យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។
ព័ត៌មានមកពីស្ថានទូតវៀតណាមប្រចាំនៅកូរ៉េខាងត្បូង ថ្លែងមតិនៅឯសន្និបាត ឯកអគ្គរដ្ឋទូត លោក Vu Ho យល់ឃើញថា កិច្ចសហប្រតិបត្តិការវៀតណាម - កូរ៉េខាងត្បូង កំពុងជួបជុំគ្នាយ៉ាងពេញលេញនូវកត្តាទាំងបីគឺ "ពេលវេលាល្អ ទីតាំងល្អ ព្រមទាំងមនុស្សល្អ" ដើម្បីឈានចូលទៅកាន់ដំណាក់កាលអភិវឌ្ឍន៍ថ្មីមួយ។
"ពេលវេលាល្អ" គឺជាការប្តេជ្ញាចិត្តនយោបាយយ៉ាងខ្លាំងក្លារបស់ថ្នាក់ដឹកនាំជាន់ខ្ពស់នៃប្រទេសទាំងពីរ។ នៅក្នុងបណ្តាជំនួបផ្លាស់ប្តូរមតិរវាងអគ្គលេខាធិការនិងជាប្រធានរដ្ឋ លោក To Lam ព្រមទាំងប្រធានាធិបតី លោក Lee Jae-myung ថ្នាក់ដឹកនាំទាំងពីររូបសុទ្ធសឹងតែបានអះអាងនូវការប្តេជ្ញាចិត្តនាំយកទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយអភិវឌ្ឍន៍យ៉ាងជ្រាលជ្រៅ ជាក់ស្តែងព្រមទាំងមានប្រសិទ្ធភាពថែមទៀត នៅក្នុងនោះសេដ្ឋកិច្ច ការវិនិយោគ វិទ្យាសាស្ត្រ - បច្ចេកវិទ្យាព្រមទាំងការផ្លាស់ប្តូរថ្មីច្នៃប្រឌិតគឺជាបណ្តាកម្លាំងចលករយ៉ាងសំខាន់។
 |
| ឯកអគ្គរដ្ឋទូត លោក Vu Ho ថ្លែងមតិនៅឯសន្និបាត។ |
"ទីតាំងល្អ" គឺជាប្រទេសវៀតណាមមួយដែលកំពុងឈានចូលទៅកាន់ដំណាក់កាលអភិវឌ្ឍន៍ថ្មីជាមួយនិងទឹកដីថ្មី ជោគវាសនាថ្មីព្រមទាំងបំណងប្រាថ្នាថ្មី។ បណ្តាការកែទម្រង់យ៉ាងខ្លាំងក្លាអំពីស្ថាប័ន ការចាត់តាំងក្បាលម៉ាស៊ីន ហេដ្ឋារចនាសម្ព័ន្ធយុទ្ធសាស្ត្រ ការផ្លាស់ប្តូរឌីជីថលព្រមទាំងវិទ្យាសាស្ត្រ - បច្ចេកវិទ្យាកំពុងបើកចេញនូវលំហអភិវឌ្ឍន៍យ៉ាងទូលំទូលាយថែមទៀតសម្រាប់បណ្តាមូលដ្ឋានព្រមទាំងសហគមន៍សហគ្រាស។
នៅក្នុងផ្ទាំងគំនូរនោះ Hung Yen លេចធ្លោឡើងគឺជាមូលដ្ឋានមួយដែលសម្បូរទៅដោយសក្តានុពល មានទីតាំងតភ្ជាប់យ៉ាងងាយស្រួល ហេដ្ឋារចនាសម្ព័ន្ធកាន់តែបានបង្ហើយពីមួយថ្ងៃទៅមួយថ្ងៃព្រមទាំងមានការប្តេជ្ញាចិត្តយ៉ាងខ្លាំងក្លាក្នុងការកែលម្អមជ្ឈដ្ឋានវិនិយោគ។
