សញ្ញាសម្គាល់ ៣០ ឆ្នាំនៃកិច្ចការបរទេសប្រជាជនវៀតណាម - ថៃ

កិច្ចការបរទេសប្រជាជនវៀតណាម - ថៃ៖ នាំទំនាក់ទំនងទ្វេភាគីឈានចូលស៊ីជម្រៅ

វៀតណាម និងថៃបានបង្កើតទំនាក់ទំនងការទូតជាផ្លូវការនាថ្ងៃទី ០៦ ខែសីហា ឆ្នាំ ១៩៧៦។ ឆ្លងកាត់រយៈពេល ៥០ ឆ្នាំ ទំនាក់ទំនងរវាងប្រទេសទាំងពីរមិនឈប់ឈរត្រូវបានពង្រីក និងលើកកម្ពស់ ជាមួយនឹងទំនុកចិត្តនយោបាយកាន់តែត្រូវបានពង្រឹង និងផលប្រយោជន៍កិច្ចសហប្រតិបត្តិការកាន់តែប្រទាក់ក្រឡាគ្នា។

គ្រឹះស្ថាននៃទំនាក់ទំនងមិត្តភាពនេះត្រូវបានបង្កើតឡើងចេញពីទស្សនវិស័យ និងទស្សនវិជ្ជារបស់ប្រធាន Ho Chi Minh ក្នុងអំឡុងពេលដែលលោកធ្វើសកម្មភាពនៅប្រទេសថៃនៅក្នុងបណ្តាឆ្នាំ ១៩២៨ - ១៩២៩ និង ១៩៣០។ លោកបានបណ្តុះពន្លកបដិវត្តន៍ បង្កើតបណ្តាអង្គការស្និទ្ធស្នាល អប់រំអាណិកជនវៀតណាមឱ្យគោរពច្បាប់ ធ្វើសមាហរណកម្មជាមួយប្រជាជនថៃ និងរួមគ្នាកសាងប្រទេសថៃឱ្យកាន់តែអភិវឌ្ឍន៍រុងរឿង។

នៅលើគ្រឹះស្ថាននោះ ទំនាក់ទំនងទ្វេភាគីបានមានបណ្តាជំហានអភិវឌ្ឍន៍ដ៏សំខាន់៖ បង្កើតទំនាក់ទំនងដៃគូយុទ្ធសាស្ត្រនាឆ្នាំ ២០១៣ ដៃគូយុទ្ធសាស្ត្រពង្រឹងនាឆ្នាំ ២០១៩ និងដំឡើងកម្រិតទៅជាដៃគូយុទ្ធសាស្ត្រគ្រប់ជ្រុងជ្រោយនាខែឧសភា ឆ្នាំ ២០២៥។ កិច្ចសហប្រតិបត្តិការសេដ្ឋកិច្ចក៏បានអភិវឌ្ឍន៍យ៉ាងខ្លាំងក្លាផងដែរ។ ប្រទេសថៃរក្សាទីតាំងជាដៃគូពាណិជ្ជកម្មធំជាងគេរបស់វៀតណាមនៅក្នុងអាស៊ាន ជាមួយនឹងទំហំពាណិជ្ជកម្មទ្វេភាគីសំដៅទៅកាន់បង្គោលចរ ២៥ ពាន់លានដុល្លារអាមេរិក ព្រមទាំងស្ថិតនៅក្នុងក្រុមប្រទេស និងដែនដីទាំង ៩ ដែលមានដើមទុនវិនិយោគផ្ទាល់ពីបរទេសធំជាងគេនៅវៀតណាម។ យន្តការកិច្ចសហប្រតិបត្តិការ “ការភ្ជាប់ទំនាក់ទំនងបី” (ភ្ជាប់ខ្សែច្រវាក់ផ្គត់ផ្គង់; ភ្ជាប់សហគ្រាស និងមូលដ្ឋាន; ភ្ជាប់យុទ្ធសាស្ត្រអភិវឌ្ឍន៍ប្រកបដោយចីរភាព) បើកបន្ថែមលំហកិច្ចសហប្រតិបត្តិការរវាងប្រទេសទាំងនៅក្នុងដំណើរការបរិវត្តកម្មឌីជីថល បរិវត្តកម្មបៃតង និងការអភិវឌ្ឍន៍ប្រកបដោយចីរភាព។

