជាប់ចំណេះដឹង - ផ្សព្វផ្សាយតម្លៃ - កសាងប្រព័ន្ធអេកូឡូស៊ីប្រព័ន្ធផ្សព្វផ្សាយឌីជីថល» ជូនដល់បណ្តាអង្គភាពផងដែរ៕

ប្រព័ន្ធផ្សព្វផ្សាយ​អន្តរជាតិអបអរសាទរចំពោះ​ជ័យជម្នះ​របស់​ក្រុមបាល់ទាត់​ជម្រើសជាតិផ្នែកនារីវៀតណាម ប្រព័ន្ធផ្សព្វផ្សាយនៅតំបន់អាស៊ីបានអបអរសាទរចំពោះស្នាដៃល្អឯករបស់ក្រុមបាល់ទាត់ជម្រើសជាតិផ្នែកនារីវៀតណាម ដែលជាលើកដំបូងដណ្ដើមបានកៅអីចូលរួមវគ្គផ្តាច់ព្រ័ត្រ World Cup ផ្នែកនារី ព្រមទាំងលើកសរសើរចំពោះការខិតខំប្រឹងប្រែងដ៏ខ្លាំងក្លារបស់ក្រុមបាល់ទាត់។

ផ្សព្វផ្សាយបេតិកភ័ណ្ឌ ទឹកដី និង​មនុស្សវៀតណាម​តាម​រយៈ​ប្រព័ន្ធផ្សព្វផ្សាយ​មហាជនឡាវ ក្នុងក្របខ័ណ្ឌនៃកំណត់ហេតុសហប្រតិបត្តិការរវាងក្រសួង ព័ត៌មាន និងផ្សព្វផ្សាយវៀតណាម ជាមួយក្រសួងព័ត៌មាន វប្បធម៌ និងទេសចរណ៍ឡាវ ចាប់ពីឆ្នាំ២០១២ រហូតមកដល់បច្ចុប្បន្ននេះ នាយកដ្ឋានសារព័ត៌មាននៃក្រសួងព័ត៌មាន និងផ្សព្វផ្សាយវៀតណាមបានរៀបចំ វគ្គបណ្ដុះបណ្ដាលជំនាញសារព័ត៌មានចំនូន ២២ លើក សម្រាប់អ្នកកាសែតឡាវ សំដៅជួយឧបត្ថម្ភ លើកកម្ពស់ជំនាញក្នុងការផ្សាយព័ត៌មាន អត្ថបទសរសេរអំពីទឹកដី និងមនុស្សវៀតណាមតាមរយៈប្រព័ន្ធផ្សព្វផ្សាយមហាជនឡាវ។

ឌឹកអាញ់