នាំយកការរៀនសូត្រ និងធ្វើតាមលោកប្រធានហូជីមិញ ឱ្យក្លាយជាបទដ្ឋាននៃសកម្មភាព

នាំយកការរៀនសូត្រ និងធ្វើតាមលោកប្រធានហូជីមិញ ឱ្យក្លាយជាបទដ្ឋាននៃសកម្មភាព។

ប្រវត្តិសាស្ត្រនៃការអភិវឌ្ឍរបស់បណ្តាប្រទេសនានាបានបង្ហាញឱ្យឃើញថា ទីតាំងយុទ្ធសាស្ត្រ ធនធាន ដើមទុនវិនិយោគ ឬបច្ចេកវិទ្យា ទោះបីជាមានសារៈសំខាន់យ៉ាងណាក៏ដោយ ក៏មិនអាចបង្កើតឡើងនូវប្រទេសជាតិដ៏ខ្លាំងក្លាដោយខ្លួនឯងបានឡើយ។

រាល់ប្រភពធនធានទាំងនោះ ចុងក្រោយបំផុតសុទ្ធតែត្រូវតែត្រូវបានមនុស្សលោកបង្កើតឡើង ចាត់តាំង ដំណើរការ និងលើកកម្ពស់។ ហេតុដូច្នេះហើយ មនុស្សនៅតែជាប្រភពធនធានដែលមានលក្ខណៈសម្រេច ហើយប្រព័ន្ធគុណតម្លៃដែលតម្រង់ទិសឱ្យមនុស្សគិត ធ្វើសកម្មភាព និងលះបង់ គឺជាមូលដ្ឋានគ្រឹះបង្កើតឡើងនូវកម្លាំងប្រកបដោយចីរភាពរបស់ប្រទេសជាតិមួយ។

សម្លឹងមើលទៅពិភពលោក ប្រទេសអភិវឌ្ឍន៍នីមួយៗសុទ្ធតែបានកសាងឡើងសម្រាប់ខ្លួនឯងនូវគុណតម្លៃជាមូលដ្ឋានគ្រឹះ។ មានកន្លែងលើកកម្ពស់វិន័យ សណ្តាប់ធ្នាប់; មានប្រទេសកសាងជំនឿទុកចិត្តសង្គមនៅលើតម្លាភាព និងភាពស្មោះត្រង់បរិសុទ្ធ; មានកន្លែងយកការច្នៃប្រឌិតធ្វើជាកម្លាំងចលករសម្រាប់ការអភិវឌ្ឍ។

គុណតម្លៃទាំងនោះ មិនត្រឹមតែបង្កើតបាននូវអត្តសញ្ញាណប៉ុណ្ណោះទេ ប៉ុន្តែថែមទាំងដូចជា «កម្មវិធីទន់» សម្រាប់ដំណើរការសង្គម ដែលត្រូវបានរក្សាទុកឆ្លងកាត់មនុស្សជាច្រើនជំនាន់ និងក្លាយជាមូលដ្ឋានគ្រឹះមួយក្នុងចំណោមមូលដ្ឋានគ្រឹះនានាដែលជួយឱ្យប្រទេសជាតិអភិវឌ្ឍប្រកបដោយចីរភាព។

វៀតណាមឈានចូលដំណាក់កាលអភិវឌ្ឍន៍ថ្មីមួយ ក៏ត្រូវការលើកកម្ពស់យ៉ាងខ្លាំងក្លានូវប្រព័ន្ធគុណតម្លៃរបស់ខ្លួនផងដែរ។ ទាំងនោះគឺជាគុណតម្លៃដែលត្រូវបានបង្កើតឡើងចេញពីប្រពៃណីរាប់ពាន់ឆ្នាំនៃការកសាង និងការពារប្រទេសជាតិ ដែលត្រូវបានប្រធាន Ho Chi Minh បន្តវេន និងអភិវឌ្ឍទៅជាប្រព័ន្ធសតិអារម្មណ៍ស្តីពីមនុស្ស សីលធម៌ វិធីសាស្ត្រធ្វើសកម្មភាព និងសេចក្តីប្រាថ្នាអភិវឌ្ឍន៍ប្រជាជាតិ។