លោកឯកអគ្គរដ្ឋទូតបានគូសបញ្ជាក់ថា ប្រៀបខ្លាំងប្រកបដោយចីរភាពបំផុតរបស់ Hung Yen គឺច្បាស់ជាកត្តាមនុស្ស។ នេះគឺជាទឹកដីដែលមានភូមិសាស្ត្រល្អអំណោយផលមានមនុស្សពូកែ សម្បូរទៅដោយប្រពៃណីវប្បធម៌ សិក្សាអប់រំ ជាកន្លែងដែលបានពូនជ្រំជម្រុញជំនាន់មនុស្សពូកែជាច្រើនព្រមទាំងមនុស្សដែលមានការរួមចំណែកយ៉ាងសំខាន់សម្រាប់ប្រទេសជាតិ។
"មនុស្សល្អ" គឺជានិន្នាការចូលរួមយ៉ាងសកម្មស្វិតស្វាញរបស់រដ្ឋាភិបាល បណ្តាក្រសួង ស្ថាប័នព្រមទាំងបណ្តាមូលដ្ឋាន រួមជាមួយនិងបំណងប្រាថ្នាឈានឡើងយ៉ាងខ្លាំងក្លារបស់សហគមន៍សហគ្រាសវៀតណាម។
យោងតាមលោកឯកអគ្គរដ្ឋទូត សហគ្រាសវៀតណាមនាពេលបច្ចុប្បន្ននេះមិនត្រឹមតែមានបំណងចង់ទាក់ទាញទុនវិនិយោគប៉ុណ្ណោះទេ ប៉ុន្តែថែមទាំងមានបំណងប្រាថ្នាយ៉ាងមុតមាំម្ចាស់ការលើបច្ចេកវិទ្យា លើកកម្ពស់សមត្ថភាពគ្រប់គ្រង ចូលរួមយ៉ាងស៊ីជម្រៅថែមទៀតចូលទៅក្នុងខ្សែច្រវាក់ផ្គត់ផ្គង់សកល កសាងម៉ាកសញ្ញាព្រមទាំងឈានចេញទៅកាន់ពិភពលោកជាជំហានៗ។
ស្ថានទូតវៀតណាមប្រចាំនៅកូរ៉េខាងត្បូងនឹងបន្តរួមដំណើរជាមួយនិងខេត្ត Hung Yen ក្នុងការតភ្ជាប់ជាមួយនិង KOTRA បណ្តាសមាគម មូលនិធិវិនិយោគ សមូហក្រុមហ៊ុនព្រមទាំងសហគ្រាសកូរ៉េខាងត្បូង រួមចំណែកនាំយកបណ្តាកាលានុវត្តភាពសហប្រតិបត្តិការក្លាយទៅជាបណ្តាគម្រោងជាក់ស្តែង មានប្រសិទ្ធភាពព្រមទាំងប្រកបដោយចីរភាព។ បញ្ចប់បទថ្លែងមតិ លោកឯកអគ្គរដ្ឋទូតបានផ្ញើជូនសហគមន៍សហគ្រាសនូវសារ៖ "ទុនវិនិយោគអាចស្វែងរកកន្លែងបង្កើតផលចំណេញ។ តម្លៃពិតប្រាកដទើបជាអ្វីដែលបង្កើតបានជានាគត"។
សន្និបាតគឺជាឱកាសមួយដើម្បីឱ្យបណ្តាសហគ្រាសកូរ៉េខាងត្បូងស្វែងយល់យ៉ាងស៊ីជម្រៅថែមទៀតអំពីមជ្ឈដ្ឋានវិនិយោគ ទិសដៅអភិវឌ្ឍន៍ព្រមទាំងបណ្តាគម្រោងផ្តល់អាទិភាពរបស់ខេត្ត Hung Yen ទន្ទឹមនឹងនោះពង្រីកការតភ្ជាប់ផ្ទាល់ជាមួយនិងបណ្តាស្ថាប័ន តំបន់ឧស្សាហកម្មព្រមទាំងសហគ្រាសវៀតណាម។
 |
| ឯកអគ្គរដ្ឋទូត លោក Vu Ho ទី ៣ រាប់ពីខាងឆ្វេងមក ថតរូបអនុស្សាវរីយ៍ជាមួយនិងបណ្តាតំណាងប្រភពអញ្ជើញមកពីបណ្តាអង្គភាពចាត់តាំងសន្និបាត។ |
