អគ្គលេខាបក្ស ប្រធានរដ្ឋ To Lam ធ្វើការជាមួយសហភាពបណ្តាអង្គការមិត្តភាពវៀតណាម

អគ្គលេខាបក្ស ប្រធានរដ្ឋ To Lam អបអរសាទរប្រធានសហភាពបណ្តាអង្គការមិត្តភាពវៀតណាម Phan Anh Son បន្ទាប់ពីជោគជ័យនៃមហាសន្និបាតលើកទី ៧។

នៅឯសន្និសីទ ប្រធានសហភាពបណ្តាអង្គការមិត្តភាពវៀតណាម Phan Anh Son បានរាយការណ៍ជូនអគ្គលេខាបក្ស ប្រធានរដ្ឋ នូវលទ្ធផលលេចធ្លោនានាក្នុងអាណត្តិកន្លងមក និងលទ្ធផលនៃមហាសន្និបាត។ តាមនោះ ការងារការទូតប្រជាជនរបស់សហភាពបណ្តាអង្គការមិត្តភាពវៀតណាម បានផ្លាស់ប្តូរថ្មីខាងការគិត ខ្លឹមសារ និងវិធីសាស្ត្រធ្វើសកម្មភាព រួមចំណែកកសាង និងលើកកម្ពស់កិត្យានុភាព ឋានៈរបស់វៀតណាមនៅលើឆាកអន្តរជាតិ។ ទន្ទឹមនឹងនោះ លោក Phan Anh Son ក៏បានរាយការណ៍ជូនអគ្គលេខាបក្ស ប្រធានរដ្ឋ នូវបណ្តាទិសដៅ ក៏ដូចជាទស្សនៈ និងភារកិច្ចរបស់សហភាពបណ្តាអង្គការមិត្តភាពវៀតណាមក្នុងអាណត្តិថ្មីផងដែរ។

អគ្គលេខាបក្ស ប្រធានរដ្ឋ To Lam ថតរូបរួមគ្នាជាមួយគណៈកម្មាធិការប្រតិបត្តិ នៃសហភាពបណ្តាអង្គការមិត្តភាពវៀតណាម នីតិកាលទី ៧ និងបណ្តាប្រតិភូដែលបានចូលរួមក្នុងជំនួបប្រាស្រ័យ។

បន្ទាប់ពីបានស្តាប់របាយការណ៍ អគ្គលេខាបក្ស ប្រធានរដ្ឋ To Lam បានវាយតម្លៃខ្ពស់ចំពោះលទ្ធផលទាំងឡាយដែលសហភាពបណ្តាអង្គការមិត្តភាពវៀតណាមសម្រេចបានក្នុងរយៈពេលកន្លងមក។ អគ្គលេខាបក្ស ប្រធានរដ្ឋ បានអះអាងនូវតួនាទីជាស្ថាប័នស្នូល ទទួលបន្ទុកជំនាញ និងជាសសរទ្រូងខាងការងារការទូតប្រជាជនរបស់សហភាពបណ្តាអង្គការមិត្តភាពវៀតណាម ដែលត្រូវបានបក្ស រដ្ឋ កំណត់យ៉ាងច្បាស់ ហេតុដូច្នេះហើយ ពេលខាងមុខនេះ រាល់គោលការណ៍ទាំងនេះចាំបាច់ត្រូវតែប្រែក្លាយឱ្យទៅជាការពិតយ៉ាងឆាប់រហ័ស ដើម្បីលើកកម្ពស់ប្រសិទ្ធភាពជាក់ស្តែង។ អគ្គលេខាបក្ស ប្រធានរដ្ឋ បានស្នើឱ្យបណ្តាគណៈ ក្រសួង ស្ថាប័នមជ្ឈិម និងមូលដ្ឋាន បន្ទាន់សម្របសម្រួល ផ្តល់យោបល់ជូនបក្ស រដ្ឋ បំពេញបន្ថែមឱ្យកាន់តែល្អឥតខ្ចោះនូវរបបយន្តការស្តីពីការទូតប្រជាជន ព្រមទាំងបង្កលក្ខណៈងាយស្រួលដើម្បីឱ្យសហភាពបណ្តាអង្គការមិត្តភាពវៀតណាម ចូលរួមក្នុងបណ្តាយន្តការសម្របសម្រួលជាតិដែលសមស្របនឹងមុខងារ ភារកិច្ច។ ទន្ទឹមនឹងនោះ ក្នុងបរិបទថ្មីនៃពិភពលោក និងប្រទេសជាតិ អគ្គលេខាបក្ស ប្រធានរដ្ឋ បានផ្តល់អនុសាសន៍នូវភារកិច្ច និងទិសដៅមួយចំនួនសម្រាប់សហភាពបណ្តាអង្គការមិត្តភាពវៀតណាម។ នោះគឺត្រូវតែបំប្លែងការយល់ដឹង ផែនការ ទិសដៅ ឱ្យទៅជាលទ្ធផលជាក់ស្តែង។ «កម្លាំងរបស់ប្រជាជនគឺមិនអាចយកឈ្នះបានឡើយ ហើយយើងត្រូវតែម្ចាស់ការទាញយកផល លើកកម្ពស់កម្លាំងនោះយ៉ាងសកម្ម» អគ្គលេខាបក្ស ប្រធានរដ្ឋ To Lam បានសង្កត់ធ្ងន់៕