ពីការរៀនសូត្រ ឈានទៅរកការអនុវត្តជាក់ស្តែងនៅក្នុងការងារនីមួយៗ

នាថ្ងៃទី ១៣ ខែកក្កដា ឆ្នាំ ២០២៦ តាងនាមការិយាល័យនយោបាយ អគ្គលេខាបក្ស ប្រធានរដ្ឋ To Lam បានចុះហត្ថលេខាប្រកាសឱ្យប្រើប្រាស់សារាចរលេខ 07-CT/TW ស្តីពី «ការជំរុញខ្លាំងការរៀនសូត្រ អនុវត្តជាក់ស្តែងនូវសតិអារម្មណ៍ សីលធម៌ វិធីសាស្ត្រ រចនាបថ Ho Chi Minh ក្នុងដំណាក់កាលអភិវឌ្ឍន៍ថ្មី»។

ចំណុចគួរឱ្យកត់សម្គាល់មួយនៃសារាចរនេះ គឺការផ្លាស់ប្តូរនៅក្នុងវិធីសាស្ត្រទាក់ទង។

ប្រសិនបើកាលពីមុន ការផ្តោតសំខាន់ត្រូវបានដាក់ទៅលើ «ការរៀនសូត្រ និងធ្វើតាម» នោះតម្រូវការនៅក្នុងដំណាក់កាលថ្មី គឺធ្វើយ៉ាងណាឱ្យគុណតម្លៃទាំងឡាយរបស់ Ho Chi Minh ពិតជាមានវត្តមាននៅក្នុងរាល់ការសម្រេចចិត្ត រាល់របៀបដោះស្រាយការងារ និងរាល់លទ្ធផលនៃការបម្រើប្រជាជន។

នេះក៏ជាជំហានផ្លាស់ប្តូរចេញពីការយកចិត្តទុកដាក់លើដំណើរការរៀនសូត្រ ឈានទៅរកការសង្កត់ធ្ងន់កាន់តែខ្លាំងលើការបំប្លែងឱ្យទៅជាសកម្មភាពជាក់ស្តែង។

សារាចរលេខ 07-CT/TW ទាំងបន្តវេនពីសារាចរលេខ 05-CT/TW ស្តីពីការរៀនសូត្រ និងធ្វើតាមសតិអារម្មណ៍ សីលធម៌ រចនាបថ Ho Chi Minh ទាំងដាក់ចេញនូវតម្រូវការកាន់តែខ្ពស់អំពីលក្ខណៈអនុវត្តជាក់ស្តែង និងប្រសិទ្ធភាពជាក់លាក់។

បន្ទាប់ពី ១០ ឆ្នាំនៃការដាក់ពង្រាយអនុវត្តសារាចរលេខ 05-CT/TW រាល់ការប្រែប្រួលជាវិជ្ជមានជាច្រើនត្រូវបានកត់ត្រាទុក។ គំរូល្អៗរាប់ពាន់ ការងារល្អៗរាប់ម៉ឺន រួមជាមួយគំរូសាមញ្ញៗជាច្រើន បានរួមចំណែកផ្សព្វផ្សាយនូវគុណតម្លៃវិជ្ជមាននៅក្នុងសង្គម។

ទោះជាយ៉ាងណាក៏ដោយ ការជាក់ស្តែងនៅតែបង្ហាញឱ្យឃើញថា នៅកន្លែងមួយចំនួននៅតែមានគម្លាតរវាងការរៀននិងការធ្វើ រវាងការយល់ដឹងនិងសកម្មភាព។

ហេតុដូច្នេះហើយ «ការអនុវត្តជាក់ស្តែង» មិនចាំបាច់ជាការបង្កើតបន្ថែមការងារមួយទៀតនៅក្រៅភារកិច្ចប្រចាំថ្ងៃនោះឡើយ។ អ្វីដែលជាស្នូល គឺការធ្វើឱ្យបានកាន់តែល្អប្រសើរឡើងនូវការងារផ្ទាល់ដែលកំពុងត្រូវបានប្រគល់ជូន។

