នាថ្ងៃទី២៨ ខែសីហា យោងតាមការប្រកាសជាផ្លូវការបស់ក្រុមអាជ្ញាកណ្តាល ក្រុមកងទ័ពជើងទឹកប្រជាជនវៀតណាមបានយកឈ្នះមេដាយប្រាក់នៅវិញ្ញាសា ពានសមុទ្រ នៃការប្រកួត Army Games 2021 ពោលគឺនៅក្រោយក្រុមកងទ័ពជើងទឹកសហព័ន្ធរុស្ស៊ី និងនាំមុខក្រុមកងទ័ពជើងទឹកចិន។
 ក្រុមកងទ័ពប្រជាជនវៀតណាមឈរនៅលំដាប់ទី ៨ ក្រោយការប្រកួតរយៈពេល ៣ ថ្ងៃ |
 ម្ហូបអាហារវៀតណាមនឹងត្រូវបានបង្ហាញនៅពិព័រណ៌តាំងបង្ហាញម្ហូបអាហារ Army Games ២០២១ |
 |
| លោក Trinh Xuan Tung មេបញ្ជាការរងនៃតំបន់កងទ័ពជើងទឹកលេខ៤ ប្រធានគណៈប្រតិភូ និងជាមេបញ្ជាការនាវាលេខ ០១៦-Quang Trung អបអរសាទរក្រុមជម្រើសវៀតណាមដែលចូលរួមការប្រកួតបាញ់កាំភ្លើងធំ AK 176 និងការប្រកួតបាញ់មីនអណ្តែត។ (រូបថត៖ qdnd) |
ទន្ទឹមនឹងនោះ លោកអនុសេនីយ៍ឯកបំរុង Nguyen Tien Duy ប្រធានផ្នែកនាវាចរណ៍ នាវាលេខ ០១៦-Quang Trung កងពលតូចលេខ១៦២ តំបន់កងទ័ពជើងទឹកលេខ៤ ត្រូវបានជូនពានរង្វាន់ប្រធានផ្នែកនាវាចរណ៍ពូកែបំផុត។
នាថ្ងៃដដែល ក្រុមអាជ្ញាកណ្តាលក៏ប្រកាសថា ក្រុមជួយសង្គ្រោះនៃកងទ័ពជើងទឹកប្រជាជនវៀតណាមបានជាសហជ័យលាភីលេខ១ ជាមួយប្រទេសម្ចាស់ផ្ទះរុស្ស៊ីក្នុងវិញ្ញាសាប្រើប្រាស់មធ្យោបាយជួយសង្គ្រោះ។
ទន្ទឹមនឹងនោះ ក្រុមកងទ័ពជើងទឹកប្រជាជនវៀតណាមបានប្រកួតល្អនៅវិញ្ញាសាប្រកួតលើសមុទ្រ ដូចជាការប្រកួតបាញ់កាំភ្លើងធំ AK 176 ការប្រកួតបាញ់មីនអណ្តែតដោយកាំភ្លើង 14,5mm និងជំនាញនៅលើសមុទ្រ។ ក្នុងនោះ ក្រុមបានយកឈ្នះនៅការប្រកួតបាញ់កាំភ្លើងធំ AK 176 ។ល។
ពិធីបិទបញ្ចប់និងប្រគល់ពានរង្វាន់នៃការប្រកួតពានសមុទ្រនៅទីក្រុង Vladivostok សហព័ន្ធរុស្ស៊ី ត្រូវបានរៀបចំឡើងនាថ្ងៃទី២៩ ខែសីហា នៅកំពង់ផែនៃកងនាវាចម្បាំងប៉ាស៊ីហ្វិករបស់កងទ័ពជើងទឹករុស្ស៊ី៕
kh.qdnd.vn
មតិពីមិត្តអ្នកអាន