វៀតណាម - ជប៉ុន អនុវត្តភារកិច្ចស្រាវជ្រាវបន្ទះឈីបពាក់កណ្តាលចម្លងយុទ្ធសាស្ត្រចំនួន ៥

ព្រឹត្តិការណ៍នេះកត់សម្គាល់ជំហានផ្លាស់ប្តូរ ពីដំណាក់កាលតភ្ជាប់កិច្ចសហប្រតិបត្តិការ ទៅជាការអនុវត្តបណ្តាគម្រោងស្រាវជ្រាវរួមជាក់ស្តែង ព្រមទាំងបង្ហាញពីការប្តេជ្ញាចិត្តរបស់ វៀតណាម ក្នុងការជំរុញការអភិវឌ្ឍន៍បណ្តាបច្ចេកវិទ្យាយុទ្ធសាស្ត្រ ដែលក្នុងនោះសៀគ្វីមីក្រូបន្ទះឈីបពាក់កណ្តាលចម្លង ត្រូវបានកំណត់ថាជាវិស័យអាទិភាពកំពូលមួយ។

កម្មវិធីកិច្ចសហប្រតិបត្តិការស្រាវជ្រាវ វៀតណាម - ជប៉ុន ក្នុងវិស័យបន្ទះឈីបពាក់កណ្តាលចម្លង នាឆ្នាំ ២០២៦ ផ្តោតសំខាន់លើបណ្តាទិសដៅស្រាវជ្រាវស្នូល នៃឧស្សាហកម្មសៀគ្វីមីក្រូទំនើប។

ភារកិច្ចចំនួនប្រាំដែលត្រូវបានជ្រើសរើស គឺលាតសន្ធឹងលើខ្សែសង្វាក់តម្លៃបន្ទះឈីបពាក់កណ្តាលចម្លងទាំងមូល ចាប់ពីការស្រាវជ្រាវសម្ភារៈ ការរចនាសៀគ្វីមីក្រូ រហូតដល់ការអភិវឌ្ឍន៍បណ្តាផលិតផល Chip អនុវត្តសម្រាប់ប្រាជ្ញាសិប្បនិម្មិត AI, អ៊ីនធឺណិតនៃវត្ថុសព្វសារពើ IoT និងការគ្រប់គ្រងថាមពល។

បណ្តាខ្លឹមសារស្រាវជ្រាវរួមមាន៖ ការរចនា ការធ្វើគំរូ និងការផលិតសៀគ្វីមីក្រូជំនាន់ថ្មីធ្វើសមាហរណកម្ម ៣ មាត្រ CFET ដោយប្រើប្រាស់ Transistor ភ្នាសស្តើង Silicon; ការអភិវឌ្ឍន៍សម្ភារៈបន្ទះឈីបពាក់កណ្តាលចម្លងជឿនលឿន សម្រាប់ Transistor មានភាពបត់បែនអេឡិចត្រូនិកខ្ពស់ តាមរយៈការរួមបញ្ចូលការធ្វើគំរូទ្រឹស្តី និងប្រាកដនិយម; ការស្រាវជ្រាវសម្ភារៈបន្ទះឈីបពាក់កណ្តាលចម្លង អនុវត្តក្នុងឧបករណ៍ចាប់សញ្ញាធ្វើសមាហរណកម្ម និងឧបករណ៍ថាមពលកកើតឡើងវិញ; ការរចនា Chip AI SoC សុវត្ថិភាព ដោយផ្អែកលើ CPU RISC-V ពហុស្នូល រួមបញ្ចូលឧបករណ៍បង្កើនល្បឿន AI សម្រាប់ឧបករណ៍ AI-IoT; ការស្រាវជ្រាវផលិតសម្ភារៈ និងឧបករណ៍អេឡិចត្រូនិកថាមពល ដោយផ្អែកលើធាតុពាក់កណ្តាលចម្លងតំបន់ហាមឃាត់ទូលាយ បម្រើឱ្យ Chip គ្រប់គ្រងថាមពល សម្រាប់បណ្តាឧបករណ៍ប្រភពមានប្រសិទ្ធភាពប្រតិបត្តិការខ្ពស់។