ការសម្រេចចិត្តមួយកាន់តែត្រឹមត្រូវ នីតិវិធីមួយត្រូវបានដោះស្រាយកាន់តែឆាប់រហ័ស ការកកស្ទះរាំងស្ទះមួយត្រូវបានដោះបន្ទុកកាន់តែទាន់ពេលវេលា ឬសកម្មភាពមួយកាន់តែលះបង់អស់ពីចិត្តដើម្បីប្រជាជន សុទ្ធសឹងតែអាចក្លាយជាការបង្ហាញជាក់ស្តែងនៃការរៀនសូត្រ និងធ្វើតាមលោកពូ។

ភាពជោគជ័យនៃសារាចរ ហេតុដូច្នេះហើយ មិនអាចត្រឹមតែត្រូវបានវាស់វែងដោយចំនួនកិច្ចប្រជុំ ចំនួនផែនការ ឬចំនួនលិខិតសន្យាដែលបានចេញផ្សាយនោះឡើយ។ ខ្នាតវាស់វែងដែលសំខាន់ជាងនេះ គឺការផ្លាស់ប្តូរនៅក្នុងខ្លួនមនុស្ស និងប្រសិទ្ធភាពជាក់ស្តែងនៃការងារ។

គុណតម្លៃទាំងឡាយដែលមានវត្តមានរួចជាស្រេចនៅក្នុងជីវភាពរស់នៅ

អត្ថន័យនៃសារាចរលេខ 07-CT/TW ក៏មិនត្រឹមតែកំណត់ត្រឹមតែក្នុងជួរកម្មាភិបាល សមាជិកបក្សប៉ុណ្ណោះទេ។

គុណតម្លៃទាំងឡាយដែលប្រធាន Ho Chi Minh បានពូនជ្រុំ មិនមែនជារឿងរ៉ាវចម្លែកឆ្ងាយពីជីវភាពសង្គមនោះឡើយ។ នៅក្នុងជីវភាពរស់នៅប្រចាំថ្ងៃ មនុស្សសាមញ្ញៗជាច្រើននៅតែបន្តថែរក្សា និងអនុវត្តជាក់ស្តែងនូវគុណតម្លៃទាំងនោះយ៉ាងស្ងៀមស្ងាត់ តាមរយៈការងារផ្ទាល់របស់ខ្លួន។

នោះអាចជាកសិករម្នាក់ដែលរក្សាភាពស្មោះត្រង់ចំពោះរាល់ផលិតផល; កម្មករម្នាក់ដែលធ្វើការដោយការលះបង់អស់ពីចិត្ត; លោកគ្រូអ្នកគ្រូម្នាក់ដែលលះបង់អស់ពីកម្លាំងកាយចិត្តចំពោះសិស្សានុសិស្ស; វេជ្ជបណ្ឌិតម្នាក់ដែលចាត់ទុកការឈឺចាប់របស់អ្នកជំងឺដូចជាការឈឺចាប់របស់ខ្លួនឯង; យុទ្ធជនម្នាក់ដែលយប់ថ្ងៃការពារព្រំដែនមាតុភូមិ; ឬប្រជាពលរដ្ឋជាច្រើនរូបដែលនៅតែបន្តធ្វើរឿងល្អៗជារៀងរាល់ថ្ងៃដោយស្ងៀមស្ងាត់។

ប្រហែលជាមនុស្សជាច្រើនក្នុងចំណោមពួកគេ មិនដែលគិតថាខ្លួនកំពុង «រៀនសូត្រ និងធ្វើតាមលោកពូ» នោះឡើយ។ ពួកគេរស់នៅយ៉ាងសាមញ្ញតាមមនសិការ ការទទួលខុសត្រូវ និងសេចក្តីស្រឡាញ់ចំពោះមនុស្សជាតិ។

អ្វីដែលសតិអារម្មណ៍ Ho Chi Minh ក៏ដូចជាសារាចរលេខ 07-CT/TW សំដៅដល់ មិនមែនជាការបង្កើតឡើងនូវប្រព័ន្ធគុណតម្លៃថ្មីស្រឡាងទាំងស្រុងនោះឡើយ ប៉ុន្តែគឺដើម្បីដាស់តឿន បំភ្លឺ និងតភ្ជាប់នូវគុណតម្លៃដ៏ល្អផូរផង់ទាំងឡាយដែលមានស្រាប់នៅក្នុងជីវភាពរស់នៅ ដើម្បីឱ្យគុណតម្លៃទាំងនោះត្រូវបានសាយភាយកាន់តែខ្លាំងក្លាឡើង។

