ស្វែងរកដំណោះស្រាយដោះស្រាយចំណុចស្ទះអភិវឌ្ឍន៍សេដ្ឋកិច្ច - សង្គម

សិក្ខាសាលាមានប្រធានបទ «បណ្តាដំណោះស្រាយដោះស្រាយចំណុចស្ទះអភិវឌ្ឍន៍សេដ្ឋកិច្ច - សង្គមវៀតណាម នៅក្នុងបណ្តាឆ្នាំខាងមុខ រួមចំណែកអនុវត្តបណ្តាគោលដៅ ដែលបានដាក់ចេញដោយមហាសន្និបាតលើកទី ១៤»។

កិច្ចពិភាក្សាត្រូវបានដឹកនាំដោយ លោកអគ្គរាជទូត Doan Xuan Hung អនុប្រធានក្រុមប្រឹក្សាសន្តិភាព និងអភិវឌ្ឍន៍វៀតណាម ព្រមទាំង លោកសាស្ត្រាចារ្យរង បណ្ឌិត Le Bo Linh ប្រធានវិទ្យាស្ថានសិក្សាស្រាវជ្រាវយុទ្ធសាស្ត្រសេដ្ឋកិច្ច។

សិក្ខាសាលា «បណ្តាដំណោះស្រាយដោះស្រាយចំណុចស្ទះអភិវឌ្ឍន៍សេដ្ឋកិច្ច - សង្គមវៀតណាម នៅក្នុងបណ្តាឆ្នាំខាងមុខ រួមចំណែកអនុវត្តបណ្តាគោលដៅ ដែលបានដាក់ចេញដោយមហាសន្និបាតលើកទី ១៤»។

កម្មវិធីនេះរួមមាន បទអន្តរាគមន៍ចំនួន ៣ ដែលចូលទៅជិតបញ្ហាពីបណ្តាជ្រុងជ្រោយនៃប្រព័ន្ធស្ថាប័ន ច្បាប់ ម៉ូដែលកំណើន និងសកម្មភាពនៃសហគមន៍សហគ្រាស។

បណ្ឌិត Nguyen Quoc Hoan ប្រធាននាយកដ្ឋានកសាងច្បាប់ នៃក្រសួងយុត្តិធម៌ បានឡើងធ្វើបទអន្តរាគមន៍ សម្គាល់ឃើញបណ្តាចំណុចស្ទះអំពីប្រព័ន្ធស្ថាប័ន ផ្លូវច្បាប់ ពីទីនោះស្នើឡើងបណ្តាដំណោះស្រាយដោះស្រាយ។

នៅក្នុងបទអន្តរាគមន៍ អំពីបណ្តាចំណុចស្ទះអភិវឌ្ឍន៍សេដ្ឋកិច្ច - សង្គម បណ្ឌិត Le Quoc Phuong នៃវិទ្យាស្ថានសិក្សាស្រាវជ្រាវយុទ្ធសាស្ត្រសេដ្ឋកិច្ច បានចាត់ទុកថា បណ្តាកម្លាំងរុញច្រានកំណើនរយៈពេលខ្លី កំពុងជួបការលំបាកក្នុងការបង្កើតជំហានទម្លុះទម្លាយ។

បណ្ឌិត Le Quoc Phuong នៃវិទ្យាស្ថានសិក្សាស្រាវជ្រាវយុទ្ធសាស្ត្រសេដ្ឋកិច្ច អញ្ជើញចែករំលែកនៅក្នុងសិក្ខាសាលា។

វិភាគលើវិស័យនំាចេញ លោកបានឱ្យដឹងថា ទំហំពាណិជ្ជកម្មនាំចេញរបស់ វៀតណាម ស្ថិតក្នុងកម្រិតខ្ពស់ ដោយឈរលំដាប់ថ្នាក់ទី ២០ លើពិភពលោក ប៉ុន្តែតម្លៃបន្ថែមនៅក្នុងទំនិញនាំចេញនៅមានកម្រិតទាបនៅឡើយ។ នៅក្នុងក្រុម ASEAN-6 វៀតណាម ឈរលំដាប់ថ្នាក់ទី ៥ ដោយគ្រាន់តែនៅលើ ប្រទេសឥណ្ឌូនេស៊ី ប៉ុណ្ណោះ អំពីអត្រាតម្លៃបន្ថែមនៅក្នុងការនាំចេញ។

