ក្រុង Can Tho ជម្រុញកិច្ចសហប្រតិបត្តិការពាណិជ្ជកម្មជាមួយប្រទេសប៉ាគីស្ថាន

ក្រុង Can Tho ជម្រុញកិច្ចសហប្រតិបត្តិការពាណិជ្ជកម្មជាមួយប្រទេសប៉ាគីស្ថាន

នៅក្នុងជំនួបធ្វើការ លោកឯកអគ្គរដ្ឋទូត Kohdayar Marri បានឱ្យដឹងថា គោលដៅមួយក្នុងចំណោមគោលដៅនាពេលខាងមុខ គឺការគាំទ្រដល់សហគ្រាសប៉ាគីស្ថានក្នុងការភ្ជាប់ទំនាក់ទំនងជាមួយសហគ្រាសវៀតណាម តាមរយៈប្រការនេះជម្រុញសកម្មភាពពាណិជ្ជកម្មទ្វេភាគី។ លោកឯកអគ្គរដ្ឋទូតរំពឹងទុកថា សហគ្រាសប៉ាគីស្ថាននិងសហគ្រាសក្រុងកន្ធរនឹងបង្កើនការភ្ជាប់ទំនាក់ទំនង ការផ្លាស់ប្តូរយោបល់ ការជម្រុញកិច្ចសហប្រតិបត្តិការ និងការរុញច្រានការនាំចេញនាំចូលបណ្តាមុខទំនិញដែលមានប្រៀបខ្លាំងរបស់ភាគីទាំងពីរ។

នៅក្នុងវិស័យទេសចរណ៍ លោកឯកអគ្គរដ្ឋទូត Kohdayar Marri ប្រាថ្នាចង់ឱ្យក្រុងកន្ធរជួយសម្រួលដើម្បីឱ្យភ្ញៀវទេសចរប៉ាគីស្ថានអាចស្នើសុំទិដ្ឋាការបានងាយស្រួល បង្កើតលក្ខណៈអំណោយផលបង្កើនចំនួនភ្ញៀវទេសចររវាងភាគីទាំងពីរ ព្រមទាំងជម្រុញកិច្ចសហប្រតិបត្តិការទេសចរណ៍និងការផ្លាស់ប្តូរវប្បធម៌។ លោកឯកអគ្គរដ្ឋទូតក៏រំពឹងទុកក្នុងការបង្កើនការផ្លាស់ប្តូរសាស្ត្រាចារ្យនិងនិស្សិតបរទេស រវាងបណ្តាសាកលវិទ្យាល័យនៃក្រុងកន្ធរនិងបណ្តាសាកលវិទ្យាល័យនៅប៉ាគីស្ថានផងដែរ។

ថ្លែងការណ៍ផ្លាស់ប្តូរជាមួយគណៈប្រតិភូ លោកប្រធានគណៈកម្មាធិការប្រជាជនទីក្រុងកន្ធរ Truong Canh Tuyen បានឱ្យដឹងថា ប្រទេសវៀតណាមនិងប្រទេសប៉ាគីស្ថានបានបង្កើតទំនាក់ទំនងឌីផ្លូម៉ាតចាប់តាំងពីឆ្នាំ ១៩៧២។ ឆ្លងកាត់រយៈពេលជាង ៥០ ឆ្នាំ មិត្តភាពជាប្រពៃណីត្រូវបានថ្នាក់ដឹកនាំនិងប្រជាជននៃប្រទេសទាំងពីរច្រើនជំនាន់ខិតខំពូនជ្រុំ បង្កើតជាគ្រឹះស្ថានយ៉ាងរឹងមាំដើម្បីឱ្យភាគីទាំងពីរពង្រីកកិច្ចសហប្រតិបត្តិការលើច្រើនវិស័យជាបន្តទៀត។

ទីក្រុងកន្ធរប្រាថ្នាចង់រួមចំណែកយ៉ាងសកម្មនៅក្នុងការជម្រុញទំនាក់ទំនងកិច្ចសហប្រតិបត្តិការវៀតណាម - ប៉ាគីស្ថាន តាមរយៈការបង្កើនការភ្ជាប់ទំនាក់ទំនងរវាងបណ្តាមូលដ្ឋាន សហគ្រាស និងការពង្រីកកិច្ចសហប្រតិបត្តិការនៅក្នុងបណ្តាវិស័យដែលស្របទៅតាមប្រៀបខ្លាំងរបស់ភាគីនីមួយៗ។

លោកប្រធានគណៈកម្មាធិការប្រជាជនទីក្រុងកន្ធរគាំទ្រការបង្កើនសកម្មភាពពាណិជ្ជកម្មរវាងសហគ្រាសក្នុងទីក្រុងនិងបណ្តាដៃគូប៉ាគីស្ថាន ព្រមទាំងការជម្រុញកិច្ចសហប្រតិបត្តិនៅក្នុងវិស័យអប់រំផងដែរ។ នាពេលបច្ចុប្បន្ន នៅក្នុងទីក្រុងមានសហគ្រាសកែច្នៃកសិផលប្រមាណ ៧០ អង្គភាព ដែលអនុវត្តតាមបទដ្ឋាន Halal បង្កើតបានជាគ្រឹះស្ថានយ៉ាងមានអំណោយផលដើម្បីពង្រីកកិច្ចសហប្រតិបត្តិការជាមួយប្រទេសប៉ាគីស្ថាន។

