កិច្ចការបរទេសគ្រប់ជ្រុងជ្រោយនៅកម្រិតកម្ពស់ថ្មី

សមាជិកការិយាល័យនយោបាយ រដ្ឋមន្ត្រីក្រសួងការបរទេស Le Hoai Trung បានអញ្ជើញចូលរួម និងថ្លែងមតិដឹកនាំនៅក្នុងសិក្ខាសាលាវិទ្យាសាស្ត្រថ្នាក់ជាតិ «កិច្ចការបរទេសគ្រប់ជ្រុងជ្រោយនៅកម្រិតកម្ពស់ថ្មី» នាថ្ងៃទី ២៦ ខែតុលា។

សិក្ខាសាលានេះត្រូវបានរៀបចំឡើងក្នុងគោលបំណងស្រាវជ្រាវ និងបកស្រាយបំភ្លឺនូវបណ្តាតម្រូវការយុទ្ធសាស្ត្រថ្មីៗចំពោះការងារកិច្ចការបរទេស ដោយរួមចំណែកធ្វើឱ្យជាក់ស្តែងនូវមាគ៌ាកិច្ចការបរទេសនៃមហាសន្និបាតលើកទី ១៤ និងស្មារតីដឹកនាំរបស់អគ្គលេខាបក្ស ប្រធានរដ្ឋ To Lam។

ព្រឹត្តិការណ៍នេះប្រព្រឹត្តទៅក្នុងបរិបទដែលស្ថានភាពពិភពលោក និងតំបន់បន្តមានការប្រែប្រួលយ៉ាងឆាប់រហ័ស ស៊ីជម្រៅ និងពិបាកប៉ាន់ស្មាន ខណៈពេលដែលប្រទេសជាតិឈានចូលដំណាក់កាលអភិវឌ្ឍន៍ថ្មី ជាមួយនឹងតម្រូវការកាន់តែខ្ពស់ឡើងៗអំពីការរក្សាឱ្យបាននូវបរិយាកាសសន្តិភាព ការការពារផលប្រយោជន៍ជាតិ-មាតុភូមិ ការពង្រឹងឯករាជ្យភាព ភាពម្ចាស់ការ និងការពង្រីកលំហអភិវឌ្ឍន៍។

សមាជិកការិយាល័យនយោបាយ រដ្ឋមន្ត្រីក្រសួងការបរទេស Le Hoai Trung បានអញ្ជើញចូលរួម និងថ្លែងមតិដឹកនាំ។ សមាជិកគណៈកម្មាធិការមជ្ឈិមបក្ស អនុលេខាអចិន្ត្រៃយ៍នៃគណៈកម្មាធិការបក្សក្រសួង អនុរដ្ឋមន្ត្រីក្រសួងការបរទេស Nguyen Manh Cuong បានថ្លែងសុន្ទរកថាបើក។

សិក្ខាសាលានេះមានប្រតិភូជាង ១០០ នាក់ចូលរួម ដែលជាសមាជិកគណៈកម្មាធិការមជ្ឈិមបក្ស តំណាងថ្នាក់ដឹកនាំនៃបណ្តាគណៈ ក្រសួង ស្ថាប័នមជ្ឈិម និងមូលដ្ឋាន ឥស្សរជនការទូតជើងចាស់ អ្នកជំនាញការ អ្នកវិទ្យាសាស្ត្រ តំណាងស្ថាប័នស្រាវជ្រាវ និងសហគ្រាសនានា។

បំប្លែងចក្ខុវិស័យយុទ្ធសាស្ត្រឱ្យក្លាយជាលទ្ធផលជាក់ស្តែង

ថ្លែងមតិដឹកនាំ រដ្ឋមន្ត្រី Le Hoai Trung បានសង្កត់ធ្ងន់លើតម្រូវការក្នុងការអនុវត្តកិច្ចការបរទេសគ្រប់ជ្រុងជ្រោយនៅកម្រិតកម្ពស់ថ្មី ឱ្យស័ក្តិសមនឹងកម្រិតទំហំប្រវត្តិសាស្ត្រ វប្បធម៌ និងឋានៈរបស់ប្រទេសជាតិ។ នេះមិនត្រឹមតែជាភារកិច្ចដាច់ដោយឡែករបស់វិស័យការទូតប៉ុណ្ណោះទេ ប៉ុន្តែជាភារកិច្ចរបស់ប្រព័ន្ធនយោបាយទាំងមូល។

មហាសន្និបាតលើកទី ១៤ នៃបក្សបានកំណត់ថា ការជំរុញកិច្ចការបរទេស និងសមាហរណកម្មអន្តរជាតិ គឺជាភារកិច្ច «គន្លឹះ សំខាន់ជាប្រចាំ»។

