គណៈប្រតិភូនៃសម្ព័ន្ធសមាគមអង្គការមិត្តភាពវៀតណាម ចូលរួមការផ្លាស់ប្តូរថ្នាក់ដឹកនាំវ័យក្មេង អាស៊ាន - ចិន លើកទី ១២

កម្មវិធីនេះប្រមូលផ្តុំប្រតិភូយុវជន និងតំណាងបណ្តាអង្គការមិត្តភាពប្រជាជន នៃបណ្តាប្រទេស អាស៊ាន និង ចិន ប្រមាណ ១៥០ រូប។

បណ្តាប្រតិភូចូលរួមការផ្លាស់ប្តូរថ្នាក់ដឹកនាំវ័យក្មេង អាស៊ាន - ចិន លើកទី ១២ នៅខេត្ត Thanh Hai ប្រទេសចិន។

នៅក្នុងក្របខ័ណ្ឌនៃកម្មវិធី គណៈប្រតិភូបានចូលរួមពិធីបើក, វេទិកាយុវជន ជាមួយនឹងប្រធានបទស្តីពីការអភិវឌ្ឍបៃតង; ការផ្លាស់ប្តូរ រៀនសូត្ររវាងបណ្តាអារ្យធម៌ និងកម្លាំងផលិតកម្មគុណភាពថ្មី; ព្រមទាំងចុះអង្កេតជាក់ស្តែងនូវបណ្តាម៉ូដែលអភិវឌ្ឍន៍ថាមពលស្អាត, បច្ចេកវិទ្យាព័ត៌មានបៃតង, ការអភិរក្សបរិស្ថាននៃខេត្ត Thanh Hai និងចូលរួមសម្តែងសិល្បៈក្នុងពិធីបិទ។

តំណាងវៀតណាម ឡើងថ្លែងបទអន្តរាគមន៍ នៅឯវេទិកា។

តំណាងវៀតណាម បានឡើងថ្លែងបទអន្តរាគមន៍យ៉ាងចាប់អារម្មណ៍ អំពីការកសាងស្រុកកំណើតឆ្លាតវៃ ដោយផ្អែកលើប្រភពធនធានមនុស្សគុណភាពខ្ពស់ ដោយសង្កត់ធ្ងន់លើតួនាទីនៃការអប់រំ, ការច្នៃប្រឌិតថ្មី, ការផ្លាស់ប្តូរឌីជីថល និងកិច្ចសហប្រតិបត្តិការ អាស៊ាន - ចិន ក្នុងការអភិវឌ្ឍប្រកបដោយចីរភាព។

សម្តែងសិល្បៈរបស់គណៈប្រតិភូនៃសម្ព័ន្ធសមាគមអង្គការមិត្តភាពវៀតណាម។

សម្តែងសិល្បៈរបស់គណៈប្រតិភូ បានបង្ហាញពីភាពសកម្ម និងបំណងប្រាថ្នារបស់វ័យក្មេង ដែលត្រូវបានមិត្តភក្តិអន្តរជាតិគាំទ្រយ៉ាងកក់ក្តៅ។

គណៈប្រតិភូនៃសម្ព័ន្ធសមាគមអង្គការមិត្តភាពវៀតណាម ចូលរួមការផ្លាស់ប្តូរថ្នាក់ដឹកនាំវ័យក្មេង អាស៊ាន - ចិន លើកទី ១២ នៅខេត្ត Thanh Hai ប្រទេសចិន។

សកម្មភាពនេះ បានរួមចំណែកបង្កើនការយល់ដឹងគ្នា, មិត្តភាពរវាងយុវជនវៀតណាម ជាមួយនឹងយុវជនចិន និងបណ្តាប្រទេស អាស៊ាន, ព្រមទាំងបើកទូលាយកិច្ចសហប្រតិបត្តិការ នៅក្នុងបណ្តាវិស័យច្នៃប្រឌិតថ្មី, ការអភិវឌ្ឍបៃតង និងការផ្លាស់ប្តូរប្រជាជន, រួមចំណែកយ៉ាងសកម្ម ដល់ទំនាក់ទំនងមិត្តភាព និងកិច្ចសហប្រតិបត្តិការ រវាង វៀតណាម, ចិន និង អាស៊ាន៕

វៀតណាម ចិន ឡាវ មីយ៉ាន់ម៉ា បើកយុទ្ធនាការទ្រង់ទ្រាយធំរួមគ្នា ដើម្បីបង្ក្រាបបទល្មើសគ្រឿងញៀន យុគសម័យ - នារសៀលថ្ងៃទី ២ ខែមិថុនា នៅទីក្រុងហាណូយ ក្រសួងនគរបាលវៀតណាម បានចាត់តាំងសន្និសីទដាក់ឱ្យអនុវត្តយុទ្ធនាការទ្រង់ទ្រាយធំក្នុងការឃោសនា និងសម្របសម្រួលវាយប្រហារ បង្ក្រាបបទល្មើសគ្រឿងញៀន រវាងវៀតណាម ចិន ឡាវ និងមីយ៉ាន់ម៉ា។ កម្មវិធីយុទ្ធនាការនេះនឹងមានរយៈពេល ៣ ខែ ចាប់ពីថ្ងៃទី ១៥ ខែមិថុនា ដល់ថ្ងៃទី ១៥ ខែកញ្ញា ឆ្នាំ ២០២៦ ដោយផ្តោតសំខាន់លើបណ្តាភូមិសាស្ត្រព្រំដែន និងតំបន់គន្លឹះស្តីពីគ្រឿងញៀននៃប្រទេសទាំងបួន។

រណសិរ្សមាតុភូមិវៀតណាម និងសភាប្រឹក្សានយោបាយប្រជាជនទូទាំងប្រទេសចិន ជំរុញកិច្ចសហប្រតិបត្តិការ និងពង្រឹងការផ្លាស់ប្តូររវាងប្រជាជននិងប្រជាជន យុគសម័យ - នាថ្ងៃទី ៨ មិថុនា នៅទីក្រុងហាណូយ លោកស្រី Bui Thị Minh Hoai សមាជិកការិយាល័យនយោបាយ លេខាធិការមជ្ឈិមបក្ស និងជាប្រធានគណៈកម្មាធិការកណ្តាលរណសិរ្សមាតុភូមិវៀតណាម បានទទួលជួបសម្តែងការគួរសមជាមួយលោកស្រី Xian Hui អនុប្រធានសភាប្រឹក្សានយោបាយប្រជាជនទូទាំងប្រទេសចិន ក្នុងឱកាសដែលគណៈប្រតិភូមកបំពេញទស្សនកិច្ច និងធ្វើការនៅវៀតណាម។ ភាគីទាំងពីរបានឯកភាពគ្នាពង្រឹងនិងពង្រីកតួនាទីជាស្ពានចម្លងរវាងប្រជាជននៃប្រទេសទាំងពីរ ជំរុញការដាក់ឱ្យអនុវត្តបណ្តាខ្លឹមសារនៃកិច្ចសហប្រតិបត្តិការដែលបានព្រមព្រៀងគ្នា រួមចំណែកធ្វើឱ្យកាន់តែស៊ីជម្រៅថែមទៀតនូវទំនាក់ទំនងវៀតណាម-ចិន និងធ្វើឱ្យជាក់ស្តែងកម្មនូវការយល់ដឹងរួមរបស់ថ្នាក់ដឹកនាំជាន់ខ្ពស់នៃបក្សទាំងពីរ និងប្រទេសទាំងពីរ។

សុវណ្ណ

thoidai.com.vn