បន្ថែមលើសពីនេះ កម្រិតនៃការពឹងផ្អែកលើការនាំចូលរបស់ វៀតណាម គឺខ្ពស់ជាងគេនៅក្នុងក្រុម ASEAN-6 ដោយសារទំនិញនាំចេញភាគច្រើនជាផលិតផលកែច្នៃ និងដំឡើង។ ម៉ូដែលកំណើននៃការនាំចេញខ្ពស់ ប៉ុន្តែតម្លៃបន្ថែមទាប ក៏បង្កប់នូវហានិភ័យជាច្រើន ចំពោះមុខការប្រែប្រួលពីខាងក្រៅ ដូចជាគោលនយោបាយគាំពារពាណិជ្ជកម្ម ការរំខានដល់ខ្សែច្រវាក់ផ្គត់ផ្គង់ វិបត្តិភូមិសាស្ត្រនយោបាយ គ្រោះមហន្តរាយធម្មជាតិ និងជំងឺរាតត្បាត។

ចេញពីស្ថានភាពជាក់ស្តែងខាងលើ បទអន្តរាគមន៍បានចង្អុលបង្ហាញនូវតម្រូវការ កសាងម៉ូដែលអភិវឌ្ឍន៍ថ្មី ដោយមានវិទ្យាសាស្ត្រ បច្ចេកវិទ្យា និងការច្នៃប្រឌិតថ្មី ដើរតួនាទីជាមជ្ឈមណ្ឌល; ការបំប្លែងឌីជីថល និងទិន្នន័យ ក្លាយជាហេដ្ឋារចនាសម្ព័ន្ធមូលដ្ឋាន។ នេះមិនត្រឹមតែជាដំណោះស្រាយសម្រាប់វិស័យមួយ ឬផ្នែកមួយដោយឡែកពីគ្នាប៉ុណ្ណោះទេ ប៉ុន្តែចាំបាច់ត្រូវដាក់នៅក្នុងទិដ្ឋភាពសរុប នៃដំណើរការផ្លាស់ប្តូរថ្មីម៉ូដែលកំណើន និងការលើកកម្ពស់សមត្ថភាពទប់ទល់នៃសេដ្ឋកិច្ច។

តាមបណ្ឌិត Le Quoc Phuong ចាំបាច់ត្រូវបង្កើតប្រព័ន្ធអេកូឡូស៊ីច្នៃប្រឌិតថ្មី ដែលមានការភ្ជាប់ទំនាក់ទំនង រវាងហេដ្ឋារចនាសម្ព័ន្ធ ហិរញ្ញវត្ថុ ទិន្នន័យ បទដ្ឋាន និងទីផ្សារ; ក្នុងនោះ សហគ្រាស វិទ្យាស្ថានស្រាវជ្រាវ និងសាកលវិទ្យាល័យ គឺជាបណ្តាប្រធានបទស្នូល។

បណ្តាប្រតិភូថតរូបអនុស្សាវរីយ៍។

តួនាទីរបស់រដ្ឋក៏ចាំបាច់ត្រូវតែពង្រីក តាមរយៈបណ្តាយន្តការចែករំលែកហានិភ័យជាមួយសហគ្រាស ដូចជាការជួយឧបត្ថម្ភដើមទុនបណ្តុះ ការវិនិយោគរួមគ្នារវាងវិស័យសាធារណៈ និងឯកជន ការគ្រប់គ្រងហានិភ័យនៅក្នុងការវិនិយោគសាធារណៈ និងការធានាហានិភ័យ។

ទិសដៅមួយទៀតដែលត្រូវបានដាក់ចេញ គឺការកសាងក្របខ័ណ្ឌផ្លូវច្បាប់ប្រកបដោយភាពស៊ីសង្វាក់គ្នា អំពីការគ្រប់គ្រងទិន្នន័យជាតិ ដែលគ្របដណ្តប់លើបណ្តាដំណាក់កាលប្រមូលផ្តុំ ធ្វើឱ្យមានបទដ្ឋាន ភ្ជាប់ទំនាក់ទំនង ចែករំលែក កំណត់តម្លៃ ទាញយកផល និងត្រួតពិនិត្យទិន្នន័យ។ អមដោយនោះ បញ្ញាសិប្បនិម្មិតចាំបាច់ត្រូវតែជំរុញការអនុវត្ត នៅក្នុងវិស័យឧស្សាហកម្ម កសិកម្ម ហិរញ្ញវត្ថុ អប់រំ សុខាភិបាល ភស្តុភារកម្ម ពាណិជ្ជកម្មអេឡិចត្រូនិក និងការគ្រប់គ្រងសាធារណៈ។

