ការសន្ទនាវិទ្យាសាស្ត្ររួមចំណែកពង្រីកលំហកិច្ចសហប្រតិបត្តិការ វៀតណាម - ឥណ្ឌា

ការសន្ទនាវិទ្យាសាស្ត្ររួមចំណែកពង្រីកលំហកិច្ចសហប្រតិបត្តិការ វៀតណាម - ឥណ្ឌា

ការសន្ទនា ICWA - VASS លើកទី ៦ មានប្រធានបទ “បណ្តាការជួបជុំគ្នាផ្នែកយុទ្ធសាស្ត្រ និងទិសដៅអនាគតនៅក្នុងទំនាក់ទំនង វៀតណាម - ឥណ្ឌា”។ នេះគឺជាវេទិកាសន្ទនាវិទ្យាសាស្ត្រប្រចាំឆ្នាំ រវាងស្ថាប័នស្រាវជ្រាវទាំងពីរនៃ វៀតណាម និង ឥណ្ឌា សំដៅជំរុញការដោះដូរវិទ្យាសាស្ត្រ បង្កើនការសន្ទនាគោលនយោបាយ និងស្នើឡើងនូវបណ្តាអនុសាសន៍ រួមចំណែកធ្វើឱ្យកាន់តែស៊ីជម្រៅថែមទៀត នូវទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយបង្កើនកម្រិត រវាងប្រទេសទាំងពីរ។

ថ្លែងមតិបើកវគ្គប្រជុំ ស្តីទីអនុអគ្គនាយក ICWA ឯកអគ្គរដ្ឋទូត N. J. Gangte បានចាត់ទុកថា ការសន្ទនារវាងបណ្តាវិទ្យាស្ថានស្រាវជ្រាវ និងរង្វង់អ្នករៀបចំគោលនយោបាយ កាន់តែមានតួនាទីសំខាន់នៅក្នុងការកំណត់ទម្រង់បណ្តាសេចក្តីសម្រេចចិត្តយុទ្ធសាស្ត្រ ជាពិសេសនៅពេលដែលទំនាក់ទំនង វៀតណាម - ឥណ្ឌា ឈានចូលដំណាក់កាលអភិវឌ្ឍន៍ថ្មី។

តាមលោក ដំណើរទស្សនកិច្ចថ្នាក់រដ្ឋរបស់អគ្គលេខាធិការ និងជាប្រធានរដ្ឋ To Lam មកកាន់ ឥណ្ឌា កាលពីខែឧសភា និងការដែលប្រទេសទាំងពីរដំឡើងកម្រិតទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយបង្កើនកម្រិត បានឆ្លុះបញ្ចាំងពីកម្រិតទំនុកចិត្តយុទ្ធសាស្ត្រកាន់តែស៊ីជម្រៅ ព្រមទាំងបើកចេញនូវលំហកិច្ចសហប្រតិបត្តិការថ្មីៗជាច្រើន។

ឯកអគ្គរដ្ឋទូត N. J. Gangte បានវាយតម្លៃថាវៀតណាម និង ឥណ្ឌា មានចំណុចដូចគ្នាយ៉ាងច្រើនអំពីទិសដៅកិច្ចការបរទេស ដោយរួមគ្នាសំដៅទៅកាន់ការកសាងតំបន់ឥណ្ឌូ - ប៉ាស៊ីហ្វិក សេរី បើកចំហ បូករួម និងផ្អែកលើច្បាប់។

