បញ្ចេញឱ្យអស់ពីសមត្ថភាពនូវប្រភពធនធានអាណិកជនវៀតណាមនៅអឺរ៉ុបសម្រាប់ការអភិវឌ្ឍប្រទេសជាតិ

អគ្គលេខាបក្ស និងជាប្រធានរដ្ឋ To Lam បានមានប្រសាសន៍សំណេះសំណាលយ៉ាងស្និទ្ធស្នាលជាមួយកម្មាភិបាល បុគ្គលិកនៃស្ថានទូតវៀតណាមប្រចាំប្រទេសប៊ែលហ្ស៊ិក និងតំណាងសហគមន៍អាណិកជនវៀតណាមនៅអឺរ៉ុប។

ជំនួបនេះបានប្រព្រឹត្តទៅក្នុងក្របខ័ណ្ឌនៃដំណើរទស្សនកិច្ចជាផ្លូវការនៅសហភាពអឺរ៉ុប និងព្រះរាជាណាចក្រប៊ែលហ្ស៊ិក។

នៅក្នុងជំនួបនេះ ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសវៀតណាមប្រចាំប្រទេសប៊ែលហ្ស៊ិក និងជាប្រធានបេសកកម្មតំណាងវៀតណាមប្រចាំសហភាពអឺរ៉ុប Nguyen Huong Tra បានឱ្យដឹងថា បច្ចុប្បន្នអឺរ៉ុបមានជនជាតិវៀតណាមប្រមាណ ១,៥ លាននាក់។

នេះជាសហគមន៍ជនជាតិវៀតណាមនៅឯបរទេសមួយក្នុងចំណោមសហគមន៍ដែលមានចលនាសកម្មភាពយូរអង្វែង ផ្សារភ្ជាប់ជាមួយមាតុភូមិ ប្រទេសជាតិ។ សហគមន៍កាន់តែមានជីវភាពរស់នៅប្រកបដោយស្ថិរភាព ធ្វើសមាហរណកម្មបានល្អ សាមគ្គីភាព ជួយឧបត្ថម្ភគ្នាទៅវិញទៅមក និងបោះជំហានលើកកម្ពស់ឋានៈ សំឡេងនៅក្នុងសង្គមនៃប្រទេសសាមី។

ការកកើត និងការអភិវឌ្ឍនៃបណ្តាសមាគមជនជាតិវៀតណាមនៅអឺរ៉ុប ដែលលេចធ្លោជាងគេគឺសហភាពសមាគមជនជាតិវៀតណាមនៅអឺរ៉ុប បានបង្កើតបន្ថែមនូវកម្លាំងរស់រវើកសម្រាប់បណ្តាសកម្មភាពសហគមន៍។

តាមរយៈបណ្តាសមាគម និងអង្គការមហាជន បងប្អូនអាណិកជនបានចូលរួមចំណែកយ៉ាងសកម្មចំពោះមាតុភូមិ ប្រទេសជាតិ ថែរក្សាភាសាវៀតណាម ផ្សព្វផ្សាយនូវតម្លៃវប្បធម៌ប្រពៃណី និងបញ្ចេញឱ្យអស់ពីសមត្ថភាពនូវតួនាទីជាស្ពានតភ្ជាប់មិត្តភាពរវាងវៀតណាមជាមួយបណ្តាប្រទេសនៅអឺរ៉ុប។

តាមឯកអគ្គរដ្ឋទូត Nguyen Huong Tra បណ្តាស្ថាប័នតំណាងវៀតណាម ក្នុងនោះមានស្ថានទូតវៀតណាមប្រចាំប្រទេសប៊ែលហ្ស៊ិក បានកំណត់ថាការងារជនជាតិវៀតណាមនៅឯបរទេស គឺជាភារកិច្ចស្នូលមួយ ដើរទន្ទឹមគ្នានឹងបណ្តាភារកិច្ចនយោបាយកិច្ចការបរទេស។

ស្ថាប័នតំណាងតែងតែរួមដំណើរ ជួយឧបត្ថម្ភបណ្តាសមាគម ពង្រីកបណ្តាញតភ្ជាប់ ដោយសំដៅឆ្ពោះទៅរកការក្លាយជា «ផ្ទះរួមវៀតណាម» ដើម្បីឱ្យសហគមន៍អាចស្វែងរកមកដល់នៅពេលត្រូវការ។

តភ្ជាប់ចំណេះដឹង បច្ចេកវិទ្យា និងប្រភពធនធានអាណិកជន

តំណាងសហគមន៍ជនជាតិវៀតណាមនៅអឺរ៉ុបបានអះអាងថា ជំនួបនេះគឺជាប្រភពកម្លាំងចិត្តដើម្បីឱ្យបងប្អូនអាណិកជនបន្តកសាងសហគមន៍ប្រកបដោយសាមគ្គីភាព រឹងមាំ បញ្ចេញឱ្យអស់ពីសមត្ថភាពនូវតួនាទីជាស្ពានតភ្ជាប់មិត្តភាព និងកិច្ចសហប្រតិបត្តិការរវាងវៀតណាមជាមួយអឺរ៉ុប។