បទអន្តរាគមន៍ក៏បានលើកឡើងនូវតម្រូវការ បន្តកែលម្អបរិយាកាសអាជីវកម្ម បង្កលក្ខណៈងាយស្រួលអភិវឌ្ឍន៍សហគ្រាសវិទ្យាសាស្ត្រ - បច្ចេកវិទ្យា; ព្រមទាំងរចនាគោលនយោបាយហិរញ្ញវត្ថុសាធារណៈ តាមទិសដៅជ្រើសរើសវិស័យ និងផ្នែកស្រួចស្រាវមួយចំនួន ដែលមានសមត្ថភាពបង្កើតកម្លាំងផ្សព្វផ្សាយអំពីបច្ចេកវិទ្យា និងលើកកម្ពស់ទីតាំងរបស់ វៀតណាម នៅក្នុងខ្សែច្រវាក់តម្លៃសកល។

ចេញពីជ្រុងជ្រោយនៃសហគមន៍សហគ្រាស បណ្ឌិត Dau Anh Tuan អគ្គលេខាធិការរងនៃសហព័ន្ធពាណិជ្ជកម្ម និងឧស្សាហកម្មវៀតណាម (VCCI) បានឡើងធ្វើបទបង្ហាញ អំពីបណ្តាចំណុចស្ទះនៃប្រព័ន្ធស្ថាប័ន ផលប៉ះពាល់ចំពោះសកម្មភាពផលិតកម្ម អាជីវកម្ម និងបណ្តាដំណោះស្រាយដោះស្រាយ។

នៅក្នុងក្របខ័ណ្ឌនៃសិក្ខាសាលា បណ្តាប្រតិភូ និងអ្នកជំនាញ បានផ្លាស់ប្តូរ និងតស៊ូមតិ សំដៅធ្វើឱ្យច្បាស់នូវបណ្តាសំណើគោលនយោបាយ កំណត់បណ្តាដំណោះស្រាយដែលត្រូវផ្តល់អាទិភាព នៅក្នុងដំណាក់កាលខាងមុខ៕

ធ្វើជាម្ចាស់លើថាមពលនុយក្លេអ៊ែរ៖ ការកសាងប្រព័ន្ធអេកូឡូស៊ីសម្រាប់វិស័យបច្ចេកវិទ្យាយុទ្ធសាស្ត្រមួយ យុគសម័យ - អភិវឌ្ឍន៍ថាមពលនុយក្លេអ៊ែរមិនត្រឹមតែជាការសាងសង់រោងចក្រអគ្គិសនីមួយប៉ុណ្ណោះទេ ប៉ុន្តែគឺជាដំណើរការស្ថាបនាប្រព័ន្ធអេកូឡូស៊ីទាំងមូលរួមមានស្ថាប័ន បទប្បញ្ញត្តិគតិយុត្ត ប្រភពធនធានមនុស្ស មូលដ្ឋានស្រាវជ្រាវ សាកលវិទ្យាល័យនិងសហគ្រាសដែលមានសមត្ថភាពគ្រប់គ្រាន់ដើម្បីចូលរួមក្នុងខ្សែច្រវាក់តម្លៃ។ ជាមួយនិងវៀតណាម គោលដៅឆ្ពោះទៅរកមិនត្រឹមតែជាការដាក់ឱ្យដំណើរការប្រតិបត្តិការបណ្តាតូភូថាមពលនុយក្លេអ៊ែរដំបូងបង្អស់ប៉ុណ្ណោះទេ ប៉ុន្តែថែមទាំងបង្កើតឱ្យមានវិស័យឧស្សាហកម្មបច្ចេកវិទ្យាខ្ពស់ពីមួយជំហានទៅមួយជំហាន ព្រមទាំងលើកកម្ពស់សមត្ថភាពវិទ្យាសាស្ត្រនិងបច្ចេកវិទ្យាជាតិទៀតផង។

កសាងមូលដ្ឋានទិន្នន័យសម្រាប់ប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិត៖ ថ្នាលសេដ្ឋកិច្ចទិន្នន័យ យុគសម័យ - ចេញពីតម្រូវការកសាងប្រព័ន្ធទិន្នន័យ «ត្រឹមត្រូវ គ្រប់គ្រាន់ ស្អាតស្អំ រស់រវើក» សម្រាប់ប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិត បណ្តាអ្នកជំនាញបានស្នើឱ្យអភិវឌ្ឍន៍គំរូសេដ្ឋកិច្ចទិន្នន័យ ដោយបង្កើតយន្តការដើម្បីឱ្យទិន្នន័យត្រូវបានតភ្ជាប់ ទាញយកប្រយោជន៍ និងប្រែក្លាយទៅជាតម្លៃសេដ្ឋកិច្ច បម្រើឱ្យការផ្លាស់ប្តូរថ្មីច្នៃប្រឌិត និងកំណើនចីរភាព។

សុវណ្ណ

thoidai.com.vn