VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យោងតាមទិសដៅសកម្មភាព VJCE នឹងក្លាយទៅជាសញ្ញាតភ្ជាប់ការអនុវត្តបណ្តាកម្មវិធីសហប្រតិបត្តិការនៅក្នុងវិស័យអប់រំនិងវប្បធម៌រវាងប្រទេសទាំងពីរ ទន្ទឹមនឹងនោះតភ្ជាប់បណ្តាមូលដ្ឋានអប់រំ សហគ្រាស អង្គការព្រមទាំងសហគមន៍តាមរយៈបណ្តាសកម្មភាពបណ្តុះបណ្តាលភាសាជប៉ុន ការប្រឹក្សាយោបល់ការសិក្សានៅបរទេស ការផ្លាស់ប្តូរបណ្ឌិតសភាព្រមទាំងការផ្លាស់ប្តូរប្រជាជន។

ថ្លែងមតិនៅឯព្រឹត្តិការណ៍ នាយកមជ្ឈមណ្ឌល VJCE លោក Le Thuong បានឱ្យដឹងថា នាពេលខាងមុខមជ្ឈមណ្ឌលនឹងសម្របសម្រួលជាមួយនិងមន្ទីរអប់រំនិងបណ្តុះបណ្តាល Hanoi រួមជាមួយនិងបណ្តាដៃគូជប៉ុនចាត់តាំងអនុវត្តកម្មវិធីបង្រៀនភាសាជប៉ុនដោយឥតគិតថ្លៃសម្រាប់សិស្សចាប់ពីថ្នាក់ទី ៣ ដល់ថ្នាក់ទី ៩។

ទិដ្ឋភាពនៃពិធីចេញមុខជាផ្លូវការ។

ក្រៅពីនោះ VJCE នឹងចាត់តាំងការប្រឡងស្វែងរកភពពូកែភាសាជប៉ុនសម្រាប់កុមារវៀតណាម ក្នុងគោលបំណងលើកទឹកចិត្តចលនារៀនភាសាជប៉ុនចាប់តាំងពីព្រលឹម។ មជ្ឈមណ្ឌលក៏នឹងតភ្ជាប់បណ្តាសាលាចំណេះទូទៅ មហាវិទ្យាល័យរបស់វៀតណាមជាមួយនិងបណ្តាមូលដ្ឋានអប់រំនៅឯជប៉ុនដើម្បីចាត់តាំងបណ្តាកម្មវិធីផ្លាស់ប្តូរ រៀនសូត្ររយៈពេលខ្លីព្រមទាំងបង្កើតលក្ខខណ្ឌដើម្បីឱ្យគ្រូបង្រៀនចូលរួមបណ្តាកម្មវិធីអាហារូបករណ៍របស់រដ្ឋាភិបាលជប៉ុន។

ថ្លែងមតិនៅឯកម្មវិធី នាយកវិទ្យាស្ថានអនុវត្តបច្ចេកវិទ្យានិងអភិវឌ្ឍន៍អប់រំ លោក Ha Ngoc Anh វាយតម្លៃការបង្កើតការិយាល័យតំណាងរបស់ VJCE មានអត្ថន័យយ៉ាងសំខាន់ក្នុងការបង្កើនកិច្ចសហប្រតិបត្តិការអប់រំរវាងប្រទេសទាំងពីរ នៅពេលដែលការអប់រំគឺតែងតែជាវិស័យមួយក្នុងចំណោមបណ្តាវិស័យសហប្រតិបត្តិការមានប្រសិទ្ធភាពបំផុតនៅក្នុងទំនាក់ទំនងរវាងវៀតណាមនិងជប៉ុន។

នៅក្នុងបរិបទដែលវៀតណាមជម្រុញការកែទម្រង់អប់រំទៅតាមស្មារតីសេចក្តីសម្រេចចិត្តលេខ ៧១ របស់ការិយាល័យនយោបាយ បណ្តាបទពិសោធន៍របស់ជប៉ុនអំពីការបណ្តុះបណ្តាលប្រភពធនធានមនុស្ស ការផ្លាស់ប្តូរឌីជីថល ការអនុវត្តប្រាជ្ញាសិប្បនិម្មិតព្រមទាំងការផ្លាស់ប្តូរថ្មីច្នៃប្រឌិតនឹងក្លាយទៅជាបណ្តាមេរៀនដែលមានតម្លៃដើម្បីឱ្យភាគីទាំងពីររួមគ្នាចែករំលែកនិងសហប្រតិបត្តិការ។