សន្និសីទអន្តរស្ថាប័នលើកទី XIV រវាងសមាគមមិត្តភាពវៀតណាម - ថៃ និងសមាគមមិត្តភាពថៃ - វៀតណាម បានប្រព្រឹត្តទៅនាខែធ្នូ ឆ្នាំ ២០២៥ នៅទីក្រុង Hai Phong។

នៅក្នុងដំណើរការនោះ កិច្ចការបរទេសប្រជាជន ជាមួយនឹងស្នូលគឺជាសមាគមមិត្តភាពនៃប្រទេសទាំងពីរ បានរួមចំណែកបង្កើនការផ្សារភ្ជាប់រវាងប្រជាជនវៀតណាម និងថៃ ដោយនាំយកទំនាក់ទំនងទ្វេភាគីកាន់តែឈានចូលស៊ីជម្រៅ។ សមាគមមិត្តភាពវៀតណាម - ថៃ ត្រូវបានបង្កើតឡើងនាឆ្នាំ ១៩៩៦។ ឆ្លងកាត់រយៈពេល ៣០ ឆ្នាំនៃសកម្មភាព និងមហាសន្និបាតថ្នាក់ជាតិចំនួន ៥ លើក ក្រោមការចង្អុលបង្ហាញរបស់សហព័ន្ធបណ្តាអង្គការមិត្តភាពវៀតណាម និងការសម្របសម្រួលជាមួយសមាគមមិត្តភាពថៃ - វៀតណាម សមាគមមិនឈប់ឈរផ្លាស់ប្តូរថ្មីនូវខ្លឹមសារ និងវិធីសាស្ត្រសកម្មភាព ដោយអះអាងពីតួនាទីជាស្ពានចងស្ពានឯកទេស និងជាស្នូលនៅក្នុងកិច្ចការបរទេសប្រជាជន ជាជាក់ស្តែង៖

ទីមួយ សមាគមទាំងពីររក្សាការផ្លាស់ប្តូរ និងពិភាក្សាជាប្រចាំ នៅក្នុងនោះលេចធ្លោគឺយន្តការសន្និសីទអន្តរស្ថាប័នប្រចាំឆ្នាំរវាងសមាគមមិត្តភាពវៀតណាម - ថៃ និងសមាគមមិត្តភាពថៃ - វៀតណាម ដែលត្រូវបានរៀបចំឡើងផ្លាស់ប្តូរវេនគ្នានៅប្រទេសនីមួយៗ។ សន្និសីទអន្តរស្ថាប័នលើកទី XIV បានប្រព្រឹត្តទៅនាខែធ្នូ ឆ្នាំ ២០២៥ នៅទីក្រុង Hai Phong; សន្និសីទលើកទី XV គ្រោងនឹងរៀបចំឡើងនៅប្រទេសថៃនៅក្នុងត្រីមាសទី IV ឆ្នាំ ២០២៦។ នេះគឺជាយន្តការពិសេស និងជាយន្តការតែមួយគត់ក្នុងចំណោមបណ្តាសមាគមមិត្តភាពប្រជាជននៅវៀតណាមរហូតមកដល់ពេលនេះ ដែលជួយឱ្យភាគីទាំងពីរធ្វើឱ្យជាក់ស្តែងបានទាន់ពេលវេលានូវបណ្តាការប្តេជ្ញាចិត្តរបស់ថ្នាក់ដឹកនាំជាន់ខ្ពស់ ទៅជាបណ្តាសកម្មភាពជាក់ស្តែងនៅមូលដ្ឋាន។

