កសាងមូលដ្ឋានទិន្នន័យសម្រាប់ប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិត៖ ថ្នាលសេដ្ឋកិច្ចទិន្នន័យ

នាយកដ្ឋានបង្កើតអាជីវកម្មថ្មី និងអាជីវកម្មបច្ចេកវិទ្យា នៃក្រសួងវិទ្យាសាស្ត្រ និងបច្ចេកវិទ្យា បានរៀបចំសិក្ខាសាលា «កសាងមូលដ្ឋានទិន្នន័យភ្ជាប់ជាមួយបណ្តាសន្ទស្សន៍វាស់ស្ទង់ប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិតថ្នាក់មូលដ្ឋាន» សំដៅជំរុញការបង្កើតជាប្រព័ន្ធទិន្នន័យស៊ីសង្វាក់គ្នា បម្រើឱ្យការវាយតម្លៃ និងអភិវឌ្ឍន៍ប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិត នៅលើវិសាលភាពប្រទេសទាំងមូល។

នៅក្នុងបរិបទដែល វៀតណាម ដាក់គោលដៅប្រែក្លាយទៅជាមជ្ឈមណ្ឌលផ្លាស់ប្តូរថ្មីច្នៃប្រឌិតនៃតំបន់អាស៊ីអាគ្នេយ៍ ការកសាងប្រព័ន្ធទិន្នន័យមួយឱ្យបានគ្រប់គ្រាន់ បច្ចុប្បន្នភាព និងមានសមត្ថភាពទាញយកប្រយោជន៍យ៉ាងមានប្រសិទ្ធភាព ត្រូវបានចាត់ទុកថាជាតម្រូវការបន្ទាន់មួយ។

តាមបណ្តាអ្នកជំនាញ នៅឯបណ្តាប្រទេសជាច្រើនដែលមានប្រព័ន្ធអេកូឡូស៊ីបង្កើតអាជីវកម្មថ្មីអភិវឌ្ឍន៍ ដូចជា អាមេរិក អ៊ីស្រាអែល ឬ សិង្ហបុរី បណ្តារាយការណ៍តាមកាលកំណត់ និងមូលដ្ឋានទិន្នន័យដែលត្រូវបានរក្សាទុកជាប្រចាំ បានក្លាយជាឧបករណ៍យ៉ាងសំខាន់ ជួយឱ្យស្ថាប័នគ្រប់គ្រងវាយតម្លៃប្រាកដនិយម កែសម្រួលគោលនយោបាយ និងទាក់ទាញការវិនិយោគ។ ក្នុងពេលជាមួយគ្នានោះ វៀតណាម នៅតែប្រឈមមុខនឹងស្ថានភាពកង្វះខាតទិន្នន័យបច្ចុប្បន្នភាព អំពីប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិត អាជីវកម្មបច្ចេកវិទ្យា និងបណ្តាអង្គការជួយឧបត្ថម្ភការផ្លាស់ប្តូរថ្មីច្នៃប្រឌិត។

សិក្ខាសាលា «កសាងមូលដ្ឋានទិន្នន័យភ្ជាប់ជាមួយបណ្តាសន្ទស្សន៍វាស់ស្ទង់ប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិតថ្នាក់មូលដ្ឋាន»។

តាមរបាយការណ៍ Global Startup Ecosystem Index 2025 របស់ Startup Blink វៀតណាម ឈរនៅចំណាត់ថ្នាក់ទី ៥០ លើពិភពលោក អំពីប្រព័ន្ធអេកូឡូស៊ីបង្កើតអាជីវកម្មថ្មី។ ទីតាំងនេះបានបង្ហាញថា លំហទំនេរនៃកំណើននៅមានទំហំធំណាស់ ព្រមជាមួយគ្នានោះ ដាក់ចេញនូវតម្រូវការត្រូវតែកសាងមូលដ្ឋានទិន្នន័យដែលមានខ្នាតធំ ដើម្បីតាមដាន វាយតម្លៃ និងជំរុញការអភិវឌ្ឍន៍នៃប្រព័ន្ធអេកូឡូស៊ី។ ប្រព័ន្ធទិន្នន័យមួយដ៏ល្អឥតខ្ចោះ មិនត្រឹមតែផ្គត់ផ្គង់នូវរូបភាពទូទៅតាមពេលវេលាជាក់ស្តែងប៉ុណ្ណោះទេ ប៉ុន្តែថែមទាំងជាមូលដ្ឋាន យ៉ាងសំខាន់ ដើម្បីវាយតម្លៃប្រសិទ្ធភាពនៃបណ្តាគោលនយោបាយជួយឧបត្ថម្ភរបស់រដ្ឋ។