ព្រឹត្តិការណ៍នេះរួមចំណែកជម្រុញកិច្ចសហប្រតិបត្តិការវិនិយោគ ពាណិជ្ជកម្មវៀតណាម - កូរ៉េខាងត្បូងទៅតាមទិសដៅជាក់ស្តែង មានប្រសិទ្ធភាព ភ្ជាប់ជាមួយនិងការផ្លាស់ប្តូរថ្មីច្នៃប្រឌិត ការផ្ទេរប្រគល់បច្ចេកវិទ្យា ការអភិវឌ្ឍន៍ប្រភពធនធានមនុស្សព្រមទាំងលើកកម្ពស់សមត្ថភាពចូលរួមខ្សែច្រវាក់តម្លៃសកល។
មុនពេលនោះ គណៈកម្មាធិការប្រជាជនខេត្ត Hung Yen នាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាមបានមានជំនួបធ្វើការជាមួយនិងសភាពាណិជ្ជកម្មនិងឧស្សាហកម្មកូរ៉េខាងត្បូង KCCI ក្រុមហ៊ុន Novatech មជ្ឈមណ្ឌលអាស៊ាន - កូរ៉េខាងត្បូង AKC។
| ខេត្ត Hung Yen នាពេលបច្ចុប្បន្ននេះមានប្រមាណ ២១០ គម្រោង FDI របស់កូរ៉េខាងត្បូងជាមួយនិងទុនចុះបញ្ជីសរុបប្រមាណ ២.៩ ពាន់លានដុល្លារអាមេរិក ព្រមទាំងមានបំណងប្រាថ្នាចង់ទាក់ទាញបន្ថែមទៀតនូវបណ្តាគម្រោងដែលមានតម្លៃបន្ថែមខ្ពស់នៅក្នុងបណ្តាវិស័យបច្ចេកវិទ្យាខ្ពស់ អឌ្ឍចរន្ត អេឡិចត្រូនិក មេកានិចកែច្នៃ ហេដ្ឋារចនាសម្ព័ន្ធបច្ចេកវិទ្យាឌីជីថល ថាមពលបៃតង ឡូជីស្ទីកទំនើបព្រមទាំងទីក្រុងឆ្លាតវៃ៕ |
 កសាងម៉ាកយីហោ លើកកំពស់ការប្រកួតប្រជែងនៃផលិតផល OCOP នៅក្នុងខេត្ត Hung Yen (វៀតណាម) អនុវត្តកម្មវិធី “ឃុំមួយផលិតផលមួយ” (OCOP) នាពេលថ្មីៗនេះ ឃុំ-ស្រុកនានាក្នុងខេត្ត Hung Yen បានផ្តោតការយកចិត្តទុកដាក់អភិវឌ្ឍន៍ផលិតផលកសិកម្មដែលមានគុណភាពខ្ពស់ មានលក្ខណៈពិសេស គុណសម្បត្តិ និងម៉ាកយីហោនៃមូលដ្ឋាននីមួយៗ ដោយរួមចំណែកបើកឱកាសចងសម្ព័ន្ធក្នុងការកសាងខ្សែសង្វាក់ផលិតកម្ម ដើម្បីអភិវឌ្ឍកសិកម្មនិងសេដ្ឋកិច្ចជនបទតាមទិសដៅនិរន្តរភាព។ |
 ស្វែងរកគោលដៅទាក់ទាញនៅ Tram Tau ខេត្ត Yen Bai យុគសម័យ - Tram Tau ជាស្រុកខ្ពង់រាបដ៏ល្បីល្បាញសម្រាប់ទេសភាពធម្មជាតិដ៏ស្រស់ស្អាត អាកាសធាតុត្រជាក់ និងផ្លូវកោងដ៏ស្រស់ស្អាត។ នៅទីនេះយើងអាចទៅបរបាញ់ពពកនៅលើកំពូល Ta Xua សញ្ជ័យកំពូល Ta Chi Nhu ឬងូតទឹកនៅប្រភពទឹករ៉ែក្តៅ Tram Tau ... |
thoidai.com.vn
មតិពីមិត្តអ្នកអាន