សមាគមទាំងពីរក៏ផ្តោតលើការលើកកម្ពស់កិច្ចសហប្រតិបត្តិការនៅថ្នាក់មូលដ្ឋាន ជាពិសេសគឺរវាងខេត្តមួយចំនួននៅតំបន់ភូមិភាគអូសាន (ភាគអេសាន) នៃប្រទេសថៃ ដូចជា Nakhon Phanom, Udon Thani, Sakon Nakhon ជាមួយបណ្តាខេត្ត និងក្រុងនៃប្រទេសវៀតណាម ដូចជា ហាណូយ (Ha Noi), ទីក្រុងហូជីមិញ (Thanh pho Ho Chi Minh), Nghe An, Ha Tinh, Hue, Da Nang។ ការភ្ជាប់ទំនាក់ទំនងនេះមានបន្ថែមស៊ីជម្រៅ ចេញពីបណ្តាទីតាំងរក្សានូវសញ្ញាសម្គាល់សកម្មភាពរបស់ប្រធាន Ho Chi Minh នៅប្រទេសថៃ។ បណ្តាតំបន់កេរដំណែលប្រធាន Ho Chi Minh នៅភូមិ Nachok (Nakhon Phanom), Nong Bua/Nong On (Udon Thani) និងភូមិ Dong (Phichit) បានក្លាយជា “អាសយដ្ឋានក្រហម” និងជានិមិត្តរូបប្រវត្តិសាស្ត្រ - វប្បធម៌សម្រាប់ចំណងមិត្តភាពរវាងប្រជាជាតិទាំងពីរ។ ការផ្លាស់ប្តូរព្រះពុទ្ធសាសនាក៏ត្រូវបានរក្សាផងដែរ នៅក្នុងនោះមានបណ្តាក្រុមប្រតិភូថៃអញ្ជើញមកទស្សនកិច្ច និងធ្វើការងារនៅវត្ត Tam Bao ព្រមទាំងបណ្តាសកម្មភាពផ្លាស់ប្តូរព្រះពុទ្ធសាសនារវាងប្រទេសទាំងពីរ។

ជំហានផ្លាស់ប្តូរដ៏គួរឱ្យកត់សម្គាល់នៅក្នុងសកម្មភាពរបស់សមាគម គឺចាប់ពីការផ្លាស់ប្តូរមិត្តភាពសុទ្ធសាធ ទៅជាការភ្ជាប់ទំនាក់ទំនងយ៉ាងជិតស្និទ្ធជាមួយការជម្រុញពាណិជ្ជកម្ម សេដ្ឋកិច្ច និងការវិនិយោគ។ សមាគមទាំងពីរបានសម្របសម្រួលរៀបចំបណ្តាសកម្មភាពភ្ជាប់ទំនាក់ទំនងសហគ្រាសវៀតណាម - ថៃមួយចំនួន នៅក្នុងនោះមានវេទិកាសហគ្រាសវៀតណាម - ថៃ ឆ្នាំ ២០២៣ ក្រោមប្រធានបទ “១+១ = គ្មានព្រំដែន” នៅ Bangkok (ថៃ)។ បណ្តាសកម្មភាពទាំងនេះបង្កើតបន្ថែមឱកាសដើម្បីឱ្យសហគ្រាសធុនតូច និងមធ្យម សហគ្រាសវ័យក្មេងនៃប្រទេសទាំងពីរស្វែងយល់ពីទីផ្សារ ដោះស្រាយរបាំងផ្លូវច្បាប់ ភ្ជាប់ទំនាក់ទំនងកសិផល និងបណ្តាផលិតផលប្រៀបខ្លាំងបំពេញបន្ថែមឱ្យគ្នាទៅវិញទៅមក កិច្ចសហប្រតិបត្តិការរួមគ្នាអភិវឌ្ឍន៍។

ការអប់រំ វប្បធម៌ ភាសា និងជំនាន់វ័យក្មេងក៏ជាទិសដៅមួយដែលត្រូវបានសមាគមទាំងពីរផ្តល់អាទិភាពផងដែរ។ បណ្តាកម្មវិធីបង្រៀនភាសាវៀតណាមសម្រាប់សិស្ស និស្សិតថៃ និងភាសាថៃសម្រាប់សិស្ស និស្សិតវៀតណាម ត្រូវបានជំរុញនៅតាមគ្រឹះស្ថានបណ្តុះបណ្តាលមួយចំនួន។ លេចធ្លោគឺសកម្មភាពកិច្ចសហប្រតិបត្តិការដែលត្រូវបានលាតត្រដាងអនុវត្តនៅសាកលវិទ្យាល័យ Da Nang; សមាគមមិត្តបានប្រគល់អាហារូបករណ៍សិក្សានៅសាលា Bamboo School ជូនដល់សិស្សវៀតណាមមួយចំនួនដែលមានជីវភាពខ្វះខាត។ សកម្មភាពផ្លាស់ប្តូរសិស្ស និស្សិតរវាងបណ្តាគ្រឹះស្ថានអប់រំនៃប្រទេសទាំងពីរ ក៏ត្រូវបានជំរុញផងដែរ នៅក្នុងនោះមានកម្មវិធីរវាងសាកលវិទ្យាល័យ FPT ជាមួយសាកលវិទ្យាល័យ King Mongkut, សាកលវិទ្យាល័យ Khon Kaen និងសាកលវិទ្យាល័យ Chulalongkorn។ បណ្តាការប្រឡងស្វែងយល់ពីវប្បធម៌វៀតណាម - ថៃ ដែលត្រូវបានរៀបចំឡើងដោយសមាគមមិត្តភាពថៃ - វៀតណាម សម្របសម្រួលជាមួយស្ថានទូត ក៏បានទាក់ទាញការចូលរួមរបស់មិត្តវ័យក្មេងជាច្រើនរូបផងដែរ។