តាមរដ្ឋមន្ត្រី កិច្ចការបរទេសគ្រប់ជ្រុងជ្រោយនៅកម្រិតកម្ពស់ថ្មី ត្រូវតែដាក់នៅក្នុងទិដ្ឋភាពរួមនៃយុទ្ធសាស្ត្រអភិវឌ្ឍន៍ និងការពារមាតុភូមិ ដោយយកផលប្រយោជន៍ជាតិ-មាតុភូមិធ្វើជាគោលការណ៍ខ្ពស់បំផុត ផ្សារភ្ជាប់យ៉ាងជិតស្និទ្ធកិច្ចការបរទេសជាមួយការការពារជាតិ សន្តិសុខ ការអភិវឌ្ឍសេដ្ឋកិច្ច-សង្គម វិទ្យាសាស្ត្រ-បច្ចេកវិទ្យា វប្បធម៌ និងមនុស្ស ស្របពេលជាមួយគ្នានេះ បំប្លែងចក្ខុវិស័យយុទ្ធសាស្ត្រឱ្យទៅជាសមត្ថភាពធ្វើសកម្មភាព និងលទ្ធផលជាក់ស្តែង។

រដ្ឋមន្ត្រី Le Hoai Trung បានលើកឡើងនូវតម្រូវការយុទ្ធសាស្ត្រចំនួន ៣ ចំពោះការងារកិច្ចការបរទេសក្នុងដំណាក់កាលខាងមុខ។

ជាបឋម គឺលើកកម្ពស់តួនាទី និងគុណភាពនៃការរួមចំណែកអន្តរជាតិរបស់វៀតណាម ដែលក្នុងនោះរង្វាស់ត្រូវតែជាប្រសិទ្ធភាព និងផលជះជាក់ស្តែង។

ទីពីរ លើកកម្ពស់ប្រសិទ្ធភាពយុទ្ធសាស្ត្រនៃកិច្ចការបរទេស ដោយវាយតម្លៃសមិទ្ធផលមិនត្រឹមតែតាមរយៈលទ្ធផលចំពោះមុខប៉ុណ្ណោះទេ ប៉ុន្តែថែមទាំងលើសមត្ថភាព និងលក្ខខណ្ឌអភិវឌ្ឍន៍ប្រកបដោយចីរភាពដែលកសាងបានជូនប្រទេសជាតិ។

ទីបី លើកកម្ពស់សមត្ថភាពម្ចាស់ការខាងយុទ្ធសាស្ត្រ និងសកម្មភាពឯកភាពគ្នានៃប្រព័ន្ធទាំងមូល បញ្ចេញឱ្យអស់ពីសមត្ថភាពនូវកម្លាំងសរុប និងប្រសិទ្ធភាពនៃការសម្របសម្រួលរវាងកងកម្លាំងនានាដែលចូលរួមក្នុងការងារកិច្ចការបរទេស។

នៅក្នុងសុន្ទរកថាណែនាំ អនុរដ្ឋមន្ត្រី Nguyen Manh Cuong បានសង្កត់ធ្ងន់លើតម្រូវការក្នុងការបន្តវេន និងអភិវឌ្ឍការគិត ចក្ខុវិស័យ វិធីសាស្ត្រអនុវត្តកិច្ចការបរទេស តាមទិសដៅផ្លាស់ប្តូរពីការសម្របខ្លួនជាចម្បង ទៅជាការម្ចាស់ការកសាងបរិយាកាសប្រកបដោយភាពអំណោយផល ពីការពង្រីកទំនាក់ទំនង ទៅជាការលើកកម្ពស់គុណភាព ប្រសិទ្ធភាពនៃកិច្ចសហប្រតិបត្តិការជាមួយបណ្តាប្រទេស និងដៃគូនានា។

ការងារកិច្ចការបរទេសស្របពេលជាមួយគ្នានេះ ត្រូវផ្សារភ្ជាប់កាន់តែជិតស្និទ្ធថែមទៀតជាមួយបណ្តាយុទ្ធសាស្ត្រអភិវឌ្ឍន៍ជាតិ បញ្ជាក់ឱ្យច្បាស់នូវទិសដៅ អាទិភាពយុទ្ធសាស្ត្រ និងលើកឡើងនូវដំណោះស្រាយនានាដែលអាចបង្កើតរបកគំហើញ។

នៅក្នុងសម័យប្រជុំពេញអង្គ អនុប្រធានគណៈគោលនយោបាយ និងយុទ្ធសាស្ត្រមជ្ឈិម លោក Nguyen Van Phuong បានសង្កត់ធ្ងន់លើតម្រូវការក្នុងការបំប្លែងប្រភពធនធានអន្តរជាតិឱ្យទៅជាសមត្ថភាពផ្ទៃក្នុង។ គុណភាពនៃកិច្ចសហប្រតិបត្តិការត្រូវបង្ហាញឱ្យឃើញតាមរយៈសមត្ថភាពទទួលយក ធ្វើជាម្ចាស់បច្ចេកវិទ្យា លើកកម្ពស់ផលិតភាព និងភាពប្រកួតប្រជែងនៃខឿនសេដ្ឋកិច្ច។

