វៀតណាម និងទីម័រឡេស្តជំរុញកិច្ចសហប្រតិបត្តិការ

ភារធារី Pham Binh Dam ជួបសម្តែងការគួរសមជាមួយនិងឧបនាយករដ្ឋមន្ត្រីទីម័រឡេស្តលោក Francisco Kalbuadi Lay។

នៅក្នុងជំនួប ឧបនាយករដ្ឋមន្ត្រី Francisco Kalbuadi Lay បានវាយតម្លៃខ្ពស់ចំពោះរាល់សមិទ្ធផលអភិវឌ្ឍន៍របស់វៀតណាមក្នុងបណ្តាឆ្នាំកន្លងមកនេះ ទន្ទឹមនឹងនោះថ្លែងអំណរគុណចំពោះការគាំទ្រដ៏មុតមាំនិងមុនក្រោយដូចគ្នារបស់វៀតណាមចំពោះដំណើរការសមាហរណកម្មតំបន់និងអន្តរជាតិរបស់ទីម័រឡេស្ត ជាពិសេសគឺការចូលជាសមាជិកអង្គការពាណិជ្ជកម្មពិភពលោក (WTO) និងអាស៊ាន។ យោងតាមឧបនាយករដ្ឋមន្ត្រី បទពិសោធន៍នៃការអភិវឌ្ឍនិងសមាហរណកម្មរបស់វៀតណាមគឺជាប្រភពឯកសារយោងដ៏មានប្រយោជន៍ចំពោះទីម័រឡេស្តនៅក្នុងដំណើរការអភិវឌ្ឍន៍ប្រទេសជាតិ។

ភាគីទាំងពីរបានផ្លាស់ប្តូរមតិអំពីសក្តានុពលបើកទូលាយកិច្ចសហប្រតិបត្តិការនៅក្នុងបណ្តាវិស័យកសិកម្ម ការធានាសន្តិសុខស្បៀង ការអភិវឌ្ឍប្រភពធនធានមនុស្ស ការផ្លាស់ប្តូរឌីជីថល ទេសចរណ៍ ការតភ្ជាប់ព្រមទាំងការទាក់ទាញការវិនិយោគ។

ភារធារី Pham Binh Dam បានអះអាងថាវៀតណាមត្រៀមលក្ខណៈជាស្រេចដើម្បីចែករំលែកបទពិសោធន៍អភិវឌ្ឍន៍ ទន្ទឹមនឹងនោះបង្កើនការតភ្ជាប់រវាងបណ្តាស្ថាប័ន មូលដ្ឋាននិងសហគ្រាសនៃប្រទេសទាំងពីរនៅលើមូលដ្ឋានស្របគ្នាជាមួយនិងតម្រូវការនិងរាល់អាទិភាពអភិវឌ្ឍន៍របស់ទីម័រឡេស្ត។ ភារធារីក៏បានចាត់ទុកថាប្រទេសទាំងពីរមានលក្ខណៈងាយស្រួលជាច្រើនដើម្បីកសាងបណ្តាកម្មវិធីសហប្រតិបត្តិការជាក់ស្តែង ដោយចំពោះមុខគឺអាចជំរុញការផ្លាស់ប្តូរអ្នកជំនាញ ការស្ទង់មតិតម្រូវការ ការបណ្តុះបណ្តាលកម្មាភិបាលព្រមទាំងបង្កើនការតភ្ជាប់សហគមន៍សហគ្រាស។

ផ្លាស់ប្តូរមតិអំពីការដែលទីម័រឡេស្តត្រៀមលក្ខណៈកាន់តួនាទីជាប្រធានអាស៊ាន នាឆ្នាំ ២០២៩ ឧបនាយករដ្ឋមន្ត្រី Francisco Kalbuadi Lay បានសម្តែងនូវបំណងប្រាថ្នាចង់សិក្សារៀនសូត្របទពិសោធន៍របស់វៀតណាមនៅក្នុងការងារចាត់តាំងបណ្តាព្រឹត្តិការណ៍ពហុភាគី ការបណ្តុះបណ្តាលកម្មាភិបាល ពិធីការ ភស្តុភារ ព័ត៌មាននិងការសម្របសម្រួលអន្តរវិស័យ។

