យុគសម័យ - ប្រទេសឡាវមានគោលបំណងថា នឹងសម្របសម្រួលជាមួយខេត្ត Quang Ninh និងជួយខេត្តទាំងបីនៃភាគខាងជើងឡាវ (រួមទាំង ខេត្ត Houaphanh, ខេត្ត Luang Prabang ខេត្ត Xayabury) ក្នុងវិស័យវិទ្យាសាស្ត្រ និងបច្ចេកវិទ្យា ដើម្បីលើកកម្ពស់ការផ្លាស់ប្តូរឌីជីថល កសិកម្មប្រើប្រាស់បច្ចេកវិទ្យាខ្ពស់ និងទេសចរណ៍នៃខេត្តនានា។
 ខេត្ត Quang Ninh ទទួលស្វាគមន៍ភ្ញៀវទេសចរជាង ២ លាននាក់ក្នុងត្រីមាសទីមួយ |
 ខេត្ត Quang Ninh ជួយឧបត្ថម្ភខេត្ត Luang Prabang (ឡាវ) ក្នុងការបង្ការ និងប្រយុទ្ធប្រឆាំងនឹងជំងឺកូវីដ-១៩ |
 |
| ប្រធានសមាគមមជ្ឈិមមិត្តភាពឡាវ-វៀតណាមបានពិភាក្សាជាមួយលោកស្រីអនុប្រធានគណៈកម្មាធិការប្រជាជនខេត្ត Quang Ninh (រូបថត៖ Thanh Luan)។ |
ប្រធានសមាគមមជ្ឈិមមិត្តភាពឡាវ-វៀតណាម លោក Boviengkham Vongdara មានប្រសាសន៍ដូច្នេះនៅក្នុងជំនួបជាមួយលោកស្រី Nguyen Thi Hanh - សមាជិកនៃគណៈកម្មធិការបក្សខេត្ត អនុប្រធានគណៈកម្មាធិការប្រជាជនខេត្ត ប្រធានសម្ព័ន្ធអង្គការមិត្តភាពខេត្ត Quang Ninh ពី ថ្ងៃទី ២០ ខែកក្កកដា។
យោងតាមលោក Boviengkham Vongdara៖ ខេត្ត : Luang Prabang មានភាពស្រដៀងគ្នាជាមួយខេត្ត Quang Ninh នៅពេលដែលខេត្តទាំងពីរនោះមានបេតិកភណ្ឌពិភពលោក បានទទួលស្គាល់ដោយអង្គការ UNESCO ដូច្នេះ ខេត្តអាចផ្តោតលើវិស័យទេសចរណ៍។ ខេត្ត Xayabury មានប្រៀបខ្លាំងក្នុងវិស័យកសិកម្ម ដូច្នេះខេត្តអាចអនុវត្តបច្ចេកវិទ្យាខ្ពស់ និងធ្វើទំនើបកម្មនៃកសិកម្ម។ ចំណែកឯខេត្ត Houaphanh មានការលំបាកក្នុងចរាចរណ៍ ប៉ុន្តែមានគុណសម្បត្តិជាប់ព្រំដែនខេត្ត Son La ខេត្ត Thanh Hoa និង ខេត្តNghe An។
 |
| សមាគមមិត្តភាពឡាវ-វៀតណាម ប្រគល់វត្ថុអនុស្សាវរីយ៍ជូនខេត្ត Quang Ninh (រូបថត៖ Thanh Luan)។ |
អនុប្រធានគណៈកម្មាធិការប្រជាជនខេត្ត Quang Ninh លោកស្រី Nguyen Thi Hanh បានអះអាងថា៖ វិស័យព័ត៌មានវិទ្យា កសិកម្ម បច្ចេកវិទ្យាខ្ពស់ ទេសចរណ៍ ... ជាវិស័យដែលខេត្ត Quang Ninh មានបទពិសោធន៍ជាក់លាក់ និងនាំមខតំបន់ជាច្រើនក្នុងប្រទេស។ ខេត្តមានឆន្ទៈចង់ ចែករំលែកនិងសម្របសម្រួលជាមួយខេត្តបងប្អូនបីនៃប្រទេសឡាវខាងជើង។
លោកស្រី Nguyen Thi Hanh បានឲ្យដឹងថា៖ ទំនាក់ទំនងរវាងវៀតណាម និងឡាវ គឺជាទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យ។ ជាពិសេស សមាគមមិត្តភាពឡាវ-វៀតណាមបានរួមចំណែកសំខាន់ជាច្រើនក្នុងការអភិវឌ្ឍន៍ចំណងសាមគ្គីភាពពិសេសរវាងបក្ស រដ្ឋ និងប្រជាជននៃប្រទេសទាំងពីរ។
នាបច្ចុប្បន្ន ខេត្ត Quang Ninh បានបង្កើតទំនាក់ទំនងសហប្រតិបត្តិការមិត្តភាពជាមួយខេត្តចំនួន ៣ នៃភាគខាងជើងឡាវ រួមមាន Houaphanh, Luang Prabang, Xayabury និងបានចុះហត្ថលេខាជាមួយខេត្តទាំងនេះនូវកិច្ចព្រមព្រៀងថ្នាក់ខេត្តចំនួន ៧។ ខ្លឹមសារនៃកិច្ចសហប្រតិបត្តិការផ្តោតលើវិស័យផ្លាស់ប្តូរមិត្តភាព វប្បធម៌ ទេសចរណ៍ ការអប់រំ និងបណ្តុះបណ្តាល និងការអភិវឌ្ឍធនធានមនុស្ស។ សាខា និងអង្គការនានាក្នុងខេត្តក៏បានចុះហត្ថលេខាលើកិច្ចព្រមព្រៀងចំនួនប្រាំបីជាមួយសាខា និងអង្គការរៀងៗខ្លួននៃខេត្តទាំងបីភាគខាងជើងនៃប្រទេសឡាវ ។
thoidai.com.vn
មតិពីមិត្តអ្នកអាន