គ.ជ.ប បានប្រកាសថា ខ្លួននឹងប្រើប្រាស់ប្រព័ន្ធព័ត៌មានវិទ្យា IT ក្នុងការបោះឆ្នោតសាកល្បងជ្រើសរើសក្រុមប្រឹក្សាឃុំសង្កាត់ ឆ្នាំ២០២១ នាថ្ងៃទី២០ ខែ មិថុនា ខាងមុខ។ ការសម្រេចដូច្នេះ ដើម្បីសម្រួលការងារបោះឆ្នោត ក្នុងបរិបទនៃបដិវត្តន៍ឧស្សាហកម្ម ៤.០ និងបរិបទនៃការរីករាលដាលនៃជំងឺកូវីដ-១៩។
 កម្ពុជាត្រៀមរួចជាស្រេចក្នុងការរៀបចំវេទិកាទេសចរណ៍អាស៊ាន ក្នុងខែមករា ឆ្នាំ ២០២២ ខាងមុខ |
 នៅថ្ងៃទី ៨ ខែមិនា ការចាក់វ៉ាក់សាំងការពារកូវីដ១៩ នឹងចាប់ផ្តើមនៅ ១៣ ខេត្ត ក្រុង |
 |
| គ.ជ.ប នឹងបោះឆ្នោតសាកល្បងឃុំសង្កាត់តាមរយៈប្រព័ន្ធព័ត៌មានវិទ្យា IT នៅថ្ងៃទី ២០ ខែ មិថុនា ខាងមុខ |
គ.ជ.ប បានប្រកាសថា ការរៀបចំការបោះឆ្នោតសាកល្បងនេះ គឺជាការវាយតម្លៃអំពីប្រសិទ្ធភាពនៃការធ្វើទំនើបកម្មដំណើរការរៀបចំការបោះឆ្នោត ក្នុងក្របខណ្ឌកំណែទម្រង់នៃការបោះឆ្នោតរបស់ គ.ជ.ប ដើម្បីបោះជំហ៊ានឆ្ពោះទៅកាន់ការបោះឆ្នោត នាពេលអនាគត ដោយប្រើប្រព័ន្ធព័ត៌មានវិទ្យា IT។
គ.ជ.ប បន្តថា ការរៀបចំការបោះឆ្នោតសាកល្បងនេះ មិនសំដៅដល់ការត្រៀមរៀបចំការបោះឆ្នោតតាមអនឡាញនោះទេ ព្រោះគ្មានប្រទេសណា ធ្វើនៅឡើយទេ លើកលែងតែប្រទេស អេស្តូនី តែ១គត់ ក្នុងពិភពលោក។
ជាមួយគ្នានេះផងដែរ គ.ជ.ប បានប្រកាសថា នឹងប្រើប្រាស់ប្រព័ន្ធព័ត៌មានវិទ្យា IT ដើម្បីត្រួតពិនិត្យ ផ្ទៀងផ្ទាត់ និងវាយតម្លៃលើប្រសិទ្ធភាពការងារសម្រាប់៖
- ការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត តាមប្រព័ន្ធឌីជីថល ឬអនឡាញ ( Online )។
- ការប្រើប្រាស់ប៊ិកគំនូសសញ្ញាគាំទ្រគណបក្សនយោបាយ គូសនៅលើសន្លឹកឆ្នោត។
- ការប្រើប្រាស់កម្មវិធីត្រួតពិនិត្យ ផ្ទៀងផ្ទាត់ និងបូកសរុបលទ្ធផលនៃការបោះឆ្នោតតាមប្រព័ន្ធអនឡាញ ( Online ) ដែលគ្របដណ្តប់លើដំណើរការសំខាន់ៗ នៅក្នុងថ្ងៃបោះឆ្នោត តាមកម្មវិធីជាប្រព័ន្ធ ដូចខាងក្រោម៖
- កម្មវិធីទទួល បញ្ចូល បញ្ជូន និងប្រកាសលទ្ធផលបឋមនៃការបោះឆ្នោត កម្មវិធីត្រួតពិនិត្យ ផ្ទៀងផ្ទាត់ និងបូកសរុបលទ្ធផលបណ្តោះអាសន្ននៃការបោះឆ្នោត កម្មវិធីត្រួតពិនិត្យ ផ្ទៀងផ្ទាត់ និងបូកសរុបលទ្ធផលផ្លូវការនៃការបោះឆ្នោត និងកម្មវិធីបែងចែកអាសនៈ និងស្រង់ឈ្មោះបេក្ខជនជាប់ឆ្នោត។
គួរបញ្ជាក់ឲ្យដឹងផងដែរថា កាលពីថ្ងៃទី២៨ ខែឧសភា គ.ជ.ប បានរៀបចំកិច្ចប្រជុំពិគ្រោះយោបល់ជាមួយភាគីពាក់ព័ន្ធ តាមប្រព័ន្ធអនឡាញ លើកទី១ ស្តីពីការបោះឆ្នោតសាកល្បងជ្រើសរើសក្រុមប្រឹក្សាឃុំសង្កាត់ ឆ្នាំ២០២១។ រាល់មតិយោបល់របស់ភាគីទាំងអស់ គឺជាធាតុចូល សម្រាប់រួមចំណែកក្នុងការកែលម្អនីតិវិធី និងការងារបច្ចេកទេសបោះឆ្នោត ដោយប្រើ IT មុននឹង គ.ជ.ប សម្រេច និងប្រកាសដាក់ឲ្យដំណើរការជាផ្លូវការក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២៕
Khmertimes/FN
មតិពីមិត្តអ្នកអាន