យុគសម័យ - ក្នុងឱកាសមហាសន្និបាតតំណាងទូទាំងប្រទេសនៃសហភាពបណ្តាអង្គការមិត្តភាពវៀតណាម អាណត្តិ ២០២៦ - ២០៣១ សមាគមមិត្តភាពឡាវ - វៀតណាម បានផ្ញើសារទូរលេខអបអរសាទរ។ សារទូរលេខបានកត់សម្គាល់នូវការរួមចំណែករបស់សហភាពបណ្តាអង្គការមិត្តភាពវៀតណាមក្នុងបុព្វហេតុការពារ កសាង និងអភិវឌ្ឍន៍ប្រទេសជាតិ ដើម្បីសន្តិភាព មិត្តភាព ឯករាជ្យជាតិ និងសាមគ្គីភាពអន្តរជាតិ។
តាមផែនការ មហាសន្និបាតនឹងប្រព្រឹត្តទៅនៅថ្ងៃទី ១៤ ខែកញ្ញា ឆ្នាំ ២០២៦ នៅ Ha Noi សំដៅបូកសរុប និងវាយតម្លៃដោយគ្រប់ជ្រុងជ្រោយនូវលទ្ធផលនៃការអនុវត្តសេចក្តីសម្រេចចិត្តនៃមហាសន្និបាតអាណត្តិ ២០១៩ - ២០២៦ កំណត់ទិសដៅ ភារកិច្ចការងារអាណត្តិ ២០២៦ - ២០៣១ ព្រមទាំងពង្រឹងរៀបចំធនធានមនុស្ស និងក្បាលម៉ាស៊ីនចាត់តាំង។
 |
| បណ្ឌិតសភាចារ្យ សាស្ត្រាចារ្យ Boviengkham Vongdara ប្រធានសមាគមមិត្តភាពឡាវ - វៀតណាម។ |
ក្នុងសារទូរលេខ បណ្ឌិតសភាចារ្យ សាស្ត្រាចារ្យ Boviengkham Vongdara ប្រធានសមាគមមិត្តភាពឡាវ - វៀតណាម បានវាយតម្លៃថា មហាសន្និបាតគឺជាព្រឹត្តិការណ៍ដ៏សំខាន់របស់សហភាពបណ្តាអង្គការមិត្តភាពវៀតណាម ព្រមទាំងបានផ្ញើពាក្យជូនពរចំពោះប្រធាន Phan Anh Son គណៈប្រតិបត្តិ និងបណ្តាសមាជិកនៃសហភាពបណ្តាអង្គការមិត្តភាពវៀតណាម។
សារទូរលេខបានបញ្ជាក់ច្បាស់ថា ចាប់តាំងពីពេលបង្កើតឡើងរហូតមកដល់បច្ចុប្បន្ន សកម្មភាពរបស់សហភាពបណ្តាអង្គការមិត្តភាពវៀតណាមផ្សារភ្ជាប់ជាមួយបុព្វហេតុការពារ កសាង និងអភិវឌ្ឍន៍សាធារណរដ្ឋសង្គមនិយមវៀតណាម ដើម្បីសន្តិភាព មិត្តភាព ឯករាជ្យជាតិ និងសាមគ្គីភាពអន្តរជាតិ។ មហាសន្និបាតលើកនេះត្រូវបានវាយតម្លៃថាជាព្រឹត្តិការណ៍ដ៏សំខាន់ក្នុងការពង្រឹងកិច្ចសហប្រតិបត្តិការមិត្តភាពជាមួយបណ្តាអង្គការក្នុងតំបន់ និងអន្តរជាតិ។
 |
| ប្រធានសមាគមមិត្តភាពវៀតណាម - ឡាវ Nguyen Dac Vinh និងប្រធានសមាគមមិត្តភាពឡាវ - វៀតណាម Boviengkham Vongdara ប្រគល់អាហារូបករណ៍ជូននិស្សិត និងយុវជនឡាវដែលមានស្នាដៃឆ្នើមនៅវៀតណាម ក្នុងកម្មវិធីផ្លាស់ប្តូរ “អតីតកងទ័ពស្ម័គ្រចិត្ត អតីតអ្នកជំនាញការវៀតណាមនៅឡាវ និងយុវជនជំនាន់ក្រោយវៀតណាម - ឡាវ” នៅ Ha Noi ខែ កញ្ញា ឆ្នាំ ២០២៥។ |