នៅក្នុងអង្គសិក្ខាសាលា បណ្តាមតិបានផ្តោតសំខាន់លើការពិភាក្សា អំពីដំណើរការបង្កើត ប្រតិបត្តិការ និងទាញយកប្រយោជន៍ពីមូលដ្ឋានទិន្នន័យប្រព័ន្ធអេកូឡូស៊ីបង្កើតអាជីវកម្មថ្មីផ្លាស់ប្តូរថ្មីច្នៃប្រឌិត តាមទិសដៅ «ត្រឹមត្រូវ គ្រប់គ្រាន់ ស្អាតស្អំ រស់រវើក ឯកភាព ប្រើប្រាស់រួម»។

ខ្លឹមសារសំខាន់មួយ ក្នុងចំណោមបណ្តាខ្លឹមសារសំខាន់ៗ ដែលត្រូវបានណែនាំនៅក្នុងអង្គសិក្ខាសាលា គឺបណ្តាសន្ទស្សន៍វាស់ស្ទង់ប្រព័ន្ធអេកូឡូស៊ីបង្កើតអាជីវកម្មថ្មីថ្នាក់មូលដ្ឋាន PEEI។ បណ្តាសន្ទស្សន៍នេះ ត្រូវបានកសាងឡើងនៅលើគ្រឹះស្ថានយោងតាមបណ្តាគំរូអន្តរជាតិ ប៉ុន្តែត្រូវបានកែសម្រួលដើម្បីឱ្យសមស្រប ជាមួយលក្ខខណ្ឌប្រាកដនិយមនៃ វៀតណាម។ PEEI រួមមាន ៥០ សន្ទស្សន៍ ស្ថិតនៅក្នុង ៨ សសរទ្រូង ដែលឆ្លុះបញ្ចាំងយ៉ាងគ្រប់ជ្រុងជ្រោយនូវបណ្តាកត្តាចាប់ពីស្ថាប័ន ប្រភពទុន ហេដ្ឋារចនាសម្ព័ន្ធជួយឧបត្ថម្ភ រហូតដល់សេវាកម្ម ការតភ្ជាប់ ទីផ្សារ និងលទ្ធផលនៃការបង្កើតអាជីវកម្មថ្មី។ បណ្តាសន្ទស្សន៍ត្រូវបានផ្តល់ពិន្ទុតាមថ្នាក់ពិន្ទុ ១០០ ជាមួយនឹងទម្ងន់ស្មើៗគ្នា សំដៅធានាលក្ខណៈតុល្យភាពក្នុងការវាយតម្លៃ।

តាមបណ្តាវាគ្មិន PEEI មិនត្រឹមតែជួយឱ្យបណ្តាមូលដ្ឋានស្វ័យវាយតម្លៃសមត្ថភាពប្រព័ន្ធអេកូឡូស៊ីបង្កើតអាជីវកម្មថ្មីរបស់ខ្លួនប៉ុណ្ណោះទេ ប៉ុន្តែថែមទាំងបង្កើតលក្ខខណ្ឌ ដើម្បីប្រៀបធៀប រៀនសូត្របទពិសោធន៍ និងជំរុញការប្រកួតប្រជែងប្រកបដោយសុខភាពល្អ ក្នុងការទាក់ទាញប្រភពធនធានអភិវឌ្ឍន៍។ ព្រមជាមួយគ្នានោះ បណ្តាសន្ទស្សន៍ក៏រួមចំណែកបង្កើនការតភ្ជាប់តំបន់ នៅពេលដែលបណ្តាមូលដ្ឋានអាចទទួលស្គាល់នូវបណ្តាចំណុចដូចគ្នា និងខុសគ្នា ដើម្បីពង្រីកកិច្ចសហប្រតិបត្តិការ។

ទោះជាយ៉ាងណាក៏ដោយ បញ្ហាប្រឈមធំបំផុតនាពេលបច្ចុប្បន្ន នៅតែជាប្រភពទិន្នន័យបញ្ចូល។ ទោះបីជាផ្នែកមួយនៃទិន្នន័យ អាចត្រូវ បានទាញយកប្រយោជន៍ពីបណ្តាប្រព័ន្ធស្ថិតិដែលមានស្រាប់ក៏ដោយ ប៉ុន្តែព័ត៌មានយ៉ាងសំខាន់ជាច្រើន ដូចជា ចរន្តទុនវិនិយោគ ចំនួនពាណិជ្ជកម្ម ឬការទទួលដឹងរបស់អាជីវកម្មបង្កើតអាជីវកម្មថ្មី នៅតែមិនទាន់បានប្រមូលផ្តុំយ៉ាងគ្រប់គ្រាន់នៅឡើយ។ ហេតុដូច្នេះហើយ ការធ្វើបទដ្ឋានជានីយកម្មប្រភពទិន្នន័យ ការបន្ថែមបណ្តាសន្ទស្សន៍អំពីការផ្លាស់ប្តូរថ្មីបច្ចេកវិទ្យា និងការលើកកម្ពស់សមត្ថភាពវិភាគទិន្នន័យនៅថ្នាក់មូលដ្ឋាន ត្រូវបានចាត់ទុកថាជាលក្ខខណ្ឌវិនិច្ឆ័យ ដើម្បីឱ្យបណ្តាឧបករណ៍វាយតម្លៃពង្រីកបាននូវប្រសិទ្ធភាព។

