ការផ្លាស់ប្តូរប្រជាជនរួមចំណែកធ្វើឱ្យទំនាក់ទំនងថៃ - វៀតណាម កាន់តែមានភាពស្អិតរមួត និងជិតស្និទ្ធ

ថ្លែងមតិនៅក្នុងពិធីជួបជុំ អនុប្រធានគណៈកម្មាធិការប្រជាជនទីក្រុង Can Tho លោក Nguyen Van Khoi បានឱ្យដឹងថា បន្ទាប់ពីពាក់កណ្តាលសតវត្សរ៍នៃការពូនជ្រុំ ទំនាក់ទំនងវៀតណាម - ថៃ បានអភិវឌ្ឍយ៉ាងខ្លាំងក្លា គ្រប់ជ្រុងជ្រោយ និងបានក្លាយជាទំនាក់ទំនងដៃគូប្រកបដោយថាមវន្តមួយនៅក្នុងតំបន់អាស៊ាន។ ជាពិសេស ការដែលប្រទេសទាំងពីរបានលើកកម្ពស់ទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយនាឆ្នាំ ២០២៥ បានបើកចេញនូវកាសកិច្ចសហប្រតិបត្តិការថ្មីៗជាច្រើនលើបណ្តាវិស័យនយោបាយ សេដ្ឋកិច្ច វប្បធម៌ និងការផ្លាស់ប្តូរប្រជាជន។

បណ្តាតំណាងបានអញ្ជើញទស្សនាពិព័រណ៍។

តាមលោក Nguyen Van Khoi កិច្ចការបរទេសប្រជាជនតែងតែជាស្ពានចម្លងយ៉ាងសំខាន់ ដោយរួមចំណែកបង្កើនការយល់ដឹង ទំនុកចិត្ត និងភាពស្អិតរមួតរវាងប្រជាជននៃប្រទេសទាំងពីរ។ បណ្តាសកម្មភាពផ្លាស់ប្តូរវប្បធម៌ កិច្ចសហប្រតិបត្តិការអប់រំ ការភ្ជាប់ទំនាក់ទំនងសហគ្រាស ការជំរុញវិនិយោគ - ពាណិជ្ជកម្ម កិច្ចសហប្រតិបត្តិការរវាងបណ្តារដ្ឋបាលមូលដ្ឋាន និងបណ្តាកម្មវិធីមនុស្សធម៌ បានរួមចំណែកបង្កើតនូវគ្រឹះស្ថានសង្គមយ៉ាងរឹងមាំចំពោះទំនាក់ទំនងវៀតណាម - ថៃ។

លោកក៏បានបញ្ជាក់ថា ទីក្រុង Can Tho កំពុងពង្រីកតួនាទីជាមជ្ឈមណ្ឌលនៃតំបន់វាលរាបទន្លេមេគង្គ ជាមួយគ្នានោះបានពង្រីកកិច្ចសហប្រតិបត្តិការអន្តរជាតិឥតឈប់ឈរ។ ទីក្រុងមានបំណងបង្កើនការភ្ជាប់ទំនាក់ទំនងជាមួយបណ្តាដៃគូថៃនៅក្នុងបណ្តាវិស័យវិនិយោគ ពាណិជ្ជកម្ម ទេសចរណ៍ ការអប់រំ វប្បធម៌ និងការផ្លាស់ប្តូរប្រជាជន ដោយរួមចំណែកធ្វើឱ្យកាន់តែស៊ីជម្រៅថែមទៀតនូវទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។

ដោយវាយតម្លៃខ្ពស់ចំពោះតួនាទីនៃអគ្គកុងស៊ុលនៃព្រះរាជាណាចក្រថៃ ប្រចាំទីក្រុងហូជីមិញ អ្នកដឹកនាំទីក្រុងកឹនធើបានទទួលស្គាល់នូវបណ្តាការរួមចំណែករបស់អគ្គកុងស៊ុល Wiraka Moodhitaporn នៅក្នុងការរុញច្រានកិច្ចសហប្រតិបត្តិការរវាងបណ្តារដ្ឋបាលមូលដ្ឋាន ការបង្កើនការភ្ជាប់ទំនាក់ទំនងសហគ្រាស និងការផ្លាស់ប្តូរប្រជាជន វៀតណាម - ថៃ។

លោកស្រី Wiraka Moodhitaporn អគ្គកុងស៊ុលនៃព្រះរាជាណាចក្រថៃ ប្រចាំទីក្រុងហូជីមិញ ថ្លែងមតិ។

