"ដើម្បីផលប្រយោជន៍ជាតិ មាតុភូមិ" ក្នុងកិច្ចការបរទេសប្រជាជនគឺជាអ្វី?

មានគោលដៅជាក់លាក់

ទស្សនៈស្តីពីសមាហរណកម្មអន្តរជាតិរបស់បក្សបន្តត្រូវបានបញ្ជាក់ជាក់ស្តែងនៅក្នុងសេចក្តីសម្រេចចិត្តលេខ ៥៩-NQ/TW ចុះថ្ងៃទី ២៤ ខែមករា ឆ្នាំ ២០២៥ របស់ការិយាល័យនយោបាយ។ ឯកសារដ៏សំខាន់នេះកំណត់ថាសមាហរណកម្មអន្តរជាតិគឺជាបុព្វហេតុរបស់ប្រជាជនទាំងមូល និងប្រព័ន្ធនយោបាយទាំងមូល។ ក្នុងនោះ ប្រជាជន និងសហគ្រាសដើរតួនាទីជាចំណុចកណ្តាល ជាប្រធានបទ និងជាកម្លាំងចលករនៃដំណើរការសមាហរណកម្ម។ អាស្រ័យហេតុនេះ កិច្ចការបរទេសប្រជាជនមានតួនាទីផ្សារភ្ជាប់ដោយផ្ទាល់ជាមួយជីវភាពរស់នៅ និងការអភិវឌ្ឍរបស់ប្រជាជន។ រាល់កម្មវិធីមិត្តភាពត្រូវតែត្រូវបានវាយតម្លៃតាមរយៈការរួមចំណែកជាក់ស្តែងចំពោះផលប្រយោជន៍របស់ប្រទេសជាតិ និងសហគមន៍។ ចាំបាច់ត្រូវពូនជ្រំទំនុកចិត្ត និងការយល់ដឹងជាអន្តរជាតិ ដើម្បីការពារមាតុភូមិតាំងពីដំបូង និងពីចម្ងាយ។ ការយល់ស្រប ការគាំទ្រ និងទំនុកចិត្តរបស់មិត្តភក្តិអន្តរជាតិ រួមចំណែកបង្កើតបរិយាកាសអំណោយផល ដើម្បីឱ្យវៀតណាមដោះស្រាយរាល់បញ្ហាប្រឈម និងជំរុញកិច្ចសហប្រតិបត្តិការ។

ភ្ញៀវទស្សនាស្វែងយល់អំពីសកម្មភាពជំនះពុះពារលើផលវិបាកដោយសារគ្រាប់បែក និងមីន ក្នុងកម្មវិធីផ្លាស់ប្តូរមិត្តភាពវៀតណាម - អាមេរិក នៅ Ha Noi ថ្ងៃទី ២៣ ខែវិច្ឆិកា ឆ្នាំ ២០២៥។

របាយការណ៍នយោបាយនៃមហាសន្និបាតតំណាងទូទាំងប្រទេសនៃរណសិរ្សមាតុភូមិវៀតណាមលើកទី ១១ អាណត្តិ ២០២៦ - ២០៣១ ក៏បានតម្រូវឱ្យផ្ទេរការយកចិត្តទុកដាក់ពីការផ្លាស់ប្តូរសាមញ្ញ ទៅជាការម្ចាស់ការអនុវត្តគំនិតផ្តួចផ្តើមសហប្រតិបត្តិការជាក់ស្តែង។ តម្រូវការនៃដំណាក់កាលថ្មីគឺការធ្វើឱ្យកាន់តែស៊ីជម្រៅនូវមូលដ្ឋានគ្រឹះនៃមនោសញ្ចេតនាមិត្តភាព តាមរយៈតម្លៃជាក់ស្តែងនានា។ មនោសញ្ចេតនាមិត្តភាពដែលត្រូវបានពូនជ្រំឆ្លងកាត់ច្រើនជំនាន់ នឹងបើកចេញនូវលំហអភិវឌ្ឍន៍ថ្មីៗ។ កិច្ចការបរទេសប្រជាជនត្រូវតែបម្រើដោយផ្ទាល់ដល់គោលដៅប្រជាជនសម្បូរសប្បាយ ប្រទេសជាតិរឹងមាំក្នុងយុគសម័យថ្មី។