VJCE ព្រមទាំងរោងពុម្ពផ្សាយអប់រំវៀតណាមចុះហត្ថលេខាលើកំណត់បក្សចងចាំ។

វាយតម្លៃខ្ពស់ការដែល VJCE បើកការិយាល័យតំណាងនៅឯរាជធានី Ha Noi លេខាធិការទី ១ ព្រមទាំងជានាយកផ្នែកអប់រំនៃស្ថានទូតវៀតណាមប្រចាំនៅជប៉ុន លោកស្រី Vu Thi Lien Huong យល់ឃើញថា នេះគឺជាបង្គោលចររួមចំណែកបង្កើតជារូបរាងស្ពានតភ្ជាប់ផ្ទាល់រវាងបណ្តាមូលដ្ឋានអប់រំ សហគ្រាសព្រមទាំងអង្គការនៃប្រទេសទាំងពីរ។

លោកស្រី Vu Thi Lien Huong ជាពិសេសទទួលស្គាល់បណ្តាកម្មវិធីសំខាន់ៗដែលមជ្ឈមណ្ឌលកំពុងចាត់តាំងអនុវត្តដូចជា ការប្រឡងស្វែងរកភពពូកែភាសាជប៉ុនសម្រាប់កុមារវៀតណាម បណ្តាថ្នាក់រៀនភាសាជប៉ុនដោយឥតគិតថ្លៃព្រមទាំងផែនការកសាងប្រព័ន្ធវាយតម្លៃសមត្ថភាពភាសាជប៉ុនយ៉ាងសមស្របជាមួយនិងសិស្សានុសិស្ស។

យោងតាមលោកស្រី បណ្តាសកម្មភាពទាំងនេះមិនត្រឹមតែចិញ្ចឹមបីបាច់កើនឡើងនូវក្តីស្រឡាញ់ភាសា វប្បធម៌ជប៉ុនប៉ុណ្ណោះទេ ប៉ុន្តែថែមទាំងរួមចំណែកបង្កើតជារូបរាងការគិតធ្វើការធ្វើសមាហរណកម្មអន្តរជាតិសម្រាប់ជំនាន់វ័យក្មេង។

តំណាងស្ថានទូតវៀតណាមប្រចាំនៅជប៉ុនក៏បានអះអាងថានឹងបន្តរួមដំណើរ តភ្ជាប់បណ្តាមូលដ្ឋានអប់រំ សហគ្រាសព្រមទាំងអង្គការនៃប្រទេសទាំងពីរ ក្នុងគោលបំណងជម្រុញបណ្តាគំនិតផ្តួចផ្តើមសហប្រតិបត្តិការ រួមចំណែកលើកកម្ពស់គុណភាពអប់រំព្រមទាំងធ្វើឱ្យកាន់តែស៊ីជម្រៅថែមទៀតនូវទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយដើម្បីសន្តិភាពនិងវិបុលភាពនៅឯទ្វីបអាស៊ីព្រមទាំងនៅលើពិភពលោកប្រចាំរវាងប្រទេសទាំងពីរ។

បណ្តាតំណាងអញ្ជើញចូលរួមកម្មវិធី។

ចែករំលែកនៅឯព្រឹត្តិការណ៍ អតីតអនុរដ្ឋមន្ត្រីក្រសួងការបរទេស អតីតឯកអគ្គរដ្ឋទូតវៀតណាមប្រចាំនៅជប៉ុន លោក Nguyen Phu Binh បានគូសបញ្ជាក់ថា ទំនាក់ទំនងផ្លាស់ប្តូររវាងប្រជាជាតិទាំងពីរបានប្រព្រឹត្តទៅមានប្រវត្តិសាស្ត្រជាង ៤០០ ឆ្នាំមកហើយ។

លោកបានសម្តែងនូវក្តីរីករាយនៅពេលដែលនាពេលបច្ចុប្បន្ននេះមានប្រមាណ ៧០០.០០០ នាក់ជាជនជាតិវៀតណាមកំពុងសិក្សានិងធ្វើការនៅឯជប៉ុន ដោយចាត់ទុកនេះជាប្រភពធនធានមនុស្សយ៉ាងសំខាន់ដើម្បីទទួលយកចំណេះដឹង បច្ចេកវិទ្យាព្រមទាំងបទពិសោធន៍គ្រប់គ្រង រួមចំណែកសម្រាប់ការអភិវឌ្ឍន៍របស់ប្រទេសជាតិនានាពេលអនាគត។