ពិធីប្រកាសលទ្ធផលជ្រើសរើស និងចុះហត្ថលេខាលើកិច្ចសន្យាឧបត្ថម្ភភារកិច្ចកិច្ចសហប្រតិបត្តិការស្រាវជ្រាវចំនួន ៥ រវាង វៀតណាម - ជប៉ុន ក្នុងវិស័យបន្ទះឈីបពាក់កណ្តាលចម្លង នាឆ្នាំ ២០២៦។

តាម NAFOSTED បណ្តាភារកិច្ចដែលត្រូវបានជ្រើសរើស គឺសមស្របជាមួយទិសដៅធ្វើជាម្ចាស់លើបច្ចេកវិទ្យាស្នូល បច្ចេកវិទ្យាយុទ្ធសាស្ត្រ ដែល វៀតណាម កំពុងផ្តោតប្រភពធនធានអភិវឌ្ឍន៍ នៅក្នុងដំណាក់កាលខាងមុខ។

ការចុះហត្ថលេខា និងអនុវត្តបណ្តាភារកិច្ចកិច្ចសហប្រតិបត្តិការស្រាវជ្រាវជាមួយ ជប៉ុន ក៏ជាសកម្មភាពជាក់ស្តែង សំដៅធ្វើឱ្យសម្រេចបាននូវបណ្តាមគ្គទេសក៍របស់បក្ស និងរដ្ឋ អំពីការអភិវឌ្ឍន៍វិទ្យាសាស្ត្រ បច្ចេកវិទ្យា ការផ្លាស់ប្តូរថ្មីច្នៃប្រឌិត និងការបំប្លែងឌីជីថលជាតិ ជាពិសេសគឺសេចក្តីសម្រេចចិត្តលេខ ៥៧។ ក្នុងនោះ ឧស្សាហកម្មបន្ទះឈីបពាក់កណ្តាលចម្លង ត្រូវបានកំណត់ថាជាវិស័យមានអត្ថន័យគ្រឹះស្ថាន ចំពោះសមត្ថភាពប្រកួតប្រជែង និងសមត្ថភាពម្ចាស់ការលើបច្ចេកវិទ្យារបស់ប្រទេសជាតិ។

តាមរយៈយន្តការកិច្ចសហប្រតិបត្តិការ ជាមួយបណ្តាដៃគូមានកម្រិតវិទ្យាសាស្ត្រ និងបច្ចេកវិទ្យាជឿនលឿន ដូចជា ជប៉ុន បណ្តាក្រុមស្រាវជ្រាវ វៀតណាម នឹងមានកល្បឱកាសចូលទៅជិតបណ្តាទិសដៅស្រាវជ្រាវថ្មីៗ វិធីសាស្ត្រស្រាវជ្រាវទំនើប ប្រព័ន្ធបរិក្ខារជឿនលឿន ព្រមទាំងពង្រីកការតភ្ជាប់ ជាមួយបណ្តាញបណ្តាអ្នកវិទ្យាសាស្ត្រអន្តរជាតិ។

កម្មវិធីនេះ ក៏ត្រូវបានរំពឹងទុកថានឹងរួមចំណែកជំរុញការផ្សព្វផ្សាយវិទ្យាសាស្ត្រមានគុណភាពខ្ពស់ ការបណ្តុះបណ្តាលជួរអ្នកស្រាវជ្រាវវ័យក្មេង ការបង្កើតជាបណ្តាក្រុមស្រាវជ្រាវខ្លាំងក្លា ក្នុងវិស័យបន្ទះឈីបពាក់កណ្តាលចម្លង និងឈានទៅរកការលើកកម្ពស់សមត្ថភាពធ្វើជាម្ចាស់លើបណ្តាបច្ចេកវិទ្យាស្នូលបន្តិចម្តងៗ។

