យុគសម័យ - ដោយស្មារតីប្តេជ្ញាចិត្តខ្ពស់ និងបន្ទាន់ កម្លាំងស្វែងរកខិតខំប្រឹងប្រែងបញ្ចប់ការងារប្រមូលផ្តុំនៅសួនច្បារ Le Thi Rieng មុនខែវិច្ឆិកា ឆ្នាំ ២០២៦។
| បណ្តាមូលដ្ឋានជាច្រើនជំរុញល្បឿននៃការយកសំណាក ADN ដើម្បីកំណត់អត្តសញ្ញាណអដ្ឋិធាតុយុទ្ធជនពលី ការធ្វើឱ្យល្អឥតខ្ចោះនូវមូលដ្ឋានទិន្នន័យស្តីពីយុទ្ធជនពលី ផ្នូរយុទ្ធជនពលី និងទីបញ្ចុះសពយុទ្ធជនពលី |
នាថ្ងៃទី ១៤ ខែសីហា បណ្តាកម្លាំងចំណុះបញ្ជាការដ្ឋានទីក្រុងហូជីមិញ (TP.HCM) បានបន្តអនុវត្តការងារស្វែងរក និងប្រមូលផ្តុំអដ្ឋិធាតុយុទ្ធជនពលី នៅទីតាំងទី ២ (តំបន់ B) ព្រមទាំងពង្រីកវិសាលភាពនៃការស្វែងរកនៅតំបន់ A និងតំបន់ B សួនច្បារ Le Thi Rieng។
 |
| កម្លាំងសមត្ថកិច្ចបន្តពង្រីកការស្វែងរក និងប្រមូលផ្តុំអដ្ឋិធាតុយុទ្ធជនពលី នៅសួនច្បារ Le Thi Rieng។ |
ក្នុងថ្ងៃទី ១៤ ខែសីហា កម្លាំងបំពេញភារកិច្ចបានរកឃើញ និងប្រមូលផ្តុំអដ្ឋិធាតុយុទ្ធជនពលីចំនួន ១០ អដ្ឋិធាតុ និងវត្ថុអនុស្សាវរីយ៍យុទ្ធជនពលីចំនួន ៣ ឈុត នៅតំបន់ B។
ចាប់ពីថ្ងៃទី ២៣ ខែមិថុនា ដល់ថ្ងៃទី ១៤ ខែសីហា បណ្តាកម្លាំងបានរកឃើញ និងប្រមូលផ្តុំអដ្ឋិធាតុយុទ្ធជនពលីចំនួន ៣២១ អដ្ឋិធាតុ ក្នុងនោះមាន ១៨២ អដ្ឋិធាតុមានវត្ថុអនុស្សាវរីយ៍។ ចំនួនអដ្ឋិធាតុដែលត្រូវបានប្រមូលផ្តុំរួមមាន អដ្ឋិធាតុដាច់ដោយឡែកចំនួន ២៨៨ អដ្ឋិធាតុ និងអដ្ឋិធាតុចំនួន ៣៣ នៅទីតាំងផ្នូររួមចំនួន ៨ កន្លែង ក្នុងនោះមាន ២ ទីតាំងនៅតំបន់ A និង ៦ ទីតាំងនៅតំបន់ B។
 |
| ឧត្តមសេនីយ៍ទោ Nguyen Thanh Trung (ទីពីរពីរាប់ពីស្តាំមក) ពិនិត្យការងារស្វែងរក និងប្រមូលផ្តុំអដ្ឋិធាតុយុទ្ធជនពលី នៅសួនច្បារ Le Thi Rieng។ |
ឧត្តមសេនីយ៍ទោ Nguyen Thanh Trung ស្នងការនយោបាយនៃបញ្ជាការដ្ឋាន ទីក្រុងហូជីមិញ អនុប្រធានប្រចាំការគណៈកម្មាធិការដឹកនាំទីក្រុងស្តីពីការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី បានឱ្យដឹងថា ដោយស្មារតីប្តេជ្ញាចិត្តខ្ពស់ និងបន្ទាន់ កម្លាំងស្វែងរកខិតខំប្រឹងប្រែងបញ្ចប់ការងារប្រមូលផ្តុំនៅសួនច្បារ Le Thi Rieng មុនខែវិច្ឆិកា ឆ្នាំ ២០២៦៖ «ទីក្រុងហូជីមិញនៅសល់រហូតដល់ទៅ ១២ ទីតាំងទៀតដែលសង្ស័យថាមានរណ្តៅកប់សពរួមនៃបណ្តាយុទ្ធជនពលី។ ប្រសិនបើយើងមិនបន្ទាន់ មិនប្តេជ្ញាចិត្តខ្ពស់ និងមិនជំរុញល្បឿនឱ្យបានលឿនទេ គឺពិតជាពិបាកបញ្ចប់ភារកិច្ចនេះណាស់ ជាពិសេសគឺនៅក្នុងយុទ្ធនាការ ៥០០ ថ្ងៃយប់ រហូតដល់ថ្ងៃទី ២៧ ខែកក្កដា ឆ្នាំ ២០២៧។ ហេតុដូច្នោះហើយ បងប្អូនមានការប្តេជ្ញាចិត្តខ្ពស់ណាស់ មានការទទួលខុសត្រូវខ្ពស់ណាស់ ធ្វើការផ្លាស់ប្តូរវេនគ្នាដើម្បីពង្រីក ឆ្លៀតគ្រប់ម៉ោង គ្រប់នាទី គ្រប់វិនាទី ដើម្បីស្វែងរកបណ្តាយុទ្ធជនពលីនៅសួនច្បារ Le Thi Rieng»៕
 បន្តជំរុញការស្វែងរក និងប្រមូលផ្តុំអដ្ឋិធាតុយុទ្ធជនពលីវៀតណាមដែលបានពលីជីវិតនៅប្រទេសឡាវ យុគសម័យ - រដូវប្រាំង ២០២៥ - ២០២៦ បណ្តាក្រុមប្រមូលផ្តុំរបស់ វៀតណាម បានស្វែងរក និងប្រមូលផ្តុំបានអដ្ឋិធាតុយុទ្ធជនពលីចំនួន ១៧៣ អដ្ឋិធាតុ នៃកងទ័ពស្ម័គ្រចិត្ត និងអ្នកជំនាញការវៀតណាម ដែលបានពលីជីវិតនៅ ឡាវ នាបណ្តាសម័យកាលសង្គ្រាម។ |
 អដ្ឋិធាតុយុទ្ធជនពលីចំនួន ១៦៨ ត្រូវបានរកឃើញនៅឧទ្យាន Le Thi Rieng យុគសម័យ - នាថ្ងៃទី ០១ ខែសីហា កម្លាំងស្វែងរក និងប្រមូលផ្តុំអដ្ឋិធាតុយុទ្ធជនពលី ចំណុះបញ្ជាការដ្ឋានទីក្រុងហូជីមិញ បានបន្តពង្រីកវិសាលភាពនៃការជីកកាយនៅតំបន់ ខេ នៃឧទ្យានLe Thi Rieng និងបានរកឃើញបន្ថែមនូវអដ្ឋិធាតុយុទ្ធជនពលីចំនួន ០៨ ទៀត។ |
មតិពីមិត្តអ្នកអាន