ឆ្លើយតបវិញ ភារធារី Pham Binh Dam បានអះអាងថាវៀតណាមត្រៀមលក្ខណៈជាស្រេចដើម្បីផ្លាស់ប្តូរនិងចែករំលែកនូវបទពិសោធន៍សមស្របនានា រួមចំណែកជួយឧបត្ថម្ភទីម័រឡេស្តក្នុងការលើកកម្ពស់សមត្ថភាពចូលរួមនិងរួមចំណែកប្រកបដោយប្រសិទ្ធភាពជាងមុនចូលទៅក្នុងបណ្តាសកម្មភាពរបស់អាស៊ាន។

អំពីកិច្ចសហប្រតិបត្តិការសេដ្ឋកិច្ច ឧបនាយករដ្ឋមន្ត្រី Francisco Kalbuadi Lay បានសង្កត់ធ្ងន់ថារដ្ឋាភិបាលទីម័រឡេស្តតែងតែផ្តល់តម្លៃខ្ពស់ចំពោះវត្តមានរបស់បណ្តាសហគ្រាសវៀតណាមជានិច្ច ព្រមទាំងត្រៀមលក្ខណៈជាស្រេចដើម្បីពិនិត្យមើលនិងជួយឧបត្ថម្ភដោះស្រាយរាល់ការលំបាកទាំងឡាយដែលកើតឡើងនៅក្នុងដំណើរការវិនិយោគនិងធ្វើអាជីវកម្មនៅឯប្រទេសនេះ។

បញ្ចប់ជំនួប ភាគីទាំងពីរបានឯកភាពគ្នាជាឯកច្ឆន្ទបន្តសម្របសម្រួលជាមួយនិងបណ្តាស្ថាប័នមានសមត្ថកិច្ចដើម្បីកំណត់នូវបណ្តាវិស័យ គម្រោងនិងសកម្មភាពសហប្រតិបត្តិការជាក់ស្តែងមួយចំនួន បង្កើតជាខឿនគ្រឹះជំរុញទំនាក់ទំនងវៀតណាម - ទីម័រឡេស្តឱ្យអភិវឌ្ឍកាន់តែមានសារធាតុពិតប្រាកដនិងប្រសិទ្ធភាពពីមួយថ្ងៃទៅមួយថ្ងៃ៕

ប្រមុខការទូតអាស៊ាន អនុម័តលើគោលការណ៍ណែនាំ សម្រាប់ចូលជាសមាជិក របស់ទីម័រឡេស្តេ ក្នុងកិច្ចប្រជុំក្រុមប្រឹក្សា សម្របសម្រួលអាស៊ាន លើកទី២៩ នៅថ្ងៃទី២ សីហា រដ្ឋមន្ត្រីការបរទេស អាស៊ាន បានអនុម័តលើគោល ការណ៍ណែនាំ សម្រាប់ការចូលរួមជាសមាជិក របស់ប្រទេសទីម័រឡេស្តេ ក្នុងសកម្មភាពនានា របស់អាស៊ាន ។

កម្ពុជា-ទីម័រឡេស្តេពង្រីកកិច្ចសហប្រតិបត្តិការលើវិស័យទេសចរណ៍ កម្ពុជានិងទីម័រឡេស្តេ ចង់ពង្រីកកិច្ចសហប្រតិបត្តិការជាមួយប្រទេសដទៃឱ្យបានកាន់តែច្រើន និងកាន់តែរឹងមាំ តួយ៉ាងកម្ពុជា-ទីម័រឡេស្ដេ មុននិងក្រោយក៏គង់តែក្លាយជាបងប្អូនរួមតំបន់តែមួយ។

ឌឹកអាញ់

thoidai.com.vn