អនុរដ្ឋមន្ត្រីក្រសួងការពារជាតិ លោក Nguyen Truong Thang បានស្នើឱ្យលើកកម្ពស់សមត្ថភាពស្រាវជ្រាវ ការព្យាករ បញ្ចេញឱ្យអស់ពីសមត្ថភាពនូវតួនាទីនៃកិច្ចការបរទេសក្នុងការការពារមាតុភូមិតាំងពីដើមទី ពីចម្ងាយ និងរក្សាឱ្យបាននូវជំហរម្ចាស់ការខាងយុទ្ធសាស្ត្រ។ តំណាងក្រសួងនគរបាលបានសង្កត់ធ្ងន់លើតម្រូវការផ្សារភ្ជាប់យ៉ាងជិតស្និទ្ធរវាងការងារកិច្ចការបរទេស ជាមួយនឹងការធានាសន្តិសុខជាតិក្នុងដំណាក់កាលអភិវឌ្ឍន៍ថ្មី។

បញ្ចេញឱ្យអស់ពីសមត្ថភាពនូវកម្លាំងសរុបនៃតួអង្គកិច្ចការបរទេសនានា

សម័យពិភាក្សាឯកទេសទាំងបួននៃសិក្ខាសាលាបានផ្តោតលើទិសដៅធំៗចំនួនបួន៖

ទីមួយ គឺបញ្ចេញឱ្យអស់ពីសមត្ថភាពនូវឋានៈរបស់វៀតណាម ម្ចាស់ការកសាងបរិយាកាសអន្តរជាតិប្រកបដោយភាពអំណោយផលសម្រាប់ការអភិវឌ្ឍ។

ទីពីរ គឺលើកកម្ពស់ប្រសិទ្ធភាពទំនាក់ទំនងជាមួយបណ្តាដៃគូ ពង្រឹងសមត្ថភាពស្វ័យភាព និងប្រសិទ្ធភាពនៃការគ្រប់គ្រងហានិភ័យ។

ទីបី គឺធ្វើបរិវត្តកម្មសកម្មភាពកិច្ចការបរទេសដើម្បីបម្រើការអភិវឌ្ឍ ដោយផ្សារភ្ជាប់កាន់តែជិតស្និទ្ធថែមទៀតជាមួយនឹងតម្រូវការជាក់ស្តែងរបស់សហគ្រាស មូលដ្ឋាន និងបណ្តាផ្នែកសេដ្ឋកិច្ច។

ទីបួន គឺបញ្ចេញឱ្យអស់ពីសមត្ថភាពនូវកម្លាំងសរុបនៃបណ្តាតួអង្គដែលចូលរួមក្នុងការងារកិច្ចការបរទេស ស្របពេលជាមួយគ្នានេះ បន្តសុក្រឹតយន្តការសម្របសម្រួល លើកកម្ពស់ប្រសិទ្ធភាពនៃការកៀរគរប្រភពធនធាន និងការរៀបចំចាត់តាំងអនុវត្ត។

នៅក្នុងសម័យប្រជុំបូកសរុប បណ្តាប្រតិភូបានផ្តោតលើការពិភាក្សាអំពីតម្រូវការក្នុងការបំប្លែងទិសដៅធំៗឱ្យទៅជាសកម្មភាព តាមរយៈការធ្វើឱ្យជាក់ស្តែងនូវភារកិច្ច ការបែងចែកការទទួលខុសត្រូវ និងការធានាបណ្តាលក្ខខណ្ឌ ប្រភពធនធានសម្រាប់អនុវត្ត។

សិក្ខាសាលាបានកត់ត្រានូវបទអន្តរាគមន៍ និងមតិយោបល់ចូលរួមជាង ៣០ របស់តំណាងបណ្តាក្រសួង ស្ថាប័ន អ្នកជំនាញការ អ្នកវិទ្យាសាស្ត្រ ស្ថាប័នស្រាវជ្រាវ និងសហគ្រាសនានា។

ថ្លែងមតិសន្និដ្ឋាន អនុរដ្ឋមន្ត្រី Nguyen Manh Cuong បានសង្កត់ធ្ងន់លើតម្រូវការកំណត់ទិសដៅ និងដំណោះស្រាយនានាដែលអាចបង្កើតការផ្លាស់ប្តូរជាវិជ្ជមានខាងគុណភាព ស្របពេលជាមួយគ្នានេះ ផ្សារភ្ជាប់ទិសដៅធំៗជាមួយសមត្ថភាពរៀបចំចាត់តាំងអនុវត្ត ប្រភពធនធាន និងយន្តការសម្របសម្រួល។