សមាគមទាំងពីរបានសម្របសម្រួលរៀបចំបណ្តាសកម្មភាពវប្បធម៌ កីឡា និងសង្គម ដូចជាការប្រកួតបាល់ទាត់មិត្តភាពនារី U17 ថ្នាក់ជាតិវៀតណាម - ថៃ នៅបណ្ឌិត្យសភាបប៉ូលិសប្រជាជនវៀតណាម នាខែអេប្រ៊ីល ឆ្នាំ ២០២៥; ឧបត្ថម្ភម៉ាស៊ីនអេកូ GE Healthcare Versana Balance ជូនដល់មជ្ឈមណ្ឌលសុខាភិបាលស្រុក Nam Dan ខេត្ត Nghe An; ប្រគល់វ៉ែនតា និងកញ្ចប់អំណោយចំនួន ៣០០ ជូនដល់សមាជិក និងមនុស្សចាស់ជរានៅ Dong Nai។

វេទិកាសហគ្រាសថៃ – វៀតណាម ឆ្នាំ ២០២៣។

ភារកិច្ចអាទិភាពចំនួន ៤

បរិបទតំបន់ និងពិភពលោកនៅក្នុងដំណាក់កាលខាងមុខត្រូវបានព្យាករណ៍ថានឹងបន្តមានបណ្តាការផ្លាស់ប្តូរយ៉ាងឆាប់រហ័ស ស្មុគស្មាញ និងពិបាកប៉ាន់ប្រមាណ រួមជាមួយដំណើរការបរិវត្តកម្មឌីជីថល បរិវត្តកម្មបៃតង និងបណ្តាតម្រូវការថ្មីៗចំពោះការអភិវឌ្ឍន៍ប្រកបដោយចីរភាព។ ចំពោះទំនាក់ទំនងប្រជាជនវៀតណាម - ថៃ បញ្ហាមួយដែលត្រូវយកចិត្តទុកដាក់គឺហានិភ័យនៃ “ការស្រុតចុះគម្លាតនៃភាពយល់ដឹង” នៅជំនាន់វ័យក្មេង នៅពេលដែលការចងចាំប្រវត្តិសាស្ត្រថយចុះជាជំហានៗ ប្រសិនបើគ្មានវិធីសាស្ត្រចូលរួមថ្មី។ ប្រការនោះដាក់ចេញនូវតម្រូវការបន្ទាន់ត្រូវតែធ្វើទំនើបកម្មខ្លឹមសារ និងទម្រង់សកម្មភាពកិច្ចការបរទេសប្រជាជន ដើម្បីបត់បែនទៅតាមយុគសម័យឌីជីថល។

ក្នុងឱកាសប្រារព្ធខួបលើកទី ៥០ នៃថ្ងៃបង្កើតទំនាក់ទំនងការទូតនៃប្រទេសទាំងពីរ សមាគមមិត្តភាពវៀតណាម - ថៃ បានកសាងកម្មវិធីសកម្មភាពសម្របសម្រួលចាប់ពីថ្នាក់មជ្ឈិម រហូតដល់បណ្តាសមាគមមូលដ្ឋាន ដោយផ្តោតលើបណ្តាសកម្មភាពផ្លាស់ប្តូរវប្បធម៌ដែលមានការចូលរួមដោយផ្ទាល់របស់ប្រជាជន និងជំនាន់វ័យក្មេង។ សមាគមគ្រោងនឹងសម្របសម្រួលរៀបចំសប្តាហ៍វប្បធម៌ - ទេសចរណ៍ - ម្ហូបអាហារវៀតណាម - ថៃ នៅទីក្រុង Hue; សម្របសម្រួលជាមួយខេត្ត Nghe An រៀបចំពិធីប្រារព្ធខួបលើកទី ៥០ នៃទំនាក់ទំនងការទូតវៀតណាម - ថៃ នៅដើមខែសីហា ឆ្នាំ ២០២៦; រៀបចំកម្មវិធីដាំដើមឈើនៅខេត្ត Phu Tho និងបណ្តាសកម្មភាពផ្លាស់ប្តូរវប្បធម៌ កីឡាផ្សេងៗទៀត។ តាមរយៈនោះ សមាគមមានបំណងបង្កើតបន្ថែមឱកាសដើម្បីឱ្យប្រជាជននៃប្រទេសទាំងពីរចូលរួមដោយផ្ទាល់ ស្វែងយល់អំពីវប្បធម៌ មនុស្ស និងទំនាក់ទំនងមិត្តភាពវៀតណាម - ថៃ។

