វៀតណាម-កម្ពុជា ពិធីបុណ្យ «បណ្តុះពន្លកមិត្តភាព»វៀតណាមកម្ពុជា

កម្ពុជា​-​វៀតណាម ពិភាក្សា​ពី​ប្រតិបត្តិ​ការដឹកជញ្ជូន តាម​ច្រកទ្វារព្រំដែន

វៀតណាម - កម្ពុជា៖ ពីសាមគ្គីភាពប្រយុទ្ធប្រឆាំងនឹងការឈ្លានពានរបស់សត្រូវរហូតដល់ការ រួបរួមគ្នាយកឈ្នះលើជំងឺរាតត្បាតសកល Covid-19

ទិដ្ឋភាពនៃកិច្ចប្រជុំនេះ

អញ្ជើញថ្លែងមតិក្នុងពិធីបុណ្យនេះ លោក Tran Tan Ngo អនុប្រធានគណៈកម្មការមជ្ឈិមសមាគមមិត្តភាពវៀតណាម-កម្ពុជាបានមានប្រសាសន៍ថា កម្មវិធី “បណ្តុះពន្លកចំណងមិត្តភាព” បានបង្កើតឡើងក្នុងឆ្នាំ ២០១៧ គឺជាគំនិតផ្តួចផ្តើមរបស់គណៈកម្មាធិការមជ្ឈិមសមាគមមិត្តភាពវៀតណាម - កម្ពុជា ដូចជាការតបស្នងសងគុណចំពោះទឹកចិត្តឱបក្រសោបការយកចិត្តទុកដាក់របស់ប្រជាជនកម្ពុជាសម្រាប់កងទ័ព​ស្ម័គ្រចិត្តវៀតណាមក្នុងអំឡុងខែឆ្នាំនៃការជួយឧបត្ថម្ភភាគីមិត្តក្នុងការលុបបំបាត់របបប្រល័យពូជសាសន៍។

យោងតាមលោក Tran Tan Ngo លេខាធិការដ្ឋាននៃគណៈកម្មាធិការមជ្ឈិមបក្សមានបំណងដឹកនាំសមាគមមិត្តភាពវៀតណាម-កម្ពុជា បន្តពង្រីកអោយបានទូលំទូលាយនឹងរីកសាយភាយគំនិតផ្តួចផ្តើមនេះ ដើម្បីជួយឧបត្ថម្ភ គាំទ្រ ដល់និស្សិតកម្ពុជាបានសិក្សារៀនសូត្រជាមួយមូលនិធិសង្គមភាវូបនីយកម្ម; រួមចំណែកពង្រឹងទំនាក់ទំនងមិត្តភាពរវាងវៀតណាម និងកម្ពុជាថែមទៀត។

រហូតមកដល់ពេលនេះ កម្មវិធី “បណ្តុះពន្លកចំណងមិត្តភាព” នៅភាគខាងត្បូងបានឧបត្ថម្ភនិស្សិតអន្តរជាតិកម្ពុជាចំនួន ១៦៧ នាក់ដែលកំពុងសិក្សានៅសាកលវិទ្យាល័យ និងមហាវិទ្យាល័យនានាក្នុងទីក្រុងហូជីមិញ។ ជាមួយនឹងកិច្ចសហប្រតិបត្តិការយ៉ាងសកម្មរបស់ស្ថានអគ្គកុងស៊ុលកម្ពុជាប្រចាំទីក្រុងហូជីមិញ ក្នុងរយៈពេលកន្លងមក មានកម្មាភិបាលនៃគណៈកម្មាធិការមជ្ឈិមសមាគមមិត្តភាពវៀតណាម-កម្ពុជា អតីតអ្នកជំនាញ អតីតយុទ្ធជនស្ម័គ្រចិត្ត និងពាណិជ្ជករជាង ១០០នាក់ គឺជាសមាជិកក្នុងក្លឹបធុរកិច្ចវៀតណាម-កម្ពុជា ក៏បានចូលរួមក្នុងកម្មវិធីនេះដែរ។

ក្នុងពិធីបុណ្យនេះ និស្សិតកម្ពុជា និងក្រុមគ្រួសារឪពុកម្តាយធ៌មរបស់ពួកគេបានជួបប្រាស្រ័យទាក់ទងជាមួយប្រតិភូ។ ក្នុង​ឱកាស​នេះ គណៈកម្មការ​រៀបចំ ​បាន​ប្រគល់​មេដាយ​មិត្តភាព​នៃ​ព្រះរាជាណាចក្រ​កម្ពុជា; ពិធីប្រគល់វិញ្ញាបនបត្រ គ្រឿងឥស្សរិយយស មេដាយពីសហភាពអង្គការមិត្តភាពវៀតណាម និងទង់ជាតិនៃសមាគមមិត្តភាពវៀតណាមកណ្តាល-កម្ពុជា សម្រាប់បុគ្គល និងសមូហភាពចំនួន ១៣ ដែលបានរួមចំណែកជាវិជ្ជមានជាច្រើនក្នុងកម្មវិធី “បណ្តុះពន្លកចំណងមិត្តភាព” ក្នុងកម្មវិធី អតីតកាលផងដែរ៕

ហេង វុធ្ធី

SGGP