តាមអនុរដ្ឋមន្ត្រី នាពេលខាងមុខ ចាំបាច់ត្រូវបន្តស្រាវជ្រាវ បញ្ជាក់ឱ្យច្បាស់នូវក្រុមបញ្ហាចំនួន ៥ រួមមាន៖ លើកកម្ពស់តម្លៃយុទ្ធសាស្ត្រជាក់ស្តែងនៃទំនាក់ទំនងដៃគូនានា បំប្លែងសមិទ្ធផលកិច្ចការបរទេសឱ្យទៅជាសមត្ថភាពជាក់ស្តែងរបស់ប្រទេសជាតិ លើកកម្ពស់សមត្ថភាពឯករាជ្យ ភាពម្ចាស់ការ និងជម្រើសយុទ្ធសាស្ត្រ លើកកម្ពស់គុណភាពនៃការរួមចំណែក និងសមត្ថភាពចូលរួមកំណត់ទម្រង់ដំណើរការអន្តរជាតិនានា លើកកម្ពស់គុណភាពនៃការសម្របសម្រួល ការព្យាករ និងសកម្មភាពឯកភាពគ្នានៃប្រព័ន្ធទាំងមូល។

សិក្ខាសាលាបានរួមចំណែកបំពេញបន្ថែមនូវអំណះអំណាងវិទ្យាសាស្ត្រ និងការអនុវត្តជាក់ស្តែងសម្រាប់ការអនុវត្តការងារកិច្ចការបរទេសក្នុងដំណាក់កាលអភិវឌ្ឍន៍ថ្មី សំដៅផ្លាស់ប្តូរយ៉ាងខ្លាំងក្លាពីការពង្រីកទំនាក់ទំនង ទៅជាការលើកកម្ពស់គុណភាពកិច្ចសហប្រតិបត្តិការ ពីសមិទ្ធផលកិច្ចការបរទេស ទៅជាសមត្ថភាពអភិវឌ្ឍ និងពីការសម្របខ្លួនទៅនឹងបរិយាកាសអន្តរជាតិ ទៅជាការម្ចាស់ការចូលរួមកសាងលក្ខខណ្ឌប្រកបដោយភាពអំណោយផលសម្រាប់ប្រទេសជាតិ៕

បណ្តាចំណុចទម្លុះទម្លាយជាច្រើនអំពីការងារជនជាតិវៀតណាមនៅបរទេស យុគសម័យ - នេះគឺជាការចែករំលែករបស់ឯកអគ្គរដ្ឋទូត វៀតណាម ប្រចាំនៅ សាធារណរដ្ឋឆែក លោក Duong Hoai Nam ជាមួយទស្សនាវដ្តីយុគសម័យ អំពីទីតាំងរបស់ជនជាតិ វៀតណាម នៅ សាធារណរដ្ឋឆែក នៅក្រៅរង្វង់សន្និសីទការទូតលើកទី ៣៣ ដែលបានប្រព្រឹត្តទៅចាប់ពីថ្ងៃទី ០១ - ០៧ ខែសីហា នៅ ហាណូយ។

សញ្ញាសម្គាល់ ៣០ ឆ្នាំនៃកិច្ចការបរទេសប្រជាជនវៀតណាម - ថៃ យុគសម័យ - ឆ្នាំ ២០២៦ កត់សម្គាល់ខួបលើកទី ៥០ នៃថ្ងៃបង្កើតទំនាក់ទំនងការទូតវៀតណាម - ថៃ (១៩៧៦ - ២០២៦) និងខួបលើកទី ៣០ នៃការកសាង និងអភិវឌ្ឍន៍របស់សមាគមមិត្តភាពវៀតណាម - ថៃ (១៩៩៦ - ២០២៦)។ នៅក្នុងខ្សែទឹកនៃទំនាក់ទំនងរវាងប្រទេសទាំងពីរ សមាគមបានប្រពៃណីពូនជ្រំមិត្តភាពយ៉ាងស្ហិតស្ហាញ ព្រមទាំងពង្រីកសកម្មភាពជាជំហានៗ ចាប់ពីការផ្លាស់ប្តូរប្រពៃណី ទៅជាការភ្ជាប់ទំនាក់ទំនងមូលដ្ឋាន សហគ្រាស ការអប់រំ វប្បធម៌ និងជំនាន់វ័យក្មេង ដោយរួមចំណែកបង្កើនការយល់ដឹង និងកិច្ចសហប្រតិបត្តិការរវាងប្រជាជននៃប្រទេសទាំងពីរ។

វ៉ាន់ណាំ