បណ្តាមតិយោបល់នៅក្នុងជំនួបបានឱ្យដឹងថា សហគមន៍ជនជាតិវៀតណាមនៅអឺរ៉ុបកាន់តែធ្វើសមាហរណកម្មយ៉ាងស៊ីជម្រៅ រួមចំណែកយ៉ាងសកម្មចំពោះសង្គមនៃប្រទេសសាមី ប៉ុន្តែនៅតែថែរក្សាអត្តសញ្ញាណវប្បធម៌ ផ្សារភ្ជាប់ជាមួយមាតុភូមិ និងយកចិត្តទុកដាក់បំប៉នសេចក្តីស្រឡាញ់ប្រទេសជាតិចំពោះយុវជនជំនាន់ក្រោយដែលកើតនៅឯបរទេស។

បងប្អូនអាណិកជនមានបំណងប្រាថ្នាចង់រួមចំណែកជាក់ស្តែងជាងមុនសម្រាប់ការអភិវឌ្ឍប្រទេសជាតិ ជាពិសេសតាមរយៈប្រភពធនធានបញ្ញវន្ត អ្នកជំនាញការ និងសហគ្រិន ពង្រឹងការតភ្ជាប់ចំណេះដឹង បច្ចេកវិទ្យា ប្រភពទុន និងបណ្តាញអន្តរជាតិ ជាមួយនឹងបណ្តាកម្មវិធី គម្រោងជាក់ស្តែងនៅក្នុងប្រទេស។

ថ្លែងនៅក្នុងជំនួប អគ្គលេខាបក្ស និងជាប្រធានរដ្ឋ To Lam បានអះអាងថា សហគមន៍ជនជាតិវៀតណាមនៅឯបរទេសជារួម និងនៅអឺរ៉ុបដោយឡែក តែងតែផ្សារភ្ជាប់ជាមួយដំណាក់កាលអភិវឌ្ឍន៍នានារបស់ប្រទេសជាតិ។

បងប្អូនអាណិកជនបានខិតខំប្រឹងប្រែងកសាងជីវភាពរស់នៅប្រកបដោយស្ថិរភាព ធ្វើសមាហរណកម្ម ស្របពេលជាមួយគ្នានេះ ថែរក្សាអត្តសញ្ញាណវៀតណាម។ ឋានៈ និងកិត្យានុភាពរបស់សហគមន៍កាន់តែត្រូវបានលើកកម្ពស់ មនុស្សជាច្រើនទទួលបានជោគជ័យ និងបន្សល់ទុកនូវស្នាដៃក្នុងវិស័យធុរកិច្ច វិទ្យាសាស្ត្រ បច្ចេកវិទ្យា អប់រំ សុខាភិបាល វប្បធម៌ និងសិល្បៈ។

អគ្គលេខាបក្ស និងជាប្រធានរដ្ឋបានទទួលស្គាល់ និងវាយតម្លៃខ្ពស់ចំពោះតួនាទីរបស់បណ្តាសមាគមជនជាតិវៀតណាមនៅអឺរ៉ុប ជាពិសេសគឺសហភាពសមាគមជនជាតិវៀតណាមនៅអឺរ៉ុប ក្នុងការរៀបចំបណ្តាសកម្មភាពសម្រាប់សហគមន៍ ពង្រឹងឋានៈរបស់ជនជាតិវៀតណាមនៅប្រទេសសាមី និងតម្រង់ទិសឆ្ពោះទៅរកមាតុភូមិ។

តាមអគ្គលេខាបក្ស និងជាប្រធានរដ្ឋ អឺរ៉ុបបច្ចុប្បន្នជាទីកន្លែងតែមួយគត់នៅលើពិភពលោកដែលមានការចាត់តាំងសមាគមជនជាតិវៀតណាមនៅកម្រិតតំបន់។ នេះជាមូលដ្ឋានដើម្បីឱ្យសហគមន៍បន្តធ្វើសមាហរណកម្ម អភិវឌ្ឍ ស្របពេលជាមួយគ្នានេះ រួមចំណែកក្នុងការពង្រឹងទំនាក់ទំនងមិត្តភាពរវាងវៀតណាមជាមួយបណ្តាប្រទេសនៅអឺរ៉ុប។