កសាងគ្រឹះស្ថានស្រាវជ្រាវរឹងមាំសម្រាប់ឧស្សាហកម្មបន្ទះឈីបពាក់កណ្តាលចម្លង

ថ្លែងនៅក្នុងពិធី ឧបនាយកសាស្ត្រាចារ្យ បណ្ឌិត Dao Ngoc Chien នាយកមូលនិធិ NAFOSTED បានឱ្យដឹងថា ឧស្សាហកម្មបន្ទះឈីបពាក់កណ្តាលចម្លង កំពុងកាន់តួនាទីគ្រឹះស្ថាន នៅក្នុងរូបភាពបច្ចេកវិទ្យាសកល ជាកម្លាំងចលករនៃការបំប្លែងឌីជីថល ប្រាជ្ញាសិប្បនិម្មិត ស្វ័យប្រវត្តិកម្ម និងវិស័យបច្ចេកវិទ្យាជឿនលឿនជាច្រើនទៀត។

តាម ឧបនាយកសាស្ត្រាចារ្យ បណ្ឌិត Dao Ngoc Chien ដើម្បីលើកកម្ពស់ទីតាំងនៅក្នុងខ្សែសង្វាក់តម្លៃបន្ទះឈីបពាក់កណ្តាលចម្លង វៀតណាម មិនត្រឹមតែត្រូវទាក់ទាញការវិនិយោគ និងអភិវឌ្ឍន៍សមត្ថភាពផលិតកម្មប៉ុណ្ណោះទេ ប៉ុន្តែអ្វីដែលសំខាន់ជាងនេះទៅទៀត គឺការកសាងគ្រឹះស្ថានស្រាវជ្រាវរឹងមាំ ការបណ្តុះបណ្តាលជួរអ្នកជំនាញមានកម្រិតខ្ពស់ ការបង្កើតជាបណ្តាក្រុមស្រាវជ្រាវឆ្នើម និងការពង្រីកកិច្ចសហប្រតិបត្តិការអន្តរជាតិ ប្រកបដោយភាពប្រាកដប្រជា និងចីរភាព។

នាយកមូលនិធិ NAFOSTED បានវាយតម្លៃថា កិច្ចសហប្រតិបត្តិការជាមួយ ជប៉ុន មានអត្ថន័យពិសេសយ៉ាងសំខាន់ នៅក្នុងយុទ្ធសាស្ត្រអភិវឌ្ឍន៍ឧស្សាហកម្មបន្ទះឈីបពាក់កណ្តាលចម្លងរបស់ វៀតណាម។ ជាមួយនឹងប្រព័ន្ធវិទ្យាសាស្ត្របច្ចេកវិទ្យាជឿនលឿន និងបទពិសោធន៍ជាច្រើនទសវត្សរ៍ ក្នុងការស្រាវជ្រាវសម្ភារៈ បរិក្ខារ ការរចនាសៀគ្វីមីក្រូ និងបណ្តាបច្ចេកវិទ្យាជួយឧបត្ថម្ភបន្ទះឈីបពាក់កណ្តាលចម្លង ជប៉ុន គឺជាដៃគូយុទ្ធសាស្ត្រ ដើម្បីឱ្យ វៀតណាម រួមគ្នាអភិវឌ្ឍន៍សមត្ថភាពស្រាវជ្រាវ។"

កម្មវិធីកិច្ចសហប្រតិបត្តិការស្រាវជ្រាវ វៀតណាម - ជប៉ុន ក្នុងវិស័យបន្ទះឈីបពាក់កណ្តាលចម្លង នាឆ្នាំ ២០២៦ ផ្តោតសំខាន់លើបណ្តាទិសដៅស្រាវជ្រាវស្នូល នៃឧស្សាហកម្មសៀគ្វីមីក្រូទំនើប។

«ការតភ្ជាប់រវាងបណ្តាអ្នកវិទ្យាសាស្ត្រ មន្ទីរពិសោធន៍ និងគ្រឹះស្ថានស្រាវជ្រាវនៃប្រទេសទាំងពីរ នឹងបង្កើតលក្ខខណ្ឌចែករំលែកចំណេះដឹង ចូលទៅជិតបណ្តាវិធីសាស្ត្រស្រាវជ្រាវជឿនលឿន បណ្តុះបណ្តាលប្រភពធនធានមនុស្សមានគុណភាពខ្ពស់ និងឈានទៅរកការដោះស្រាយបណ្តាប្រធានបទបច្ចេកវិទ្យាមានអត្ថន័យប្រាកដនិយមបន្តិចម្តងៗ» លោក Dao Ngoc Chien បានសង្កត់ធ្ងន់។

