នារសៀលថ្ងៃទី៤ ខែឧសភា នៅរាជធានីភ្នំពេញ តំណាងសាខាធនាគារយោធា (MB Cambodia) និងក្រុមហ៊ុន Viettel Cambodia (Metfone) នៃសម្ព័ន្ធក្រុមហ៊ុន Viettel បានចុះហត្ថលេខាលើកិច្ចព្រមព្រៀងស្តីពីកញ្ចប់ឥណទានពិសេសនៅឆ្នាំ២០២២ ដល់ទៅ ១០០ លានដុល្លារអាមេរិក ដើម្បីធ្វើឱ្យប្រសើរឡើងនូវបណ្តាញសេវាទូរគមនាគមន៍ និងអភិវឌ្ឍសកម្មភាពអាជីវកម្មរបស់ Metfone នៅក្នុងទីផ្សារកម្ពុជា។
 |
| តំណាងសាខាធនាគារយោធា (MB Cambodia) និងក្រុមហ៊ុន Viettel Cambodia (Metfone) នៃសម្ព័ន្ធក្រុមហ៊ុន Viettel ចុះហត្ថលេខាលើកិច្ចព្រមព្រៀងស្តីពីកញ្ចប់ឥណទានពិសេសនៅឆ្នាំ២០២២ |
ក្រុមហ៊ុន Metfone និង MB Cambodia ត្រូវបានគេចាត់ទុកថាជាសហគ្រាសវៀតណាមដែលត្រួសត្រាយវិនិយោគ និងធ្វើអាជីវកម្មនៅកម្ពុជាអស់រយៈពេលជាង ១០ ឆ្នាំមកហើយ។ ឯកអគ្គរដ្ឋទូតវៀតណាមប្រចាំកម្ពុជា លោក Nguyen Huy Tang បានចាត់ទុកថា កិច្ចសហប្រតិបត្តិការនេះជួយលើកកំពស់ឋានៈរបស់សហគ្រាសវៀតណាមនៅកម្ពុជា ដោយរួមចំណែកលើកកំពស់ប្រសិទ្ធភាពនៃកិច្ចសហប្រតិបត្តិការរវាងប្រទេសទាំងពីរ ជាពិសេសលើវិស័យសេដ្ឋកិច្ច។
នៅឆ្នាំ ២០២២ MB Cambodia ប្តេជ្ញាផ្តល់កញ្ចប់ឥណទានអនុគ្រោះពិសេសសម្រាប់មិត្តហ្វូន ដូចជាការផ្តល់ជូនពិសេសដែលមានកម្រិតឥណទានរហូតដល់ ១០០ លានដុល្លារអាមេរិក ដើម្បីបម្រើសកម្មភាពអាជីវកម្ម ការអភិវឌ្ឍន៍ និងការកែលម្អការផ្តល់បណ្តាញសេវាទូរគមនាគមន៍។ ធនាគារក៏ផ្តល់កញ្ចប់ឥណទានអនុគ្រោះសម្រាប់មន្រ្តី បុគ្គលិក អតិថិជនរបស់មិត្តហ្វូន និងក្រុមហ៊ុនជាសមាជិក។
យោងតាមនាយក MB Cambodia លោក Nguyen Anh Khanh បានឲ្យដឹងថា ចាប់ពីថ្ងៃដំបូងនៃការបណ្តាក់ទុន និងធ្វើអាជីវកម្មនៅកម្ពុជា MB Cambodia និង Metfone បានរួមដំណើរ និងសហប្រតិបត្តិការប្រកបដោយប្រសិទ្ធភាព ដែលនាំមកនូវតម្លៃដល់សហគ្រាសទាំងពីរនិយាយដោយឡែក និងដល់សហគមន៍ និងអ្នកប្រើប្រាស់កម្ពុជានិយាយរួម។ ភាគីទាំងពីរបានសហការស្រាវជ្រាវលើផលិតផលថ្មីដោយផ្អែកលើប្រៀបខ្លាំងនៃសហគ្រាសទាំងពីរ ដើម្បីបន្ស៊ាំខ្លួនទៅនឹងការផ្លាស់ប្តូរក្នុងសេដ្ឋកិច្ច ក៏ដូចជាការផ្លាស់ប្តូរឌីជីថលដ៏ខ្លាំងក្លានៅវៀតណាម និងកម្ពុជា។
ចំពោះទំនាក់ទំនងទ្វេភាគីរវាងវៀតណាម និងកម្ពុជា លោកឯកអគ្គរដ្ឋទូត Nguyen Huy Tang បានមានប្រសាសន៍ថា ប្រសិនបើកិច្ចសហប្រតិបត្តិការសេដ្ឋកិច្ចមិនអនុវត្តជាក់ស្តែង វានឹងមិនបង្កើតធនធាន និងកម្លាំងចលករដើម្បីធានាការអភិវឌ្ឍន៍ប្រកបដោយចីរភាពនៃប្រទេសទាំងពីរនោះទេ។
ទំហំពាណិជ្ជកម្មវៀតណាម-កម្ពុជា ក្នុងរយៈពេលពីរឆ្នាំចុងក្រោយនេះ មានជំហានរីកចម្រើនគួរឱ្យចាប់អារម្មណ៍នៅពេលឈានដល់ ៥ ពាន់លានដុល្លារអាមេរិកក្នុងឆ្នាំ ២០២០ និងសម្រេចបាន ៩.៣ ពាន់លានដុល្លារអាមេរិកក្នុងឆ្នាំ ២០២១។ យោងតាមលោកឯកអគ្គរដ្ឋទូត Nguyen Huy Tang ប្រសិនបើកាលពីមុន កម្ពុជាចាប់អារម្មណ៍តែទីផ្សារធំៗដូចជាអាមេរិក អឺរ៉ុប និងចិន ឥឡូវនេះកម្ពុជាវាយតម្លៃថាទីផ្សារប្រទេសជិតខាងក៏ពោរពេញទៅដោយសក្តានុពល ជាពិសេសនៅក្នុងរយៈពេលនៃការស្តារសេដ្ឋកិច្ចក្រោយកូវីដ-១៩៕
មតិពីមិត្តអ្នកអាន