ដំណើរទស្សនកិច្ចនៅថៃរបស់អគ្គលេខាបក្ស និងជាប្រធានរដ្ឋ លោក To Lam៖ ជំរុញពាណិជ្ជកម្ម ឡូជីស្ទីក ព្រមទាំងខ្សែច្រវាក់ផ្គត់ផ្គង់ យុគសម័យ - ដំណើរទស្សនកិច្ចផ្លូវការនៅប្រទេសថៃរបស់អគ្គលេខាបក្ស និងជាប្រធានរដ្ឋ លោក To Lam ប្រព្រឹត្តទៅនៅក្នុងបរិបទដែលទំនាក់ទំនង វៀតណាម - ថៃ ទើបតែត្រូវបានតម្លើងកម្រិតទៅជាដៃគូយុទ្ធសាស្ត្រគ្រប់ជ្រុងជ្រោយ។ យោងតាមអនុរដ្ឋមន្ត្រីក្រសួងការបរទេស លោក Nguyen Manh Cuong ដំណើរទស្សនកិច្ចនេះត្រូវបានរំពឹងថានឹងបើកបន្ថែមនូវកម្លាំងចលករសហប្រតិបត្តិការនៅក្នុងបណ្ដាវិស័យពាណិជ្ជកម្ម ការវិនិយោគ ឡូជីស្ទីក ការផ្សារភ្ជាប់ខ្សែច្រវាក់ផ្គត់ផ្គង់ ព្រមទាំងបណ្ដាវិស័យអភិវឌ្ឍន៍ថ្មីនៃប្រទេសទាំងពីរ។

លោកអគ្គលេខាបក្ស ព្រមទាំងជាប្រធានរដ្ឋ លោក To Lam ព្រមទាំងលោកជំទាវ អញ្ជើញចាកចេញដំណើរទៅបំពេញទស្សនកិច្ចផ្លូវការនៅប្រទេសថៃ យុគសម័យ - លោកអគ្គលេខាបក្ស ព្រមទាំងជាប្រធានរដ្ឋ លោក To Lam ព្រមទាំងលោកជំទាវ រួមជាមួយគណៈប្រតិភូជាន់ខ្ពស់វៀតណាម ទៅបំពេញទស្សនកិច្ចនៅប្រទេសថៃ ចាប់ពីថ្ងៃទី ២៧ ដល់ថ្ងៃទី ២៩ ខែឧសភា តបតាមការអញ្ជើញរបស់នាយករដ្ឋមន្ត្រីថៃ សំដៅជម្រុញទំនាក់ទំនងសហប្រតិបត្តិការទ្វេភាគី។

ឌឿងង្វៀន