ក្នុងបរិបទដែលប្រទេសជាតិឈានចូលដំណាក់កាលអភិវឌ្ឍន៍ថ្មី បក្ស និងរដ្ឋកំពុងប្រមូលផ្តុំប្រភពធនធានដើម្បីបង្កើតនូវកម្លាំងចលករអភិវឌ្ឍន៍ថ្មីៗ សំដៅឆ្ពោះទៅរកបណ្តាគោលដៅឆ្នាំ ២០៣០ និងឆ្នាំ ២០៤៥។

អគ្គលេខាបក្ស និងជាប្រធានរដ្ឋបានសង្កត់ធ្ងន់ថា ចាំបាច់ត្រូវរួមបញ្ចូលគ្នានូវកម្លាំងផ្ទៃក្នុង ជាមួយនឹងប្រភពធនធានអន្តរជាតិ បញ្ចេញឱ្យអស់ពីសមត្ថភាពនូវកម្លាំងមហាសាមគ្គីទូទាំងជនជាតិ រួមមានបងប្អូនជនរួមជាតិជាង ១០០ លាននាក់នៅក្នុងប្រទេស និងជនជាតិវៀតណាមចំនួន ៦,៥ លាននាក់ដែលកំពុងរស់នៅ សិក្សារៀនសូត្រ និងបំពេញការងារនៅឯបរទេស។

បង្កើតលក្ខខណ្ឌដើម្បីឱ្យអាណិកជនរួមដំណើរ និងរួមគ្នាកសាង

អគ្គលេខាបក្ស និងជាប្រធានរដ្ឋបានវាយតម្លៃខ្ពស់ចំពោះគំនិតផ្តួចផ្តើមរៀបចំសន្និសីទជនជាតិវៀតណាមនៅឯបរទេសទូទាំងពិភពលោកលើកទី ៥ ដែលគ្រោងនឹងប្រព្រឹត្តទៅចាប់ពីថ្ងៃទី ១៧ ដល់ថ្ងៃទី ២០ ខែធ្នូ ឆ្នាំ ២០២៦ នៅទីក្រុងហាណូយ។

ព្រឹត្តិការណ៍នេះត្រូវបានកំណត់ថាជាឱកាសដើម្បីប្រមូលផ្តុំ និងតភ្ជាប់ជនជាតិវៀតណាមនៅឯបរទេសនៅទូទាំងពិភពលោក។ បណ្តាស្ថាប័នតំណាងត្រូវបានស្នើឱ្យសម្របសម្រួលយ៉ាងជិតស្និទ្ធជាមួយគណៈកម្មាធិការរដ្ឋទទួលបន្ទុកជនជាតិវៀតណាមនៅឯបរទេស បង្កើតលក្ខខណ្ឌឱ្យបងប្អូនអាណិកជនបានវិលត្រឡប់មកចូលរួម។

អគ្គលេខាបក្ស និងជាប្រធានរដ្ឋក៏បានឱ្យដឹងផងដែរថា ការិយាល័យនយោបាយទើបតែបានចេញសេចក្តីសម្រេចចិត្តលេខ 23-NQ/TW ស្តីពីការងារជនជាតិវៀតណាមនៅឯបរទេស។

តាមនោះ បក្ស និងរដ្ឋនឹងបន្តសុក្រឹតស្ថាប័ន យន្តការ និងគោលនយោបាយតាមទិសដៅប្រទាក់ក្រឡា បើកចំហ បង្កើតលក្ខខណ្ឌដើម្បីឱ្យជនជាតិវៀតណាមនៅឯបរទេសចូលរួមកាន់តែស៊ីជម្រៅក្នុងជីវភាពសេដ្ឋកិច្ច-សង្គមនៅក្នុងប្រទេស បញ្ចេញឱ្យអស់ពីសមត្ថភាពនូវតួនាទីរួមដំណើរ និងរួមគ្នាកសាងក្នុងដំណើរការអភិវឌ្ឍប្រទេសជាតិ។

បណ្តាសមាគមជនជាតិវៀតណាម និងសហភាពសមាគមជនជាតិវៀតណាមនៅអឺរ៉ុប ត្រូវបានស្នើឱ្យបន្តបញ្ចេញឱ្យអស់ពីសមត្ថភាពនូវតួនាទីជាស្នូលនៃសាមគ្គីភាព លើកកម្ពស់ឋានៈ កិត្យានុភាពរបស់សហគមន៍នៅអឺរ៉ុប និងពង្រឹងតួនាទីជាស្ពានតភ្ជាប់មិត្តភាពរវាងវៀតណាមជាមួយបណ្តាប្រទេសក្នុងតំបន់។

ចំពោះសហគមន៍សហគ្រិន អគ្គលេខាបក្ស និងជាប្រធានរដ្ឋបានស្នើឱ្យជំរុញការនាំទំនិញវៀតណាមទៅកាន់ទីផ្សារអឺរ៉ុប ស្របពេលជាមួយគ្នានេះ តភ្ជាប់សហគ្រាសអឺរ៉ុបមកវិនិយោគនៅវៀតណាម។

