លោក វង្សី វិស្សុត៖ បញ្ញាសិប្បនិម្មិត ជាកត្តាជំរុញដ៏សំខាន់សម្រាប់កំណើនសេដ្ឋកិច្ច

ឧបនាយករដ្ឋមន្ត្រី លោក វង្សី វិសុទ្ធ (រូបថត៖ CNC)

លោក វិស្សុត ដែលជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានមានប្រសាសន៍ថា រដ្ឋាភិបាលកំពុងបង្កើតក្របខណ្ឌថ្មីសម្រាប់ឧស្សាហកម្មនេះ រួមទាំងការការពារកម្មសិទ្ធិបញ្ញា និងការបង្ការពី “ព័ត៌មានក្លែងក្លាយ” និងផលប៉ះពាល់ដែលអាចបង្ករឱ្យមានអស្ថិរភាពធ្ងន់ធ្ងរដល់សង្គម។

លោកបានមានប្រសាសន៍ថា “យើងត្រូវការអភិបាលកិច្ចល្អ និងស្តង់ដារក្រមសីលធម៌”។

រាជរដ្ឋាភិបាលបានចាត់ទុកបច្ចេកវិទ្យាឌីជីថលជាអាទិភាពមួយក្នុងចំណោមអាទិភាពផ្នែកសេដ្ឋកិច្ច និងសង្គម។

ក្របខ័ណ្ឌគោលនយោបាយសេដ្ឋកិច្ច និងសង្គមឌីជីថល ២០២១-២០៣៥ របស់រដ្ឋាភិបាលមានគោលដៅ “កសាងសេដ្ឋកិច្ច និងសង្គមឌីជីថលដ៏រស់រវើក ដោយដាក់មូលដ្ឋានគ្រឹះដើម្បីជំរុញការទទួលយក និងបរិវត្តកម្មឌីជីថលនៅក្នុងតួអង្គសង្គមទាំងអស់ រួមទាំងរដ្ឋ ប្រជាពលរដ្ឋ និងអាជីវកម្ម ដើម្បីពន្លឿនកំណើនសេដ្ឋកិច្ចថ្មី និងលើកកម្ពស់សុខុមាលភាពសង្គមតាមគន្លង ‘ប្រក្រតីភាពថ្មី’ ។

ផែនទីបង្ហាញផ្លូវឌីជីថលរបស់រដ្ឋាភិបាលកំណត់កាលវិភាគសម្រាប់ការកសាង និងអភិវឌ្ឍហេដ្ឋារចនាសម្ព័ន្ធ រួមមានប្រព័ន្ធទូទាត់ឌីជីថល និងសុវត្ថិភាព និងការបង្កើតក្របខ័ណ្ឌច្បាប់ដ៏រឹងមាំមួយ។

លោក វិស្សុត បានបន្តថា រដ្ឋាភិបាលកំពុងធ្វើការដើម្បីធ្វើឱ្យមានតុល្យភាពទិដ្ឋភាពបច្ចេកវិទ្យា សេដ្ឋកិច្ច និងសង្គមនៃ AI ។

លោកបានបន្ថែមថា “យើងរួមគ្នា យើងអាចបង្កើតអនាគតដែលដំណើរការដោយ AI ដែលលើកកម្ពស់សង្គម ពង្រឹងសេដ្ឋកិច្ច និងជំរុញការស្វែងយល់ពីគ្នាទៅវិញទៅមក ហើយជាពិសេសឆ្លុះបញ្ចាំងពីសេចក្តីប្រាថ្នារួមគ្នារបស់យើង៖ អនាគតនៃភាពយុត្តិធម៌ ភាពធន់ និងវិបុលភាព”។

ឧស្សាហកម្ម AI របស់កម្ពុជានៅតែស្ថិតក្នុងដំណាក់កាលដំបូងនៅឡើយ ប៉ុន្តែអ្នកជំនាញផ្នែកបច្ចេកវិទ្យាហិរញ្ញវត្ថុ និងឌីជីថលដែលមានមូលដ្ឋាននៅទីក្រុងភ្នំពេញ លោក Niraj Gupta បាននិយាយថា ឥឡូវនេះគឺជាពេលវេលាសម្រាប់កម្ពុជាដើម្បីកសាងមូលដ្ឋានគ្រឹះនៃប្រព័ន្ធ AI លំដាប់ពិភពលោករបស់ខ្លួនដើម្បីជំរុញដល់កំណើនសេដ្ឋកិច្ច។

លោក Gupta នាយកក្រុមហ៊ុនប្រឹក្សាផ្នែកបច្ចេកវិទ្យាឌីជីថល Macro Solutions បានប្រាប់កាសែតខ្មែរថាមស៍ កាលពីម្សិលមិញថា “វាជាពេលវេលាដ៏ល្អដែលប្រទេសកម្ពុជាសម្របខ្លួន និងបង្កើតបច្ចេកវិទ្យា AI ដោយខ្លួនឯង ទាំងភាសា និងបច្ចេកវិទ្យា។