ចេញពីសកម្មភាពល្អប្រពៃមួយរបស់បុគ្គល ប្រសិនបើត្រូវបានពង្រីកទ្វេឡើង អាចក្លាយជាបទដ្ឋានរបស់សហគមន៍; ចេញពីបទដ្ឋានរួម អាចកកើតជាវប្បធម៌សង្គម; ហើយចេញពីមូលដ្ឋានគ្រឹះវប្បធម៌នោះ បង្កើតបានជាកម្លាំងរបស់ប្រទេសជាតិ។

នោះគឺជាដំណើរការបំប្លែងចេញពីគុណតម្លៃទៅជាបុគ្គលិកលក្ខណៈ ចេញពីបុគ្គលិកលក្ខណៈទៅជាវប្បធម៌ និងចេញពីវប្បធម៌ទៅជាកម្លាំងចលករនៃការអភិវឌ្ឍ។

កម្មាភិបាល សមាជិកបក្ស ត្រូវតែជាអ្នកដើរមុខ

នៅក្នុងដំណើរការនោះ ជួរកម្មាភិបាល សមាជិកបក្ស មានតួនាទីពិសេស។

ចង់ឱ្យគុណតម្លៃដ៏ល្អផូរផង់សាយភាយនៅក្នុងសង្គម មុនបង្អស់កម្មាភិបាល សមាជិកបក្ស ត្រូវតែជាអ្នកអនុវត្តជាក់ស្តែងនូវគុណតម្លៃទាំងនោះ។ ចង់បង្កើតឱ្យមានការផ្លាស់ប្តូរនៅក្នុងអង្គការចាត់តាំង និងសហគមន៍ ប្រធានស្ថាប័នចាំបាច់ត្រូវតែផ្លាស់ប្តូរមុនគេ។ ចង់ពង្រឹងជំនឿទុកចិត្ត មុនបង្អស់ត្រូវតែកសាងជំនឿទុកចិត្តតាមរយៈសកម្មភាពផ្ទាល់ និងលទ្ធផលការងារ។

ការធ្វើជាគំរូ អាស្រ័យហេតុនេះ ត្រូវតែត្រូវបានបង្ហាញឱ្យឃើញតាមរយៈការទទួលខុសត្រូវ ឥរិយាបថបម្រើ និងប្រសិទ្ធភាពជាក់ស្តែង។

នៅពេលដែលកម្មាភិបាលម្នាក់បំពេញការងារប្រកបដោយការទទួលខុសត្រូវកាន់តែខ្ពស់ ពលរដ្ឋម្នាក់រស់នៅប្រកបដោយសេចក្តីសប្បុរសកាន់តែច្រើន ជនជាតិវៀតណាមម្នាក់ចាត់ទុកការលះបង់រួមចំណែកជាចំណែកមួយនៃគុណតម្លៃរបស់ខ្លួនឯង នោះសតិអារម្មណ៍ សីលធម៌ វិធីសាស្ត្រ និងរចនាបថ Ho Chi Minh នឹងលែងគ្រាន់តែជាខ្លឹមសារសម្រាប់រៀនសូត្រទៀតហើយ ប៉ុន្តែនឹងបោះជំហានក្លាយជាប្រភពកម្លាំងស្មារតីនៅក្នុងជីវភាពសង្គម។

អ្វីដែលសំខាន់ គឺគុណតម្លៃទាំងនោះត្រូវតែត្រូវបានបន្តវេនគ្នាយ៉ាងសាមញ្ញធម្មជាតិ ចាប់តាំងពីក្រុមគ្រួសារដល់សាលារៀន ចាប់ពីស្ថាប័នរហូតដល់សហគមន៍ និងពីមនុស្សជំនាន់មួយទៅជំនាន់មួយទៀត។

នៅពេលដែលមនុស្សម្នាក់ៗធ្វើរឿងត្រឹមត្រូវ មិនមែនគ្រាន់តែដោយសារចលនា ឬយុទ្ធនាការបំផុសណាមួយនោះឡើយ ប៉ុន្តែដោយសារពួកគេចាត់ទុកនោះជាការទទួលខុសត្រូវដែលត្រូវអនុវត្ត នោះការរៀនសូត្រ និងអនុវត្តជាក់ស្តែងនូវសតិអារម្មណ៍ សីលធម៌ វិធីសាស្ត្រ រចនាបថ Ho Chi Minh ទើបសម្រេចបាននូវអត្ថន័យដ៏ជ្រាលជ្រៅបំផុត។