ប្រព័ន្ធទស្សនៈអភិវឌ្ឍន៍ថ្មីទាមទារឱ្យមានការផ្លាស់ប្តូរថ្មីយ៉ាងខ្លាំងក្លាអំពីវិធីសាស្ត្រប្រតិបត្តិការ។ កិច្ចការបរទេសប្រជាជនមិនអាចកាត់ផ្តាច់ចេញពីបណ្តាគោលដៅកំណើនបៃតង និងការផ្លាស់ប្តូរឌីជីថលរបស់ប្រទេសជាតិឡើយ។ យើងកសាងអំណាចស្រទន់របស់ជាតិ តាមរយៈភាពស្មោះត្រង់ និងការទទួលខុសត្រូវជាសកល។ មិត្តភក្តិម្នាក់ៗដែលយល់ដឹង និងរួមដំណើរជាមួយវៀតណាម សុទ្ធតែរួមចំណែកលើកកម្ពស់កិត្យានុភាពរបស់ប្រទេសជាតិ។ អត្តសញ្ញាណអារ្យធម៌ និងតម្លៃមនុស្សធម៌ទាំងឡាយរបស់វៀតណាម ចាំបាច់ត្រូវតែផ្សព្វផ្សាយឱ្យកាន់តែខ្លាំងក្លាថែមទៀត។ នេះគឺជាមូលដ្ឋានគ្រឹះដើម្បីពង្រីកលំហសហប្រតិបត្តិការ និងលើកកម្ពស់ឋានៈរបស់វៀតណាមនៅលើឆាកអន្តរជាតិ។

ការចុះពិនិត្យស្រាវជ្រាវសំណង់ទឹកស្អាតចំណុះគម្រោងរបស់ World Vision International នៅ Quang Ngai ឆ្នាំ ២០២៥។

ពង្រីកតួនាទីស្នូល និងការដឹកនាំតម្រង់ទិស

សហភាពបណ្តាអង្គការមិត្តភាពវៀតណាមកំណត់ថា អាណត្តិ ២០២៦ - ២០៣១ នឹងបន្តជាដំណាក់កាលផ្លាស់ប្តូរថ្មីយ៉ាងខ្លាំងក្លានៃប្រព័ន្ធទាំងមូល ដើម្បីពង្រីកតួនាទីស្នូលប្រកបដោយលក្ខណៈជាក់ស្តែង ស័ក្តិសិទ្ធិភាព និងប្រសិទ្ធភាពក្នុងការងារកិច្ចការបរទេសប្រជាជន។

តួនាទីនោះជាបឋមគឺស្ថិតនៅលើសមត្ថភាពប្រមូលផ្តុំកម្លាំង ការតភ្ជាប់បណ្តាញ និងការជំរុញការសម្របសម្រួលនៅក្នុងប្រព័ន្ធទាំងមូល។

អង្គការជាសមាជិក មូលដ្ឋាន វិស័យ មជ្ឈដ្ឋាន និងសហគមន៍នីមួយៗ សុទ្ធតែមានបណ្តាញ បទពិសោធន៍ និងឧត្តមភាពរៀងៗខ្លួន។ នៅពេលត្រូវបានតភ្ជាប់នៅក្នុងទិសដៅរួមមួយ ប្រភពធនធានទាំងនោះអាចបំពេញបន្ថែមឱ្យគ្នាទៅវិញទៅមក ពង្រីកសមត្ថភាពក្នុងការឈានទៅរកដៃគូនានា និងបង្កើតបានជាកម្លាំងសរុប។