នាពេលខាងមុខ សមាគមមិត្តភាពវៀតណាម - ថៃ កំណត់នូវបណ្តាភារកិច្ចអាទិភាពមួយចំនួន៖

ទីមួយ ផ្លាស់ប្តូរថ្មីការគិតគូរ និងបរិវត្តកម្មឌីជីថលនៅក្នុងសកម្មភាពកិច្ចការបរទេសប្រជាជន។ ទាញយកប្រយោជន៍អតិបរមានូវប្រព័ន្ធផ្សព្វផ្សាយឌីជីថល ដើម្បីបង្កើនកិច្ចសហប្រតិបត្តិការ និងការភ្ជាប់ទំនាក់ទំនង; រំលេចព័ត៌មានវិជ្ជមានអំពីទំនាក់ទំនងនៃប្រទេសទាំងពីរ និងផ្សព្វផ្សាយព័ត៌មានអំពីបេតិកភណ្ឌប្រវត្តិសាស្ត្ររបស់ប្រធាន Ho Chi Minh នៅប្រទេសថៃ ទៅកាន់ជំនាន់វ័យក្មេង ជាពិសេសគឺជំនាន់ Gen Z និង Gen Alpha។ នៅក្នុងបណ្តាខ្លឹមសារផ្លាស់ប្តូរពិភាក្សានៅសន្និសីទអន្តរស្ថាប័នលើកទី XV ដែលត្រូវបានរៀបចំឡើងនៅប្រទេសថៃ សមាគមទាំងពីរនឹងផ្តោតលើការផ្លាស់ប្តូរពិភាក្សាទិសដៅកិច្ចសហប្រតិបត្តិការនៅក្នុងឆ្នាំ ២០២៧ និងបណ្តាឆ្នាំបន្តបន្ទាប់ នៅក្នុងនោះមានតួនាទី និងផលប៉ះពាល់នៃបច្ចេកវិទ្យាឌីជីថលនាពេលបច្ចុប្បន្ន ចំពោះសកម្មភាពកិច្ចការបរទេសប្រជាជនវៀតណាម - ថៃ។

ទីពីរ ជំរុញការភ្ជាប់ទំនាក់ទំនងសេដ្ឋកិច្ច និងលាតត្រដាងអនុវត្តយ៉ាងមានប្រសិទ្ធភាពនូវយុទ្ធសាស្ត្រ “ការភ្ជាប់ទំនាក់ទំនងបី”។ បង្កើនការសម្របសម្រួលភ្ជាប់ទំនាក់ទំនងរៀបចំប្រព័ន្ធវេទិកាភ្ជាប់ទំនាក់ទំនងសហគ្រាសធុនតូច និងមធ្យម; ជួយឧបត្ថម្ភសហគ្រាសបង្កើតអាជីវកម្ម (start-up) និងសហគ្រាសបច្ចេកវិទ្យាខ្ពស់នៃប្រទេសទាំងពីរធ្វើកិច្ចសហប្រតិបត្តិការ និងអភិវឌ្ឍន៍; ជំរុញខ្សែច្រវាក់ផ្គត់ផ្គង់បៃតងរវាងវៀតណាម និងថៃ។

លោក Nguyen Van Thanh (ខាងឆ្វេងបំផុត) ប្រធានសមាគមមិត្តភាពវៀតណាម - ថៃ និងលោក Sanan Angubolkul (ខាងស្តាំបំផុត) ប្រធានសមាគមមិត្តភាពថៃ - វៀតណាម ត្រូវបានស្ថានទូតថៃប្រចាំនៅវៀតណាមផ្តល់កិត្តិយស ដើម្បីកត់សម្គាល់បណ្តាការរួមចំណែកក្នុងការជំរុញការផ្លាស់ប្តូរប្រជាជន និងប្រជាជនរវាងប្រទេសទាំងពីរ នាថ្ងៃទី ០៦ ខែសីហា ឆ្នាំ ២០២៦ នៅហាណូយ។