ថ្លែងមតិនៅក្នុងកម្មវិធី លោកស្រី Wiraka Moodhitaporn អគ្គកុងស៊ុលនៃព្រះរាជាណាចក្រថៃ ប្រចាំទីក្រុងហូជីមិញ បានចាត់ទុកថា ការលើកកម្ពស់ទំនាក់ទំនងវៀតណាម - ថៃ ទៅជាដៃគូយុទ្ធសាស្ត្រគ្រប់ជ្រុងជ្រោយ គឺជាបង្គោលចរយ៉ាងសំខាន់ ដោយឆ្លុះបញ្ចាំងពីទំនុកចិត្ត និងការប្តេជ្ញាចិត្តនៃប្រទេសទាំងពីរនៅក្នុងការនាំយកទំនាក់ទំនងទ្វេភាគីឱ្យអភិវឌ្ឍឡើងដល់កម្រិតកំពស់ថ្មី។

តាមលោកស្រី ប្រទេសវៀតណាមគឺជាដៃគូយ៉ាងសំខាន់របស់ប្រទេសថៃនៅក្នុងអាស៊ាន ដោយមានទំនាក់ទំនងកិច្ចសហប្រតិបត្តិការកាន់តែត្រូវបានពង្រីកលើបណ្តាវិស័យនយោបាយ សេដ្ឋកិច្ច ពាណិជ្ជកម្ម វិនិយោគ ទេសចរណ៍ ការអប់រំ វប្បធម៌ និងការផ្លាស់ប្តូរប្រជាជន។ នៅក្នុងនោះ កិច្ចសហប្រតិបត្តិការរវាងបណ្តារដ្ឋបាលមូលដ្ឋានត្រូវបានចាត់ទុកថាជាគ្រឹះស្ថានយ៉ាងសំខាន់ ដោយរួមចំណែកពង្រឹងទំនាក់ទំនងមិត្តភាពប្រកបដោយចីរភាពរវាងប្រទេសទាំងពីរ។

អគ្គកុងស៊ុលថៃបានវាយតម្លៃទីក្រុងកឹនធើថាជាដៃគូមូលដ្ឋានយ៉ាងសំខាន់មួយរបស់ប្រទេសថៃ។ ទំនាក់ទំនងចងសម្ព័ន្ធមិត្តរវាងទីក្រុង Can Tho និងខេត្ត Chachoengsao បានបង្កើតនូវយន្តការយ៉ាងមានប្រសិទ្ធភាព ដើម្បីរុញច្រានកិច្ចសហប្រតិបត្តិការ និងបង្កើនការផ្លាស់ប្តុររវាងអាជ្ញាធរ សហគ្រាស និងប្រជាជននៃភាគីទាំងពីរ។

គណៈកម្មាធិការរៀបចំបានប្រគល់បាច់ផ្កា និងកាដូ ដើម្បីទទួលស្គាល់ការរួមចំណែកនៃគណៈកម្មាធិការប្រតិបត្តិនៃសមាគមមិត្តភាពវៀតណាម - ថៃ ទីក្រុងកឹនធើ នៅក្នុងកិច្ចការកិច្ចការបរទេសប្រជាជន។

អំពីកិច្ចសហប្រតិបត្តិការសេដ្ឋកិច្ច រហូតដល់ឆ្នាំ ២០២៥ ទុនវិនិយោគសរុបរបស់ប្រទេសថៃនៅទីក្រុង Can Tho សម្រេចបានប្រមាណ ១១៩,២៥ លានដុល្លារអាមេរិក។ ទំហំពាណិជ្ជកម្មនាំចេញរបស់ទីក្រុងកឹនធើទៅកាន់ប្រទេសថៃ សម្រេចបាន ២៨,៨ លានដុល្លារអាមេរិក ក្នុងពេលដែលទំហំពាណិជ្ជកម្មនាំចូលពីប្រទេសថៃ សម្រេចបាន ១០,៧ លានដុល្លារអាមេរិក។ តាមលោកស្រី Wiraka Moodhitaporn បណ្តាលទ្ធផលទាំងនេះបានបង្ហាញឱ្យឃើញថា លំហកិច្ចសហប្រតិបត្តិការរវាងភាគីទាំងពីរនៅតែមានទំហំធំធេងណាស់ ជាពិសេសនៅក្នុងបណ្តាវិស័យពាណិជ្ជកម្ម វិនិយោគ និងទេសចរណ៍។