លោក Kawaji Takashi ប្រធានក្រុមប្រឹក្សាជំរុញសន្តិភាព មិត្តភាពជប៉ុន - វៀតណាម (JVPF) ប្រគល់អាហារូបករណ៍ជូនសិស្សានុសិស្សដែលមានស្ថានភាពជីវភាពខ្វះខាតនៅឃុំ Luc Son ខេត្ត Bac Ninh។

ឧត្តមភាពដោយឡែកនៃកិច្ចការបរទេសប្រជាជន គឺសមត្ថភាពតភ្ជាប់ដោយផ្ទាល់រវាងមនុស្ស និងមនុស្ស។ ទំនាក់ទំនងជាមួយបណ្តាអង្គការប្រជាជន អង្គការសង្គម បញ្ញវន្ត សាកលវិទ្យាល័យ សហគ្រាស សហគមន៍ជនវៀតណាមនៅឯបរទេស និងមិត្តភក្តិអន្តរជាតិ អាចបង្កើតបានជាមូលដ្ឋានគ្រឹះសង្គមប្រកបដោយចីរភាពសម្រាប់ទំនាក់ទំនងរវាងវៀតណាម និងបណ្តាប្រទេស។

គោលដៅសំខាន់ដែលត្រូវបានដាក់ចេញ គឺការកសាងសហភាពបណ្តាអង្គការមិត្តភាពវៀតណាមឱ្យក្លាយជាមជ្ឈមណ្ឌលតភ្ជាប់ប្រជាជនអន្តរជាតិប្រកបដោយកិត្យានុភាព។

កិត្យានុភាពនោះមិនត្រឹមតែត្រូវបានវាស់វែងដោយចំនួនដៃគូ ឬទ្រង់ទ្រាយនៃបណ្តាញប៉ុណ្ណោះទេ ប៉ុន្តែថែមទាំងដោយទំនុកចិត្ត សមត្ថភាពរក្សាទំនាក់ទំនងយូរអង្វែង និងតម្លៃជាក់ស្តែងទាំងឡាយដែលបានបង្កើតឡើងពីការតភ្ជាប់នីមួយៗផងដែរ។

ដៃគូថ្មីមួយអាចបើកចេញនូវកម្មវិធីសហប្រតិបត្តិការមួយ។ បណ្តាញមិត្តភក្តិមួយអាចបង្កើតឱកាសផ្លាស់ប្តូរបន្ថែមទៀត។ ទំនាក់ទំនងមួយដែលត្រូវបានពូនជ្រំឆ្លងកាត់ច្រើនឆ្នាំ អាចក្លាយជាមូលដ្ឋានគ្រឹះសម្រាប់ការរួមដំណើរក្នុងដំណាក់កាលសំខាន់ៗ។

ការផ្លាស់ប្តូរមិត្តភាព «ពណ៌សម្បុរវប្បធម៌អាស៊ានឆ្នាំ ២០២៦» នៅ Ha Noi ថ្ងៃទី ១៩ ខែសីហា ឆ្នាំ ២០២៦។

តាមន័យនោះ ការតភ្ជាប់ប្រជាជននីមួយៗសុទ្ធតែអាចរួមចំណែកធ្វើឱ្យកាន់តែក្រាស់ឡើងនូវមូលដ្ឋានគ្រឹះសង្គមនៃទំនាក់ទំនងកិច្ចការបរទេស និងអំណាចស្រទន់របស់ប្រទេសជាតិ។

ម្ចាស់ការជាងមុន ជាក់ស្តែងជាងមុន

ទស្សនៈតម្រង់ទិសការអភិវឌ្ឍក្នុងអាណត្តិ ២០២៦ - ២០៣១ របស់សហភាពបណ្តាអង្គការមិត្តភាពវៀតណាម គឺការកសាងវិស័យកិច្ចការបរទេសប្រជាជនឱ្យមានភាពម្ចាស់ការ ទំនើប និងវិជ្ជាជីវៈ។ នេះទាំងជាតម្រូវការចំពោះប្រព័ន្ធទាំងមូល ទាំងជាបទដ្ឋាននៃដំណើរការផ្លាស់ប្តូរថ្មី។

