Trending now

ក្រសួងការពារប្រទេសលើកសរសើរចំពោះក្រុមកងទ័ពប្រជាជនដែលមានស្នាដៃល្អក្នុងការប្រកួតកីឡាយោធាអន្តរជាតិ (Army Games 2021)

17:48 | 15/10/2021 យោងតាមកាសែតកងទ័ពប្រជាជន

នាព្រឹកថ្ងៃទី ១៤ ខែតុលា នៅមជ្ឈមណ្ឌលហ្វឹកហ្វឺនយោធាជាតិលេខ ៤ (ហាណូយ) ក្រសួងការពារប្រទេសវៀតណាមបានរៀបចំពិធីលើកសរសើរចំពោះក្រុមកងទ័ពប្រជាជន និងកងកម្លាំងដែលចូលរួមការប្រកួតកីឡាយោធាអន្តរជាតិ (Army Games) ឆ្នាំ២០២១។

គណៈប្រតិភូកងទ័ពប្រជាជនវៀតណាមដែលចូលរួម Army Games ២០២១ បានមកដល់ប្រទេសរុស្ស៊ីហើយ គណៈប្រតិភូកងទ័ពប្រជាជនវៀតណាមដែលចូលរួម Army Games ២០២១ បានមកដល់ប្រទេសរុស្ស៊ីហើយ
Army Games ២០២១៖ ព្យាយាម និងត្រៀមខ្លួនជាមួយការប្រកួតវិញ្ញាសា Army Games ២០២១៖ ព្យាយាម និងត្រៀមខ្លួនជាមួយការប្រកួតវិញ្ញាសា "មិត្តស្មោះត្រង់"
លោកនាយឧត្តមសេនីយ៍ Phan Van Giang បានប្រគល់ប័ណ្ណសរសើរជូនអង្គភាពដែលមានស្នាដៃល្អក្នុងការប្រកួត Army Games 2021។ (រូបថត៖ qdnd)
លោកនាយឧត្តមសេនីយ៍ Phan Van Giang បានប្រគល់ប័ណ្ណសរសើរជូនអង្គភាពដែលមានស្នាដៃល្អក្នុងការប្រកួត Army Games 2021។ (រូបថត៖ qdnd)

អញ្ជើញចូលរួមពិធីមានវត្ដមានពីសំណាក់លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស​វៀតណាម រួមទាំងថ្នាក់ដឹកនាំមកពីអង្គភាពនានានៃក្រសួងការពារប្រទេសវៀតណាម និងកងកម្លាំងដែលចូលរួមការប្រកួតកីឡាយោធាអន្ដរជាតិ ២០២១។

ការប្រកួតកីឡាយោធាឆ្នាំ ២០២១ ជាការកត់សំគាល់លើកដំបូងដែលវៀតណាមធ្វើជាម្ចាស់ផ្ទះនៃការប្រកួតក្នុងវិញ្ញាសាពីរគឺខ្មាន់បាញ់ស៊ីបនិងតំបន់គ្រោះថ្នាក់។ ទោះបីការត្រៀមរៀបចំក្នុងលក្ខខ័ណ្ឌជួបការលំបាកជាច្រើនក៏ដោយ ប៉ុន្តែដោយមានការប្តេជ្ញាចិត្តខ្ពស់ គ្រប់ផ្នែកបានសហការយ៉ាងសកម្មនិងអនុវត្ដតាមកាលកំណត់ ធានាគុណភាព និងបំពេញភារកិច្ចបានយ៉ាងល្អ។

ថ្លែងនៅក្នុងពិធីនេះ លោកឧត្តមសេនីយ៍ឯក Nguyen Tan Cuong បានសង្កត់ធ្ងន់ថា Army Games 2021 និងវេទិកាបច្ចេកទេសយោធាអន្តរជាតិប្រចាំឆ្នាំដែលរៀបចំឡើងដោយសហព័ន្ធរុស្ស៊ី បានរួមចំណែកយ៉ាងសំខាន់ក្នុងការពង្រឹងទំនាក់ទំនង​សហប្រតិបត្ដិការអន្ដរជាតិ សំដៅធានាសន្តិសុខសម្រាប់ប្រទេសទាំងអស់។

លោកឧត្តមសេនីយ៍ឯក Nguyen Tan Cuong ថ្លែងនៅក្នុងពិធីលើកសរសើរ។
លោកឧត្តមសេនីយ៍ឯក Nguyen Tan Cuong ថ្លែងនៅក្នុងពិធីលើកសរសើរ។

ការចូលរួម Army Games 2021 ដ៏មានអត្ថន័យជាក់ស្ដែង និងបង្ហាញពីការទទួលខុសត្រូវ និងសមត្ថភាពរបស់កងទ័ពប្រជាជនវៀតណាមចំពោះសកម្មភាពយោធាអន្តរជាតិ ហើយជាឱកាសសម្រាប់យើងសិក្សា ដកបទពិសោធន៍ក្នុងការហ្វឹកហាត់ត្រៀមប្រយុទ្ធ និងធ្វើជាម្ចាស់នៃការប្រកួត Army Games 2021 ជាពិសេសការប្រើប្រាស់អាវុធ និងឧបករណ៍ថ្មីៗទំនើបជាច្រើនតាមរយៈនោះរួមចំណែកក្នុងការលើកកម្ពស់កិត្យានុភាពរបស់វៀតណាមនិយាយរួម និងកងទ័ពប្រជាជនវៀតណាមនិយាយដោយឡែកលើឆាកអន្តរជាតិក្នុងបរិបទដែលវៀតណាមទទួលតួនាទីជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការ​សហប្រជាជាតិអាណត្តិ ២០២០-២០២១។

តាងនាមប្រមុខក្រសួងការពារប្រទេស លោកឧត្តមសេនីយ៍ឯក Nguyen Tan Cuong បានលើកសរសើរ និងអបអរសាទរចំពោះក្រុមកងទ័ពប្រជាជន និងបុគ្គលដែលមានស្នាដៃល្អក្នុងការប្រកួត Army Games 2021។ ព្រមទាំងលោកបានលើកសរសើរដល់ស្ថាប័នមានសមត្ថកិច្ច និងថ្នាក់ដឹកនាំអង្គភាពបានដឹកនាំ និងសហការរៀបចំការហ្វឹកហាត់ ការប្រកួត និងចូលរួមការប្រកួត Army Games 2021 ប្រកបដោយជោគជ័យ រួមចំណែកលើកកម្ពស់តួនាទី និងកិត្យានុភាពរបស់កងទ័ព និងប្រទេសជាតិ៕

យោងតាមកាសែតកងទ័ពប្រជាជន

មតិពីមិត្តអ្នកអាន

ព័ត៌មានថ្មីៗ

ទីក្រុងហូជីមិញខិតខំស្ដារវិស័យទេសចរណ៍និងសេដ្ឋកិច្ចឡើងវិញ
វៀតណាមដឹកនាំកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិអំពីការដោះស្រាយបញ្ហាប្រឈមចំពោះកុមារ
សារសំខាន់ដែលលើកកម្ពស់ចំណងមិត្តភាព
អាជ្ញាធរប្រកាសពីការរៀបចំព្រឹត្តិការណ៍ «រំលឹកគុណអង្គរ» នៅពាក់កណ្ដាលខែធ្នូនេះ
សមាគមទេសចរណ៍ថាមិនទាន់ទទួលបានភ្ញៀវវ៉ាក់សាំងទេ