ក្រុងកន្ធររំពឹងទុកថា តាមរយៈដំណើរទស្សនកិច្ចរបស់លោកឯកអគ្គរដ្ឋទូត Kohdayar Marri សហគ្រាសក្នុងទីក្រុងនិងបណ្តាដៃគូប៉ាគីស្ថាននឹងមានឱកាសបន្ថែមទៀតក្នុងការផ្លាស់ប្តូរនិងស្វែងយល់ពីគ្នាទៅវិញទៅមក ហើយឈានទៅរកការបង្កើតនូវកម្មវិធីកិច្ចសហប្រតិបត្តិការជាក់ស្តែងជាជំហានៗ ដែលរួមចំណែកដល់ការជម្រុញពាណិជ្ជកម្មកសិផល ជលផល និងបណ្តាផលិតផល Halal រវាងក្រុងកន្ធរនិងប្រទេសប៉ាគីស្ថាន។

ក្រៅពីនេះ ទីក្រុងប្រាថ្នាចង់ជម្រុញកិច្ចសហប្រតិបត្តិការជាមួយបណ្តាដៃគូប៉ាគីស្ថាននៅក្នុងវិស័យវិទ្យាសាស្ត្រ បច្ចេកវិទ្យានិងការអភិវឌ្ឍប្រភពធនធានមនុស្ស ព្រមទាំងពង្រីកកិច្ចសហប្រតិបត្តិការនៅក្នុងបណ្តាវិស័យដែលមានសក្ដានុពលជាច្រើនទៀត ដូចជា បច្ចេកវិទ្យាព័ត៌មាន ការផ្លាស់ប្តូរថ្មីប្រកបដោយការច្នៃប្រឌិត ការផ្លាស់ប្តូរឌីជីថលនិងកសិកម្មបច្ចេកវិទ្យាខ្ពស់។

បើតាមគណៈកម្មាធិការប្រជាជនទីក្រុងកន្ធរ នៅក្នុងរយៈពេល ៦ ខែដើមឆ្នាំ ២០២៦ ទីក្រុងបានបន្តទាក់ទាញគម្រោងវិនិយោគក្នុងស្រុកចំនួន ២០ គម្រោង ដោយមានដើមទុនចុះបញ្ជីសរុបជាង ៣៨.៦០០ បីលានដុង។ នាពេលបច្ចុប្បន្ន ក្រុងកន្ធរមានគម្រោងវិនិយោគផ្ទាល់ពីបរទេសចំនួន ១២៣ គម្រោងដែលមានប្រសិទ្ធភាព ដោយមានដើមទុនចុះបញ្ជីសរុបជិត ៧,១ ប៊ីលានដុល្លារអាមេរិក។

វៀតណាម និងទីម័រឡេស្តជំរុញកិច្ចសហប្រតិបត្តិការ យុគសម័យ - នាថ្ងៃទី ១៣ ខែកក្កដា នៅឯរដ្ឋធានី Dili ភារធារីវៀតណាមប្រចាំនៅទីម័រឡេស្តលោក Pham Binh Dam បានមានជំនួបការងារជាមួយនិងឧបនាយករដ្ឋមន្ត្រី រដ្ឋមន្ត្រីសម្របសម្រួលកិច្ចការសេដ្ឋកិច្ច ព្រមទាំងជារដ្ឋមន្ត្រីក្រសួងទេសចរណ៍និងបរិស្ថានទីម័រឡេស្តលោក Francisco Kalbuadi Lay ក្នុងគោលបំណងផ្លាស់ប្តូរមតិអំពីបណ្តាវិធានការបង្កើនកិច្ចសហប្រតិបត្តិការទ្វេភាគីនៅលើវិស័យជាច្រើន ទន្ទឹមនឹងនោះជំរុញការដាក់ឱ្យដំណើរការអនុវត្តបណ្តាកម្មវិធីសហប្រតិបត្តិការជាក់ស្តែងនាពេលខាងមុខ។

វៀតណាម - ចិនផ្លាស់ប្តូរបទពិសោធន៍បណ្តុះបណ្តាលនៅក្នុងកងទ័ព យុគសម័យ - នាថ្ងៃទី ១៣ ខែកក្កដា នៅទីក្រុងហាណូយ នាយឧត្តមសេនីយ៍ Nguyen Tan Cuong អគ្គសេនាធិការនៃកងទ័ពប្រជាជនវៀតណាម អនុរដ្ឋមន្ត្រីក្រសួងការពារប្រទេសបានទទួលជួបគណៈប្រតិភូសាកលវិទ្យាល័យការពារជាតិចិន ដឹកនាំដោយលោកឧត្តមសេនីយ៍ឯក Ho Cuong Phong ស្នងការនយោបាយនៃសាកលវិទ្យាល័យការពារជាតិចិនធ្វើជាប្រធានគណៈប្រតិភូ។

ឌឹកអាញ់

thoidai.com.vn