ភាពម្ចាស់ការត្រូវបានបង្ហាញឡើងតាមរយៈសមត្ថភាពក្នុងការកំណត់ដឹងបានទាន់ពេលវេលានូវឱកាស បញ្ហាប្រឈម ស្នើឡើងនូវគំនិតផ្តួចផ្តើមសហប្រតិបត្តិការដែលសមស្របទៅនឹងផលប្រយោជន៍របស់វៀតណាម ផ្លាស់ប្តូរពីការចូលរួមទៅជាការរួមចំណែក ពីការរក្សាទំនាក់ទំនងទៅជាការបង្កើតបន្ថែមនូវជម្រៅ និងតម្លៃសម្រាប់ទំនាក់ទំនង។

សមាគមមិត្តភាពជប៉ុន - វៀតណាម នៅទីក្រុង Sakai (ជប៉ុន) ចុះពិនិត្យស្រាវជ្រាវការកសាងគំរូកំពង់ផែត្រីវៃឆ្លាតនៅកំពង់ផែត្រី Tam Quan (Gia Lai) ថ្ងៃទី ២៨ ខែមករា ឆ្នាំ ២០២៦។

ភាពទំនើប និងវិជ្ជាជីវៈទាមទារឱ្យសកម្មភាពកិច្ចការបរទេសប្រជាជនដើរទាន់ការផ្លាស់ប្តូរនៃប្រធានបទ លំហ និងវិធីសាស្ត្រនៃអន្តរកម្មអន្តរជាតិ ព្រមទាំងធានាឱ្យបាននូវឯកភាពចាប់តាំងពីការតម្រង់ទិស ការរៀបចំអនុវត្ត រហូតដល់ការវាយតម្លៃលទ្ធផល។ គុណភាពជួរកម្មាភិបាល សមត្ថភាពផ្តល់យោបល់ប្រឹក្សា ការយល់ដឹងច្បាស់អំពីដៃគូ និងសមត្ថភាពរក្សាទំនាក់ទំនងយូរអង្វែង ជាអ្នកកំណត់ដោយផ្ទាល់នូវជម្រៅនៃសកម្មភាព។ ប៉ុន្តែ ការផ្លាស់ប្តូរថ្មីនៃវិធីសាស្ត្រមានអត្ថន័យតែនៅពេលដែលបង្កើតបានជាប្រសិទ្ធភាពជាក់ស្តែងប៉ុណ្ណោះ។

តម្រូវការទាំងនោះត្រូវបានបូកសង្ខេបនៅក្នុងបាវចនានៃអាណត្តិថ្មី៖ «ម្ចាស់ការបន្ស៊ាំ ឈានលោតច្នៃប្រឌិត ជាក់ស្តែង ប្រសិទ្ធភាព»។ នោះគឺជាភាពម្ចាស់ការប៉ុន្តែមិនមែនជាការគិតតែពីគំនិតឯកតោភាគី មានភាពបត់បែនប៉ុន្តែប្រកាន់ខ្ជាប់គោលការណ៍ មានការផ្លាស់ប្តូរថ្មីប៉ុន្តែត្រូវតែបង្កើតតម្លៃជាក់ស្តែងជូនប្រទេសជាតិ មូលដ្ឋាន និងប្រជាជន។

ប្រសិទ្ធភាពអាចមើលឃើញតាមរយៈបណ្តាកម្មវិធីសហប្រតិបត្តិការ ប្រភពធនធានដែលបានតភ្ជាប់ ផលិតផលស្រាវជ្រាវ សកម្មភាពគាំទ្រមូលដ្ឋាន ឬកាលានុវត្តភាពនានាសម្រាប់ប្រជាជន។ ក៏មានតម្លៃមួយចំនួនដែលត្រូវការពេលវេលាយូរជាងនេះដើម្បីមើលឃើញ ដូចជាទំនុកចិត្ត មនោសញ្ចេតនាល្អ ការយល់ដឹង និងបណ្តាញមិត្តភក្តិអន្តរជាតិ។