នាពេលខាងមុខ ប្រទេសទាំងពីរមានសក្តានុពលយ៉ាងច្រើនក្នុងការជំរុញកិច្ចសហប្រតិបត្តិការនៅក្នុងបណ្តាវិស័យបច្ចេកវិទ្យាឌីជីថល បញ្ញាសិប្បនិម្មិត (AI) បន្ទះឈីបពាក់កណ្តាលចម្លង រ៉ែខនិជសំខាន់ៗ សន្តិសុខបណ្តាញ និងខ្សែសង្វាក់ផ្គត់ផ្គង់ ព្រមទាំងឆ្ពោះទៅកាន់គោលដៅលើកកម្ពស់ទំហំពាណិជ្ជកម្មទ្វេភាគីឱ្យឡើងដល់ ២៥ បីលានដុល្លារអាមេរិក នាឆ្នាំ ២០៣០។ បន្ថែមពីលើនោះ កិច្ចសហប្រតិបត្តិការការពារជាតិនៅតែបន្តជាសសរទ្រទ្រង់សំខាន់មួយ ខណៈពេលដែលការផ្លាស់ប្តូរប្រជាជន និងប្រជាជន ការអប់រំ សុខាភិបាល និងវប្បធម៌ នឹងបង្កើតបានជាគ្រឹះស្ថានសម្រាប់ការអភិវឌ្ឍប្រកបដោយចីរភាពនៃទំនាក់ទំនងទ្វេភាគី។

អនុប្រធានវិទ្យាស្ថានបណ្ឌិតសភាវិទ្យាសាស្ត្រសង្គម វៀតណាម Ta Minh Tuan បានវាយតម្លៃថា បន្ទាប់ពីការរៀបចំចំនួនប្រាំមួយលើក ការសន្ទនា VASS - ICWA បានក្លាយជាវេទិកាវិទ្យាសាស្ត្រ និងការសន្ទនាគោលនយោបាយសំខាន់ រួមចំណែកផ្គត់ផ្គង់នូវបណ្តាអំណះអំណាងវិទ្យាសាស្ត្រ បម្រើឱ្យការរៀបចំគោលនយោបាយ និងជំរុញទំនាក់ទំនង វៀតណាម - ឥណ្ឌា ឱ្យកាន់តែឈានចូលជម្រៅជាលំដាប់។

តាមលោក នៅក្នុងបរិបទនៃការប្រកួតប្រជែងយុទ្ធសាស្ត្ររវាងបណ្តាប្រទេសធំៗកើនឡើង រួមជាមួយការអភិវឌ្ឍយ៉ាងឆាប់រហ័សនៃបញ្ញាសិប្បនិម្មិត ការបំប្លែងឌីជីថល និងបណ្តាការប្រឈមសន្តិសុខមិនមែនប្រពៃណី ទំនាក់ទំនងដៃគូរវាងបណ្តាប្រទេសកំពុងផ្លាស់ប្តូរចេញពីគោលដៅកាត់បន្ថយហានិភ័យ ទៅជាការកសាងសមត្ថភាពទប់ទល់ផ្នែកយុទ្ធសាស្ត្រ។

ការដែល វៀតណាម និង ឥណ្ឌា ដំឡើងកម្រិតទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយបង្កើនកម្រិត នៅក្នុងឆ្នាំ ២០២៦ មិនត្រឹមតែជាបង្គោលចរការទូតប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការជួបជុំគ្នាកាន់តែស៊ីជម្រៅអំពីទស្សនវិស័យយុទ្ធសាស្ត្រ បំណងប្រាថ្នាអភិវឌ្ឍន៍ និងការប្តេជ្ញាចិត្តរួមគ្នាកសាងតំបន់ឥណ្ឌូ - ប៉ាស៊ីហ្វិក បើកចំហ បូករួម និងផ្អែកលើច្បាប់។

សង្កត់ធ្ងន់លើតួនាទីនៃបណ្តាវិទ្យាស្ថានស្រាវជ្រាវនៅក្នុងបរិបទថ្មី អនុប្រធាន VASS បានស្នើឡើងថា ស្ថាប័នទាំងពីរផ្លាស់ប្តូរចេញពីម៉ូដែលដោះដូរវិទ្យាសាស្ត្រប្រពៃណី ទៅជា “ការរួមគ្នាបង្កើតថ្មីនូវចំណេះដឹង” តាមរយៈបណ្តាកម្មវិធីស្រាវជ្រាវរួមគ្នា ការផ្លាស់ប្តូរអ្នកប្រាជ្ញ ការរួមគ្នាបោះពុម្ភផ្សាយស្នាដៃវិទ្យាសាស្ត្រ ការចែករំលែកទិន្នន័យស្រាវជ្រាវ និងការកសាងបណ្តាអនុសាសន៍គោលនយោបាយ បម្រើដោយផ្ទាល់ដល់ទំនាក់ទំនង វៀតណាម - ឥណ្ឌា។