បណ្តាអ្នកជំនាញការ បញ្ញវន្ត និងអ្នកវិទ្យាសាស្ត្រ ត្រូវបានរំពឹងទុកថានឹងពង្រឹងការស្រាវជ្រាវ អភិវឌ្ឍបច្ចេកវិទ្យាជឿនលឿន បច្ចេកវិទ្យាយុទ្ធសាស្ត្រ និងអនុវត្តបណ្តាកម្មវិធី គម្រោងសហប្រតិបត្តិការជាមួយក្នុងប្រទេស។ យុវជនជំនាន់ក្រោយបន្តធ្វើសមាហរណកម្ម អភិវឌ្ឍ ប៉ុន្តែស្របពេលជាមួយគ្នានេះ ត្រូវថែរក្សាអត្តសញ្ញាណវៀតណាម។

អគ្គលេខាបក្ស និងជាប្រធានរដ្ឋបានស្នើឱ្យបណ្តាក្រសួង ស្ថាប័ន និងមូលដ្ឋាន ម្ចាស់ការតភ្ជាប់ បង្កើតបរិស្ថានអំណោយផលដើម្បីឱ្យអាណិកជនចូលរួមវិនិយោគ ស្រាវជ្រាវ ផ្ទេរបច្ចេកវិទ្យា និងរួមចំណែកចំពោះប្រទេសជាតិ។

បណ្តាស្ថាប័នតំណាងវៀតណាមនៅឯបរទេស បន្តជាបង្អែកដ៏គួរឱ្យទុកចិត្តរបស់សហគមន៍ ការពារសិទ្ធិ និងផលប្រយោជន៍ស្របច្បាប់ ត្រឹមត្រូវរបស់បងប្អូនអាណិកជន ស្របពេលជាមួយគ្នានេះ ដើរតួជាស្ពានតភ្ជាប់ជាមួយក្នុងប្រទេស ជំរុញបណ្តាកម្មវិធី គម្រោងសហប្រតិបត្តិការជាក់ស្តែង និងមានប្រសិទ្ធផល។

តាមរយៈនោះ ប្រភពធនធានរបស់សហគមន៍ជនជាតិវៀតណាមនៅអឺរ៉ុប មិនត្រឹមតែត្រូវបានបញ្ចេញឱ្យអស់ពីសមត្ថភាពក្នុងការកសាងសហគមន៍រឹងមាំប៉ុណ្ណោះទេ ប៉ុន្តែថែមទាំងត្រូវបានតភ្ជាប់យ៉ាងជិតស្និទ្ធជាមួយតម្រូវការអភិវឌ្ឍន៍នៅក្នុងប្រទេស រួមចំណែកពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងវៀតណាមជាមួយបណ្តាប្រទេសនៅអឺរ៉ុប។

នាយករដ្ឋមន្ត្រី Le Minh Hung ចាប់ផ្តើមដំណើរទស្សនកិច្ចផ្លូវការនៅប្រទេសឡាវ និងកម្ពុជា យុគសម័យ - នៅថ្ងៃទី ៨ ខែតុលា នាយករដ្ឋមន្ត្រីនៃរដ្ឋាភិបាល Le Minh Hung និងគណៈប្រតិភូជាន់ខ្ពស់វៀតណាម បានចាកចេញពីរដ្ឋធានី Ha Noi ដោយចាប់ផ្តើមដំណើរទស្សនកិច្ចផ្លូវការនៅសាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជា ចាប់ពីថ្ងៃទី ៨ ដល់ថ្ងៃទី ១០ ខែតុលា ឆ្នាំ ២០២៦។

“ការទូតខ្លាឃ្មុំផេនដា” និងអំណាចទន់របស់ប្រទេសចិន យុគសម័យ - ការដែលខ្លាឃ្មុំផេនដាពីរទូគឺ Ping Ping និង Fu Shuang ត្រូវបានបញ្ជូនទៅកាន់សហរដ្ឋអាមេរិក បន្ទាប់ពីជំនួបកំពូលរវាងសហរដ្ឋអាមេរិក និងចិននាពេលថ្មីៗកន្លងទៅនេះ បានបន្តទម្រង់ការទូតមួយដែលប្រទេសចិនបានប្រើប្រាស់អស់រយៈពេលជាច្រើនទសវត្សរ៍មកហើយ។ ទោះជាយ៉ាងណាក៏ដោយ នៅក្នុងបរិបទនៃការប្រកួតប្រជែងជាយុទ្ធសាស្ត្រកាន់តែតានតឹងឡើងៗ អំណាចនៃបណ្តា “ទូតសុឆន្ទៈ” ទាំងនេះ ក៏កំពុងប្រឈមមុខនឹងកម្រិតព្រំដែនថ្មីៗផងដែរ។

វ៉ាន់ណាំ