ចំពោះភារកិច្ចចំនួន ៥ ដែលទើបតែបានចុះហត្ថលេខា នាយកមូលនិធិ NAFOSTED បានស្នើឱ្យបណ្តាក្រុមស្រាវជ្រាវអនុវត្តឱ្យបានត្រឹមត្រូវតាមគោលដៅ វឌ្ឍនភាព និងបណ្តាការប្តេជ្ញាចិត្តដែលបានឯកភាពគ្នា; រក្សាយន្តការសម្របសម្រួលជាប្រចាំ ជាមួយបណ្តាដៃគូ ជប៉ុន; ធានាគុណភាពវិទ្យាសាស្ត្រ អនុវត្តតាមបណ្តាគោលការណ៍សុចរិតភាពនៃការស្រាវជ្រាវ និងប្រើប្រាស់ប្រភពថវិកាដែលបានផ្តល់ជូន យ៉ាងមានប្រសិទ្ធភាព។

បន្ថែមលើបណ្តាលទ្ធផលស្រាវជ្រាវ និងការផ្សព្វផ្សាយអន្តរជាតិ មូលនិធិ NAFOSTED រំពឹងទុកថា បណ្តាភារកិច្ចនឹងរួមចំណែកបណ្តុះបណ្តាលជំនាន់អ្នកវិទ្យាសាស្ត្របន្តវេន បំប៉នអ្នកសិក្សាស្រាវជ្រាវថ្នាក់បណ្ឌិត វិស្វករ និងបណ្តាប្រាជ្ញាវន្តវ័យក្មេង ក្នុងវិស័យបន្ទះឈីបពាក់កណ្តាលចម្លង។

តាមលោក Dao Ngoc Chien នេះក៏នឹងជាគ្រឹះស្ថាន ដើម្បីបង្កើតជាបណ្តាទំនាក់ទំនងរយៈពេលវែង រវាងបណ្តាសាកលវិទ្យាល័យ វិទ្យាស្ថានស្រាវជ្រាវនៃ វៀតណាម និង ជប៉ុន ដោយបង្កើតបុព្វបទសម្រាប់បណ្តាកម្មវិធីកិច្ចសហប្រតិបត្តិការមានខ្នាតធំជាងមុន នៅក្នុងអនាគត។

លោកបានអះអាងថា មូលនិធិ NAFOSTED នឹងរួមដំណើរជាមួយបណ្តាអង្គការទទួលបន្ទុក និងក្រុមស្រាវជ្រាវ នៅក្នុងពេញមួយដំណើរការអនុវត្តគម្រោង; ព្រមជាមួយគ្នានោះ បន្តសម្របសម្រួលយ៉ាងជិតស្និទ្ធ ជាមួយភ្នាក់ងារវិទ្យាសាស្ត្រ និងបច្ចេកវិទ្យា ជប៉ុន (JST) សំដៅបំពេញបន្ថែមយន្តការកិច្ចសហប្រតិបត្តិការ និងពង្រីកកម្មវិធីនៅក្នុងបណ្តាឆ្នាំខាងមុខ។

ជប៉ុន ប្តេជ្ញាបន្តរួមដំណើរ

នៅក្នុងពិធី លោក Ishikawa Isamu អគ្គរាជទូតរង ជប៉ុន ប្រចាំនៅ វៀតណាម បានចាត់ទុកថា ការអភិវឌ្ឍន៍ប្រព័ន្ធអេកូឡូស៊ី និងខ្សែសង្វាក់តម្លៃនៃឧស្សាហកម្មបន្ទះឈីបពាក់កណ្តាលចម្លង គឺជាសសរទ្រូងយ៉ាងសំខាន់មួយ នៅក្នុងយុទ្ធសាស្ត្រអភិវឌ្ឍន៍សេដ្ឋកិច្ចរបស់ វៀតណាម សំដៅដំរង់ទិសដៅដល់គោលដៅប្រែក្លាយទៅជាប្រទេសអភិវឌ្ឍន៍ នាឆ្នាំ ២០៤៥។

