ជម្រុញការទូតប្រជាជនវៀតណាម - កូរ៉េខាងត្បូង

លោក Hoang Cong Thuy អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ជូនអំណោយដល់តំណាងសមាគមពាណិជ្ជករនិងការវិនិយោគវៀតណាម-កូរ៉េខាងត្បូង និងសមាគមអ្នកជំនាញ-បញ្ញវន្តវៀតណាម-កូរ៉េខាងត្បូង។

នៅក្នុងក្របខ័ណ្ឌនៃដំណើរទស្សនកិច្ច គណៈប្រតិភូបានធ្វើការជាមួយសមាគមពាណិជ្ជករនិងការវិនិយោគវៀតណាម-កូរ៉េខាងត្បូង (VKBIA)។

នៅក្នុងជំនួបធ្វើការ បណ្ឌិត Tran Hai Linh សមាជិកគណៈកម្មាធិការមជ្ឈិមរណសិរ្សមាតុភូមិវៀតណាម ប្រធានសមាគមពាណិជ្ជករនិងការវិនិយោគវៀតណាម-កូរ៉េខាងត្បូង និងជាប្រធានស្ថាបនិកសមាគមអ្នកជំនាញ-បញ្ញវន្តវៀតណាម-កូរ៉េខាងត្បូង (VKEIA) បានធ្វើរបាយការណ៍អំពីដំណើរការបង្កើត ការអភិវឌ្ឍនៃសមាគម និងលទ្ធផលលេចធ្លោនានានៅក្នុងការភ្ជាប់ទំនាក់ទំនងការវិនិយោគ ពាណិជ្ជកម្ម វិទ្យាសាស្ត្រ-បច្ចេកវិទ្យា ការផ្លាស់ប្តូរថ្មីប្រកបដោយការច្នៃប្រឌិត កិច្ចសហប្រតិបត្តិការរវាងមូលដ្ឋាន និងការបញ្ចេញសមត្ថភាពប្រភពធនធានបញ្ញវន្តនិងពាណិជ្ជករជនជាតិវៀតណាម-កូរ៉េខាងត្បូង។

ប៉ុន្មានឆ្នាំកន្លងមកនេះ សមាគមពាណិជ្ជករនិងការវិនិយោគវៀតណាម-កូរ៉េខាងត្បូង បានដាក់ឱ្យអនុវត្តនូវកម្មវិធីកិច្ចសហប្រតិបត្តិការជាច្រើនជាមួយបណ្តាក្រសួង ស្ថាប័ន និងមូលដ្ឋាននៃប្រទេសទាំងពីរ ជម្រុញការផ្សព្វផ្សាយការវិនិយោគ ការភ្ជាប់ទំនាក់ទំនងសហគ្រាស ការផ្ទេរប្រគល់បច្ចេកវិទ្យា ការបណ្តុះបណ្តាលប្រភពធនធានមនុស្ស និងការបង្កើនការផ្លាស់ប្តូរទស្សនកិច្ចរវាងប្រជាជន ដែលរួមចំណែកធ្វើឱ្យកិច្ចសហប្រតិបត្តិការសេដ្ឋកិច្ចវៀតណាម-កូរ៉េខាងត្បូងកាន់តែមានលក្ខណៈជាក់ស្តែងនិងមានប្រសិទ្ធភាព។

លោក Hoang Cong Thuy អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម បានវាយតម្លៃខ្ពស់ចំពោះលទ្ធផលទាំងឡាយដែលសមាគមសម្រេចបាន ជាពិសេសគឺតួនាទីក្នុងការភ្ជាប់ទំនាក់ទំនងសហគមន៍សហគ្រាស បណ្តាមូលដ្ឋាន អង្គការ និងប្រជាជននៃប្រទេសទាំងពីរ។

បើតាមប្រសាសន៍របស់លោកអនុប្រធាន Hoang Cong Thuy នៅក្នុងបរិបទដែលទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយវៀតណាម-កូរ៉េខាងត្បូង កំពុងអភិវឌ្ឍយ៉ាងខ្លាំងក្លាលើគ្រប់វិស័យ បណ្តាអង្គការសង្គម សមាគមសហគ្រាស និងសហគមន៍ជនជាតិវៀតណាមនៅបរទេស មានតួនាទីយ៉ាងសំខាន់ក្នុងការដាក់ឱ្យអនុវត្តប្រកបដោយប្រសិទ្ធភាពនូវម្ចាស់ការការទូតរបស់បក្សនិងរដ្ឋ រួមចំណែកពង្រឹងគ្រឹះស្ថាននៃទំនាក់ទំនងមិត្តភាពរវាងប្រជាជននៃប្រទេសទាំងពីរ។

