ម្ហូបអាហារវៀតណាមនឹងត្រូវបានបង្ហាញនៅពិព័រណ៌តាំងបង្ហាញម្ហូបអាហារ Army Games ២០២១

គណៈប្រតិភូកងទ័ពប្រជាជនវៀតណាមដែលចូលរួម Army Games ២០២១ បានមកដល់ប្រទេសរុស្ស៊ីហើយ

Army Games ២០២១៖ ព្យាយាម និងត្រៀមខ្លួនជាមួយការប្រកួតវិញ្ញាសា "មិត្តស្មោះត្រង់"

ក្រុមរបស់កងទ័ពប្រជាជនវៀតណាមចាប់ឆ្នោតបានតំបន់លេខ១០។ ចូលរួមការប្រកួតចុងភៅឆ្នាំនេះ មានក្រុមជម្រើសចំនួន៥ មកពីវៀតណាម តាហ្ស៊ីគីស្ថាន បេឡារុស្ស រុស្ស៊ី និងអ៊ូសបេគីស្ថាន។ តាមគម្រោង ក្រុមទាំងឡាយនឹងចូលរួមពិព័រណ៌តាំងបង្ហាញម្ហូបអាហារប្រពៃណីរបស់ប្រទេសខ្លួន មុនពេលពិធីបើកការប្រកួតចុងភៅនាថ្ងៃទី២៣ សីហា។

នៅក្នុងទីលានហ្វឹកហាត់ Forish នេះដែរ កីឡាករនៃក្រុមជំនួយកម្លាំងសម្រាប់ពេទ្យយោធា របស់កងទ័ពប្រជាជនវៀតណាមបានឈានចូលថ្ងៃហ្វឹកហាត់ទី២។ ឆ្នាំនេះ ការប្រកួតជំនួយកម្លាំងសម្រាប់ពេទ្យយោធាមានការចូលរួមពីក្រុមនៃរុស្សី អ៊ូសបេគីស្ថាន បេឡារុស្ស ចិន មីយ៉ាន់ម៉ា តាហ្ស៊ីគីស្ថាន ប៉ាឡេស្ទីន និងវៀតណាម។ តាមគម្រោង នាថ្ងៃទី២២ ខែសីហា ក្រុមទាំងឡាយនឹងចាប់ឆ្នោត និងអនុម័តបទប្បញ្ញត្តិចុងក្រោយនិងផែនការប្រកួត។

នៅអាល់ហ្សេរី នាថ្ងៃទី១៨ ខែសីហា ក្រុមបង្វឹកឆ្កែជំនាញបានហ្វឹកហាត់ការប្រណាំងឆ្កែ។ វិញ្ញាសា “មិត្តស្មោះត្រង់” ជាវិញ្ញាសាពិសេស ដែលឆ្កែចូលរួមចំណែកជាច្រើនក្នុងជោគជ័យរបស់ការប្រកួត។ ពីបទពិសោធន៍នៃការប្រកួតឆ្នាំមុន ក្រុមជម្រើសវៀតណាមបានពាំនាំចំណីរបស់ឆ្កែពីវៀតណាម។

នៅទីក្រុង Minsk ប្រទេសបេឡារុស្ស នាថ្ងៃទី១៨ ខែសីហា ក្រុមបញ្ជូនសារបានហ្វឹកហាត់វិញ្ញាសាជាច្រើន ដូចជា ធ្វើការទាក់ទងតាមប្រព័ន្ធអ៊ីនធឺណិត ទទួលនិងផ្សាយឧបករណ៍បញ្ជូនវិទ្យុ បាញ់សាកល្បងកាំភ្លើងរួមជាមួយក្រុមរុស្ស៊ីនិងចិន។ល៕

kh.qdnd.vn