ស្ថានទូតកម្ពុជាប្រចាំសហរដ្ឋអាមេរិកបានបញ្ជាក់ថាខ្លួនបានត្រៀមខ្លួនរួចជាស្រេចក្នុងការធ្វើជាម្ចាស់ផ្ទះនៃវេទិកាទេសចរណ៍អាស៊ាន លើកទី ៤០ នៅទីក្រុងភ្នំពេញចាប់ពីថ្ងៃទី ១៦ ដល់ ២២ ខែមករា ឆ្នាំ ២០២២ ខណៈដែលវេទិកានេះនឹងផ្តល់នូវវេទិកាមួយដើម្បីលើកទឹកចិត្តដល់កិច្ចសហប្រតិបត្តិការរវាងរដ្ឋជាសមាជិកអាស៊ាន និងលើកកម្ពស់តំបន់នេះជាទិសដៅតែមួយ ដែលមានវប្បធម៌ មុខម្ហូប និងសហគមន៍ច្រើនប្រភេទ។
 ពិធីប្រគល់អំណោយដល់សមាគមខ្មែរ - វៀតណាម នៅខេត្តព្រៃវែងនៃព្រះរាជាណាចក្រកម្ពុជា |
 នាយករដ្ឋមន្រ្តីវៀតណាម - ឡាវ - កម្ពុជា អញ្ជើញពិភាក្សាតាមប្រព័ន្ធវីដេអូ |
 |
| សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា |
វេទិកានេះនឹងប្រារព្ធធ្វើឡើងក្រោមប្រធានបទ «អាស៊ាន៖ សហគមន៍សន្តិភាព និងវាសនាតែមួយ» (ASEAN – A Community of Peace and Shared Future) ដែលបញ្ជាក់ច្បាស់ពីការប្តេជ្ញាចិត្តរបស់ កម្ពុជាក្នុងនាមជាអ្នកចូលរួមសំខាន់នៅក្នុងប្រព័ន្ធអេកូឡូស៊ីទេសចរណ៍ក្នុងតំបន់។
វេទិកាទេសចរណ៍អាស៊ាន ឆ្នាំ២០២២ (ATF2022) មានគោលបំណងក្នុងការទាក់ទាញអ្នកចូលរួមជាង ២០០០ នាក់មកពីជាង ២៥ ប្រទេស ដែលរួមមានរដ្ឋមន្ត្រីទេសចរណ៍ មន្រ្តី អាជីវករ អ្នកទិញអន្តរជាតិ អ្នកសារព័ត៌មានបរទេស និងក្នុងស្រុក ក៏ដូចជាអ្នកទេសចរពាណិជ្ជកម្មក្នុងឧស្សាហកម្មទេសចរណ៍ផងដែរ។
កាលពីពេលកន្លងទៅ វេទិកានេះគ្រោងនឹងប្រារព្ធធ្វើចាប់ពីថ្ងៃទី ១៧ ដល់ថ្ងៃទី ២៣ ខែមករាឆ្នាំ ២០២១ នៅទីក្រុងភ្នំពេញ ប៉ុន្តែត្រូវបានពន្យារពេលដល់ដើមឆ្នាំ ២០២២ វិញដោយសារវិបត្តិសុខភាពសាកលនៃវីរុសកូវីដ១៩។
គួរបញ្ជាក់ឲ្យដឹងផងដែរថា វេទិកានេះត្រូវបានបង្កើតឡើងដំបូងក្នុងឆ្នាំ ១៩៨១ ហើយមានការចូលរួមពីគ្រប់វិស័យឧស្សាហកម្មទេសចរណ៍នៃប្រទេសជាសមាជិកអាស៊ានទាំង ១០ ដែលរួមមាន៖ ប៊្រុយណេដារូសាឡឹម កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។ ការធ្វើជាម្ចាស់ផ្ទះនៃវេទិកាត្រូវបានផ្លាស់ប្ដូរវិលជុំក្នុងចំណោមប្រទេសជាសមាជិកទាំងអស់៕
Khmertimes
មតិពីមិត្តអ្នកអាន