យុគសម័យ - រដ្ឋាភិបាលសហរដ្ឋអាមេរិកបានប្រកាសថា មូលនិធិបម្រុងគ្រាអាសន្នរបស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) នឹងផ្តល់ថវិកាចំនួន ៣៧ លានដុល្លារអាមេរិក ដើម្បីជួយប្រទេសវៀតណាម និងជាង ២០ ប្រទេសដែលទប់ទល់នឹងការរីករាលដាលនៃជំងឺ Covid-19 ។
គិតត្រឹមថ្ងៃទី ១៤ ខែមីនា ប្រទេសវៀតណាមមាន ៥៣ ករណីនៃ Covid-19 ។ (ប្រភព៖ Baogiaothong)
ប្រាក់ជំនួយនេះនេះគឺជាផ្នែកមួយនៃថវិកា ១០០ លានដុល្លារដែលសហរដ្ឋអាមេរិកបានសន្យាកាលពីខែមុន ដើម្បីជួយគាំទ្រដល់ការទប់ស្កាត់នឹងការរីករាលដាលនៃជំងឺ Covid-19 នៅក្នុង ២៥ ប្រទេសដែលសហរដ្ឋអាមេរិកផ្តល់ ”អាទិភាព” នៅលើពិភពលោក។
ក្រៅពីប្រទេសវៀតណាម បណ្តាប្រទេសអាស៊ីអាគ្នេយ៍ជាច្រើនដែលប្រឈមមុខនឹងការរីករាលដាលជំងឺ Covid-19 ដូចជា ថៃនិងកម្ពុជាក៏ទទួលបានថវិកានេះដែរ។
អ្នកនាំពាក្យទីភ្នាក់ងារ USAID បានមានប្រសាសន៍ថា៖“ នៅវៀតណាម ទំនាក់ទំនងរវាងមនុស្សនិងសត្វ ការផ្លាស់ប្តូរបរិស្ថាន បង្កើនការធ្វើដំណើរនិងពាណិជ្ជកម្មអន្តរជាតិ ការផ្លាស់ប្តូរគោលបំណងប្រើប្រាស់ដីធ្លី…ដែលបង្កើនហានិភ័យនៃជំងឺឆ្លងជាពិសេសជំងឺពីសត្វឆ្លងមនុស្ស។ ដោយសារហេតុផលទាំងនេះ ទីភ្នាក់ងារ USAID បានធ្វើការជាមួយរដ្ឋាភិបាលវៀតណាម ដើម្បីពង្រឹងប្រព័ន្ធប្រតិកម្ម រៀបចំផែនការនិងប្រព័ន្ធតាមដានជំងឺរបស់វៀតណាម។ ”
ទីភ្នាក់ងារ USAID បានឲ្យដឹងថា ទីភ្នាក់ងារនេះបានគាំទ្រដល់ប្រទេសវៀតណាម ក្នុងរយៈពេលជាង ១០ ឆ្នាំមកហើយ សំដៅពង្រឹងសមត្ថភាពទប់ស្កាត់ រកឃើញ និងឆ្លើយតបចំពោះការគំរាមកំហែងដែលបង្កឡើងដោយជំងឺ./.
(បកប្រែដោយឌីណា)
មតិពីមិត្តអ្នកអាន