ភារធារីស្តីទីនៃស្ថានទូតវៀតណាមប្រចាំនៅឥណ្ឌា លោក Tran Thanh Tung បានឱ្យដឹងថា ឆ្នាំ ២០២៦ កត់សម្គាល់ខួបលើកទី ១០ នៃការបង្កើតទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ វៀតណាម - ឥណ្ឌា ព្រមទាំងបើកចេញនូវដំណាក់កាលកិច្ចសហប្រតិបត្តិការថ្មី បន្ទាប់ពីដំណើរទស្សនកិច្ចថ្នាក់រដ្ឋរបស់អគ្គលេខាធិការ និងជាប្រធានរដ្ឋ To Lam និងការដែលប្រទេសទាំងពីរដំឡើងកម្រិតទំនាក់ទំនង។

តាមលោក បន្ទាប់ពីមួយទសវត្សរ៍ កិច្ចសហប្រតិបត្តិការរវាងប្រទេសទាំងពីរបានអភិវឌ្ឍយ៉ាងខ្លាំងក្លានៅលើគ្រប់សសរទ្រទ្រង់ ចាប់ពីនយោបាយ ការពារជាតិ - សន្តិសុខ រហូតដល់ពាណិជ្ជកម្ម ការវិនិយោគ វិទ្យាសាស្ត្រ - បច្ចេកវិទ្យា ការបំប្លែងឌីជីថល ការផ្លាស់ប្តូរថ្មីប្រឌិត និងការផ្លាស់ប្តូរប្រជាជន និងប្រជាជន។ ទំហំពាណិជ្ជកម្មទ្វេភាគីនាឆ្នាំ ២០២៥ សម្រេចបានជិត ១៦,៥ បីលានដុល្លារអាមេរិក។

ភារធារីស្តីទី Tran Thanh Tung ក៏បានស្នើឡើងឱ្យភាគីទាំងពីរបន្តបង្កើនការដោះដូរប្រតិភូថ្នាក់ខ្ពស់; ឆាប់ស្តារឡើងវិញនូវបណ្តាយន្តការកិច្ចសហប្រតិបត្តិការអំពីវិទ្យាសាស្ត្រ - បច្ចេកវិទ្យា និងពាណិជ្ជកម្ម; ជំរុញល្បឿននៃការពិនិត្យឡើងវិញនូវកិច្ចព្រមព្រៀងពាណិជ្ជកម្មទំនិញ អាស៊ាន - ឥណ្ឌា (AITIGA); ពង្រីកកិច្ចសហប្រតិបត្តិការវិនិយោគ ការផ្លាស់ប្តូរថ្មីប្រឌិត ការភ្ជាប់ទំនាក់ទំនងសហគ្រាស និងការភ្ជាប់ទំនាក់ទំនងអាកាសចរណ៍ សំដៅជំរុញពាណិជ្ជកម្ម ទេសចរណ៍ ការអប់រំ និងការផ្លាស់ប្តូរប្រជាជន និងប្រជាជន។

នៅក្នុងវគ្គពិភាក្សាចំនួនបួន បណ្តាអ្នកប្រាជ្ញ និងអ្នកជំនាញនៃប្រទេសទាំងពីរបានវាយតម្លៃពីលទ្ធផល ១០ ឆ្នាំនៃការលាតត្រដាងអនុវត្តទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ ព្រមទាំងដោះដូរអំពីបណ្តាទិសដៅកិច្ចសហប្រតិបត្តិការ នៅក្នុងបរិបទភូមិសាស្ត្រនយោបាយ និងសេដ្ឋកិច្ចពិភពលោកប្រែប្រួលយ៉ាងឆាប់រហ័ស។

