៥០ ឆ្នាំនៃការនាំទំនាក់ទំនងវៀតណាម - ថៃឡើងកម្ពស់ថ្មី

ថ្លែងមតិនៅក្នុងពិធីនេះ ឯកអគ្គរដ្ឋទូតវៀតណាមប្រចាំនៅថៃ Pham Viet Hung បានឱ្យដឹងថា ការប្រារព្ធខួបលើកទី ៨១ នៃទិវាបុណ្យជាតិ បានប្រព្រឹត្តទៅក្នុងឆ្នាំដ៏គន្លឹះមួយសម្រាប់វៀតណាម នៅពេលដែលប្រទេសជាតិបានរៀបចំដោយជោគជ័យនូវមហាសន្និបាតបក្សលើកទី XIV បោះឆ្នោតជ្រើសតាំងថ្នាក់ដឹកនាំថ្មី និងកំណត់ទិសដៅថ្មីៗសម្រាប់មាគ៌ាអភិវឌ្ឍន៍ក្នុងបណ្តាទសវត្សរ៍ខាងមុខ។

ពិធីអបអរសាទរខួបលើកទី ៨១ នៃទិវាបុណ្យជាតិវៀតណាម និងខួបលើកទី ៥០ នៃការបង្កើតទំនាក់ទំនងការទូតវៀតណាម - ថៃ បានប្រព្រឹត្តទៅនាល្ងាចថ្ងៃទី ១៨ ខែសីហា ឆ្នាំ ២០២៦ នៅសណ្ឋាគារ Ritz-Carlton ទីក្រុង Bangkok (ថៃ)។

ដោយលើកឡើងអំពីទំនាក់ទំនងទ្វេភាគី ឯកអគ្គរដ្ឋទូត Pham Viet Hung បានសង្កត់ធ្ងន់ថា រយៈពេល ៥០ ឆ្នាំកន្លងមក គឺជាដំណាក់កាលដែលបានកត់សម្គាល់ការអភិវឌ្ឍយ៉ាងស្វាហាប់បំផុតនៃទំនាក់ទំនងវៀតណាម - ថៃ ដោយនាំទំនាក់ទំនងរវាងប្រទេសទាំងពីរឡើងដល់ចំណុចកំពូល និងរីកចម្រើនរុងរឿងបំផុតក្នុងប្រវត្តិសាស្ត្រ។

ឯកអគ្គរដ្ឋទូតបានសម្តែងនូវជំនឿជាក់ថា វៀតណាម និងថៃ គឺជាមិត្តភក្តិគួរជាទីទុកចិត្ត ជាអ្នកជិតខាងល្អ និងជាដៃគូគួរជាទីទុកចិត្តរបស់គ្នាទៅវិញទៅមក។

អនុរដ្ឋមន្ត្រីក្រសួងការបរទេសថៃ Vijavat Isarabhakdi បានសង្កត់ធ្ងន់ថា វៀតណាម និងថៃ អាចរួមគ្នារួមចំណែកកសាងអាស៊ានមួយដ៏រឹងមាំ ស្អិតល្មួត និងវិបុលភាពជាងមុន។

អំពីភាគីថៃ អនុរដ្ឋមន្ត្រីការបរទេស Vijavat Isarabhakdi បានអះអាងថា ទំនាក់ទំនងរវាងប្រទេសទាំងពីរបច្ចុប្បន្ន មិនត្រឹមតែត្រូវបានវាយតម្លៃតាមរយៈកិច្ចការដែលរដ្ឋាភិបាលនៃភាគីទាំងពីរអនុវត្តនោះទេ ប៉ុន្តែថែមទាំងត្រូវបានឆ្លុះបញ្ចាំងកាន់តែច្បាស់នៅក្នុងជីវភាពរស់នៅរបស់ប្រជាជនផងដែរ។

យោងតាមអនុរដ្ឋមន្ត្រី វៀតណាម និងថៃ ចាំបាច់ត្រូវបន្តនាំប្រជាជន និងខឿនសេដ្ឋកិច្ចនៃប្រទេសទាំងពីរឱ្យកាន់តែខិតជិតគ្នាថែមទៀត ព្រមទាំងបង្កើតឱកាសបន្ថែមទៀតដើម្បីឱ្យសហគ្រាស និងសហគមន៍នៃភាគីទាំងពីររួមសហការគ្នា។

ពិធីអបអរសាទរក៏បានណែនាំនូវលក្ខណៈវប្បធម៌ដ៏វិសេសវិសាលរបស់វៀតណាម ជាមួយនឹងចំណុចលេចធ្លោចំនួន ៤ រួមមាន កម្មវិធីសម្តែងសិល្បៈ «សូរសៀងរួមដំណើរ» ការសម្តែងមុខម្ហូបព្រះបរមរាជវាំង Hue ពិព័រណ៍រូបថត «ដំណើរដៃគូ» និងពិព័រណ៍គំនូរ «ពណ៌សម្បុរមិត្តភាព»៕

ការកំណត់ទម្រង់កាំជណ្តើរថ្មីសម្រាប់ទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយវៀតណាម - ថៃ យុគសម័យ - តបតាមការអញ្ជើញរបស់នាយករដ្ឋមន្ត្រីនៃព្រះរាជាណាចក្រថៃ លោក Anutin Charnvirakul ព្រមទាំងភរិយា អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តវៀតណាម ព្រមទាំងជាប្រធានរដ្ឋនៃសាធារណរដ្ឋសង្គមនិយមវៀតណាម លោក To Lam ព្រមទាំងភរិយារួមជាមួយគណៈប្រតិភូជាន់ខ្ពស់វៀតណាម នឹងអញ្ជើញទៅបំពេញទស្សនកិច្ចផ្លូវការនៅប្រទេសថៃ ចាប់ពីថ្ងៃទី ២៧ ដល់ថ្ងៃទី ២៩ ខែឧសភា ឆ្នាំ ២០២៦។

លោកអគ្គលេខាបក្ស ព្រមទាំងជាប្រធានរដ្ឋ លោក To Lam ជួបសំណេះសំណាលជាមួយសហគមន៍ប្រជាជនវៀតណាមប្រចាំនៅប្រទេសថៃ យុគសម័យ - លោកអគ្គលេខាបក្ស ព្រមទាំងជាប្រធានរដ្ឋ បានអះអាងថា សហគមន៍ប្រជាជនវៀតណាមប្រចាំនៅប្រទេសថៃ តែងតែជាស្ពានតភ្ជាប់ដ៏មានសារៈសំខាន់ រួមចំណែករឹតបន្តឹងចំណងមិត្តភាព ព្រមទាំងទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។

សុវណ្ណ