វគ្គបណ្តុះបណ្តាលការងារកិច្ចការបរទេសប្រជាជន និងការងារអង្គការក្រៅរដ្ឋាភិបាលបរទេសនៅ Ca Mau ថ្ងៃទី ៩ ខែកក្កដា ឆ្នាំ ២០២៦។

ទាំងនេះគឺជាតម្លៃដែលពិបាកនឹងវាស់វែងភ្លាមៗដោយតួលេខ ប៉ុន្តែបែរជាបង្កើតនូវភាពធន់រឹងមាំនៃទំនាក់ទំនងរវាងប្រជាជនវៀតណាម និងប្រជាជននៃបណ្តាប្រទេស។

ទិសដៅអភិវឌ្ឍន៍ក្នុងអាណត្តិថ្មីបានបន្តវេនពីជំហានផ្លាស់ប្តូរដែលបានកកើតឡើងក្នុងដំណាក់កាល ២០១៩ - ២០២៦៖ ចាប់ពី «ការផ្លាស់ប្តូរមិត្តភាព» ទៅជា «ការកសាងអភិវឌ្ឍន៍» ចាប់ពី «ការទទួលជំនួយ» ទៅជា «ការម្ចាស់ការតភ្ជាប់ កសាងកិច្ចសហប្រតិបត្តិការអភិវឌ្ឍន៍»។

ក្នុងជំហានផ្លាស់ប្តូរនោះ ចំណងមិត្តភាពនៅតែជាមូលដ្ឋានគ្រឹះដដែល។ ប៉ុន្តែនៅលើមូលដ្ឋានគ្រឹះនោះ រាល់ការតភ្ជាប់ចាំបាច់ត្រូវតែប្រែក្លាយទៅជាកិច្ចសហប្រតិបត្តិការជាក់ស្តែង ប្រាកដប្រជា និងយូរអង្វែង។

គោលដៅចុងក្រោយបង្អស់គឺផលប្រយោជន៍របស់ប្រទេសជាតិ និងប្រជាជន។

ទីក្រុង Ho Chi Minh ប្រគល់ផ្លាកសញ្ញាបក្សជូនចំពោះបណ្តាសមាជិកបក្សជើងចាស់ ក្នុងឱកាសបុណ្យជាតិថ្ងៃទី ២ ខែកញ្ញា យុគសម័យ - នាថ្ងៃទី ២៧ ខែសីហា ទីក្រុង Ho Chi Minh បានរៀបចំនូវសកម្មភាពជាច្រើនក្នុងការប្រគល់ផ្លាកសញ្ញាបក្សជូនចំពោះបណ្តាសមាជិកបក្សជើងចាស់បដិវត្តន៍ ក្នុងឱកាសរំលឹកខួប ៨១ ឆ្នាំនៃជោគជ័យបដិវត្តន៍ខែសីហា និងបុណ្យជាតិថ្ងៃទី ២ ខែកញ្ញា។

ពីរដូវស្លឹកឈើជ្រុះឯករាជ្យ ដល់សេចក្តីប្រាថ្នាវៀតណាមខ្លាំងមាំមួន យុគសម័យ - ៨១ ឆ្នាំក្រោយរដូវស្លឹកឈើជ្រុះជាប្រវត្តិសាស្ត្រឆ្នាំ ១៩៤៥ ស្មារតីអង់អាចនៃបដិវត្តន៍ខែសីហានៅតែជាប្រភពកម្លាំងចិត្តដែលជំរុញឱ្យប្រជាជាតិវៀតណាមបោះជំហានយ៉ាងរឹងមាំលើដំណើរផ្លូវអភិវឌ្ឍន៍ ម្ចាស់ការ ខ្លាំងមាំមួន និងវិបុលភាព។

ឌឿងង្វៀន