យុទ្ធនាការជិះកង់ជុំវិញព្រៃឡង់ នឹងជួយលើកកម្ពស់ការយល់ដឹងពីការអភិរក្សធនធានធម្មជាតិ

សម្តេចតេជោ ហ៊ុន សែន សម្រេចប្រកាសបើកយុទ្ធនាការចាក់វ៉ាក់សាំងជូនកុមារអាយុ៦ឆ្នាំ ដល់ ១២ឆ្នាំ ចាប់ផ្តើមពីថ្ងៃទី១៧ ខែកញ្ញា ឆ្នាំ២០២១ !

រាជរដ្ឋាភិបាល ចេញសេចក្តីណែនាំ ស្តីពីការបន្តអនុវត្តយុទ្ធនាការពង្រឹងវិធានការប្រយុទ្ធ និងទប់ស្កាត់ ការឆ្លងរាលដាលនៃជំងឺកូវីដ១៩

យុទ្ធនាការជិះកង់ជុំវិញព្រៃឡង់ នឹងជួយលើកកម្ពស់ការយល់ដឹងពីការអភិរក្សធនធានធម្មជាតិ

ព្រឹត្តិការណ៍នេះ មានអ្នកចូលរួម២៥នាក់ចាប់ផ្តើមពីថ្ងៃទី១០ ដល់ថ្ងៃទី២០ ឧសភា​។ ក្នុងយុទ្ធនាការនេះ គឺមានការជិះកង់ចម្ងាយ៦០០គីឡូម៉ែត្រ នៅជុំវិញព្រៃឡង់ ដោយចាប់ចេញដំណើរពីទីរួមខេត្តកំពង់ធំ ឆ្ពោះទៅកាន់ខេត្តព្រះវិហារ ស្ទឹងត្រែង ក្រចេះ និងបញ្ចប់នៅខេត្តកំពង់ធំវិញ​។ លោក ហេង គឹមហុង ប្រធានផ្នែកកម្មវិធីស្រាវជ្រាវ និងតស៊ូមតិ នៃសមាគមបណ្តាញយុវជនកម្ពុជា(CYN)ប្រាប់សារព័ត៌មានថ្មីៗ នាព្រឹកថ្ងៃទី ១០ឧសភានេះ ដោយបន្តទៀតថា ​ការជិះកង់នៅជុំវិញបឹងតាមោក​ គឺធ្វើនឹងនៅថ្ងៃទី១៩ឧសភា តែមួយថ្ងៃប៉ុណ្ណោះ ខណៈ​ថ្ងៃបន្តបន្ទាប់ទៀត គឺជាយុទ្ធនាការផ្សព្វផ្សាយលើបណ្ដាញសង្គម និងកម្មវិធីសិក្ខាសាលា​។

ប្រធានផ្នែកកម្មវិធីស្រាវជ្រាវ និងតស៊ូមតិ នៃCYN រូបនេះ បានឲ្យដឹងថា គោលបំណងនៃយុទ្ធនាការនេះ គឺដើម្បីលើកកម្ពស់ការយល់ដឹងពីបរិស្ថាន ស្វែងយល់ពីបម្រែបម្រួលអាកាសធាតុ ជំរុញការថែរក្សាការពារបរិស្ថាន និងធនធានធម្មជាតិ ព្រមទាំង​រួមចំណែកកាត់បន្ថយការប្រើ​ប្លាស្ទិក ​ការប្រើឥន្ធនៈផងដែរ។ សម្រាប់ លោក គឹមហុង ​ ការជិះកង់ គឺមានទំនាក់ទំនងយ៉ាងជិតស្និទ្ធ ជាមួយនឹងការការពារបរិស្ថាន ព្រោះសកម្មភាពនេះ មិនមានការបំភាយឧស្ម័នពុល ទៅក្នុងបរិយាកាស។ ការជិះកង់ ក៏ជាផ្នែកមួយក្នុងការផ្សព្វផ្សាយ និងលើកទឹកចិត្តដល់ប្រជាពលរដ្ឋ ឲ្យចូលរួមថែរក្សាបរិស្ថានផងដែរ។ លោក ហេង គឹមហុង បញ្ជាក់ដូច្នេះ រួចបន្តថា៖ «អ្វីដែលយើងចង់ផ្សព្វផ្សាយ គឺទាក់ទងនឹងការការពារធនធានធម្មជាតិ និងការពារបឹងធម្មជាតិ ព្រោះបឹងធម្មជាតិជាផ្នែកមួយរបស់បរិស្ថាន​ជាពិសេស បឹងតាមោក អាចជួយស្តុកទឹកកខ្វក់ ជួយការពារមិនឱ្យមានទឹកកខ្វក់ហៀរចេញក្រៅ»។

ជុំវិញយុទ្ធនាការនេះ ​ សមាគមបណ្តាញយុវជនកម្ពុជា(CYN) ក៏បានចុះផ្សាយនៅលើហ្វេសប៊ុកដែរថា គឺធ្វើឡើងដើម្បីស្នើដល់ក្រសួងបរិស្ថាន ផ្តល់ការអនុញ្ញាតឱ្យសហគមន៍មូលដ្ឋាន សហគមន៍ជនជាតិដើមភាគតិច សាធារណជន និងអង្គការសង្គមស៊ីវិល បានចូលរួមការពារធនធានធម្មជាតិ តាមរយៈការចុះល្បាតផងដែរ៕

ហេង វុធ្ធី

Thmeythmey/Freshnews