“ការអភិវឌ្ឍន៍បច្ចេកវិទ្យា AI ផ្ទាល់ខ្លួនគឺជាឱកាសសេដ្ឋកិច្ចដ៏ធំមួយសម្រាប់ប្រទេសកម្ពុជា ដោយមានសក្តានុពលសម្រាប់ក្រុមហ៊ុនជាច្រើនក្នុងការលេចឡើងក្នុងដំណើរការនេះ។

“នៅពេលនេះ មិនមានបច្ចេកវិទ្យាថ្មីទេ លើកលែងតែអ្វីដែលបានទិញ (ពីខាងក្រៅ)។ ក្រុមហ៊ុនក្នុងស្រុកកំពុងសិក្សាពីពិភពលោក។

លោកមើលឃើញពីសក្តានុពលខ្លាំងសម្រាប់ AI នៅកម្ពុជាក្នុងវិស័យថែទាំសុខភាព ការអប់រំ កសិកម្ម និងពាណិជ្ជកម្មតាមប្រព័ន្ធអេឡិចត្រូនិក។

លោក Gupta បាននិយាយថា ទោះបីជាការងារមួយចំនួនកំពុងត្រូវបានធ្វើនៅក្នុងវិស័យនានាដូចជាមនុស្សយន្តក៏ដោយ ឱកាសដ៏ធំបំផុតនៅក្នុង AI នៅកម្ពុជាឥឡូវនេះគឺនៅក្នុងការធ្វើទីផ្សារ។

លោកបាននិយាយថា “AI អាចគាំទ្រអ្នកដែលធ្វើការផ្នែកទីផ្សារតាមវិធីជាច្រើន រួមទាំងការយល់ដឹងអំពីអតិថិជនរបស់ពួកគេ និងប្រជាសាស្រ្ត ដូច្នេះពួកគេអាចផ្សព្វផ្សាយផលិតផលរបស់ពួកគេតាមគោលដៅកាន់តែមានប្រសិទ្ធភាព”។

លោក Gupta បាននិយាយថា ប្រជាជនកម្ពុជាភាគច្រើនកំពុងប្រើប្រាស់ AI ជាផ្នែកមួយនៃជីវិតប្រចាំថ្ងៃរបស់ពួកគេរួចហើយ ចាប់ពី SIRI ដល់ Google Assistant វិស័យធនាគារ និងក្បួនដោះស្រាយ (algorithms) ដែលកែសម្រួលផលិតផល និងសេវាកម្មដូចជា Netflix ទៅតាមចំណង់ចំណូលចិត្ត និងរសនិយមរបស់បុគ្គលម្នាក់ៗ។

“AI អាចប្រាប់អ្នកពីរបៀបដែលទីផ្សារដំណើរការដោយផ្អែកលើចំណង់ចំណូលចិត្តរបស់អតិថិជនរបស់អ្នក ដូច្នេះអ្នកអាចបង្ហាញពួកគេជាមួយនឹងផលិតផលរបស់អ្នកដែលសាកសមបំផុតទៅនឹងរសនិយមរបស់ពួកគេ។”

លោកបានមានប្រសាសន៍ថា ជាមួយនឹងវិស័យ AI ក្នុងប្រទេសកម្ពុជានៅមានភាពក្មេងខ្ចីនៅឡើយ រដ្ឋាភិបាលគួរតែចាប់យកឱកាសដើម្បីកសាងក្របខ័ណ្ឌច្បាប់ដ៏រឹងមាំមួយ។

លោក Gupta បាននិយាយថា “រដ្ឋាភិបាលចាំបាច់ត្រូវយកចិត្តទុកដាក់ ពីព្រោះពិភពលោកបានបោះជំហានទៅមុខរួចហើយ” ។

“វាជាពេលវេលាដ៏ល្អដែលនឹងជួយឱ្យវិស័យ AI រួមចំណែកដល់សេដ្ឋកិច្ចទាំងមូល។”

ទស្សនវិស័យសេដ្ឋកិច្ចរបស់កម្ពុជាបន្តកើនឡើងជាវិជ្ជមាន ដំណើរការសេដ្ឋកិច្ចរបស់កម្ពុជាក្នុងឆ្នាំ២០២៤ បានបង្ហាញពីភាពធន់ជាមួយនឹងអត្រាកំណើនប្រមាណ ៦ភាគរយ។ ខណៈដែលមានការប្រែប្រួលបន្តិចបន្តួចនៃអត្រាកំណើន ទស្សនវិស័យទាំងមូលនៅតែមានភាពវិជ្ជមាន។

កម្ពុជា-វៀតណាមពង្រឹងកិច្ចសហប្រតិបត្តិការលើវិស័យពាណិជ្ជកម្មអេឡិចត្រូនិក និងសេដ្ឋកិច្ចឌីជីថល កាលពីថ្ងៃពុធក្រុមប្រឹក្សាអភិវឌ្ឍន៍កម្ពុជាបានលើកទឹកចិត្តអ្នកវិនិយោគវៀតណាមឱ្យវិនិយោគ និងសហការជាមួយក្រុមហ៊ុនកម្ពុជា ជាពិសេសក្នុងវិស័យដែលមានសក្តានុពលខ្ពស់ដែលអាចធ្វើសមាហរណកម្មជាមួយសង្វាក់ផ្គត់ផ្គង់ផលិតកម្មនៅក្នុងប្រទេសវៀតណាម។

ហុង អាញ់