សេដ្ឋកិច្ចទិន្នន័យ - ទិសដៅដើម្បីឱ្យទិន្នន័យស្វ័យធ្វើឱ្យសម្បូរបែប និងបង្កើតតម្លៃ

គួរឱ្យកត់សម្គាល់ អង្គសិក្ខាសាលាបានជម្រុញចេញនូវវិធីចូលទៅជិតថ្មី នៅពេលដែលភ្ជាប់ការកសាងមូលដ្ឋានទិន្នន័យប្រព័ន្ធអេកូឡូស៊ីបង្កើតអាជីវកម្មថ្មី ជាមួយការអភិវឌ្ឍន៍សេដ្ឋកិច្ចទិន្នន័យ (Data Economy)។ តាមនោះ ទិន្នន័យត្រូវបានចាត់ទុកថាជាប្រភេទទ្រព្យសកម្មសេដ្ឋកិច្ចមួយ និងជាកត្តាបញ្ចូលស្នូលនៃដំណើរការផលិតកម្ម នៅក្នុងយុគសម័យឌីជីថល។ ទិន្នន័យមិនត្រឹមតែត្រូវបានប្រមូលផ្តុំ រក្សាទុក និងវិភាគប៉ុណ្ណោះទេ ប៉ុន្តែថែមទាំងអាចត្រូវបានទាញយកប្រយោជន៍ ធ្វើពាណិជ្ជកម្មកម្ម ដើម្បីបង្កើតជាតម្លៃសេដ្ឋកិច្ចថ្មី។

បណ្តាអ្នកជំនាញបានសង្កត់ធ្ងន់លើតួនាទីនៃគំរូ «ធនាគារទិន្នន័យ» Data Bank នៅក្នុងខ្សែសង្វាក់តម្លៃសេដ្ឋកិច្ចទិន្នន័យ។ នេះនឹងជាកន្លែងតភ្ជាប់បណ្តាប្រភពទិន្នន័យ ជួយឧបត្ថម្ភដំណើរការប្រែក្លាយទិន្នន័យឱ្យទៅជាព័ត៌មានមានតម្លៃពាណិជ្ជកម្ម តាមរយៈបណ្តាបច្ចេកវិទ្យាឌីជីថល និងប្រាជ្ញាសិប្បនិម្មិត ពីនោះបង្កើតជាវដ្តវិលជុំជាបន្តបន្ទាប់ ជួយឱ្យមូលដ្ឋានទិន្នន័យត្រូវបានធ្វើឱ្យសម្បូរបែប និងអភិវឌ្ឍន៍ចីរភាព។

តុជុំពិភាក្សា «មហាវិថីឌីជីថល - ហេដ្ឋារចនាសម្ព័ន្ធសម្រាប់សេដ្ឋកិច្ចទិន្នន័យ និងតួនាទីនៃប្រព័ន្ធអាជីវកម្មបច្ចេកវិទ្យា» នៅក្នុងក្របខ័ណ្ឌនៃអង្គសិក្ខាសាលា។

ខ្លឹមសារមួយទៀតដែលទទួលបានការយកចិត្តទុកដាក់យ៉ាងច្រើន គឺសេចក្តីស្នើកសាងបណ្តាញ Tech Station - បណ្តាសមុច្ច័យផ្លាស់ប្តូរថ្មីច្នៃប្រឌិត បង្កើតអាជីវកម្មថ្មី និងជួយឧបត្ថម្ភបច្ចេកវិទ្យានៅថ្នាក់សង្កាត់ ឃុំ។ តាមបណ្តាវាគ្មិន នេះនឹងជា «ចំណុចប៉ះ» ដោយផ្ទាល់ រវាងវិទ្យាសាស្ត្របច្ចេកវិទ្យា ជាមួយប្រជាជន និងអាជីវកម្ម ជួយប្រែក្លាយបណ្តាមគ្គទេសក៍ធំៗ អំពីការផ្លាស់ប្តូរថ្មីច្នៃប្រឌិត និងការបំប្លែងឌីជីថល ឱ្យទៅជាបណ្តាដំណោះស្រាយជាក់ស្តែង បម្រើឱ្យការផលិតកម្ម អាជីវកម្ម និងជីវភាពរស់នៅ។