នៅក្នុងក្របខ័ណ្ឌកម្មវិធី បានប្រព្រឹត្តទៅនូវកិច្ចពិភាក្សាdesk កិច្ចសហប្រតិបត្តិការអប់រំវៀតណាម - ជប៉ុន ជាមួយនិងការចូលរួមរបស់បណ្តាស្ថាប័ន សាលារៀន សហគ្រាសព្រមទាំងអង្គការអប់រំនានៃប្រទេសទាំងពីរ។

បណ្តាតំណាងបានផ្លាស់ប្តូរមតិអំពីស្ថានភាពបង្រៀនភាសាជប៉ុននៅឯវៀតណាម ទន្ទឹមនឹងនោះបានឯកភាពគ្នាជម្រុញកិច្ចសហប្រតិបត្តិការក្នុងការបណ្តុះបណ្តាល ការផ្លាស់ប្តូរវប្បធម៌ព្រមទាំងការអភិវឌ្ឍន៍ប្រភពធនធានមនុស្ស។

នៅក្នុងឱកាសនេះ បណ្តាអង្គភាពនៃវៀតណាមនិងជប៉ុនបានចុះហត្ថលេខាលើកំណត់បក្សចងចាំកិច្ចសហប្រតិបត្តិការជាច្រើន ព្រមទាំងប្រកាសជាផ្លូវការនូវការប្រឡងស្វែងរកភពពូកែភាសាជប៉ុនសម្រាប់កុមារវៀតណាម ឆ្ពោះទៅកាន់ការបង្កើតបន្ថែមនូវកាលានុវត្តភាពសិក្សានិងផ្លាស់ប្តូរអន្តរជាតិសម្រាប់ជំនាន់វ័យក្មេង៕

ការប្រកួតបាល់ទាត់ដ៏រស់រវើក ដែលភ្ជាប់សហគមន៍វៀតណាមនៅក្នុងខេត្ត Ishikawa (ប្រទេសជប៉ុន) យុគសម័យ - នាថ្ងៃទី ៧ មិថុនា នៅទីលានកីឡា Kibagata ទីក្រុង Komatsu ខេត្ត Ishikawa ប្រទេសជប៉ុន បានប្រព្រឹត្តទៅការប្រកួតកីឡាបាល់ទាត់ចលនារបស់សហគមន៍ជនជាតិវៀតណាម ដែលកំពុងរស់នៅ សិក្សារៀនសូត្រ និងធ្វើការងារនៅក្នុងតំបន់ភាគខាងលិច និងភាគពាយព្យនៃកោះ Honshu។

ប្រទេសវៀតណាមស្នើឱ្យប្រទេសជប៉ុនឈានទៅរកការលើកលែងទិដ្ឋាការសម្រាប់ប្រជាពលរដ្ឋវៀតណាម យុគសម័យ - នៅក្នុងបណ្តាជំនួបធ្វើការងារជាមួយថ្នាក់ដឹកនាំរដ្ឋសភា រដ្ឋាភិបាល និងបណ្តាអង្គការរបស់ប្រទេសជប៉ុន ចាប់ពីថ្ងៃទី ០៨ ដល់ថ្ងៃទី ១០ មិថុនា នៅទីក្រុងតូក្យូ (ប្រទេសជប៉ុន) ឧបនាយករដ្ឋមន្ត្រី លោក Le Tien Chau បានស្នើឱ្យភាគីជប៉ុនបន្តសម្របសម្រួលធ្វើឱ្យសាមញ្ញនូវនីតិវិធីចូលស្រុក និងឈានទៅរកការលើកលែងទិដ្ឋាការសម្រាប់ប្រជាពលរដ្ឋវៀតណាម ទន្ទឹមនឹងនោះ ជំរុញកិច្ចសហប្រតិបត្តិការនៅក្នុងបណ្តាវិស័យថ្មីៗ ដូចជា បញ្ញាសិប្បនិម្មិត (AI) ឧបករណ៍ពាក់កណ្តាលចម្លង ការផ្លាស់ប្តូរឌីជីថល និងការអភិវឌ្ឍប្រភពធនធានមនុស្សប្រកបដោយគុណភាពខ្ពស់។

ឌឹកអាញ់

thoidai.com.vn