បណ្ឌិតសភាចារ្យ សាស្ត្រាចារ្យ Boviengkham Vongdara បានអះអាងថានឹងសហការជាមួយសហភាពបណ្តាអង្គការមិត្តភាពវៀតណាម និងសមាគមមិត្តភាពវៀតណាម - ឡាវ រួមគ្នាប្រមូលផ្តុំកម្លាំងកាយចិត្តទាំងអស់ ដើម្បីបន្តពង្រឹង និងពូនជ្រំទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងបក្សទាំងពីរ រដ្ឋទាំងពីរ ក៏ដូចជាប្រជាជននៃប្រទេសទាំងពីរឱ្យកាន់តែរីកចម្រើនល្អប្រសើរ និងបង្កើតបានជាផ្លែផ្កា។
ក្នុងឱកាសនេះ បណ្ឌិតសភាចារ្យ សាស្ត្រាចារ្យ Boviengkham Vongdara បានជូនពរមហាសន្និបាតតំណាងទូទាំងប្រទេសនៃសហភាពបណ្តាអង្គការមិត្តភាពវៀតណាម អាណត្តិ ២០២៦ - ២០៣១ ទទួលបានជោគជ័យយ៉ាងត្រចះត្រចង់។
 ដំណើរហែក្បួននាំយកយុទ្ធជនពលីត្រឡប់មកវិញពីប្រទេសមិត្ត យុគសម័យ - នៅក្នុង «យុទ្ធនាការ ៥០០ ថ្ងៃយប់ ជម្រុញខ្លាំងក្លាការអនុវត្តការស្វែងរក ការប្រមូលផ្តុំ ព្រមទាំងការកំណត់អត្តសញ្ញាណអដ្ឋិធាតុយុទ្ធជនពលី» (យុទ្ធនាការ) បណ្ដាក្រុមប្រមូលផ្តុំវៀតណាមកំពុងបន្តការស្វែងរកអដ្ឋិធាតុទ័ពស្ម័គ្រចិត្ត ព្រមទាំងអ្នកជំនាញការវៀតណាមដែលបានលះបង់ជីវិតនៅលើទឹកដីឡាវនិងកម្ពុជា ដោយដើរតាមការចងចាំរបស់បុគ្គលជាសាក្សី ព្រមទាំងការគាំទ្ររបស់ប្រជាជននៃប្រទេសមិត្ត ដើម្បីនាំយកបណ្ដាយុទ្ធជនពលីត្រឡប់មកកាន់មាតុភូមិកំណើតវិញ។ |
 ការប្រគល់អំណោយចំនួន ១០០ ចំណែក ជូនដល់អាណិកជន និងប្រជាពលរដ្ឋដែលមានជីវភាពខ្វះខាត នៅក្នុងខេត្តចំប៉ាសាក់ (ប្រទេសឡាវ) យុគសម័យ - នាថ្ងៃទី ២៨ ខែឧសភា នៅក្នុងក្របខ័ណ្ឌនៃកម្មវិធីបំពេញការងារនៅតាមបណ្តាមូលដ្ឋាននៃប្រទេសសាធារណរដ្ឋប្រជាធិបតេយ្យប្រជាមានិតឡាវ គណៈប្រតិភូគណៈកម្មាធិការរណសិរ្សមាតុភូមិវៀតណាម ទីក្រុងហូជីមិញ បានអញ្ជើញទៅសួរសុខទុក្ខសមាគមប្រជាជនវៀតណាមខេត្តចំប៉ាសាក់ និងបានប្រគល់អំណោយចំនួន ១០០ ចំណែក ជូនដល់អាណិកជន និងប្រជាពលរដ្ឋដែលមានជីវភាពខ្វះខាតនៅក្នុងមូលដ្ឋាន។ |
មតិពីមិត្តអ្នកអាន