គំរូ Tech Station ត្រូវបានកសាងនៅលើគ្រឹះស្ថានទ្រឹស្តីកំណើនផ្ទៃក្នុង ដោយយកមនុស្ស ចំណេះដឹង និងការផ្លាស់ប្តូរថ្មីច្នៃប្រឌិត ធ្វើជាកម្លាំងចលករអភិវឌ្ឍន៍។ សសរទ្រូងសំខាន់ៗចំនួនបី រួមមាន៖ ការអភិវឌ្ឍន៍ប្រភពធនធានមនុស្សនៅនឹងកន្លែង, ការជំរុញការអនុវត្តបច្ចេកវិទ្យា និងការបង្កើនសមត្ថភាពស្រូបយក ផ្សព្វផ្សាយចំណេះដឹង។ តាមរយៈនោះ បណ្តាមូលដ្ឋានអាចឈានទៅរកការបំប្លែងគំរូកំណើនបន្តិចម្តងៗ ពីជម្រៅទទឹងទៅជាជម្រៅជ្រៅ លើកកម្ពស់ទិន្នផល និងកម្លាំងប្រកួតប្រជែង។

តាមបណ្តាអ្នកជំនាញ នៅក្នុងបរិបទដែលអាជីវកម្មកម្រិតតូច និងមធ្យម សហករណី គ្រួសារអាជីវកម្ម និងបណ្តាក្រុមបង្កើតអាជីវកម្មថ្មី កាន់តែមានតម្រូវការអនុវត្តបច្ចេកវិទ្យា និងការបំប្លែងឌីជីថល ប៉ុន្តែនៅមានកម្រិតអំពីប្រភពធនធាន នោះការបង្កើតបណ្តា Tech Station នៅឯមូលដ្ឋាន គឺជាដំណោះស្រាយចាំបាច់មួយ។ មិនត្រឹមតែជាកន្លែងជួយឧបត្ថម្ភបច្ចេកទេសប៉ុណ្ណោះទេ បណ្តាស្ថានីយបច្ចេកវិទ្យានេះ នៅតែដើរតួនាទីជាហេដ្ឋារចនាសម្ព័ន្ធទន់នៃកំណើន រួមចំណែកតភ្ជាប់ចំណេះដឹង បច្ចេកវិទ្យា និងគោលនយោបាយ ជាមួយប្រាកដនិយមនៃការអភិវឌ្ឍន៍សេដ្ឋកិច្ច - សង្គម នៅឯមូលដ្ឋាន៕

សមាគមប្រជាជនវៀតណាមនៅ Jeonnam - Gwangju (កូរ៉េខាងត្បូង) អបអរសាទរខួប ១៥ ឆ្នាំនៃការបង្កើត យុគសម័យ - កាលពីថ្ងៃទី ១៤ ខែមិថុនា នៅសាល Hosim ទីក្រុង Gwangju សមាគមប្រជាជនវៀតណាមនៅ Jeonnam - Gwangju បានរៀបចំប្រកបដោយជោគជ័យនូវជួរព្រឹត្តិការណ៍គន្លឹះប្រចាំឆ្នាំ ២០២៦ រួមមាន ពិធីអបអរសាទរខួប ១៥ ឆ្នាំនៃការបង្កើតសមាគមប្រជាជនវៀតណាមនៅ Jeonnam - Gwangju (២០១១-២០២៦) និងវគ្គផ្តាច់ព្រ័ត្រនៃការប្រកួតកំពូលតារាមូដែលកុមារសកលនៅកូរ៉េខាងត្បូងឆ្នាំ ២០២៦។

សន្និសីទវីអិនអិនអាយស៊ី អ៊ីនធឺណិត ឆ្នាំ ២០២៦៖ ជម្រុញការដាក់ឱ្យប្រើប្រាស់ IPv6-Only បង្កើតកម្លាំងចលករអភិវឌ្ឍន៍ហេដ្ឋារចនាសម្ព័ន្ធឌីជីថលជាតិ យុគសម័យ - នាថ្ងៃទី ១៩ ខែមិថុនា នៅទីក្រុងហូជីមិញ មជ្ឈមណ្ឌលអ៊ីនធឺណិតវៀតណាម (VNNIC - ស្ថិតក្រោមក្រសួងវិទ្យាសាស្ត្រនិងបច្ចេកវិទ្យា) បានរៀបចំសន្និសីទ VNNIC Internet Conference 2026 ក្រោមប្រធានបទ “ការដាក់ឱ្យប្រើប្រាស់ IPv6-Only – កម្លាំងចលករអភិវឌ្ឍន៍ហេដ្ឋារចនាសម្ព័ន្ធឌីជីថលជាតិ”។

សុវណ្ណ