នោះគឺការរួមចំណែកកសាងមនុស្សវៀតណាមនៅក្នុងយុគសម័យថ្មី៖ មានបុគ្គលិកលក្ខណៈ មានការទទួលខុសត្រូវ មានសេចក្តីប្រាថ្នាលះបង់រួមចំណែក និងចេះតម្កល់ផលប្រយោជន៍របស់មាតុភូមិ របស់ប្រជាជន ឱ្យខ្ពស់ជាងផលប្រយោជន៍ផ្ទាល់ខ្លួន។

នៅពេលដែលមនុស្សរាប់លាននាក់រួមគ្នារស់នៅ និងធ្វើសកម្មភាពដោយផ្អែកលើគុណតម្លៃទាំងនោះ កម្លាំងនឹងមិនត្រឹមតែកើតចេញពីប្រភពធនធានសម្ភារ ឬបច្ចេកវិទ្យាប៉ុណ្ណោះទេ ប៉ុន្តែថែមទាំងចេញពីប្រភពធនធានផ្ទៃក្នុងដ៏រឹងមាំយូរអង្វែងជាងនេះទៅទៀត - គឺគុណភាពមនុស្ស និងវប្បធម៌សង្គម។

នោះក៏ជាមូលដ្ឋានគ្រឹះដើម្បីឱ្យវៀតណាមធ្វើឱ្យក្លាយជាការពិតនូវសេចក្តីប្រាថ្នាអភិវឌ្ឍន៍នៅឆ្នាំ ២០៣០ ឆ្នាំ ២០៤៥ និងដំណាក់កាលបន្តបន្ទាប់ទៀត៕

អប់រំមនសិការជាតិ និងស្នេហាជាតិដល់យុវជនវៀតណាមក្នុងការកសាង និងអភិវឌ្ឍន៍ប្រទេស និងសមាហរណកម្មអន្តរជាតិ នៅ “បរិយាកាសវប្បធម៌ហូជីមិញ” ក្នុងសាលារៀននានានៃខេត្ត Binh Duong សិស្សានុសិស្សអាចទស្សនាខ្សែភាពយន្តឯកសារអំពីឆាកជីវិត និងអាជីពរបស់លោកប្រធានហូជីមិញ អានរឿងអំពីលោកប្រធាន និងចូលរួមលេងល្បែងអប់រំផងដែរ។ ប្រការនោះបានអប់រំសេចក្ដីស្នេហាជាតិ ជួយសិស្សានុសិស្សឲ្យខិតខំព្យាយាមរៀនសូត្រ ក្លាយជាកូនសិស្សល្អ រៀនសូត្រពូកែ។

ថ្នាក់ដឹកនាំបក្ស និងរដ្ឋ អញ្ជើញចូលគោរពវិញ្ញាណក្ខ័ន្ធលោកប្រធានហូជីមិញក្នុងឱកាសរំលឹកខួបលើកទី ៩៥ នៃការបង្កើតបក្សកុម្មុយនិស្តវៀតណាម ក្នុងឱកាសរំលឹកខួបលើកទី ៩៥ នៃការបង្កើតបក្សកុម្មុយនិស្តវៀតណាម (ថ្ងៃទី ៣ កុម្ភៈ ១៩៣០ - ៣ កុម្ភៈ ២០២៥) នាព្រឹកថ្ងៃទី ៣ ខែកុម្ភៈ គណៈប្រតិភូគណៈកម្មាធិការមជ្ឈិមបក្ស ប្រធានរដ្ឋ រដ្ឋសភា រដ្ឋាភិបាល គណៈកម្មាធិការមជ្ឈិមរណសិរ្សមាតុភូមិវៀតណាមបានដាក់កម្រងផ្កានិងចូលប្រាង្គគោរពវិញ្ញាណក្ខ័ន្ធលោកប្រធានហូជីមិញ។

ម៉ាញដាត