លោកស្រីក៏បានចាត់ទុកថា ការអភិវឌ្ឍទេសចរណ៍ផ្សារទឹក គឺជាវិស័យដែលមានសក្តានុពលយ៉ាងច្រើន ដើម្បីឱ្យទីក្រុង Can Tho និងប្រទេសថៃបង្កើនកិច្ចសហប្រតិបត្តិការ ចែករំលែកបទពិសោធន៍ សំដៅទាំងការលើកកម្ពស់តម្លៃវប្បធម៌ប្រពៃណី ទាំងការបង្កើតជីវភាពរស់នៅប្រកបដោយចីរភាពសម្រាប់សហគមន៍មូលដ្ឋាន។

ដោយសង្កត់ធ្ងន់លើតួនាទីនៃការផ្លាស់ប្តូរប្រជាជន អគ្គកុងស៊ុលថៃបានឱ្យដឹងថា បណ្តាសកម្មភាពផ្លាស់ប្តូរអំពីវប្បធម៌ ការអប់រំ ទេសចរណ៍ ម្ហូបអាហារ សិល្បៈ និងការផ្លាស់ប្តូរយុវជន បានរួមចំណែកធ្វើឱ្យទំនាក់ទំនងថៃ - វៀតណាម កាន់តែមានភាពស្អិតរមួត និងជិតស្និទ្ធ។ លោកស្រីបានសម្តែងនូវបំណងប្រថ្នាថា បណ្តាអង្គការមិត្តភាព អាជ្ញាធរមូលដ្ឋាន សហគមន៍សហគ្រាស និងប្រជាជននៃប្រទេសទាំងពីរ នឹងបន្តរួមដំណើរ រួមចំណែកចូលទៅក្នុងការអភិវឌ្ឍនៃទំនាក់ទំនងមិត្តភាព និងកិច្ចសហប្រតិបត្តិការនៅក្នុងដំណាក់កាលថ្មី។

សកម្មភាពសិល្បៈយ៉ាងពិសេស និងទាក់ទាញជាច្រើន ត្រូវបានសម្តែងនៅក្នុងពិធីជួបជុំ។

ក្នុងឱកាសនេះ អគ្គកុងស៊ុលនៃព្រះរាជាណាចក្រថៃ ប្រចាំទីក្រុងហូជីមិញ បានណែនាំជូនប្រជាជនទីក្រុង Can Tho នូវបណ្តាសកម្មភាពសម្តែងប្រដាល់ Muay ថៃ និងរបាំប្រពៃណីថៃ ដែលសម្តែងដោយបណ្តាសិល្បករ និងនិស្សិតវៀតណាម ដោយរួមចំណែកផ្សព្វផ្សាយវប្បធម៌ថៃ និងបង្កើនការផ្លាស់ប្តុររវាងប្រជាជននៃប្រទេសទាំងពីរ៕

អាណិកជនវៀតណាមនៅប្រទេសថៃ៖ ភាពកក់ក្ដៅនៃមនោសញ្ចេតនាក្នុងថ្ងៃបុណ្យរំលឹកគុណបុព្វបុរសស្តេច Hung យុគសម័យ - ក្នុងបរិយាកាសដ៏សក្ការៈនៃថ្ងៃក្នុងខែទី៣ តាមចន្ទគតិ នាថ្ងៃទី ២១ ខែមេសា សហគមន៍ជនជាតិវៀតណាមនៅក្នុងខេត្ត Udon Thani តំបន់ឦសាននៃប្រទេសថៃ បានរៀបចំពិធីបុណ្យរំលឹកគុណបុព្វបុរសស្តេច Hung យ៉ាងសមរម្យ និងអធិកអធម។

វៀតណាម - ថៃ ប្រារព្ធខួបលើកទី ៥០ នៃទិវាបង្កើតទំនាក់ទំនងការទូតនៅ Ben Nha Rong យុគសម័យ - ពិធីប្រារព្ធខួបលើកទី ៥០ នៃទិវាបង្កើតទំនាក់ទំនងការទូតវៀតណាម - ថៃ បានប្រព្រឹត្តទៅនារាត្រីថ្ងៃទី ១៩ ខែឧសភា នៅ Ben Nha Rong, Thanh pho Ho Chi Minh ជាមួយនឹងសកម្មភាពដោះដូរវប្បធម៌ និងការតាំងពិព័រណ៍រូបថតប្រធាន Ho Chi Minh ជាច្រើន។

សុវណ្ណ

thoidai.com.vn