លោកបានសម្តែងនូវក្តីរីករាយ នៅពេលដែល ជប៉ុន មានកល្បឱកាសរួមដំណើរជាមួយ វៀតណាម - ដៃគូពិសេសយ៉ាងសំខាន់ ក្នុងការអភិវឌ្ឍន៍បណ្តាបច្ចេកវិទ្យាយុទ្ធសាស្ត្រ។

អគ្គរាជទូតរង ជប៉ុន រំពឹងទុកថា បណ្តាសាកលវិទ្យាល័យ វិទ្យាស្ថានស្រាវជ្រាវនៃ វៀតណាម ដែលចូលរួមកម្មវិធី នឹងទទួលបាននូវបណ្តាលទ្ធផលស្រាវជ្រាវប្រាកដនិយមជាច្រើន ព្រមទាំងបង្កើនការតភ្ជាប់ និងកិច្ចសហប្រតិបត្តិការ ជាមួយបណ្តាអ្នកវិទ្យាសាស្ត្រ ជប៉ុន។

តំណាងភាគី ជប៉ុន ក៏បានអះអាងថា នឹងបន្តជួយឧបត្ថម្ភបណ្តាក្រុមស្រាវជ្រាវ វៀតណាម នៅក្នុងដំណើរការអនុវត្តភារកិច្ច សំដៅដំរង់ទិសដៅដល់ការពង្រីកកិច្ចសហប្រតិបត្តិការទ្វេភាគី នៅក្នុងវិស័យបច្ចេកវិទ្យាយុទ្ធសាស្ត្រផ្សេងៗជាច្រើនទៀត។

ភ្លាមៗបន្ទាប់ពីពិធីចុះហត្ថលេខា បណ្តាអង្គការទទួលបន្ទុក និងក្រុមស្រាវជ្រាវ នឹងអនុវត្តភារកិច្ចជាផ្លូវការ តាមខ្លឹមសារ និងវឌ្ឍនភាពដែលត្រូវបានអនុម័ត ក្រោមការតាមដាន ជួយឧបត្ថម្ភនៃមូលនិធិ NAFOSTED ព្រមទាំងបណ្តាស្ថាប័នគ្រប់គ្រងពាក់ព័ន្ធ៕

នាយករដ្ឋមន្ត្រីជប៉ុន លោកស្រី Takaichi Sanae បញ្ចប់ទស្សនកិច្ចផ្លូវការនៅវៀតណាមប្រកបដោយជោគជ័យ យុគសម័យ - នាព្រឹកថ្ងៃទី ៣ ខែឧសភា នាយករដ្ឋមន្ត្រីជប៉ុន លោកស្រី Takaichi Sanae បានអញ្ជើញចាកចេញពីទីក្រុងហាណូយ បញ្ចប់ទស្សនកិច្ចផ្លូវការនៅវៀតណាមចាប់ពីថ្ងៃទី ១ ដល់ថ្ងៃទី ៣ ខែឧសភា ប្រកបដោយជោគជ័យ តបតាមការអញ្ជើញរបស់នាយករដ្ឋមន្ត្រីនៃសាធារណរដ្ឋសង្គមនិយមវៀតណាម លោក Le Minh Hung។

វៀតណាម – ជប៉ុន ចុះហត្ថលេខាលើកិច្ចព្រមព្រៀងកម្ចី ODA សម្រាប់បណ្តាគម្រោងហេដ្ឋារចនាសម្ព័ន្ធបន្សាំនឹងការប្រែប្រួលអាកាសធាតុ យុគសម័យ - នាថ្ងៃទី ២ ឧសភា នៅរដ្ឋធានីហាណូយ រដ្ឋាភិបាលវៀតណាម និងទីភ្នាក់ងារសហប្រតិបត្តិការអន្តរជាតិជប៉ុន (JICA) បានចុះហត្ថលេខា និងផ្លាស់ប្តូរនូវរាល់កិច្ចព្រមព្រៀងកម្ចីទុន ODA របស់រដ្ឋាភិបាលជប៉ុន ដើម្បីអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធបន្សាំនឹងការប្រែប្រួលអាកាសធាតុចំនួនពីរ នៅតំបន់ភ្នំ និងតំបន់ខ្ពង់រាបភាគខាងជើង។

សុវណ្ណ