កម្ពុជា និងអូស្ត្រាលី បានពិភាក្សា និងឯកភាពគ្នា ក្នុងការបន្តពង្រឹងកិច្ចសហប្រតិបត្តិការលើការងារកំណែទម្រង់រដ្ឋបាលសាធារណៈនៅកម្ពុជាឱ្យបានប្រសើរឡើង។ នេះបើតាមសេចក្តីប្រកាសរបស់ក្រសួងមុខងារសាធារណៈចុះថ្ងៃទី ២ កញ្ញា។
 ជំរុញទំនាក់ទំនងសហប្រតិបត្តិការរវាងរណសិរ្សនៃប្រទេសទាំងពីរវៀតណាម - កម្ពុជា |
 យុវជនចែករំលែកពីវិធីធ្វើឱ្យសុខភាពរបស់ពួកគេប្រសើរឡើងក្នុងកំឡុងពេលរក្សាគម្លាតឱ្យនៅឆ្ងាយពីគ្នា |
 |
| លោក Pablo Kang ឯកអគ្គរដ្ឋទូតអូស្រ្តាលីប្រចាំកម្ពុជា និងលោក ព្រុំ សុខា រដ្ឋមន្ត្រីក្រសួងមុខងារសាធារណៈ ក្នុងជំនួបកាលពីថ្ងៃទី ១ កញ្ញា។ រូបថត ក្រសួងមុខងារសាធារណៈ |
ការសម្រេចបែបនេះ ធ្វើឡើងក្នុងជំនួបរវាងលោក Pablo Kang ឯកអគ្គរដ្ឋទូតអូស្រ្តាលីប្រចាំកម្ពុជាជាមួយ លោក ព្រុំ សុខា រដ្ឋមន្ត្រីក្រសួងមុខងារសាធារណៈ កាលពីថ្ងៃទី ១ ខែកញ្ញា នៅឯទីស្តីការក្រសួងមុខងារសាធារណៈ។
ការប្រកាសពង្រឹងកំណែទម្រង់នេះ នឹងផ្តោតលើការគាំទ្រកម្មវិធីជាតិកំណែទម្រង់រដ្ឋបាលសាធារណៈកម្ពុជា ការរៀបចំសេចក្តីព្រាងច្បាប់ស្តីពីការផ្តល់សេវាសាធារណៈវគ្គបណ្តុះបណ្តាលភាពជាអ្នកដឹកនាំ និងនវានុវត្តន៍ សម្រាប់មន្រ្តីរាជការ និងការរៀបចំផែនការនិរន្តរភាពការងារក្នុងអំឡុងពេលនៃការរីករាលដាលជំងឺកូវីដ ១៩។
បើតាមសេចក្តីប្រកាសព័ត៌មានដដែលនេះ ភាគីទាំង ២ បានបង្ហាញជំនឿជឿជាក់ «យ៉ាងមុតមាំ» ថា កិច្ចសហប្រតិបត្តិការល្អប្រសើរ ក្នុងកម្មវិធីកំណែទម្រង់រដ្ឋបាលសាធារណៈនឹងបន្តរួមចំណែកបន្ថែមទៀតដល់ការលើកកម្ពស់ទំនាក់ទំនង និងកិច្ចសហប្រតិបត្តិការដែលមានប្រយោជន៍ទាំងសងខាងសម្រាប់រដ្ឋាភិបាល និងប្រជាជននៃប្រទេសទាំង ២៕
PhnomPenhpost/Thmeythmey
មតិពីមិត្តអ្នកអាន