ទីបី បង្កើនការផ្លាស់ប្តូរជំនាន់វ័យក្មេង និងកិច្ចសហប្រតិបត្តិការអប់រំស៊ីជម្រៅ។ សិក្សាស្រាវជ្រាវជំរុញការបង្កើតបណ្តាញអតីតនិស្សិតវៀតណាម - ថៃ; ជំរុញសកម្មភាពផ្លាស់ប្តូរការអប់រំរវាងបណ្តាគ្រឹះស្ថានបណ្តុះបណ្តាលប្រកបដោយកិត្យានុភាពនៃប្រទេសវៀតណាម និងថៃ ដើម្បីសម្របសម្រួលបណ្តុះបណ្តាលប្រភពធនធានមនុស្សប្រកបដោយគុណភាពខ្ពស់...

ទីបួន ពង្រីកអតិបរមានូវតួនាទីជា “ស្ពានចងស្ពាន” របស់អាណិកជនវៀតណាមនៅប្រទេសថៃ និងអាណិកជនថៃនៅប្រទេសវៀតណាម ដោយទន្ទឹមនឹងការពង្រឹងស្មារតីសាមគ្គីភាពរវាងប្រជាជាតិទាំងពីរ ក៏ចូលរួមអភិវឌ្ឍន៍សេដ្ឋកិច្ច - សង្គម សំដៅទៅកាន់គោលដៅអភិវឌ្ឍន៍រុងរឿង ឆើតឆាយ និងសុភមង្គលនៃប្រទេសនីមួយៗ។

រយៈពេល ៣០ ឆ្នាំនៃការកសាង និងអភិវឌ្ឍន៍របស់សមាគមមិត្តភាពវៀតណាម - ថៃ ផ្សារភ្ជាប់ជាមួយនឹងដំណាក់កាល ៥០ ឆ្នាំនៃទំនាក់ទំនងការទូតរវាងប្រទេសទាំងពីរ។ នៅលើគ្រឹះស្ថាននៃទំនាក់ទំនងមិត្តភាពដែលត្រូវបានពូនជ្រំដោយបណ្តាជំនាន់ សមាគមនឹងបន្តផ្លាស់ប្តូរថ្មីនូវខ្លឹមសារ វិធីសាស្ត្រសកម្មភាព និងពង្រីកបណ្តាការភ្ជាប់ទំនាក់ទំនងប្រកបដោយលក្ខណៈជាក់ស្តែង ដោយរួមចំណែកធ្វើឱ្យកាន់តែស៊ីជម្រៅនូវទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយវៀតណាម - ថៃ៕

ការកំណត់ទម្រង់កាំជណ្តើរថ្មីសម្រាប់ទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយវៀតណាម - ថៃ យុគសម័យ - តបតាមការអញ្ជើញរបស់នាយករដ្ឋមន្ត្រីនៃព្រះរាជាណាចក្រថៃ លោក Anutin Charnvirakul ព្រមទាំងភរិយា អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តវៀតណាម ព្រមទាំងជាប្រធានរដ្ឋនៃសាធារណរដ្ឋសង្គមនិយមវៀតណាម លោក To Lam ព្រមទាំងភរិយារួមជាមួយគណៈប្រតិភូជាន់ខ្ពស់វៀតណាម នឹងអញ្ជើញទៅបំពេញទស្សនកិច្ចផ្លូវការនៅប្រទេសថៃ ចាប់ពីថ្ងៃទី ២៧ ដល់ថ្ងៃទី ២៩ ខែឧសភា ឆ្នាំ ២០២៦។

លោកអគ្គលេខាបក្ស ព្រមទាំងជាប្រធានរដ្ឋ លោក To Lam ជួបសំណេះសំណាលជាមួយសហគមន៍ប្រជាជនវៀតណាមប្រចាំនៅប្រទេសថៃ យុគសម័យ - លោកអគ្គលេខាបក្ស ព្រមទាំងជាប្រធានរដ្ឋ បានអះអាងថា សហគមន៍ប្រជាជនវៀតណាមប្រចាំនៅប្រទេសថៃ តែងតែជាស្ពានតភ្ជាប់ដ៏មានសារៈសំខាន់ រួមចំណែករឹតបន្តឹងចំណងមិត្តភាព ព្រមទាំងទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។

ឌឹកអាញ់

thoidai.com.vn