លោកអនុប្រធាន Hoang Cong Thuy បានទទួលស្គាល់ថា សមាគមពាណិជ្ជករនិងការវិនិយោគវៀតណាម-កូរ៉េខាងត្បូង មានសកម្មភាពជាក់ស្តែងនិងច្នៃប្រឌិតជាច្រើន នៅក្នុងការភ្ជាប់ទំនាក់ទំនងការវិនិយោគ ពាណិជ្ជកម្ម ការផ្ទេរប្រគល់បច្ចេកវិទ្យា កិច្ចសហប្រតិបត្តិការរវាងមូលដ្ឋាន ការផ្លាស់ប្តូរវប្បធម៌ និងការជួយគាំទ្រដល់សហគមន៍សហគ្រាសវៀតណាម-កូរ៉េខាងត្បូង។

ក្រៅពីនេះ សមាគមបានដាក់ឱ្យអនុវត្តនូវកម្មវិធីជាច្រើនដែលតម្រង់ទិសដៅឆ្ពោះទៅរកស្រុកកំណើតនិងប្រទេសជាតិ ដូចជា ការជួយឧបត្ថម្ភដល់ប្រជាពលរដ្ឋដែលរងផលប៉ះពាល់ដោយគ្រោះមហន្តរាយធម្មជាតិនិងទឹកជំនន់ ការជួយជ្រោមជ្រែងដល់ប្រជាជនដែលជួបការលំបាកដោយសារអាសន្នរោគកូវីដ-១៩ និងការរៀបចំសកម្មភាពនានាដែលតម្រង់ទិសដៅឆ្ពោះទៅរកសមុទ្រនិងកោះនៃស្រុកកំណើត។

បណ្តាកម្មវិធីរបស់សមាគមក៏បានរួមចំណែកយ៉ាងខ្លាំងក្នុងការផ្សព្វផ្សាយរូបភាពប្រទេសវៀតណាម ការជម្រុញកិច្ចសហប្រតិបត្តិការសេដ្ឋកិច្ច ការវិនិយោគ ពាណិជ្ជកម្ម វប្បធម៌ អប់រំ វិទ្យាសាស្ត្រនិងបច្ចេកវិទ្យា ព្រមទាំងបង្កើនកម្លាំងមហាសាមគ្គីនិងឋានៈរបស់សហគមន៍ជនជាតិវៀតណាមនៅប្រទេសកូរ៉េខាងត្បូងផងដែរ។

វៀតណាម - កូរ៉េខាងត្បូង ជំរុញកិច្ចសហប្រតិបត្តិការបច្ចេកវិទ្យា ថាមពល និងសេដ្ឋកិច្ចឌីជីថល យុគសម័យ - ចំណុចលេចធ្លោនៃសិក្ខាសាលា គឺពិធីចុះហត្ថលេខាលើកំណត់ហេតុនៃការយោគយល់គ្នាជាច្រើន ស្តីពីកិច្ចសហប្រតិបត្តិការរវាងការិយាល័យពាណិជ្ជកម្មវៀតណាមប្រចាំនៅកូរ៉េខាងត្បូង ការិយាល័យវិទ្យាសាស្ត្រ និងបច្ចេកវិទ្យាវៀតណាមប្រចាំនៅកូរ៉េខាងត្បូង ជាមួយបណ្តាដៃគូកូរ៉េខាងត្បូង។

ពិព័រណ៍រូបថតស្តីពីទំនាក់ទំនងវៀតណាមនិងកូរ៉េខាងជើង យុគសម័យ - អ្នកទស្សនាមានក្តីរំភើបយ៉ាងខ្លាំងចំពោះមុខបណ្ដារូបថតប្រវត្តិសាស្ត្រកាលពីជិត ៧០ ឆ្នាំមុន នៅពេលដែលប្រធាន Kim Nhat Thanh អញ្ជើញទៅកាន់ព្រលានយន្តហោះអន្តរជាតិ Sunan ដោយផ្ទាល់ដើម្បីទទួលស្វាគមន៍ប្រធាន Ho Chi Minh ក្នុងឱកាសអញ្ជើញទៅបំពេញទស្សនកិច្ចនៅប្រទេសកូរ៉េខាងជើង ចាប់ពីថ្ងៃទី ៨ ដល់ថ្ងៃទី ១២ ខែកក្កដា ឆ្នាំ ១៩៥៧។

ឌឹកអាញ់

thoidai.com.vn