បណ្តាប្រតិភូបានប្រមូលផ្តុំពិភាក្សាអំពីការប្រកួតប្រជែងយុទ្ធសាស្ត្រ តួនាទីនៃ អាស៊ាន កិច្ចសហប្រតិបត្តិការសារគមនាគមន៍ជលសារ សេដ្ឋកិច្ច ពាណិជ្ជកម្ម ការវិនិយោគ ការផ្លាស់ប្តូរថ្មីប្រឌិត ការបំប្លែងឌីជីថល ខ្សែសង្វាក់ផ្គត់ផ្គង់ និងការការពារជាតិ - សន្តិសុខ ព្រមទាំងសង្កត់ធ្ងន់ថា ការផ្លាស់ប្តូរប្រជាជន និងប្រជាជន ការអប់រំ វប្បធម៌ និងការស្រាវជ្រាវ នឹងបន្តជាគ្រឹះស្ថានយូរអង្វែង សម្រាប់ទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយបង្កើនកម្រិត វៀតណាម - ឥណ្ឌា៕

ដំណើរទស្សនកិច្ចរបស់អគ្គលេខាបក្ស និងជាប្រធានរដ្ឋ លោក To Lam នឹងបង្កើតនូវការទម្លាយភាពទាល់ច្រកថ្មីៗ ក្នុងទំនាក់ទំនងរបស់វៀតណាមជាមួយឥណ្ឌា និងស្រីលង្កា យុគសម័យ - លោកឯកអគ្គរដ្ឋទូត Ton Sinh Thanh អតីតឯកអគ្គរដ្ឋទូតវៀតណាមប្រចាំនៅឥណ្ឌា និងស្រីលង្កា បានរំពឹងទុកថា ដំណើរទស្សនកិច្ចរបស់អគ្គលេខាបក្ស និងជាប្រធានរដ្ឋ លោក To Lam នឹងក្លាយជាកម្លាំងចលករដ៏ខ្លាំងក្លា បង្កើតនូវការទម្លាយភាពទាល់ច្រកថ្មីៗ ក្នុងទំនាក់ទំនងរបស់វៀតណាមជាមួយឥណ្ឌា និងស្រីលង្កា។

វៀតណាម - ឥណ្ឌា ជំរុញសហប្រតិបត្តិការអភិវឌ្ឍន៍ប្រភពធនធានមនុស្ស វិទ្យាសាស្ត្រ បច្ចេកវិទ្យា នវានុវត្តន៍ និងបរិវត្តកម្មឌីជីថល យុគសម័យ - យោងតាមបេសកជនពិសេសរបស់ទីភ្នាក់ងារសារព័ត៌មានវៀតណាម ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋនៅសាធារណរដ្ឋឥណ្ឌា នារសៀលថ្ងៃទី ០៦ ខែឧសភា (ម៉ោងក្នុងតំបន់) នៅរដ្ឋធានីញូវដេលី ក្រសួងវិទ្យាសាស្ត្រ និងបច្ចេកវិទ្យាវៀតណាម បានសម្របសម្រួលជាមួយក្រសួងអេឡិចត្រូនិច និងបច្ចេកវិទ្យាព័ត៌មានឥណ្ឌា រៀបចំ “វេទិកានវានុវត្តន៍វៀតណាម - ឥណ្ឌា” ក្រោមប្រធានបទ៖ “សហប្រតិបត្តិការអភិវឌ្ឍន៍ប្រភពធនធានមនុស្ស វិទ្យាសាស្ត្រ បច្ចេកវិទ្យា នវានុវត្តន៍ និងបរិវត្តកម្មឌីជីថល”។ អគ្គលេខាបក្ស និងជាប្រធានរដ្ឋ លោក To Lam បានអញ្ជើញចូលរួម និងមានប្រសាសន៍ដឹកនាំនៅក្នុងវេទិកានេះ។

សុវណ្ណ

thoidai.com.vn